مسلسل Heroes الموضوع الرسمي --

[m7tram]

Heroes

​

نوعيه المسلسل : دراما , اكشن/مغامره , خيال علمي .
بدئ العرض : September 25, 2006
عدد الحلقات المعروضه : 2 .
يوم العرض : الأثنين .
مده الحلقه : 53 دقيقه ( الاولى فقط , اما الباقي 42 دقيقه )

انا من عشاق أفلام الهيروز وأحب القدرات الخارقه والي تكون لشخص معين , بدال لا انطر كل سنه ونص او سنتين علشان ينزل فيلم هيروز ويكون حلو وبمستوى , مسلسل هيروز وفر لي هالشي وبطريقه حلوه وبقدرات ذكيه وحلوه .

شفت الحلقه الأولى , قدرو يشدوني بشكل حلو وأشياء غريبه وممتعه بنفس الوقت , انا ما راح اتكلم واقول عن القدرات الموجوده بكل شخصيه , لان المتعه انك انت تشوفها وتعرف شنو قدراتهم , مسلسل حلو وتوه بادي بس صارله حلقتين انعرضو , انصح الي يحب الخيال العلمي وسوالف الأبطال يشوفه وما راح يندم ( نايف هذا وقتك 😛 ) .

http://www.tv.com/heroes/show/17552/summary.html?q=heros&tag=search_results;title;0

 

[Naif]

لوول تصدق كنت بكتب عنه موضوع .. 🙂

شفت الحلقة الثانية في هذا الويكند ما كانت ممتازة وايد .. لكن نهايتها كانت غريبة و رائعة (و غير متوقعة شوي .. )..

القصة جيدة حتى الان (تاخذ شوية من اكس من) و فيها غموض كبير .. اتمنى يستمرون بهذا المستوى ..

نفسي اعرف شو سالفة السوبر هيروز؟ و شو دخل كسوف الشمس فيهم ؟ لان في دعايات المسلسل و مقطع البداية دايما يطلعون كسوف الشمس .. و اذكر في الحلقة الاولى كان في كسوف شمس .. فاكيد في ارتباط بينهم ؟

خسارة ما حطوا واحد عربي معاهم ><

 

[ZiZ]

شكل ما لي إلا تورنت...

بأشوفه إلى أن يصير حاله نفس حال باقي المسلسلات الأمريكية "ooooooh... drama"...

بس ما أظن أن أحد منهم يقارن بأفضل Super Hero في الوجود...

]Deadpool

 

[Khalid-S]

شفته .. ممم المسلسل جيده بدايته لكن ... مو بذاك المستوى !! لكن ينشاف.

 

[TenZen]

صراحه المسلسل جيد

من شويه شفت الحلقة الثالثة ... و كل عاده .. نهاية المسلسل تجذبك
عشان تشوف الحلقة التالية ...

 

[AMG]

ما سمعت عنه من قبل لكن شكله من النوعية الى تعجبنى

راح اشوف اول حلقة

 

[m7tram]

المسلسل عاجبني بشكل كبييييييييييير , وقصه المسلسل روعه .

في شغله ابي اعرفها :

كلهم عرفت قواهم , بس البنت الي عندها ولد شنو قدرتها ؟!! وشنو سالفتها ؟ للحين ما توضحت وماعرفت قدرتها شنو , بس بالمنظره ( المرآة )تشوف شخصيه ثانيه لها قوه ؟؟!

الأحداث حلوه , وسايلر وراه قصه كبيره , أبو الهندي عرف قوته وعلمه ومسكين توهق فيه لان سايلر فيه دوافع شريه وقام ويذبح بالعالم , بس شكله سايلر قوته حيل حيل قويه , والحين الياباني توهق , ماعنده تكمله للكوميكس يمكن يروح للمستقبل ويشتري بس اشلون ؟ لان حتى الرسام بالمستقبل ميت ونيويورك انتهت خلاص من بعد الأنفجار , الشرطي شنو صار له ؟ فجاه من بعد ما شاف الأسود طاح غشيان أو بالأصح استخدم قوته بشكل أكبر لانه سمع لأكثر من شخص وطاح ؟ , الرسام يكسر الخاطر مو عارف شنو يسوي ولازم يتعاطى علشان يرسم المستقبل وحتى لو رسم ما يعرف شنو يسوي , الهندي اعتقد هو الي راح يعرفهم واحد واحد وراح يجمعهم مع بعض , والبنت التي لا تقهر لول مسكينه موقفها لا يسحد عليه , ونهايه الحلقه تشد وتضحك بنفس الوقت لول .

بأنتظار الحلقه الرابعه 😉

 

[TenZen]

المسلسل عاجبني بشكل كبييييييييييير , وقصه المسلسل روعه .

