hits counter

مشكلة في الأنتر نت

  • بادئ الموضوع بادئ الموضوع ASWD
  • تاريخ البدء تاريخ البدء
ASWD

ASWD

True Gamer
سلام عليكم

عندي مشكلة تواجهني من نص شهر تقريبا وهي تتمحور في تقطع النت عندي بشكل مستمر وفي فترات مختلفة مرة صبح مرة ليل مرة عصر الى اخره

الماسنجر الحين شغال شوي ماتشوفه اللا مسكر لحاله شنو السبب ماتدري ..احاول افتحه مرة ثانية يقول لي تعذر تسجيل الدخول اضغط على مستكشف الاخطاء ومصلحها ماينفع

النت مثل الشي افتح Explore كل شي تمام والنت سريع واحسن مايكون شوي احاول افتحه الاقيه اما بطيئ حده ويادوب يفتح google او يعطيني The page cannot be displayed

قلت يمكن من شركة الأتصالات اللي عندنا اتصلت عليهم خبرتهم بالمشكلة شافو لي خط التلفون والأنتر نت طلع كل شي تمام وشغال عندهم احسن مايكون ولا فيه اي مشكلة من صوبهم..وفوق هذ دزو لي واحد من عندهم يجي يشوف مداخل الفيش اللي بالطوف يمكن تكون السبب جا وفحص كل شي وما طلعت اي مشكلة موجودة شغل النت على موذم ثاني وشتغل تمام ولو ان مامنها فايدة هالحركة لأن التقطيع ماله اي وقت معين..قلت يمكن اذا دخلت بياناتي مرة ثانية يصير كل شي تمام وفعلا قمت ودخلت اليوزر نيم والباسوورد وسويت ستينج اجين للراوتر ومانفع...والحين موعارف من شنو بالظبط المشكلة عندي فياريت اذا كان احد عنده حل او اي شي للمشكلة هذي يفيدنا

للعلم انا استخدم راوتر speed touch

يعطيكم العافية مقدما🙂
 
ممكن يكون فايروس لانه سبق وصادفة فايروس يسوي كذا بالجهاز
 
فايروس بشنو الراوتر نفسه او الكمبيوتر؟

اذا قصدك الكمبيوتر فالمشكلة في كذا كمبيوتر غير كمبيوتري..وفوق هذ سويت فحص للكمبيوتر من فايروسات وتروجان ألخ وكمان الجهاز توه مفرمت اساسا والكمبيوترات الثانية مثل الشي

..اما اذا قصدك الراوتر الله اعلم ماعندي علم سابقا انه ممكن يدخل فيه فايروسات او شي من هالقبيل!!
 
بسم الله الرحمن الرحيم

كان يصير معي نفس الشي لكن فقط على الاكسبلورر ، تشغله لمدة خمس دقايق و بعدين كل المواقع بتصير page cannot be displayed و كان فايروس و قدرت أنظف جهازي منه و اشتغل بعدين تمام.

تعديل : ردينا مع بعض ، الفايروس لما ضربني أول مرة مو متذكر شو صار بالضبط بس سويت فورمات على طول يمكن وقتها ما عرفت أنه فايروس ، و بعد الفورمات رجعت دخلت الانترنت و رجع ضربني مرة ثانية و كمان سويت فورمات و رجع ضربني مرة ثالثة خخخ 😀 بعدين حكيت واحد صاحبي و سألته إذا صادفته المشكلة و قالي فيروس نزل شي برنامج حماية و امسحه و بالفعل سويت اللي قالي عليه و زبط ، فممكن يكون صار هذا الشي مع كومبيوتراتك الثانية كمان.
 
التعديل الأخير:
المشكلة سامر انه السالفة ماهي متعلقة بالأكسبلورر بل النت بشكل عام من ماسنجر واكسبلورر وكمان انا قاعد انزل العاب تشوف السرعة ماشية وفجأة كل شي يتحول الى صفر بسبب انقطاع النت
 
جا وفحص كل شي وما طلعت اي مشكلة موجودة شغل النت على موذم ثاني وشتغل تمام ولو ان مامنها فايدة هالحركة لأن التقطيع ماله اي وقت معين
أنقر للتوسيع...

