مصابة بـ H1N1 .. اي احد جا له المرض يدخل :(

[P0werX7]

السلام عليكم ورحمة الله وبركاته ..

اول شي تكفون لحد يقول انفلونزا ال... اكره الأسم اعوذ بالله :crying: جتني حرارة قبل يومين متفاوته و رحت للمستشفى وعطوني مغذي و ابرة تخفيف حرارة وتحليل للإنفلونزا لإنه اشتبه فيني .. وطلع A موجب "مادري ايش معناته بالضبط :crying:" المهم قالو انه فييك وعطوني ادوية منها للإنفلونزا تامي فلو .. للأمانه راحت مني الحرارة ومو مزعجني إلا آلالام العضلات و البطن وماني قادرة انام :crying:


اي مريض سابق او الي عنده خبرة يشاركني الله لايهينكم ..

 

[SHABASH]

الله يشفيك ويبعد امة المسلمين عن هذا المرض

خللي ثقتك بالله كبيرة وبإذن الله يروح منك المرض ذا و لا تستسلم ابدا وخليك متفائل بالحياة

بالمناسة لا تحاول تخش المنتدى كثير عشان العدوى :whistle:

 

[Adjo]

الله يشفيكي و يعافيكي أختي
ولد خالتي جاله و بسيطة إن شاء الله
بس داومي على الأدوية و إرتاحي و إن شاء الله بعد أسبوع ما تقومين إلا فيكي العافية 😡

 

[SULTAN 3]

انا بأقول اللي اعرفه وإن شاء الله انه بيفيدك,, فيه حالات كثيره عندنا بالسعودية ياللي حسو ان فيهم علامات المرض راحو للمستشفيات المعروفة وتم معالجتهم تماماً من المرض بعد ان بقو بالمستشفى في عزل لمدة اسبوع او اسبوعين ,, وبعدها عادي رجعو لممارسة حياتهم الطبيعيه..

وتحليل للإنفلونزا لإنه اشتبه فيني .. وطلع A موجب

اللي اعرفه هو في التحاليل إذا قالو لك النتيجة "موجب" فهذا يعني ان النتيجة "سالب"

و إذا قالو النتيجة "سالب" فمعناتها ان النتيجة "موجب".. ودامهم قالو لك موجب فمعناتها نتيجة الفحص حقك هو "سالب" وسالب يعني مصاب او في فحوصات المخدرات هذا يعني "مدمن" او "متعاطي" بخصوص الـ A ما اعرف عنه شيء صراحه,,

نصيحتي لك , اتصل على الرقم الخاص للإستفسار او الإبلاغ عن هالشي واعرف كل التفاصيل وبعدها روح واعمل فحص بالمستشفيات ياللي بيقولونها لك.. والله يبعد عنك وعنا كل شر إن شاء الله

 

[itachi]

الله يشافيكي وما تشوفين شر ...لا تخافين مدام صادوه من البدايه

 

[Leon]

ألف سلامة و الشر بعيد عنك ان شالله , عدد كبير جداً من الحالات تم شفائها من المرض بفضل لله , شدة وتزول بإذن لله 🙂 .

 

[Saadawii]

هي أقل خطر من الانفلونزا العادية.
الله يشفيك من عنده.

 

[Tomb raider]

لا تخافين تراها انفلونزا عاديه في النهايه ، اتذكر قرأت في الجريده ان احد الدكاتره يقول ان هذا الفايروس من ضعيف الى متوسط ، وابشرج اليوم صديقي جاي من موعد من الدكتور وكان فيه انفلونزا الخنازير ، اليوم الدكتور قاله خلاص انت صرت سليم " من ساعه مكلمني وقالي السالفه " فيعني مافي داعي للخوف كل اللي لازم تسوينه هو انك تقعدين بروحج في الغرفه " ونسي نفسج بالانترنت مثل ما سوى صديقي D: " وتستمرين عالادويه لين ما يكون عندج موعد بعده وتنتظرين النتايج .

