مشاركه عزاء !!! ...... هل جهازي مــــــاتــــ ....!!!!

[Chris Van Dam]

لا حول ولا قوة الا بالله .. رفسة بجوتي العسكريه

الله يعينك .. ومهما كان ذا ابوك

بو 87 .. الله يرجك (&)

 

[Lone Wolf]

الله الله الله جوتي محترم وانتوا بكرامة

والله يا مارس ماعرف شاقولك بس هل الوالد

كان معصب او متضايق ولا بس مب مستوعب فكرة واحد بو 20 يلعب؟

يالله الله المستعان ياخوي حاول توديه شوف اذا يتصلح و اذا ماتصلح

مالك الا Xbox360 هاردلك اخوي لكن حاول تتناقش مع ابوك. 🙂

 

[Andrew X]

هو من ناحية بيتصلح بيتصلح .. لكن المشكلة اساساً مانحلت اللي هي ابوه..اكيد بيكرر نفس الحركة اللي سواها قبل في الجهاز.. طيب مادام ان ابوك مايشوته الا اذا كان لابس جوتي فهذا معناته انه رايح لدوام..

طيب ليش ماتخبي الجهاز اذا جا رايح لدوامه ومتى ماحسيت انه راح طلعه واللعب فيه بدون مايدري..واذا كان في موعد محدد يرجع فيه البيت (وانت تعرفه )خبيه مرة ثانية والسلام!! على الأقل تحافظ على جهازك والله يكون في عونك ):

 

[mohamed]

هو من ناحية بيتصلح بيتصلح .. لكن المشكلة اساساً مانحلت اللي هي ابوه..اكيد بيكرر نفس الحركة اللي سواها قبل في الجهاز.. طيب مادام ان ابوك مايشوته الا اذا كان لابس جوتي فهذا معناته انه رايح لدوام..

طيب ليش ماتخبي الجهاز اذا جا رايح لدوامه ومتى ماحسيت انه راح طلعه واللعب فيه بدون مايدري..واذا كان في موعد محدد يرجع فيه البيت (وانت تعرفه )خبيه مرة ثانية والسلام!! على الأقل تحافظ على جهازك والله يكون في عونك ):

؟؟؟

الفكرة مستحيلة التطبيق , لأن الوالد بيعرف بيعرف عن وجود الجهاز سواءً شافه بنفسه أو قال له واحد من أهل البيت (وهو الغالب) ,, لازم يغير القناعة اللي فرأس ابوه أو ما فيه فايدة.

 

[persona]

أبوك عسكري الله يحفظه، والعساكر ما يمزحون ويبي لهم معاملة خاصة. يمكن اللي طق كبده انه يعرف السالفة اللي قلتها لنا عشان تحصل ثمن الجهاز، حنا نتفهم لأننا ممكن نسوي نفس الشي، بس هو، واللي بعمره ومن جيله، مستحيل يفهمون، ويبيلهم نوع من السياسة. يعني لما يتصلح الجهاز إن شاء الله، اقلب الأمر نكته معه ومع الأهل

هذا الكلام الصح ..
يمكن فهمها انه الفيديو قيمز مو لسنك ، يمكن تضايق بالمبلغ اللي قطيته عليه وهذي رده فعله ..
يمكن هو متضايق من قبل لا يدش البيت وفرغ فيك على طول..
مهما تعبنا مهما شقينا بتظل الفلوس وصخ دنيا ..وحتى لو شنو صار بيظل ابوك لا تاخذ\تحقد عليه من داخلك...ولو منك احتفظت بجوتيه كذكرى..
لا تعطيه على كلام الفيديو قيمز لانه فكرته بتظل مثل مااهي ، قوله هذا جهاز ترفيهي متكامل، تقدر تشوف فيه الافلام بتقنيه البلو ري واشرحله شنو البلو ري وكيف انه الDVD راح يختفي من السوق بعد جم سنه، وقوله انه هذا الجهاز تقدر تشبك فيه وتتابع اليوتيوب بشاشه كبيره(التلفزيون) وانت مرتاح بدال قعده الكرسي المزعجه على الكومبيوتر ..
لازم تكسب ثقه ابوك بنفسك، حببه بالاشياء اللي انت تحبها..لا تخبي الجهاز ولا تسوي شي من وراه ..بينقص من ثقه ابوك لك ..ويقول هذا للحين عقليه طفل..وبتزيد فكرته انه الفيديو قيمز لناس مو قد سنك ..
بس..
محد قال إنه مِنه(حوبه) اللي باعه لك قشره يعني... فوق ماباعه لك وهم متضايق انه باعه... وحاسدك انه شريته منه؟ لا تشتري منه او تطلب منه شي مره ثانيه..