من كلامك فهمت انك جربت المودم حق الفني لمده قصيره ، طيب مافكرت تستعير اي مودم وتجربه لمدة يومين الى اسبوع ... يمكن الخلل يكون من المودم او الموزع .
 
وهذ اللي افكر فيه زياد اني ادبر مودم او اي موزع ثاني واسوي TEST لمدة يومين او ثلاثة عشان اعرف ان كان الخلل من الراوتر اولا

لمصيبة عندي مودم..لكن CD الـSetup ما ادري عنه وين والمودم قديم مرة*اذا كنت تتذكر مودم ALCATEL اللي يشبه شكل اللخمة* -ــ-

وبنفس الوقت قلت بنزل موضوع علا وعسى القى احد صادته هالمشكلة بالسابق ويكون عنده حل🙂
 
امممممممم

وش موديل المودم ؟؟؟

انا اتوقع اذا كان النت يعلق ف المشكله من المودم

واحد من قرايبنا عنده مودم زي حقك بس مدري اذا كان نفس الموديل و لا لأ

في انتظار ردك

الله يفرج عليك مصيبتك
 
تبي الكلام الي يجمد على الشارب ولا الفلسفه ؟

اتوقع بتختار الكلام لول..

دي اس ال ولا داي اب؟؟..واي شركه؟
 
لووووووووووول عبدلله اكيد نبغا الكلام اللي يجمد على الشارب وش لنا بالفلسفة واهوالها😛

مكتوب على لستيكر اللي ورا الجهاز speed touch 546 *اظن هذ هو الموديل*

اتصالي: DSL 256
الشركة:Batelco *ماعندنا شركة غيرها*
 
اوكي..شوف انا يوم اني في الرياض كانت تصير لي نفس الحالات ومرات تمتد ايام على هالحاله..وكلها من الشركه نفسها ماله علاقه النت من عندك مادام ما عدلت فيه شيء..

كلمهم وقل لهم يسوون reset مثل ما اسوي انا كل مره..ويرجع ولا احلى..او تقدر دائما الحل التقليدي انك تطفيء المودم والرواتر وتشغلهم مره ثانيه..هذا حل تقليدي ودايم يصلح..

جربهم كلهم وشوف عاد وش يصير...
 
سالفة اطفي واشغل الراوتر عجزت وانا اسويها مافي فايدة

ومافهمت عليك شنو تقصد بالظبط عبدلله*ومرات تمتد ايام على هالحاله*تقصد ان النت ينقطع عنك بشكل دائم بالأيام..ولا تظل عندك مسألة التقطيع بين فترة وثانية لأيام؟

اذا كان قصدك ان النت ينقطع بشكل كلي لعدة ايام هذي ماصادتني صراحا ولا حتى ليو مين مشكلتي بس في تقطع النت بين فترة وثانية وفي اوقات مختلفة وبشكل مستمر *في اليوم يمكن5 او6 مرات تقريبا*

وكمان الراوتر مايطفي خير شر يعني اللمبات حق الـ DSL والـInternet شغالين وقت ما يكون فيه تقطع بالنت والعادة اذا فيه مشكلة من الشركة هاللمبات لازم تطفي

وبكل الاحوال اليوم ان شاء الله بدق عليهم وبخليهم يسوون اللي قلته لي واجرب حظي ونشوف🙂
 
ASWD قال:
لووووووووووول عبدلله اكيد نبغا الكلام اللي يجمد على الشارب وش لنا بالفلسفة واهوالها😛

مكتوب على لستيكر اللي ورا الجهاز speed touch 546 *اظن هذ هو الموديل*

اتصالي: DSL 256
الشركة:Batelco *ماعندنا شركة غيرها*
أنقر للتوسيع...

