مشروع جديد طموح من المعجبين لريماستر Resident Evil 2 الكلاسيكية !!

[LegendaryK]

السلام عليكم ورحمة الله وبركاته

وانا اتصفح في عمل مودات للسلسلة المحبوبة ريزدنت ايفل

طحت على هذا المود الجديد من صنع الفانز برسوم افضل واكثر واقعية
وبصراحة اللي اشوفه حبيته جدا وهذا اللي كنت اتمناه من كابكوم
انها تعمل نفس فكرة هالشغل للنسخ الكلاسيكية يعني شيء يشبه ريماستر كراش وشادو اوف كلوسس
ماشوف هالشغل يكلفهم شيء لان ببساطة الخلفيات صور ثابتة فسهل انهم يعدلو عليهم
خصوصا هالايام مع برامج الذكاء الاصطناعي ويعدلو معاه كم حاجة

طبعا هذا المود للان تحت الانشاء ماخلص لكن يبقى حاجتين مهمين اتمنى انهم يشتغلو عليهم
الحاجة الاولى انهم يعدلو مودل الشخصيات لانه المود هذا مش ملائم للاشكال الاصلية
والحاجة الثانية انهم يعدلو عروض السي جي بنفس الفكرة
يعني يحاكون نفس العرض الاصلي بالضبط لكن برسوم وجرافيكس افضل وتفاصيل اكثر

واخيرا يبقى الانميشن مع انه صعب جدا يعدلوه كمود للعبة تم اصدارها اتوقع يحتاج يشتغلو فيها برمجة كاملة من الصفر
غير الموارد والامكانيات لناس فانز صعب يسووه مثل الشركات لكن اتمنى لو يستطيعون يحسنوه بطريقة ما

انتظر يخلص هالمود على احر من الجمر واتمنى انه يفوق تطلعاتي

عموما اترككم مع بعض الصور

 

[Just Human]

متجر كيندو! ايش الروح والأتموسفير العظيمين هذول ؟!!

شغل اكثر من ممتاز.

 

[m7tram]

واو! هذا لو يتم راح يكون شي إعجازي.

 

[W.W.W]

أبيها

 

[abdullah-kh]

فانبيس ريزي فنان بالمشاريع الفاضية

 

[R E D]

نشوف بعد التعديلات أحسن طالعة Shallow الحين بشكل مرعب (&)

 

[The Praiseworthy]

أنا ما بعرف ليش كابكوم و سكوير ما يوظفون هذه الفرق الصغيره الطموحه الي بين الفترة و الثانية نشوف لهم شغل محترم طالع من القلب ( لأنهم فانز فعلا ) على كلاسيكياتهم ؟

ماراح يكلفهم كثير و بالمقابل إعادة بث الروح في كلاسيكياتهم المحبوبة و يعيدون إصدارهم على المتاجر الرقمية على كل الأجهزة بحلة عصرية رائعه.

 

[LegendaryK]

طبعا واضح من الصور انها معدلة بالذكاء الاصطناعي شفت صور اكثر ولكني انتقيت افضلها لان بعضهم فيها بعض الجهات ماتعدلت بنفس الصورة تشوف جهات وجهات لان الذكاء الاصطناعي مو بشر يفهم ايش تبغي بالضبط او كامل المطلوب منه ولكن لسة المشروع بدايته ويحتاج وقت اتوقع راح يعالجون هالاخطاء

اشوف هالشغل افضل بكثيير من مود الفانز اللي نزل hd seamless project هذا اللي المفروض يحصل من زمان مش مجرد توضيح

 

[The Praiseworthy]

طبعا واضح من الصور انها معدلة بالذكاء الاصطناعي شفت صور اكثر ولكني انتقيت افضلها لان بعضهم فيها بعض الجهات ماتعدلت بنفس الصورة تشوف جهات وجهات لان الذكاء الاصطناعي مو بشر يفهم ايش تبغي بالضبط او كامل المطلوب منه ولكن لسة المشروع بدايته ويحتاج وقت اتوقع راح يعالجون هالاخطاء

اشوف هالشغل افضل بكثيير من مود الفانز اللي نزل hd seamless project هذا اللي المفروض يحصل من زمان مش مجرد توضيح

طيب شنو إسم الفريق؟ إسم المود؟ لينك عالأقل علشان نطلع على تفاصيل أكثر بخصوص المشروع.

