الالقاء والتحدث امام مجموعة من الاشخاص مثل ما تفضل
@Veeto الاخ الفاضل ؛ مهارة مكتسبة ، كل ما تمارسها تصير افضل وتتطور
ما ادعي الخبرة ؛ لكن مريت بتجارب كثير على مدى مسيرتي الكروية P: انا بطبعي وحداني .. كنت اكره الاذاعة في المدرسة لان مثل ما تفضل
@فارس الجهني الأخ الفاضل ؛ غلطة ولا اي شي منها يعرضك للتنمر لبقية دراستك. خاصة اذا مدرستك من ابتدائية الى ثانوية. فكنت اتحاشها واكرهها.
حتى جاء وقت التخرج من الثانوية وشفت الكثير من المتحدثين المهرة من زملائي يرفضون الخروج امام اولياء الأمور .. العدد ٠! امهر المتحدثين كان هو المرشح الوحيد لذي الوظيفة وكان رافض لخلافه مع المدرسين .. التفت علي وقالي انت اطلع! انا للأمانة ما كنت ابغى .. بس حسيت الحفل بيصير فاشل لان محد راضي يلقي كلمة! وافقت باستهتار عشان احجب عامل الخوف. القرار كان بنفس يوم التخرج والاستهتار لاعب لعبه. ما اعرف ليش على كراهيتي لذا الموضوع قبلت بكل برود وخرجت للمرة الأولى خلال سنوات طويلة قدام زملائي واصدقائي واولياء امورهم ومدرسيني والادارة وبقية طلاب المدرسة - ما يقارب ٥٠٠ شخص- بدون اي استعداد قدام ،ممكن لكن لاني ما فكرت كثير ما كنت خايف. وعلى غير عادتي جيت بدري وطلعت وقلت كلمتي بدون خوف او اكتراث.
بسرعة قربت من الخاتمة و حسيت فيه شي ناقص .. اذكر الكلمة اللي كتبتها اطول من كذا وفيها مواضيع ما قلتها.. يب! جبت العيد ولخبطت الأوراق وشقحت ورقة من اصل ٣ اوراق XD حسيت بحر وقتها ما حسيت مثله بحياتي XD وقفت ثانية اشوف الورقة المفقودة .. ورفعت عيني للحضور ، وشفت ذاك الوجه اللي الى اليوم ما نسيته .. احد اولياء الامور طاعن بالسن ابيض اللحية يبتسم ابتسامة فخر! شخص ما اعرفه! عطاني امل!! صرفت الموضوع باني اتنحنح - صوت يخرجه النفر عندما يجيب العيد ويبي يطلع صوت- وقررت اني ارتجل وادخل الموضوع اللي سحبت عليه بطريقة درامية بكلام الفته بالتو واللحظة XD وزبطت الحمدلله ومحد حس اني جبت الطعة XD
بذاك الوقت استوعبت ان لما تتكلم ؛ بقدر ما يكون فيه ناس راح يسخرون منك ويتنمرون عليك فيه ناس راح يعجبها كلامك وتفتخر فيك حتى وهم ما يعرفونك
الموقف ذا علمني
١. ارتب الورق زين قبل اي كلام اقوله واتأكد مليون مرة
٢. ان مو كل الناس ضدك وفيه ناس معك
٣. اني ما اخاف في الالقاء لانه شي مو مستحيل
فاسف فورورد دخلت الجامعة واديت كل بريزنتيشن بدون خوف ، وباكثر من لغة ، قلت نكت سخيفة قدام دكاترة وعمداء وبعضهم ضحك وبعضهم قال وش يحس فيه ذا XD
بوظيفتي تكلمت مع الاف الاشخاص كجماعات او افراد على الملأ وتحت الاضواء. القيت قدام مدراء شركات ضخمة عالميا ومحليا حتى كان اخر بريزنتيشن قبل استقالتي بشهر امام coo ومدراء المناطق بشركتي عن ادارة الجودة والكايزن .. وكلو تمام التمام .. لحد ما قال الcoo انا سمعت انك تعرف تتكلم ياباني بطلاقة تكلم لنا شوية
(facepalm)
لغتي مثل ما يشهد سيفروس مفقعة XD
رجع لي موقف كلمة الخريجين لينتقم مني !! نزلت عيوني للورق وعلى وجهي ابتسامة الله يقلعك يا مديري الثرثار .. اوكيه اوكيه .. نكبة صح وما جهزت لها .. لكني تعلمت الدرس !! حسيت بالحرارة نفسها .. وارتباك من سنين ما حسيته بالبريزنتيشن .. رفعت عيوني للحضور .. واشوف ابتسامة الcoo الخبيثة .. واكيس لهم كلمات مع القواعد اللي اعرفها اللي مو موجودة بالمعجم الياباني من القرن الاول XD تأليييف يا حبيبي!! لو تدري هارا سينسي لأمرتني بالهاراكيري XD خلصت الهرجة التأليفية ووجوه الحضور مبتسمة انبهارا .. وايديهم صفقت على صفقتين عشان يقاطعهم المدير وانا متوجه لادفن نفسي بكرسيي ..
ال coo:"ترجم لنا ايش قلت"
(facepalm)
خلاص دلينا الطريق ! كيييس! قلت اني عرفت باسمي واختصرت قصتي لمعرفة اللغة .. طبعا لو سيفروس موجود بيقول باعلى صوت وهو فاطس ضحك نصااااااب XD
هو على الاقل هذا اللي كان بخاطري بس المفردات ماش XD
وتعلمت شي اهم بكثير : تبا للبريزنتيشن ، اصلا انا كنت اكره الاذاعة XD
(شي مقارب لقط 