نفس اللي عند قريبي 😕

طيب فكره الريستارت هي جيده

بس لو تحاول تبدل مع واحد من اخوياك الجهاز لمده اسبوع و تشوف اذا المشكله تستمر و لا لأ

و عطنا الاخبار

و الله يعينك
 
بحاول ادبر لي مودم او راوتر اجربه كم يوم واشوف المشكلة من اللي عندي اولا.وبنفس الوقت بسوي اللي قالي عليه عبدالله لما اتصل بالشركة🙂
 
التعديل الأخير:
ASWD قال:
بحاول ادبر لي مودم او راوتر اجربه كم يوم واشوف المشكلة من اللي عندي اولا.وبنفس الوقت بسوي اللي قالي عليه عبدلة لما اتصل بالشركة🙂
أنقر للتوسيع...

بالتوفيق 🙂
 
ASWD قال:
سالفة اطفي واشغل الراوتر عجزت وانا اسويها مافي فايدة

ومافهمت عليك شنو تقصد بالظبط عبدلله*ومرات تمتد ايام على هالحاله*تقصد ان النت ينقطع عنك بشكل دائم بالأيام..ولا تظل عندك مسألة التقطيع بين فترة وثانية لأيام؟

اذا كان قصدك ان النت ينقطع بشكل كلي لعدة ايام هذي ماصادتني صراحا ولا حتى ليو مين مشكلتي بس في تقطع النت بين فترة وثانية وفي اوقات مختلفة وبشكل مستمر *في اليوم يمكن5 او6 مرات تقريبا*

وكمان الراوتر مايطفي خير شر يعني اللمبات حق الـ DSL والـInternet شغالين وقت ما يكون فيه تقطع بالنت والعادة اذا فيه مشكلة من الشركة هاللمبات لازم تطفي

وبكل الاحوال اليوم ان شاء الله بدق عليهم وبخليهم يسوون اللي قلته لي واجرب حظي ونشوف🙂
أنقر للتوسيع...


طبعا قصدي "تضل عندي المسأله التقطيع لفتره وثانيه لايام"...ماعمره انقطع كليا..

وصدقني ماله دخل الراوتر هذي كلها من الشركه نفسها...

وبالتوفيق..
 
سويت اللي قلت لي عليه عبدلله اتصلت بالشركة وقلت لهم بالشغلة اللي طلبت مني اسويها لكن للأسف..مارضو يقولون اول شي شوف عندك واذا ماطلعت العلة عندي بعدين بيردون يجون ويشوفون السالفة قلت لهم سوو الحين رسيت وخلنا نشوف قالو لا مايحتاج ..الله ياخها من شركة متى راح نفتك منها -ــ-

عطوني كم شغلة وقالو لي جربها واذا ماراحت المشكلة خبرنا عشان ندز لك واحد يشوف المشكلة

-اشيل كل الكمبيوترات الموصلة بالراوتر واخلي كمبيوتر واحد بس شغال عليه لانهم يقولون ممكن المشكلة من النتوورك في احد الكمبيوترات ومدري شنو من هالخرابيط اللي ما اعرف لها
-اجيب مودم او راوتر ثاني واجربه كم يوم واشوف ان كانت المشكلة موجودة اولا
-اشغل الراوتر على خط ثاني غير خط اشتراكي *قرايب او اصحاب*

وهذ انا بجرب حاجة حاجة وبشوف -ــ-

ما اقول اللا الله يعينا على شركات خدمات النت اللي في منطقتنا

لوووول خالد *persona* ماعجبتك اللا هالكلمة في كل الموضوع 😛

يعطيكم العافية شباب🙂
 
Try the tips they gave you although I doubt that they will work...good luck
 
the wind قال:
Try the tips they gave you although I doubt that they will work...good luck
أنقر للتوسيع...

مثل مايقول المثل الحق الكذاب لباب بيتهم..نجرب نصايحهم ونشوف ولو اني مو مأمل خير بس يالله ماباليد حيله -ــ-
 
يجب تسجيل الدخول أو التسجيل كي تتمكن من الرد هنا.
عودة
أعلى