(مصدر) انظف بقعة على وجه الارض.

[Naif]

باجر بيبدا مؤتمر لمدة بيستمر لمدة ثلاث ايام في ابوظبي للكشف عن اللي بتكون انظف منطقة في العالم.

المكان سيتم تصميمها حتى تكون ما تحتوي على اي نوع من انواع التلوث ابدا. يقدر يسكن في المنطقة 47,500 شخص اللي بيبداون في العيش هناك في 2009.

بتستخدم المنطقة الطاقة الشمسية في تلبية حاجاتها، و بيحيط حولها جدار يحميها من الضوضاء القادمة من مطار ابوظبي القريب.

السيارات مش مسموحة في الداخل. السكان بيتنقلون بواسطة قطار كهربائي light-rail system يمكن عن طريقه الوصول الى وسط مدينة ابوظبي.

الكونسبت رهيب. باجر ان شاء الله رايح اول يوم من المؤتمر (في احد غيري بيروح؟ نتلاقى هناك..)، اتمنى اعرف المزيد عنها..

هذي بعض الاعمال الفنية للشكل العام:

 

[Xeno]

Rapture City?

P:

بتكون في الإمارات, ولا بيدورون أنظف بقعة فالعالم كله!؟

+

متى تقديم طلبات الالتحاق؟ p:

طبعا أطهر بقعة مكة, لكن نقول قصدهم التلوث وما إلى ذلك...

 

[Mario2]

ما اشوف انه يستاهل تروحله دام الواحد مش من بوظبي نفسها ولو انه بيكون له جو .. احتمال نشوف تفاصيل اكثر بالجرايد فراح يوفر علينا وايد ..

 

[Khalid-S]

جميل.. في مدن كثيرة بالعالم مثلها .. في الصين في مدينة .. في نيويورك في مباني كلها مصممه بطريقة صحية محافظة للبيئة. حتى الكراسي الي يقعدون عليها كلها ريسايكل.

جميل نشوف الامارات تبدا في هذي الخطوة في المنطقة.

 

[Naif]

ما اشوف انه يستاهل تروحله دام الواحد مش من بوظبي نفسها ولو انه بيكون له جو .. احتمال نشوف تفاصيل اكثر بالجرايد فراح يوفر علينا وايد ..

رايح مع الكلية.. ما كنت متحمس وايد في البداية صراحة. بس بعد ما قريت عنها تحمست اروح.

 

[Mario2]

دامها رحله مع ربعك فانصحك فيها صراحه .. هو ما فيه احتمال مثلا يكررونها بمدن ثانيه لو نجحت الفكره ..؟

 

[Humam]

لول روعة.. اتوقع سكان مكة و جدة لو راحوها بيجيبهم دوار لأن نسبة الأكسجين بتكون مرتفعة بشكل ما تعودوا عليه ( تصير لي في الجامعة, أحيانا غرفة التبريد المركزي الرئيسية في مبنى الكلية ألقاها مفتوحة في الليل جمب معمل الالكترونيات, ادخل فيها, احس الهواء جدا نقي لدرجة أبغى أدوخ ).

 

[king zell]

لول روعة.. اتوقع سكان مكة و جدة لو راحوها بيجيبهم دوار لأن نسبة الأكسجين بتكون مرتفعة بشكل ما تعودوا عليه

لووووول في الصميم

صحيح سمعت إن الإمارات تبي سعوديين تجنسهم

 

[Tomb raider]

صحيح سمعت إن الإمارات تبي سعوديين تجنسهم

لول البارحه شفت في التلفزيون ومكتوب في العنونا "نسبة الوافدين في الامارات 80% " :/

 

[Tomb raider]

لول نسيت اعلق صح !
الفكره وايد حلوه صراحه لول احس صعب تطبيقا ! و٢٠٠٩ ؟ لول وايد قريب !!! يبيلي اسكن هناك علشان المذاكره بدون ضوضاء !
بيتنا بروحه ضوضاء !

 

[Naif]

ما اعتقد بتخلص بالكامل في 2009. لاني على حسب ما قريت، بتستمر 10 سنوات في التطوير.

دامها رحله مع ربعك فانصحك فيها صراحه .. هو ما فيه احتمال مثلا يكررونها بمدن ثانيه لو نجحت الفكره ..؟

للاسف محد من ربعي (اللي اعرفهم) رايحين معاي باجر، باستثناء الـPSP و الـipod.