والله يعطيج العافيه (;

 

[BioMario]

أختي Dantila الوضع بسيط إن شاء الله ..
أتذكر مرة زمااان قبل تقريباً 5 سنوات جات لي سخونه مش طبيعية لدرجة أنهم كانو يحطون حولي ثلج علشان تنزل الحرارة .. عمري مابنسى هذاك اليوم
عموماً بعدما طلعت من المستشفى عضلاتي و مفاصلي كانت تعورني 3 أيام تقريباً وما أقدر أمشي عدل ..

يعني أتوقع أنفلونزا الخنازير مب هي الوحيدة إلي تسبب الآلام .. و أهم شي أنج رحتي المستشفى بسرعة ..
مابيصير إلى الخير بسيطة .. ولا تنسين ذكر الله :happy:

 

[Zero_IYAD]

مثل ما ذكر الشباب ..
المرض مجرد flu عادي , الإنسان صاحب المناعة الطبيعية يقدر يتجاوز المرض و يكوّن مناعة ضده لأي عدوى لاحقا .
الفئة يلي نخاف عليهم من المرض هم الحوامل أو المرضى يلي عندهم أمراض مزمنة , كون مناعتهم ضعيفة أساسا .

احنا طلاب سنة 4 طب , و بدأنا ندوام في عدة مستشفيات من بداية السمستر ..
زميلتي انعدت من أحد مرضى الـH1N1 ..
دخلت العزل أسبوع و بعده طلعت سليمة معافاة .

القصد , مافي خوف ..
مجرد مرضة عادية و تمشي ان شاء الله .

Edit :

اللي اعرفه هو في التحاليل إذا قالو لك النتيجة "موجب" فهذا يعني ان النتيجة "سالب"

؟!!

 

[Flames]

المرض جاني , و اتشافيت منه الحمد لله

و اقول لك لا تخافي و تربكي نفسك لأن هذا يزيد اثر المرض عليكي , هم اعطوك ابره و مضاد و داومي عليها و بإذن الله ما بتمر اسبوعين إلا و انتي في كامل صحتك .

 

[Yaz3D]

.. وطلع A موجب "مادري ايش معناته بالضبط :crying:"

لول .. يمكن فصيلة الدم..

على فكرة ترا المرض علاجة سهل جداً, ما دام رحتي المستشفى من بدري, ما عليك خوف.. أهم شي داومي عالعلاج.. ما حطوك في العزل؟

TG news editor

لحظة, أنتي محررة؟

 

[P0werX7]

قسم بالله فيه ناس ردودها تشرح الصدر .. و الله يبعده عنكم وعن أمة محمد ،

Tomb raider

الحمدلله على سلامة صديقك، حسيته مسك أعصابه صح.. وهذا الي جالسة اسويه اشغل نفسي بأي حاجة.

Zero_IYAD

ماشاء الله شي حلوو انك فاهم بالطب بس حبيت اسئلك، اني سمعت بعد ماتخلص هالخمس ايام فيه فترة حضانة للفايروس ، صحيح او لا !!

Flames

الحمدلله على سلامتك اخوي .. اهم شي اني كنت ابغى اكلم ناس طلعو من المرض علشان ارتاح D=

DarkSayno

كثير من الناس فيهم المرض كيف تبغى يعزلونهم كلهم، يعني العزل الآن بالبيت بس .. المرض بصراحة مو بالقوة الإعلامية الي مطلعين عنها،

SULTAN 3
في فحوصات المخدرات هذا يعني "مدمن" او "متعاطي"

ابغى اعرف ايش دخل هذي المعلومة بموضوعي :fd3:

وياليت احد يفيدنا بالعلاجات الطبيعية منها العسل و شاي البابونج ..

بارك الله فيكم ..

 

[Yaz3D]

كثير من الناس فيهم المرض كيف تبغى يعزلونهم كلهم، يعني العزل الآن بالبيت بس

لول .. كيف عزل في البيت؟ أهلك بيصيرون معرضين للمرض كذا

 

[Double T]

بالنسبة للA+ ما عندي تفسير غير انه ممكن يكون فصيلت دمك

اخ سلظان ضيعنا خخخخخ .. الكلام الي تقوله مختلف تمام في اشياء ممكن تقول انها نتيجتها موجب ( يعني اثبت وجود الشي ) و بعض الفحوصات تقول عنها سالب ( يعني يكون فقد شي المفروض يكون موجود ) و الاثنين لشخص مريض .. و الكلام ذا حسب الفصح يعني مو عام .. هي معقده شوي حاولت ابسطها قدر المستطاع