 

[Futrus]

والله شي يكسر الخاطر ، بالنسبه لي ابوي يعتبرها للأطفال لكن مدام نشاط ممتع ويخليني استانس فصار ما يمانع يمكن يلمح انه لأطفال لكن ما راح يمنعني من ان العب فيديو غيمز الخ

 

[DoGnA]

وسع صدرك هذا مهما كان فهو راح يظل أبوك ....

واذا كان على البلاي ستيشن .... ان شاء الله انه بيتصلح

ولاتشيل في خاطرك شي ....

 

[Magnificent]

الله يعوضك خير ، يا رجال كلنا تشوتت أجهزتنا و تمصعت اسلاكها و تقطعت توصيلاتها على ظهورنا بعد فحاسين بوضعك ، ما تدري يمكن أبوك ما هو زعلان فقط بسبب عدم تناسب اللعب مع عمرك (حسب منطقه هو) ، في شي وده يشوفك تسويه ، الوالد مثلاً كان وده يشوفني أجري أو أمارس رياضة (اخوك إلى اليوم مصفر العداد مرة و نص ... احم) ، حاول تعرف وش هو الشي ذا و حاول ترضيه من هالناحية شوي ، و ترى رد Saadawii من ذهب

بالنسبة للجهاز نفسه لا تعتمد على كلامنا و احنا ما شفناه و لا ندري اش علته ، عطه فني يشيك عليه

 

[s3rorh]

8 ايام




8 ايام ... مروا من وقت كتابتي للموضوع والردود .. و كتابه قصه حياتي البائسه ألي تحرك المشاعر ..

و لغايه الاني ,,, ما صار ألي كنت متوقعه منكم * !!

كل ألي حصلته منكم ... تنكيت واستظراف على قفاي .... وصور وتعليقات تخدش بالحياء وتجرح الروح

الله يسامحكم ... ما دريت بأنكم قاسيين القلب


*

محتوى مخفي

بو الشباب كان حاطط بباله بأنه واحد منكم طيب وحنون ,, بيرسل له PS3 US 80Gigo .... او على الاقل تسون قطيه بينكم محترمه وتجيبون له جهاز -_-
بالمختصر .... اعضاء ترو -1

لو كاتب قصتي لحقوق الحيوان كان تعاطفوا اكثر منكم وحصلت من وراهم فايده .. يا اشرار

 

[s3rorh]

^

الرد السابق عباره عن J/K لا اكثر P: تقدر تقولون نوع من الانتقام منكم لوووول

والله ياني فقدت ضحك من الردود الرهيبه لوووووول
واسف لأنقطاعي عن المنتدى ... والسبب كنت بفتره حداد وأنعزلت عن كل شي .... لغايه ما يوصل لي خبر حاله الجهاز وشنو علته

وأمس ولله الحمد ,, رد لي خبر الفني ... والمشكله طلعت بالدرايف .... صحيح بأني ما فهمت العله صح
بس ألي فهمته بأنه البكره ألي تمسك البلوراي .. انكسرت وجم بكره على جم اسبرنغه تم تبديلهم... وانحلت المشكله
والعدسه و اخواتها اطلعوا سليمين ^^

وإن شاء الله اليوم استلم الجهاز


على كلاً ... مشكورين على وقفتكم معاي ... وعلى اظهار روح المرح فيكم .... و تحليلاتكم و على نصايحكم

وكان ودي اتكلم اعن الوضع الحالي بالمنزل .... بس قلت بلاها عوار راس <<< مستغرب اشلون كتب قصه حياته باخر رد له بهالموضوع >_> ... الظاهر كانت حالته النفسيه جداً تعبانه

Saadawii
كل مره تثبت لي بأنك فاهم الحياه ...... صح

 

[Golden_Sun]

ايوا ايوا.. طاطا بو طاطا!!!!
والجهاز وتصلح بعد شتبي D; شفت شلون هونا وتهون : )

الحمدلله على سلامة جهازك + ويلكم باك.

 

[s3rorh]

لووول شاكر لك على الرد

و شكله الموضوع دش غلط بالرفعه المغبره ... ياريت يتم إغلاقه ^^

 

[G7Ga7]

لول مبروك .. أول ما قريت ردك الأول .. انفجعت :O .. بس لول حلوة 😛

ايوا ايوا.. طاطا بو طاطا!!!!

يا الهي :laugh::

 

[s3rorh]

الله يبارك فيك جحجاح

الموضوع لسه عايش !!
لووول توقعت بأنه تم اقفال الموضوع وتشويته لأخر صفحه , شكلي لازم انطر كم يوم على ما يتم تنفيذ الطلب P:
<< يبي ينسى الموضوع + السالفه .. خير شر

بلااش واحد يرفعه P:

 

[Id]

لووول الحمدلله على سلامة الجهاز ....