hits counter

مشاكل في النوم !!!!!!!!!!!!!!

Painkiller Q8

Painkiller Q8

True Gamer
شباب دايم اسمع عن الأرق ومشتقاته , بصراحه مادري الي فيني أرق ولا شنو !!

يعني طول اليوم اتعب وحالتي حاله هذا غير القيمز ابو 4 - 6 ساعات وعيوني تحمر .. اذا رحت الفراش اقعد اتقلب وبالي صاحي جدا !! :surprised: النوم مايعرفني خلااااص !!
سألت دكتور .. وسألني كم سوال وقال .. مافيك شي اطلع برا :sarcastic:

والغريب جدا .. اكون قاعد اشوف فلم .. ويحوشني نعاس قوي لدرجه يطيح راسي .. من اقوم اروح انام .. بكل بساطه "يطير النوم"

احيانا ساعتين إلى 3 .. عيوني @__@

فيه حل مني مناك ؟ هل فيه حبوب منوم بدون اعراض؟
 
هطي نفس حالتي اللي خلتني اغيب عن المدرسة قرابة ال 60 يوم 🙁 بثالث ثنوي بس.
 
^
الطلبه تجوشهم هذي المشكله خصوصا ايام الاختبارات شيء طبيعي !!
بس انا ماني طالب ولا فيه شيء يخليني افكر لي الصبح 😡
 
ماودي افتي ولكن غالبا مشاكل النوم إما نفسيه او صحيه, يعني إما قاعد تفكر بشئ او شئ شاغلك ويخليك ماتنام او مشكلة صحية وهاذي الدكتور يكتبلك فيها على منوم او شئ

حاول مثلا انك تغير جو شوي, يعني تسافر يومين او شئ وتجرب
 
لو اني افكر بشيء او عندي مشكله كان ماتحلطمت .. والدكتور يقولي مافيك شيء !!
يعني لاهو هم ولا صحي .. هذا السبب الي خلاني افتح الموضوع .. حتى في Yahoo Answers !!

واحد يقول بدل غرفه النوم ورا تروووح ZZZZZZZzzzzzzzz .. بجرب واذا مانجح راح اجرب طريق الدراقز >.<

ملاحظه: انا اشرب 3 إلى 4 اكواب (قهوه - لاتيه - كابتشينو) 2 بالببت 2 في الدوام .. ممكن هذا السبب؟ مع اني ما اشرب بعد الساعه 6 المغرب !
يعني معقوله مفعول الكافيين يظل شغال لي 5+ ساعات؟
 
مدري عن مشكلتك " ومراح افتي " ، بس بعد عن المنومات ، لانك بكل بساطه بتدمن عليها ، او خلي اي احد يتابع اكلك للمنوم !! ( الا بوقت الحاجه طبعًا )
يعني موب تاكله و الناس ما تدري لا علم امك و ابوك وزوجتك ، خلهم يراقبونك ( ادري بتقول مني بزر وكذا ، بس لا جا وقت الادمان ما عرف طفل ولا كبير ولا مراهق ! )
الله يعينك ، طيب جرب اذكر اذكار النوم شيء ، ما تدري جرب
سلام ..
 
كنت اتابع برنامج على التلفزيون وشفتهم يتكلمون عن نفس المشكلة اللي عندك ..

باختصار قبل ما تنام حاول تبتعد عن أي شيء يحرك عقلك ويشدك (كمبيوتر, ألعاب, أفلام) لأن العقل يضل شغال تفكير ومشاريع ..
 
لا تلعب قيمز / تقعد على الكمبيوتر / تطالع التلفزيون قبل النوم

لأن هاي الشاشات تصدر اشعة معينة اضن اسمها UV تصيبك بهذه الحالة

او اذا سويت شي من الي فوق انتظر نص ساعة قبل النوم و جرب مرة ثانية​
 
ما عندي علم بالهخصوص لكن أغلب مشاكل النوم نفسية ...

جرب تتخلص من الأمور اللي تشغل تفكيرك خصوصا وقت النوم .
 
انا صعب انام .. مستحيل انجبر بوقت معين لازم انام فيه اقعد بالسرير اتقلب بالساعات لين اوصل لوضعيه انام فيها
سوالف بندول نايت وطقتها .. اذا اخذتها احس اني مخدر ومريض وعظامي توجعني ويجيني قوة بخفقان بالقلب :/

الحل الي اعمله اذا ابي اعجل بالنوم .. اشوف فلم وفيني نعاس "النعاس الخرطي الي من تنسدح بالسرير يروح لول"
المهم اول خمس دقايق يبدا التثاؤب شوي شوي العيون تدمع شوي شوي ... الدنيا تصير سودا .. the end :laugh::
 
ما راح افتي ولا اسوي الدكتور هنا راح اتكلم من واقع تجربه حصلتلي قبل ما اتكلم خلي الحبوب المنومه حلك الاخير " الوالده الله يطول بعمرها استخدمتها فتره وتعبت علشان تتركها "