و بالنسبة للاخت Dantila فما عليك اي خوف حاولي تهتمين بغسيل اليدين قبل و بعد الاكل ( و كل افراد الاسرة ) و اذا كنت تعدي الاكل في البيت الفتره هذي حتى لو حسيتي بتحسن خفيف تبعدين عنها .. غير كذا ما عليكي اي خوف

 

[P0werX7]

لا ابداً .. اهم شي اني اكون بغرفتي، واذا كان فيه كلام ضروري ألبس الكمام او يكون بيني وبينهم مسافة .. بنسبة لليدين يعني اذا مسكت شي معين في البيت فمناديل ديتول احسن حل.

 

[BioHazard]

اعتقد الـA هي القروب من قروبات امراض الانفلونزا (منها H1N1), انا اختي مشتبه فيها المرض بس وزاره الصحه مهي قادر تتابع المرضى والفحص يبيله 3 ايام عشان يأكد الاصابه بالـH1N1, صاروا يعطون اي واحد مصاب بانفلونزا A دواء H1N1 لانه نفس الدواء.

ما اعرف النظام بقطر كيف بس مو شرط يكون عندك H1N1 اذا مثل نظام السعوديه, وما تشوفين شر. 🙂

 

[P0werX7]

ايوووا نفس كلام الدكتورة بالضبط حرفياً:

اعتقد الـA هي القروب من قروبات امراض الانفلونزا (منها H1N1), انا اختي مشتبه فيها المرض بس وزاره الصحه مهي قادر تتابع المرضى والفحص يبيله 3 ايام عشان يأكد الاصابه بالـH1N1, صاروا يعطون اي واحد مصاب بانفلونزا A دواء H1N1 لانه نفس الدواء.

وحاليا انا بالسعودية، وسمعت انه وزارة الصحة ماراح تتابع احد و اي شخص مشتبه فيه يوصفون له الدوا ..

 

[Black]

ماراح ازيد على كلام الشباب ..
الله يشافيك ويعافيك اختي 🙂

 

[SULTAN 3]

للي يتسائلون عن كلامي اللي كتبته بخصوص موجب وسالب
روح لأقرب قسم لمكافحة المخدرات وقول لهم يوم انتو تحللون شخص وش بتطلع النتيجة ؟ النتيجة يا بتطلع انه غير متعاطي او متعاطي
يعني يا موجب يا سالب

انت وانا واي واحد بيحسب في هالحاله بيظن ان موجب "حسب ما حنا فاهمينها" فبيحسب معناها هو ان النتيجة إيجابية , يعني النتيجة سليم
وبنفس الوقت بيحسب ان سالب "حسب ما حنا فاهمينها" فبيظن ان معناها هو ان النتيجة سلبية , يعني غير سليم

بينما هي عندهم المتعارف عليه عندهم هو -العكس-. ما ودي اطول اكثر بالشرح لأنه اصلن كل هالكلام من باب الإفادة وقلته على اساس ان الموضوع فيه تحليل فقلت هالمعلومة لعل ولعسى تفيد إذا كانو قاصدينها مثل ما هي متعارف عليها في بعض التحاليل .. واللي عنده كلام ثاني لي بهالخصوص ياليت يقوله بصفحتي الخاصه علشان ما يتفرع الموضوع.

 

[Jonas]

الله يشفيك و ما تشوفين الا العافيه ان شاء الله
بالفعل زي ما قلتي إسم المرض صار مزعج , لدرجة انه فيه ناس صاروا يسمونه "الخنازير"!!!!

الآلام الي بالعضلات , من اعراض المرض ولا لا ؟

 

[Zero_IYAD]

سمعت بعد ماتخلص هالخمس ايام فيه فترة حضانة للفايروس ، صحيح او لا !!

أعتقد سامعة المعلومة بشكل خاطيء ..
أي فايروس - سواء H1N1 أو غيره - , لما يدخل جسم الإنسان محتاج فترة معينة "حتى تظهر أعراضه" ..
هذي الفترة اسمها فترة الحضانة "Incubation Period" .

أخ سلطان ..
ما عندي فكرة عن فحوص الإدمان ..
لكن بالنسبة للتحاليل , فراجع معلوماتك .. أعتقد كلام Double T هو الأقرب للصحة .

 

[P0werX7]

SULTAN 3

ماقصرت اخوي على التوضيح بس الي تقصده ماله دخل A موجب او موجب A هذا معناه :

اعتقد الـA هي القروب من قروبات امراض الانفلونزا (منها H1N1),

يعني فيه كذا حالات للإنفلونزا ..

J O N A S

اسمه يفشل -___- بعد ماتروح الحرارة تجي آلالام بالعضلات زي اي انفلونزا عادية ماتألم لكن مزعجة ..

Zero_IYAD

×_× الله يستر الدكتور قال خمس ايام وبس .. احسها اكثر


يعطيكم العافية ويبعد المرض عنكم .. واكتشفت الشوربة ممتازة جدا وتخفف كل الآلالام وعطتني نشاط

 

[haMod07]

H1N1 تراه مرض عادي جداً حاله حال الانفلونزا العادية بس الناس مكبرة الموضوع

 

[SHABASH]

H1N1 تراه مرض عادي جداً حاله حال الانفلونزا العادية بس الناس مكبرة الموضوع

هنا مربط الفرس ....

اذا كان الانسان مريض اي مرض كان وبدأ يقلق ويخاف منه بتلاقي جسمة ضعف وبدأ المرض يتمكن منة لكن في حالة ان الانسان قوى عزيمته وقال في نفسة ان هذا مرض عادي مثل اي مرض الجسم يقوم بمحاربة المرض تلقائيا والمناعة تقوى عند الانسان.. بالعربي يبيعها هي دنيا فانية

هذا رايي...

باستثناء الامراض اللي تحتاج تدخلات جراحية وما الى ذالك


على العموم الله يشفيكي ويشفي امة المسلمين ويبعدهم عن الامراض

 

[Suzuki Yu]

لا تخافين تراها انفلونزا عاديه في النهايه ، اتذكر قرأت في الجريده ان احد الدكاتره يقول ان هذا الفايروس من ضعيف الى متوسط ، وابشرج اليوم صديقي جاي من موعد من الدكتور وكان فيه انفلونزا الخنازير ، اليوم الدكتور قاله خلاص انت صرت سليم " من ساعه مكلمني وقالي السالفه " فيعني مافي داعي للخوف كل اللي لازم تسوينه هو انك تقعدين بروحج في الغرفه " ونسي نفسج بالانترنت مثل ما سوى صديقي D: " وتستمرين عالادويه لين ما يكون عندج موعد بعده وتنتظرين النتايج .

والله يعطيج العافيه (;

...........

ما ازيد على هذا الكلام

افتكر على بداية الموضوع هذا جاتني كل اعراض الانفلونزا وما انكر اني شكيت بالموضوع
لكني في النهاية طنشت كالعادة مكسل اروح مستشفى والحمد لله بعدها بكم يوم وانا بصحتي , ولين دحين ما اعرف ايش اللي جاني بالضبط انفلوزنزا الخنازير ولا الانفونزا الموسمية العادية :laugh::


مافيكي الا العافية ان شاء الله

 

[Upperleft]

اذكري الله و ما يجيـكِ الا العافيه ان شاءالله 🙂
و بالضبط مثل ما قالوا الاعضاء: نفسه نفس اي انفلونزا عاديه، لا تخافين و داومي على الادويه و ان شاءالله كل شي يمشّي

 

[G7Ga7]

ما تشوفين شر. بسيطة ان شاء الله.

يالله, منها ما فيه لا دوام ولا دراسة :laugh::

 

[P0werX7]

الله يخليكم كلكم .. حاليا بديت أتقبل المرض نوعا ما، وان شاء الله راح اوافيكم بأي شي جديد
+ ارجع واقول الي عنده نصايح بخصوص العلاج الطبيعي لايبخل علي، انا متابعة هذا الموضوع..

أشكركم ..

 

[Nuclear]

ان شاء الله تقومين بالسلامة اختي . عن نفسي ما اصبت فيه ولله الحمد