[مسعى التنين] الكشف عن دراغون كويست القادمة قريبا

[R E D]

يوم 27 من هذا الشهر راح يكون يوم الذكرى ال40 حق السلسلة، وأيضا اليوم اللي راح يكشفون فيه عن لعبة دراغون كويس القادمة بفيديو بث مباشر وأشياء ثانية، وهذا على كلام يوجي هوري صانع سلسلة دراغون كويس.





هل راح نشوف عرض جديد حق دراغون كويست XII وأخيرا؟
4 سنوات من أول عرض لها وما حصلنا شي لليوم
بس كلام يوجي هوري هني وكأنه عن جزء ثاني بنشوفه لأول مرة

 متوقع
ريميك V أو IX على أسلوب VII
وريميك VIII على أسلوب XI
والمفروض تريلر جديد حق XII.

 

[HardMind]

اتمنى ريميك لثامن لأنه للأن مأجل لعبه بسبب توقعي انه بيصدر له ريميك.

 

[MorridooM]

كفاية ريميكات ، أعطونا تريلر لديكيو ١٢

 

[abdullah-kh]

الريمكات فتحت لهم رزق لدرجة محد مهتم كيف 12 مشروع متعثر مضروب بطابوق مع تخطيط ابو كلب

 

[てぇBのتيZンجي]

ادري طلب ما رح يتحقق بس يا ريت يتركوا تصاميم دراجون بول قمة القبح. تنسد نفسي كل ما شفت شيء يخص السلسلة وطلعت ذيك التصاميم بوجهي.

 

[Ali Salah]

ماعندي مشكلة مع الريميكات إذا كانوا بجودة ريميك الجزء الخامس
اما لو كانت ريميكات متخلفة غير قابلة للعب مثل ريميكات اول ثلاث اجزاء فراح يكون احباط

 

[S30D1999]

اذا ماتم الكشف عن ١٢ هنا احتمال كبير تتكنسل.

 

[R E D]

ادري طلب ما رح يتحقق

أحسن 🙄

اذا ماتم الكشف عن ١٢ هنا احتمال كبير تتكنسل.

مصيبة إيه، معناتها ريبوت أو شي صار، صعبة تطلع صاحية

 

[The Last Lombax]

ادري طلب ما رح يتحقق بس يا ريت يتركوا تصاميم دراجون بول قمة القبح. تنسد نفسي كل ما شفت شيء يخص السلسلة وطلعت ذيك التصاميم بوجهي.

جرب حظك مع الجزء 13 ولو انه بنسبة كبيرة بيجيبوا رسام يحاكي ارت تورياما.

 

[abdullah-kh]

ادري طلب ما رح يتحقق بس يا ريت يتركوا تصاميم دراجون بول قمة القبح. تنسد نفسي كل ما شفت شيء يخص السلسلة وطلعت ذيك التصاميم بوجهي.

👆
التصاميم اللي ممكن تركب مع ملزلز يلد

 

[Lazy Gamer]

ادري طلب ما رح يتحقق بس يا ريت يتركوا تصاميم دراجون بول قمة القبح. تنسد نفسي كل ما شفت شيء يخص السلسلة وطلعت ذيك التصاميم بوجهي.

ببساطة شف لك لعبة ثانية ز ي بلو دراقون&

الصدق انا نفسك ما احب استايله لكن تصاميم الشخصيات في السلسلة حلوة تخليها تتفوق على دراقون بول برأيي، غير تصاميم الوحوش دايما حلوة ومميزة.

 

[てぇBのتيZンجي]

👆
التصاميم اللي ممكن تركب مع ملزلز يلد

هو شوف واضح أنها كانت رح تكون ذبة قوية وقاضية بس يا المنتدى ما قبل يطلعها يا أنك ما عرفت تلصق المحتوى فوق الأصبع المؤشر وطلع ردك كذا. على العموم بعطيك رياكشن معصب للإيفورت.

 

[Hornet-64]

هرمنا عشان دي كيو ١٢

 

[R E D]

👆
التصاميم اللي ممكن تركب مع ملزلز يلد

راح تحوشني جلطة إذا التصاميم صارت جذي 🥶

 

[abady-25]

سكوير ولعنة الاعلانات المبكرة مستمرة

تتوقعوا نشاهد دراجون كويست قبل كينقدوم هارتس او العكس

 

[awrans]

الشركات الآن صارت تعلن وتصدر ألعابها في غضون ثلاث-ستة شهور
ما عدا سكوير اينكس بكل صدق صارت إعلاناتها بشكل عام تجيب لي شعور بالضيق، معضلة فيرسس 13 لا زالت تعيش
في هذه الشركة رغم التطورات والتغيرات اللي طرأت عليها

 

[Invader Zim]

اذا ما اعجبك أبحث عن سلسلة ثانية

 

[retha]

سكوير ولعنة الاعلانات المبكرة مستمرة

تتوقعوا نشاهد دراجون كويست قبل كينقدوم هارتس او العكس

شوف راح أسامحهم لو يعلنون عن فف17 مبكراً إذا كان الطاقم حقها صاحي.

 

[R E D]

الشركات الآن صارت تعلن وتصدر ألعابها في غضون ثلاث-ستة شهور
ما عدا سكوير اينكس بكل صدق صارت إعلاناتها بشكل عام تجيب لي شعور بالضيق، معضلة فيرسس 13 لا زالت تعيش
في هذه الشركة رغم التطورات والتغيرات اللي طرأت عليها

أشوف هالاعلانات المبكرة حركة مقصودة و Desperate منهم علشان الفانز والمستثمرين

يعني DQXI لعبة من 2017، طاف عليها 5 سنوات وماكو أي DQ رئيسية جديدة، لازم يعلنون عن جزء جديد حتى لو توهم بأول مراحل التطوير وماكو شي واضح عندهم، هالحركة كأنها ال Limit Break يرجعون فيه عداد الثقة وال Attention والكلام عنهم قبل ما يقل ويصير برود مرة ثانية، و وقتها راح ينزلون اللعبة حتى لو ناقصة أو متغيرة.