 

[مرعبوف]

الفكرة حلوة

بس انا اشوفها خساير على الفاضي وانهم يبغون العالم

يتكلم عنهم.

الله يوفقهم

 

[Golden_Sun]

روعه الفكرة! شي جميل ان نشوف تحرك اتجاة الحفاظ على البيئة، ان شاء الله اقدر ازورها لما تخلص.
وهالله هالله بالتغطية نايف، نبيك تكون مراسلنا هناك تنقل لنا شصار =)

 

[iCon]

رهيبه الفكرة .. يبالي بيت هناك ... بروح اقدم باجر هههههه

ما فيه احلى من الهدوء فيها بدون ازعاج السيارات 🙂

 

[Monster]

صراحه شي رهيب ......... الله يخلف علينا بس

 

[Snake-87]

أغلب المنطقة راح تكون للأجانب مو لسكان الدولة صدقني .. السالفة تجارية بحتة .

 

[BioMario]

بتستمر 10 سنوات في التطوير.

واااااااااااااااااااااااااااااااااو .. صح انه بيطول لكن شيء متوقع دام انه كبير + متطور و و و و و ..
بس الصراحة ما احب اعيش فيه مادري ليش -_- ..

-----------------------------------------------------------

عموماً انا مابروح رح اشوفه في الأخبار و الجرايد أحسن ..

 

[Naif]

توني راجع.. استمتعت في المعرض.

أغلب المنطقة راح تكون للأجانب مو لسكان الدولة صدقني .. السالفة تجارية بحتة .

المنطقة بتحتوي على جامعة لدراسة مصادر الطاقة البديلة اللي بيتم استخدامها لتزويد المنطقة نفسها بالطاقة.
على حسب ما فهمت مش كل الاماكن في المنطقة بتكون متاحة للزوار (مثل الجامعة)
لكن في نفس الوقت يقدر اي واحد يزور او يسكن في بعض اجزاءها.

Once completed, Masdar City will comprise a research institute, industrial development zone, an alternative energy exhibition centre and the operational headquarters of ADFEC. Its raison d' être however, will be its world-class graduate-level education centre, Masdar Institute of Science and Technology (MIST), which is partnered with major research universities in Japan, Canada, Germany, the United Kingdom and the United States.

http://www.arabianbusiness.com/508645-masdar-city

صورت كم صورة بحطها بعدين.. الحين اريد انام -_- (لمدينة مصدر و باقي الاشياء الحلوة اللي شفتها في المعرض)

 

[Lonely Heart]

^
بانتظار الصور

 

[ryo hazuki]

ياه فكره مش طبيعيه

انا محتاج كم اسبوع نقاهه في هذي المدينه

 

[Lunar Poet]

صورت كم صورة بحطها بعدين.. الحين اريد انام -_- (لمدينة مصدر و باقي الاشياء الحلوة اللي شفتها في المعرض)

لول، توني أستوعب ان اسمها نفسه "مصدر".

 

[Naif]

اسف نسيت احط الصور امس..

هذا موديل المدينة (ما قدرت اصور افضل بسبب الزحمة. المكان اللي حاطين فيه التصميم كان مميز (مكعب اسود فيه مداخل من جميع الجهات)



هذي السيارة تشتغل على بطارية، توصل سرعتها الى 300 كم في الساعة :0. موجود منها اثنتين بس في العالم (هذي وحدة منهم)


هذي السيارة تعمل ايضا ببطارية قابلة للشحن. كان مصمم السيارة موجود قعدنا نتكلم معاه شوي. يوم سالناه عن السرعة القصوى قال انهم ما جربوا يوصلون لاقصى سرعة لانها حتى الان موجود منها وحدة فقط (اللي هي هذي) لوول


هذي اعمال فنية للفنانة الاماراتية عزة القبيسي (كانت موجودة هناك، كلمتها شوي، انسانة مميزة)، مصممة من الذهب و الفضة و الاسمنت، تعكس طرق استخلاص الطاقة النظيفة. عجبني فكرة استخدامها لادوات "مش اعتيادية" في تصاميمها. ما كنت متوقع اشوف شي مثل كذا هناك بس "اسعدني" وجود مثل هذي الاشياء.

كان معكم نايف و كاميرا موبايله الزباله.

 

[Revolver]

الأكس بوكس مصدر ازعاج شوي .. المراوح قويه .. بيسمحوله ؟

المشروع بيكون اللي يسكنون فيه حقين الــ$$$