أنا قبل شهرين تقريبا واجهتني مشاكل بالنوم يعني أقوم اداوم وارجع هلكان والعب إلين أموت وتجي الساعه 1 واكون نعسان وساعات اغفو دقيقه واقوم اقفل كل شي واروح انهصد على السرير لكن لاحياة لمن تنادي
مافي نوم يمين يسار فوق تحت تكفى ابغى انام اي نذل أخذ الدي إس أبدأ ألعب فيه إلين احس نفسي خلاص من يوم اقفله واحطه على جنب مافي نوم =( وإذا نمت انام ساعتين بالكثير واقوم الدوام =(
من الحلول الي إستخدمتها " كنت عازب ولحالي في البيت " انام وين الله ما حطني يعني وانا العب وانعس ومدروخ حتى ما اقفل الاكس على طول مكاني ومجربه جدا
الطريقه الثانيه هي تخاطب مع النفس يعني بكرا ورايا شي مهم ولازم انام بدري علشان ما اسحب على الدوام اروح السرير و اجهز طقوس النوم " فرش اسنانك شغل المكيف ...إلخ "
اروح انسدح طبعا الافكار تراودني يمين ويسار طبعا كل ما اروح لفكره اقطعها واقول نام يا كلب وهكذا إلين انام والطريقه نافعه معايا واستخدمها إلى الان ونافعه جدا بحيث اركز كل تفكيري إني انام
وكل ما تحوشك فكره إقطعها وقول بنام

شاهد هالفديو لما تكون نعسان كمان
[video=youtube;UTUL6kPu8Fc]http://www.youtube.com/watch?v=UTUL6kPu8Fc[/video]

ملاحظات : لاتؤمن بطرق عد الخرفان او الموسيقى تيني ني تيني ني تينيني ني ني ني تيني ني تيني ني نينينننننن نننيننيننني
كلها مجربها ولا نفعت

ترى كلها طرق من إبتكاري والحمد لله نفعت معايا وإن شاء الله تنفع و اكون افدتك وانا الان انعس وبروح انام ... وأحلام سعيده
 
Mute City قال:
اروح انسدح طبعا الافكار تراودني يمين ويسار طبعا كل ما اروح لفكره اقطعها واقول نام يا كلب وهكذا إلين انام والطريقه نافعه معايا واستخدمها إلى الان ونافعه جدا بحيث اركز كل تفكيري إني انام
وكل ما تحوشك فكره إقطعها وقول بنام

ملاحظات : لاتؤمن بطرق عد الخرفان او الموسيقى تيني ني تيني ني تينيني ني ني ني تيني ني تيني ني نينينننننن نننيننيننني
كلها مجربها ولا نفعت

ترى كلها طرق من إبتكاري والحمد لله نفعت معايا وإن شاء الله تنفع و اكون افدتك وانا الان انعس وبروح انام ... وأحلام سعيده
أنقر للتوسيع...

أحلى شي نام يا كلب - وأنتم بكرامة -

وعلى سالفة الأغنية الي تقول عنها. يمكن أنت ما تنام فيها
بس أذكر أكثر من مرة كل ما أجي أحط أخوي الصغير فالسرير - يوم كان صغير يعني قبل 7 سنين -
وكنت أشغل له ذي الأغنية أنا الي كنت أنام وهو لسا صاحي

@خالد: جرب تقرا أذكار النوم.
وقول هذا الدعاء: نامت العيون وغارت النجوم وأنت الحي القيوم
وإن شاء الله تجيك الأحلام 🙂
 
اول شي حاول تخفف القهوة وشوف شو بصير معك .
جرب بعض تمارين النوم مثل انك تنظر لضوء الغرفة لدقيقة ثم غمض عينيك ، راح تلاقي كل شي اسود وبالنص نقطة بيضاء تخفت بشكل تدريجي ، اقنع نفسك انه كل ما تخفت بتزيد رغبتك بالنوم و انك راح تنام عند اختفائها ، وان شاء الله بتنام 😎:
ايضا شوية تمارين الاسترخاء لطرد الافكار عند النوم ، شهيق عميق وزفير عميق 5-10 مرات .
 
@Mute City

والله اني اسوي نفس الشيء

اروح انسدح طبعا الافكار تراودني يمين ويسار طبعا كل ما اروح لفكره اقطعها واقول نام وهكذا إلين انام والطريقه نافعه معايا واستخدمها إلى الان ونافعه جدا بحيث اركز كل تفكيري إني انام
وكل ما تحوشك فكره إقطعها وقول بنام
أنقر للتوسيع...

كل يوم نفس الشيء يصير لي :laugh::
 
ر القيمز ابو 4 - 6 ساعات وعيوني تحمر
أنقر للتوسيع...

حاول تخفف شوي من الجيمز خصوصا بالفتره الحاليه .. كمان خفف المواد الي فيها كافاين .. زي القهوة و المشروبات الغازيه و غيرها ..