 

[Good Hunter]

ياليل اعتقو ام السلسلة من ريماسترات الفاندميد هذي.

 

[شيطون]

ياليل اعتقو ام السلسلة من ريماسترات الفاندميد هذي.

ياخي براحتهم
انت ايش مزعلك ؟

 

[Good Hunter]

ياخي براحتهم
انت ايش مزعلك ؟

اشغلونا كل شوي ريميك وبورت وبكاء على الاطلال توقعت يبطلون بعد الريميكات الرسمية بس لا كل شوي ريميك وبورت والمشكلة تيزر ويختفون. ويجيك حوار " اوه معقولة شغل فانز، وين كابكوم عنهم"

 

[LegendaryK]

طيب شنو إسم الفريق؟ إسم المود؟ لينك عالأقل علشان نطلع على تفاصيل أكثر بخصوص المشروع.

تفضل هذا كل شي يخصهم وباقي الصور

moddb.com/mods/resident-evil-2-cinematic-remaster-mod

Resident Evil 2 - Cinematic Remaster Mod

Get ready to take a nostalgic trip back in time with our mod, Resident Evil: Cinematic Remaster. We're transforming the classic Resident Evil game into something that looks like it jumped straight out of a '90s horror movie.

هذا مقطع فيديو ايضا

https://cdn.dbolical.com/cache/videos/mods/1/60/59265/encode720p_mp4/1939334027-121838671-143cedb4-822e-42e8-a8ef-45be6e588679.mp4

 

[ASWD]

وش السالفة اللي شفته من الفيديو مربعات ومضلعات لا غير!!

 

[Invader Zim]

اشغلونا كل شوي ريميك وبورت وبكاء على الاطلال توقعت يبطلون بعد الريميكات الرسمية بس لا كل شوي ريميك وبورت والمشكلة تيزر ويختفون. ويجيك حوار " اوه معقولة شغل فانز، وين كابكوم عنهم"

اكره كيف الرد ذا دقيق

 

[Arashi]

نشوف بعد التعديلات أحسن طالعة Shallow الحين بشكل مرعب (&)

هذا اللي لاحظته، عمل متقن بس ناشف @@

الاضاءات الباهته ماعطه جو موحش أكثر. حلو

 

[abdullah-kh]

اشغلونا كل شوي ريميك وبورت وبكاء على الاطلال توقعت يبطلون بعد الريميكات الرسمية بس لا كل شوي ريميك وبورت والمشكلة تيزر ويختفون. ويجيك حوار " اوه معقولة شغل فانز، وين كابكوم عنهم"

الجمهور ما ينلام كثير إذا الشركة الام عندها هذه العقلية لحظة من متحمس للتاسع على حساب ريميك جاي؟ لول

 

[m7tram]

تفضل هذا كل شي يخصهم وباقي الصور

moddb.com/mods/resident-evil-2-cinematic-remaster-mod

Resident Evil 2 - Cinematic Remaster Mod

Get ready to take a nostalgic trip back in time with our mod, Resident Evil: Cinematic Remaster. We're transforming the classic Resident Evil game into something that looks like it jumped straight out of a '90s horror movie.

هذا مقطع فيديو ايضا

https://cdn.dbolical.com/cache/videos/mods/1/60/59265/encode720p_mp4/1939334027-121838671-143cedb4-822e-42e8-a8ef-45be6e588679.mp4

الصور الموجوده غير عن الفيديو .. لو الصور الي انت حاطهم يضبطون اللعبه كامله جذي .. والله مستعد اني ادفع لهم على هالمود .. ياخي حيل عاجبني.

ماشاء الله على فانز ريدنت ايفل مليون مود ومود ونشيطين جدا وبعضهم حرفيا طموح وممتع.