في شغله ابي اعرفها :

كلهم عرفت قواهم , بس البنت الي عندها ولد شنو قدرتها ؟!! وشنو سالفتها ؟ للحين ما توضحت وماعرفت قدرتها شنو , بس بالمنظره ( المرآة )تشوف شخصيه ثانيه لها قوه ؟؟!

الأحداث حلوه , وسايلر وراه قصه كبيره , أبو الهندي عرف قوته وعلمه ومسكين توهق فيه لان سايلر فيه دوافع شريه وقام ويذبح بالعالم , بس شكله سايلر قوته حيل حيل قويه , والحين الياباني توهق , ماعنده تكمله للكوميكس يمكن يروح للمستقبل ويشتري بس اشلون ؟ لان حتى الرسام بالمستقبل ميت ونيويورك انتهت خلاص من بعد الأنفجار , الشرطي شنو صار له ؟ فجاه من بعد ما شاف الأسود طاح غشيان أو بالأصح استخدم قوته بشكل أكبر لانه سمع لأكثر من شخص وطاح ؟ , الرسام يكسر الخاطر مو عارف شنو يسوي ولازم يتعاطى علشان يرسم المستقبل وحتى لو رسم ما يعرف شنو يسوي , الهندي اعتقد هو الي راح يعرفهم واحد واحد وراح يجمعهم مع بعض , والبنت التي لا تقهر لول مسكينه موقفها لا يسحد عليه , ونهايه الحلقه تشد وتضحك بنفس الوقت لول .

بأنتظار الحلقه الرابعه 😉

اعتقد حسب فهمي للحدث :

البنت الي تشوف نفسها بالمراّه , تقريبا ليها شخصية اخرى موجودة في نفس المكان بس ما تقدر تشوفها الى خلال المراّة .. يعني شخصين موجودين في نفس المكان .
لو تلاحظ كلامها سابقا هي قالت انها تحس ان في احد كانه موجود ويراقبها (حسب ما افتكر)
اتوقع ان سايلر هو ابو البنت الي جسمها يشفي نفسه .
بس المسلسل صراحة روعه

 

[TenZen]

على فكرة ..

ليش كلمة Heroes بالكاليندير مكتوبه Heros !!

 

[itachi]

سمعت عن هذا المسلسل ...شكلة رهيييب ...بس إلى الآن ما شفت ولا حلقة
أتوقع هيروز ..كمسلسل بيطلع أفضل من ناحية ضخامة القصة والمدة ...من أفلام الهيروز اللي تكون محدودة القصة 🙂
أنشاء الله باشوفة

 

[TenZen]

توني شايف الحلقة الرابعة .. القصه احداثها ابتدأت تزيد و تتغير
وتاخذ شكل اخر .. الاحداث رائعة و مشوقه

وكالعاده لازم يصير شيء يشدك للحلقة الجايه ...

 

[m7tram]

واو قاعدين يربطون القصه ويوضحونها بأشياء حلوه .

الحين هيرو راح يعرف يتكلم انجليزي وكلهم راح يتجمعون مع بعض , وشكله ابو نظارات راح يطلع اهو الي يجمعهم مع بعض " اتوقع " مع انه شكله شري , والحين عرفت قدره مايكا وفهمنا اشلون ايزاك يرسم المستقبل .

صراحه هالمسلسل روعه روعه وصرت انطره اكثر من مسلسلات كنت اتابعها من قبل .

 

[JOE]

انا شفت الحلقتين الاولى ، و شايفه (جيد ) مش اكثر ...

انا اتكلم على إلي شفته طبعاً ، لكني متحمس اعرف اجوبة الاسئلة إلي في راسي في الحلقات القادمة ... خصيصاً انه طاقم العمل جيد و يؤدوا دورهم بشكل ممتاز ... و هذا إلي يهم .

 

[Ginko]

هممم فكرة اكثر من شخصيه ابطال (عدد كبير زي كذا) صارت مستهلكه لانك تتوقع الي بيصير (تاريخ كل شخصيه وكل واحد وتصرفاته) يعني مافيه شيء اوريجينال.

 

[m7tram]

احلى شي ان المسلسل صاير هيت شو بامريكا + اكثر التي في شوز مشاهده بالمواقع والسيرج مثل ياهو وغيره , يستاهل مسلسل روعه 😉 .

بس طبعا مو الكل راح يحبه لان الناس اذواق والي يحب سوالف الهيروز ما اعتقد هالمسلسل راح يخيب ضنه 🙂 .

