مشكلة في الصوت للابتوب hp

[fatal framer]

السلام عليكم


صارت معاي مشكلة بالصوت لازم اسوي ريستارت كذا مرة او استخدم برنامج حماية الفيروسات

وبعدين يرد الصوت مرة ثانية

انا استخدم nod32 وفي فيروسات ماقدر يحذفها

المشكلة اني مو فاهم المشكلة من وين بالضبط دورت بجوجل وطبقت الحلول كلها وما نفعت

مروحة اللابتوب اختربت معاي وصلحها لي الفني بدون ماشتري مروحة جديدة لانهم قالوا لي حتى لو حصلت بتكون تقليد مو الاصلية

معقولة مروحة اللابتوب اثرت على الصوت لاني قمت الاحظ حتى سرعة تشغيل الجهاز صارت بطيئة معاي

رجاء اخواني انصحوني بالحل علشان اراجع الفني اذا كانت المشكلة بالمروحة نفسها

 

[TrueMovie]

المشاكل اللي تسبب خراب بالصوت كثيره . يمكن يكون سوفت وير (برمجيات) او هارد وير (قطع داخلية خربانه )

متى ظهرت المشكلة بالضبط ؟ هل بعد تركيب برنامج او تحديث درايفرات او ,,,؟ لان احتمال نزلت مشغل فديو وبه اكواد سوى لك تداخل اكواد ؟
هل الصوت يختفي في السيبكر او في سماعات الاذان اللي موصل بالابتوب ؟
هل جربت اكثر من مشغل للفديوهات MPC او WINDOWS PLAYER ؟
ويمكن .... ويمكن ...
المشكلة اني ماعرف خراب الجهاز الى ان احطه بين يدي

 

[fatal framer]

لا اخوي المشكلة طلعت معاي بعد ماصلحت مروحة اللابتوب

ماتوقع انه السبب تداخل اكواد لاني مستخدم k-lite codec وتلقائيا حذف حزمة cccp

اي اكيد اكون مجربه على اكثر من برنامج اصلا مو منزل برامج وايد بس vlc و media player classic

والصوت اذا اختفى من اليوتيوب وغيره حتى سماعات الاذن يختفي الصوت منها حتى لو اوصله للتلفزيون مايطلع صوت

الحين سويت ريستارت رد الصوت مرة ثانية بس المشكلة انها تتكرر معاي بس اطفي اللابتوب

بس نبهتني لشغلة اهو طاح مني في السيارة معقولة تضرر على هالطيحة

 

[TrueMovie]

يبدو ان المشكلة عندك هاردوير , ارتفاع الحرارة في الجهاز يسبب مشكله للقطع الداخلية( Motherboard ), وإذا بردت تشتغل زين.
وبما انك قلت انه المروحه عندك فيها مشكلة فاعتقد الحرارة هي السبب.

تبغى حاجه مضمونه تعرف ان الخراب في القطع الداخلية في الجهاز , تسوي فورمات للجهاز .( انقل ملفاتك لل D )
اذا سويت فورمات لاتنزل اي برامج ولا دريفرات , فقط سويت update للوندز والوندز رايح يحمل الدريفرات تلقائيا.
ولا حتى تنزل حامي فيروسات ولاهم يحزنون. انت عارف المواقع اللي تدخلها والملفات اللي تحمله .

 

[fatal framer]

ويمكن يكون السبب علشان الغرفة مو مكيفة صارلي فترة مو مبطل السنترال لانه شتا وبرد

مشكور اخوي ترو موفي ممكن ماله علاقة بتكييف الغرفة بس خطوة الفورمات صعبة علي بهالوقت لازم اتعلمها وانقل ملفاتي لهاردسك خارجي

الظاهر انه كان لازم احاول ادور مروحة جديدة للابتوبي حتى لو كانت تقليد فعلى الاقل وضعها بيكون اهون من اختفاء الصوت

على العموم ماتقصر تعبتك معاي