 

[KH_m]

اشغلونا كل شوي ريميك وبورت وبكاء على الاطلال توقعت يبطلون بعد الريميكات الرسمية بس لا كل شوي ريميك وبورت والمشكلة تيزر ويختفون. ويجيك حوار " اوه معقولة شغل فانز، وين كابكوم عنهم"

التصريح ذا طريف لو تفهم أنه جلد غير مباشر كأنه يقول: واجهت صعوبة في صنع فكرة جديدة عكس شركتي الكسولة الي تسوي ريميكات لألعاب قبل ٢٠٠٥
لكن اتوقع ما كان يقصد

 

[Super Shadow]

اشغلونا كل شوي ريميك وبورت وبكاء على الاطلال توقعت يبطلون بعد الريميكات الرسمية بس لا كل شوي ريميك وبورت والمشكلة تيزر ويختفون. ويجيك حوار " اوه معقولة شغل فانز، وين كابكوم عنهم"

هذي مشكلتي الرئيسية مع مشاريع الفانز ، يا كثر ألعاب الفانز اللي الناس تحمسوا لها و آخرتها تنلغي أو تتوقف و ما تعرف شو صار على الفريق و احساسي يقولي أن ها اللعبة راح تلاقي نفس المصير

 

[LegendaryK]

الصور الموجوده غير عن الفيديو .. لو الصور الي انت حاطهم يضبطون اللعبه كامله جذي .. والله مستعد اني ادفع لهم على هالمود .. ياخي حيل عاجبني.

ماشاء الله على فانز ريدنت ايفل مليون مود ومود ونشيطين جدا وبعضهم حرفيا طموح وممتع.

لا مو غير نفسه بس انا انتقيت الصور اللي فيها فرق واضح عن اول
لان بعض الصور تحسهم ماتغيرو كثير غير ان بعضهم اجزاء منها متحسنة واجزاء نفسها في نفس الصورة
وانا شرحت فوق هالكلام واسبابه شوف الفيديو كامل ودقق وبتلاحظ ان كلامي صحيح

هذي مشكلتي الرئيسية مع مشاريع الفانز ، يا كثر ألعاب الفانز اللي الناس تحمسوا لها و آخرتها تنلغي أو تتوقف و ما تعرف شو صار على الفريق و احساسي يقولي أن ها اللعبة راح تلاقي نفس المصير

بس هذا مود تحسيني مو ريميك يعني على نفس اللعبة فقط ترفق الملفات وتتحول لكن شغلهم لسة ببدايته
وعادتا المودات تنزل ماتنلغي زي لما يكون شغل ريميك او لعبة كاملة من الفانز !!

 

[DINO CRISIS]

شغل حلو ورهيب وكل شي

لكن أشكال الشخصيات بعد التحسين كأنهم صاروا كرتونين

 

[Ria]

السويتش فرصة ضائعة للمشاريع هذي

 

[Super Shadow]

بس هذا مود تحسيني مو ريميك يعني على نفس اللعبة فقط ترفق الملفات وتتحول لكن شغلهم لسة ببدايته
وعادتا المودات تنزل ماتنلغي زي لما يكون شغل ريميك او لعبة كاملة من الفانز !!

أنا تكلمت عموما بصفة عامة عن المشاريع
أنا بنفسي شفت كثير من المشاريع تعثرت ، البعض الآخر ما تعرف لوين وصلوا و البعض الآخر الكثير منهم انلغوا و ظلت نسخة أولية منهم اللي فيهم مشاكل.
اذا كان هذا مود محسن فموفقين في انهائه و بنشوف

 

[LegendaryK]

شغل حلو ورهيب وكل شي

لكن أشكال الشخصيات بعد التحسين كأنهم صاروا كرتونين

عشان كذا قلت لازم يعدلون مودل الشخصيات لشيء مناسب عموما توهم بالبداية ننتظر ونشوف

 

[DINO CRISIS]

+

ليش كل هالفرق مركزين على رزدنت ايفل

في ألعاب ثانيه من كابكوم تستاهل تعديل

 

[LegendaryK]

+

ليش كل هالفرق مركزين على رزدنت ايفل

في ألعاب ثانيه من كابكوم تستاهل تعديل

الا في ناس تشتغل على مودات تحسين داينو كرايسس وفي اونيموشا بس ريزدنت ايفل شعبيتها اكبر لذلك اكيد راح تشوف فرق تشتغل اكثر

 

[dro]

ما اشوف الا شغل AI

 

[LegendaryK]

ما اشوف الا شغل AI

انا قابل فيه لو اهتمو بتعديله

 

[DINO CRISIS]

انا قابل فيه لو اهتمو بتعديله

شغل ال Ai
ممتاز جدا هنا