Old Hunter
True Gamer
السلام عليكم ورحمة الله وبركاته ،
صار لي فترة ودي اكتب موضوع عن هذا الشي ، جميعنا كبشر لنا مشاكلنا الشخصية والنفسيه والصحية ، لا يوجد بشر يخلو من ذالك ،
لان هذا هو الكمال ، ونحن كما نعلم ، لا يوجد بشر كامل ، كثير بحياتنا تواجهنا ظروف جدا صعبة ، تختلف نظرتنا كاشخاص للامور ، فكم من
امر من الممكن ان يكون صعيبا بالنسبة لك ، يكون شي بسيط بنظر الاخرين ، والسبب ؟ السبب هو تجارب الحياة .. او نظرتهم حيال الشي هذا نفسه .
وطريقة الحلول ، او كيف تتخلص من المشاعر السلبية ، ايضا تختلف من شخص لاخر ، يوجد بعض الاشخاص يقول لك انه ينام ، وبعضهم ياكل ، وبعضهم يخرج بعيدا للمارسة شي مختلف تماما . وبعضها ينجح والبعض الاخر لا ينجح .
راح اتكلم عن نفسي كبداية ، عشان اوصل الفكرة الي ابي اوضحها لكم ، للي يحب يشاركنا ، وكيف يتصرف مع مشاكل حياته ، غالبا بتطرق للمشاكل النفسي والي ترتبط غالبا بالمشاعر الصعبة ، اما المشاكل المادية والصحية ، حلولها تختلف جذريا على حسب وش سبب المشكلة نفسها .
انا عن نفسي لما امر بمزاج سئ جدا ( ايا كان السبب ) ، اول شي يصير فيني ، اتشتت بشكل فظيع .. حتى ابسط الامور ما اقدر انجزه بشكل صحيح ، وتبدء حرارة بسيطة بداخل راسي ، شبيهه بالصداع ولكنها ليست صداع .. لفترة مش بسيطة للاسف ، ونفسي تصير ماترغب شي ، تماما ترفض كل شي !
كلنا نعرف ان اللجوء لله هو الحل دائما ، وانا عارف هالشي ، لكن فيه امور ، ربما تعد طريفة للبعض هنا انا اتبعها ، وسبحان الله تنفع غالبا !
اول شي اسويه انا اني اصلي ركعتين ، وادعي ان الله يخفف الي بخاطري ، باي شكل من الاشكال ، بعدها احاول اشرب شي يهديني ، " شاي " غالبا ، او اكثر موية .. اذا حسيت لا زال مزاجي جدا سئ .. اركض ..
اي نعم .. اركض ! 😀
وللامانه وابراء الذمة ، ما اركض ركض رياضي ولا هرولة ، لا اركض بشكل عنجهي ( ركض بلا هدف ولا مضمار محدد ) افراغ طاقات سلبية بشكل ممتع ! وغالبا ما استمع للموسيقى وانا اركض عشان لا تشتتني .
الشي هذا يساعدني كبير ، وفيه خطوة اخرى احب اسويها ، اكتب الي مضايقني بورقة ، ما يكون في تابلت ولا بي سي ، لا يكون بخط يدي ، في ورقه للمجهول ، يمكن بحياتي ما عاد اشوفها ثاني ، لان غالبا .. بالنسبة لي ، اغلب الهموم الي تصب داخلي ما احب اشاركها بشر ، ( ادري هذا سبب وجود الاطباء النفسيين يشاركونك هالامور ) .
الحل الاخير ، الي ما اقدر اسويه دائما ، نظرا لتواجدي البعيد عن اهلي ، احاول اتجنبه غالبا ، لاني ما احب اؤلم انسانه غالية على قلبي ،
وهي امي ، احب اروح لها ، اريح رأسي بجانبها ، وهي تضع يداها على رأسي تمسحه بكل عطف ، وتقرا بعض الادعية ، دائما ، اذا سويت هالشي ، انام كالطفل الرضيع سبحان الله .. بس هو حل ما اسويه الا نادرا جدا .
عموما هذي تصرفاتي بوقت مشاكلي ، اذا ودكم تشاركونا ، تفضلوا .. وكل واحد يقول لنا كيف يتعامل مع مشاكله
( رسالة : الامور الي اسويها ، ماتمحي المشكلة تماما ، لكن تساعدني على النسيان فقط لا غير ! )
لأن كل غضبي بينصب على اللغز اللي قدامي بدل ماأفكر.