 

[53]

المسلسل رووعه و حيل عجبني وأول أربع حلقات شي مو طبيعي صراحه ..
مشكور فيصل المسلسل نفس ما قلتلي راح يعجبك وفعلا عجبني ::

 

[ryo hazuki]

كنت منتظر شي يديد و حلو و انشالله اشوفه قريبا لاني نزلته بس مهما يكون روعه ما اضن يوصل لمستوى لوست :cryy:

 

[m7tram]

كنت منتظر شي يديد و حلو و انشالله اشوفه قريبا لاني نزلته بس مهما يكون روعه ما اضن يوصل لمستوى لوست :cryy:

المقارنات ممنوعه 😛 , المسلسلين حلوين ورهيبين جذي نرضي الطرفين :yuck: .

 

[m7tram]

الحلقه االخامسه بين فيها أشياء كثيره وحلوه , والنهايه لا تعليق دايما شي يشد ,

بس غريبه الي مترشح للكونغرس طار وكأنه متعود ومتمرس انه يطير !! يعني مو شي جديد عليه , وأخوه طلعت قدرته ان يكون مع اي شخص يصير مثله , يعني مع اخوه يطير ومع الرسام يرسم ..ألخ , كلير شنو راح يصير فيها ومنو هذا الي يبي يذبحها ؟ وزوج البنت الشقره طلع هذاك الي مع أبو كلير , يعني قاعده تصير ارتباطات عجيبه .

كالعاده لازم أقول هالجمله : مسلسل رهييييييييييييييييييب .

 

[Naif]

الحلقة الرابعة كانت ممتعة وايد

عجبني واايد هيرو يوم طلع بالسيف في النهاية وااو !!

قصة شخصية كلير وايد ممتعة ..

 

[TenZen]

صراحة الحلقات صارت تشد الواد اكثر و اكثر ... صار في اشياء الواحد ماكان يتوقعها

انتظر الحلقة السادسة على احر من الجمر ................ 🙂

 

[Golden_Sun]

شفته للحلقه الرابعه ، المسلسل حلو وحبيته.. لكن لو توقف ماراح ازعل او اتضايق.. بالنسبة لي مشاهدته وعدم مشاهدته نفس الشي.. يعني لو بصنف LOST وDH مثلاً من الفئة "الممتازة" اعتبر Heroes من اللي شفته للحين "جيد جداً - جيد" ..

فكرة المسلسل مو جديدة ومُبتكره ، يعني يا كثر سلاسل X-Men .. بس الحلو بـHeroes كثرة شخصيات ، قصة كبيرة مشتته تتطلب المتابعه لمعرفة كل تفاصيلها وكل شخصية بعالم وعوالم الشخصيات بدت تتداخل ببعض..

للي حاب يتابع المسلسل ، كل اللي اقدر اقوله اذا انت fan لافلام السوبر هيروز او الكوميكز منهم ، وحاب تشوف قصة بابطال واقعيين والاحداث بطيئه تشدك وتظل معاك فترة طويلة ، مو فلم تشوفه وبعدها انتظر 4 سنين للجزء الثاني! ..
تابعه راح تنبسط : )

في انتظار الحلقه الخامسه! للحين ما شفتها.

 

[TenZen]

الي اقدر اقوله بعد مشاهدتي للحلقة السادسه ..

اليوم شفت احد شخصيات مسلسل الانيمي Basilisk 🙂

 

[m7tram]

شفت الحلقه السادسه , في كل حلقه اشياء كثيره تنكشف وتتوضح وعرفنا قوه جم شخصيه .

 

[Bounty]

ليلحين شفت الى الحلقه الثالثه عجبني المسلسل و دخل مزاجي ... 😀

 

[m7tram]

الحلقه السابعه عاديه جدا وما كان فيها شي يذكر -_- .

 

[m7tram]

من حلقه 8 لي 11 حلقات أسطوريه , الحلقه 11 شي خيالي , آآآآآآآآه متى حلقه 12بعيييييده

22/1/2007 ما يصير بعرف شنو راح يصيرررررررررر .. حاليا مو فاضي عندي شغل لما ارجع بكتب كل شي صار من حلقه 8 لي 11 علشان نتكلم عنه ونتناقش فيه .

 

[fnh]

لول نهاية حلقه 11 تحزن

سبويلر 11 :
شكل بيتر مات بس يمكن يرجع و غير كذا سايلر طلع و صار اقوى -.- اكيد راح يلحق ورا كلير

 

[Ginko]

توني شايف الحلقه الاولى.

مع اني عايش هنا لي اكثر من سنه وكل شيء، لكن هذا اول مسلسل امريكي اتفرج عليه.

صراحه ماعليها البدايه، لكن ان شاء الله يتحسن مع الوقت لاني ملاحظ انهم مره مستعجلين بالتعريف على الابطال في اول حلقه مدري ليش.

 

[Isaac]

بأبدأ أشوفه بعد شوي ...


أقولكم رأيي بعد الحلقة الأولى