VII Remake
KHIII و KHIV
FFXV و FFXVI
DQXII

فف XVII إذا شفت ال Reveal حقها وطلع أسطوري، مستحيل أتحمس لأني عارف بتاخذ 3 سنوات أو أكثر على ما تصدر، نفس شي مع كل الألعاب الثانية الكبيرة منهم.

 

[awrans]

أشوف هالاعلانات المبكرة حركة مقصودة و Desperate منهم علشان الفانز والمستثمرين

يعني DQXI لعبة من 2017، طاف عليها 5 سنوات وماكو أي DQ رئيسية جديدة، لازم يعلنون عن جزء جديد حتى لو توهم بأول مراحل التطوير وماكو شي واضح عندهم، هالحركة كأنها ال Limit Break يرجعون فيه عداد الثقة وال Attention والكلام عنهم قبل ما يقل ويصير برود مرة ثانية، و وقتها راح ينزلون اللعبة حتى لو ناقصة أو متغيرة.

VII Remake
KHIII و KHIV
FFXV و FFXVI
DQXII

فف XVII إذا شفت ال Reveal حقها وطلع أسطوري، مستحيل أتحمس لأني عارف بتاخذ 3 سنوات أو أكثر على ما تصدر، نفس شي مع كل الألعاب الثانية الكبيرة منهم.

فعلا سكوير من أكبر الشركات اليابانية الinvestor pleaser وكثير من عنواينهم سيستم سيلرز عموما
لكن من فترة طويلة هالنمط التسويقي صار بايخ ورخيص خصوصا منهم

 

[R E D]

هالنمط التسويقي صار بايخ ورخيص خصوصا منهم

بالضبط. بالنسبة لي ألعابهم الأخيرة ما طلعت بالمستوى ولا الطموح اللي يخليها تاخذ كل هالوقت.

 

[retha]

فعلا سكوير من أكبر الشركات اليابانية الinvestor pleaser وكثير من عنواينهم سيستم سيلرز عموما
لكن من فترة طويلة هالنمط التسويقي صار بايخ ورخيص خصوصا منهم

بس خلنا واقعيين، حتى روكستار بكبرها تسوي كذا فما نقدر نلوم زلايب مثل سكوير.

 

[R E D]

بس خلنا واقعيين، حتى روكستار بكبرها تسوي كذا فما نقدر نلوم زلايب مثل سكوير.

إيه حركة بايخة من روكستار، بس هالملاعيين بالنهاية ينزلون لعبة فوق توقعات الفانز وتخليهم ينسون كل شيء. حالتهم Special Case، بس سكوير وضعها Desperate أكثر من أي شيء مع هالاعلانات.

 

[awrans]

بالضبط. بالنسبة لي ألعابهم الأخيرة ما طلعت بالمستوى ولا الطموح اللي يخليها تاخذ كل هالوقت.

آخ بس يالخيبات الأخيرة منهم كانت ثقيلة لأبعد حد بس تبقى ألعابهم وعوالمها لها حب يتيم عندي وكل مرة أسامحهم ولا اتعلم

بس خلنا واقعيين، حتى روكستار بكبرها تسوي كذا فما نقدر نلوم زلايب مثل سكوير.

صح هالشيء نفسه صار كثير ومع عنواين محبوبة عند كثير شركات
بس سكوير مصخوها لول

 

[Ria]

الريمكات فتحت لهم رزق لدرجة محد مهتم كيف 12 مشروع متعثر مضروب بطابوق مع تخطيط ابو كلب

اوجي-سان الموضوع عن دراغون كويست مو فاينل فانتسي

 

[MH MD]

اوجي-سان الموضوع عن دراغون كويست مو فاينل فانتسي

ودراغون كويست ١٢ مشروع مضروب بطابوق مع تخطيط ابو كلب

اعلنوه في ٢٠٢١ مع احتفال الذكرى ال٣٥ والحين بيعلنوه مرة ثانية مع احتفال الذكرى ال٤٠ بعد ما نزلت ريميكات لاربع اجزاء كاملة بهالفترة 🥴

 

[Argandir]

سكوير الحالية متبعة نظام أنها تعلن عن اللعبة خلال سنة من إصدارها…فماظني ان الإعلان راح يكون عن DQ12

أتوقع انه remake لجزء قديم و الإصدار في 2027 مابين FF14 و FF7R3

 

[The Last Lombax]

سكوير الحالية متبعة نظام أنها تعلن عن اللعبة خلال سنة من إصدارها…فماظني ان الإعلان راح يكون عن DQ12

أتوقع انه remake لجزء قديم و الإصدار في 2027 مابين FF14 و FF7R3

او عادي ممكن ١٢ نفسها صارت جاهزة للكشف وتعلن بموعد اصدار خلال سنة؟ الا لو ناويين حلب لديكيو ٤/٥/٦ وريميكات لهم على غرار اول ثلاثية

 

[Lazy Gamer]

الصدق ما راح اقول لا لريميك محترم نفس DQvii اتمنى نشوف شي عن XII.

 

[HardMind]

جزء رئيسي
ريمكات
جزء رئيسي

ايش في شركات غير كابكوم مع ريزدنت ايفل وسكوير مع دراقون كويست وفاينل فانتزي متبعين هالسياسة مع سلاسهم الرئيسية؟