ايش تخصص الدكتور الي رحتله ؟؟
 
قريت كل كلمه قلتوها ياشباب.. بحاول أخذ من كل بستان زهره 🙂 وان شاءالله خير ... ولاتخافون أنا انسان ضد الادويه بشده حتى في المرض أحاول أتجنب المضادات... الخ

بس أزيدكم من الشعر بيت ،،، لما أنام "سبات" وكثرت كثرت حدي 7 ساعات !!! وأخوي ينام عل اقل 10 ساعات واذا نام عادي 13 ساعه بالراحه

يعني مو بس ارق، هم عندي قلت نوم والمشكله اقوم صاحي بس ابي اطلع!

الدكتور عام ، بس قالي خفف كافيين
لان انت تاخذ قهره زياده وهذا غير الكافيين الي في المشروبات والمأكولات الثانيه
بس حتى ايام بدون قهوه مانام بسرعه
 
التعديل الأخير:
^
سوي الي قلتلك عليه اليوم وعطيني النتايج
 
بس أزيدكم من الشعر بيت ،،، لما أنام "سبات" وكثرت كثرت حدي 7 ساعات !!! وأخوي ينام عل اقل 10 ساعات واذا نام عادي 13 ساعه بالراحه
أنقر للتوسيع...

لوول مشاء الله عليك لو توصل 7 ساعات اجل وضعك عادي .. الانسان البالغ يحتاج من 6-8 ساعات نوم بالليل كمعدل .. الزيادة اكثر من كذا تسبب بمشاكل صحية متعدده ,,
 
أنا تصير لي عادةً أني ما أقدر أنام بالوقت اللي أخطط إني أنام فيه، أقعد أبو ساعة أتقلب على السرير و أمسك الجوّال.
لذا الحل إني أقدم ساعة على وقتي المعتادة، مثلاً أنا بالعادة الساعه 12 أنام. فـ أخلص أشغالي قبل 11، و أحط راسي الساعه 11. و هكذا.


في دعاء الأرق هذا هو "للهم غارت النجوم وهدأت العيون وأنت حي قيوم لاتاخذك سنة ولانوم ياحي ياقيوم أهدئ ليلي وأنم عيني"
 
لاتبحث عن النووم .. خل النوم هو اللي يبحث عنك :nerd:
 
نوم 7 ساعات كافي و زيادة... زي ما قال لك الطبيب و الاعضاء قلل من الكافيين.. طبعاً بيجيك صداع بس بعد فترة بيروح

إذا ظلت المشكلة راجع الطبيب مرة ثانية، يجوز تحتاج كم سشن عند طبيب نفسي
 
انا توني شاري كتاب جديد على اسا اقراه قبل النوم ,, من اقرا صفحة او صفحتين يجيني نوم عل طول ,, جرب تقرا قبل لا تنام
 
من ناحيتي البيئة حقتي ما يصلح لها نوم ... اذا نمت بدري خسرت مقابلة الشباب بالليل... اذا نمت متاخر الفجر اصحى الظهر او بعده متكسر @_@



لكن لما ابي ازبط نومي ما عندي الا حل واحد اني اواصل من وقت ما اصحى الى عشاء اليوم الثاني واحلى نومة .. بالكثير اصحى الفجر او قبلها بكم ساعة...
واحرم نفسي من قيلولة اول يوم بعد التعديل عشان لا تقلب نومة كاملة والاقي نفسي صاحي العشاء ولا نص الليل ومافي شي اسويه -___-
 
كانت تصير لي دايم لدرجة اني احياننا اقعد 5 ساعات مسكر عيوني وما اقدر انام
ما ادري وش السبب لكن تجيني وتروح بين فتره وفتره واذكر في فترة جلست تقريبا فوق 6 شهور على هالحالة

اعتقد انها تكون بسبب القلق او الهموم
 
هنا العكس , انام 12الى 15 " بدون المنبه طبعا , ايام الدراسة انام 9 ساعات و ما تكفيني @@"

هذا الشيء يتعبني من ناحية الصلاة و الدوام 🙁
 
حاول انك تكون مستيقظ وتركز على الاستيقاظ ! مخك بيعمل عكس اليي تبيه وانشالله تقدر تنام 🙂
 
AHMAD PLUS قال:
هنا العكس , انام 12الى 15 " بدون المنبه طبعا , ايام الدراسة انام 9 ساعات و ما تكفيني @@"

هذا الشيء يتعبني من ناحية الصلاة و الدوام 🙁
أنقر للتوسيع...

انا مثلك :sadwalk:

مرة نمت الساعة 3 العصر وقعدت 6 .. كنت احسبها المغرب .. اثاري الساعة فرت وراح 15 ساعة من دون ماشعر .. -__- يقولون اللي ينام واجد طبعه بارد
 
خد حبوب منوم وقت الحاجة القصوى تفيد
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى