hits counter

مشكلة مستعصية مع الاكس بوكس حقي ... ما اعتقد في حل

Khalid-S

Khalid-S

Executive Member
رجعت جهازي معي للسعودية ... حطيته بين قراطيس واكياس عشان ما يصير شي .. لكن طلعته من الكرتون .. لقيت الهارد ديسك مو راكب كويس .. حاول اركبه لكن عيا يدخل كويس ... طلعته واشوف .. حصلت حالته كذا ..

02062007057b04e0.jpg

020620070442f4a4.jpg


هل في حل يا شباب ؟؟؟ ما اعرف اعدل الحديده الي طالعه بنفسي .. ولا ما اعرف صراحه ..
 
ودها عند لحام ..


لووول اتوقع مكان مثل مركز النسر ما يضبطها لك؟
 
let's blame microsoft.... :yuck:

مامرت علي هالحالة, بسيطة أول شي روح ورشة صيانة وإذا قالوا لك مالها حل أعتقد القطعة تتبدل إذا عندك الضمان. (لايلعبون عليك ويقولون لك مايصير)

تحرير: أوبس أنت فالسعودية... انسى لول.
 
جهازي ماخذه من السعودية عبدالله ... لكن كمل +سنة .. الضمان خلقه راح .. وماله دخل الضمان في شي مثل هذا ..

ودي اوديه للحام بس خايف النار يذوب قطع داخليه ويحذف بيانات ... والله مدري ياخي -ـ-.
 
لول هذه كيف صارت كدة ؟؟! , خالد حاول تعدلها ب (زرادية ) .. من الصور باين إنك ممكن تصلحها بدل ماتوديها لمحل وياخذ عليها فلوس على الفاضي ..
 

خالد انت تظارب ويا الهارديسك !!


بس شكلها تتعدل حاول بنسك او ودها مكان يعدلونها . وان شا الله خير


 
والله يا شباب مو مني من الطياره والاغبياء الي ينقلون الاغراض ... قهر والله ... طيب فرضاَ ما رجع الي داخل الهارد ديسك .. ايش الحلول الي عندي ؟
 
خلود .... تقدر !
جيب قطعه حديديه وادفع المنطقه (المصابه p: ) للأمام ! جرب !
 
خالد أهم شي لاتتعبث فيها... ودي القطعة لاختصاصي.
 
الله يعينك خالد

مشكلتك بتنحل ان شا الله ..


لكن الحل الثاني :

مممم اعتقد مايكروسوفت بتنزل واير مع الهارديسك بو120 جيجا عشان تنقل التخزين من بو 20 جيجا الى 120 جيجا ..

اعتقد هاذا بيكون حلك انك تشتري الهارديسك الجديده .. بس اهم شي انه الوصله تركب عدل في هالفتحه :/
 
الله يعينك خالد

طيب فرضاَ ما رجع الي داخل الهارد ديسك .. ايش الحلول الي عندي ؟
أنقر للتوسيع...
اتسوي ريكوفر حق الغيمر تاج لانه اهم شي بالهاردسك

نصيحه وده لمحل مال كمبيوتر او واحد ختصاصي يمكن يبطل لك الهاردسك ويبدل القطعه او يمكن يركب وحده جديده
 
...

اذا مرة مرة مرة ما لقيت لها حل .. فيه طريقة انك تاخذ الأشياء الي بالهارد .. هي أصلا طريقة توصل الهارد بالكمبيوتر .. وهي لازم تفك الهارد ومدري ايش وخرابيط .. بتلقاها لو تدور عليها .. يعني اذا مرة مرة .. فك الهارد .. ووصله بالكمبيوتر وانقل بياناتك .. واشتري جديد .. وفكه .. ووصله بالكمبيوتر .. ورجع بياناتك .. بكذا ما يروح عليك شي ان شاء الله
 
طريقتك يا عمر قريت عنها ... هي اخر حلولي ... الله يعين.
 
مثل ما قال عمر ..... مافي الا انك تفكها وتركب وحده جديده بعدين تعال الحديده هذي مهمة والا بس عشان تحمي القطعه اللي داخلها ... اذا ما هي مهمة انا باريي انك تفكها وتشتغل بدونها.
 
حاولت ترجعها مثل ما كانت بنفسك؟ لاني على ما اعتقد الحديدة بس موجودة لحماية البلاستيك الاسود اللي تحتها و تثبيتها..

حاول تسال هنا: http://forums.xbox-scene.com/index.php
 
خالد انقل البيانات زي ما شرح لك عمر

بعدين حاول تعدل الحديدة بنفسك زي ما شرحوا الشباب


ان ما نفع وقتها اشتر هارديسك جديد و استخدمه بدال هذا
 
خالد تقدر تصلحها عند لحام بدون مشكلة ولا فقدان داتا ولا شي.. روح سوق الذهب وشوف لك واحد جيد واشرح له بالتفصيل إيش المطلوب وخله يسويها قدامك لو ممكن. لا تعدلها بنفسك لأنك ممكن تخاطر بتخريب بورت الـHDD في الـ360.
لو مرة خايف على الداتا ممكن تسوي حركة عمر عشان تاخذ backup، لكن مو ضروري أبداً.

الحديدة مو مهمة BTW، لكن بدونها ممكن الـpins ما يثبتون على البورت عدل.
 
هههههههههههه خالد انا اقترح تجيب السنجاب حق عبد عبد الله قينكو يقرض لك هو.. لا لحام و لا خرابيط..
 
GSenius قال:
هههههههههههه خالد انا اقترح تجيب السنجاب حق عبد عبد الله قينكو يقرض لك هو.. لا لحام و لا خرابيط..
أنقر للتوسيع...
huh!!!!!!!!

surprised2.gif


تصدق خليته خلفيه للفايو حقي هههههههههههههه
 
GSenius قال:
هههههههههههه خالد انا اقترح تجيب السنجاب حق عبد عبد الله قينكو يقرض لك هو.. لا لحام و لا خرابيط..
أنقر للتوسيع...

لووووووووووووول:yuck:​
 
السلام عليكم خالد حاول تعدلها بيدك حاول تخليه شبه مستقيم انتبه ايذ كان الحديد خفيف لا تحول تعدل وبعدين حاول تسوي بي زرادية
 
طلعوا سنجابي من السالفه 😛

خالد حاول توديها لنجار ولا شيء ويواسيها لك، ما يبيلها شيء لان كلها قطعة حديده. او انك تشيلها نهائيا.

بعدين الحين الهاردديسك ينشال من جهاز البريميوم؟
 
Ginko قال:
بعدين الحين الهاردديسك ينشال من جهاز البريميوم؟
أنقر للتوسيع...
ايه تقدر تشيله بسهولة ^^
في زر اضغط عليه وخلاص 😉

ماقصروا معاك خالد ..
شنو صار معاك ؟
 
هذي مشكلت اجهزه الاكس بوكس كل يوم خربانه بشغله لو شاري البلاي ستيشن 3 كان ماخترب عليك





























اتغشمر:yuck: الخلل ماله علاقه بجوده الجهاز لكن جرب توديه محل احسن شي بدال لاتخربه سبق وان لعبت باجهزتي وخربت اشياء بدال لا اصلحها :cryy: المشكله شكلها بسيط من الي اشوفه انشالله مايكون حلها صعب
 
Mesharey قال:
ايه تقدر تشيله بسهولة ^^
في زر اضغط عليه وخلاص 😉

ماقصروا معاك خالد ..
شنو صار معاك ؟
أنقر للتوسيع...
هذي المشكله!

حاولت اكثر من مره، ما ينشال!! هل فيه زر ثاني؟
 
Ginko قال:
هذي المشكله!

حاولت اكثر من مره، ما ينشال!! هل فيه زر ثاني؟
أنقر للتوسيع...
لا هذا الوحيد، ماجربت اطلعه بنفسي صراحة، طلع غصب .. ضربة أليمة للاكس بوكس بباب السيارة طلع منها الهارديسك :yuck: ..

بالمناسبة الابتسامة اللي طلعت بالاقتباس شكلها مو ذاك الزود P:
 
عبدالله اضغط على الزر بصبعك و شيل الهارديسك من طرفه البارز فوق الاكس بوكس
 
Naif قال:
عبدالله اضغط على الزر بصبعك و شيل الهارديسك من طرفه البارز فوق الاكس بوكس
أنقر للتوسيع...
اها، ما جربت اسوي كذا. الي جربته اني اسحبه من الفتحه الي عند الزر.
 
خلود .... تقدر !
جيب قطعه حديديه وادفع المنطقه (المصابه p: ) للأمام ! جرب !
أنقر للتوسيع...

يس

استخدم البكر أو أي شي مشابه

هههههههههههه خالد انا اقترح تجيب السنجاب حق عبد عبد الله قينكو يقرض لك هو.. لا لحام و لا خرابيط..
أنقر للتوسيع...

لووووووووووووول نايس :yuck:
 
يجب تسجيل الدخول أو التسجيل كي تتمكن من الرد هنا.
عودة
أعلى