مساعده في شراء لابتوب !

[Tomb raider]

السلام عليكم ورحمة الله وبركاته

انا ما افهم بسوالف اللابتوب.... بس ناوي آخذ لي واحد بعد شهرين تقريبا
ومب عارف اي نوعيه ..اهم شي :

-يكون عملي وبدون مشاكل
- السعر يكون مناسب وجيد
- مواصفات جيده
- يشغل الفيستا ويكون 1 جيجا بايت
- يكون فيه كيمرا (مب مهم)

وشكرا

 

[kenshinx]

اقترح احدى الماركات التالية
توشيبا
سوني
ديل

طبعا الجهاز يفضل انه يكون [SIZE=-1]Intel Core Duo

لم تستقر على الماركة ممكن نحدد الموديل

[/SIZE]

 

[NSider]

بعد شهرين؟ لا تقرر إلا بعد 7 أسابيع. السوق يتغير كثير في شهرين. 😉

 

[Tomb raider]

Intel Core Duo

قريت عنها بس شو معناتها وفايدتها
+
سمعت ان الLG وايد عملي !

 

[Death match]

اذا انت في الكويت انتظر ارض المعارض ينزلون شغل ممتاز

 

[NSider]

صح الحين أنت في الإمارات صح؟ انتظر جايتكس دبي وبتنزل أسعار اللابتوبات والعروض الجديدة. أفضل وقت في السنة عشان تشتري لابتوب/كمبيوتر/PDA هو وقت المعرض.

 

[Mr.3B]

...

LG = أسوأ شركة الكترونيات في العالم .. حدهم مكيفات ويخب ..
نصيحة مني لا تفكر فيه

 

[kenshinx]

قريت عنها بس شو معناتها وفايدتها
+
سمعت ان الLG وايد عملي !

هذا معالج جديد افضل و اسرع و المفروض استهلاكه للطاقة اقل ..
بس intel عندها اكثر من علامة تجارية وكل علامة مخصصة لاتجاه معين
وراح تشوف هذي العلامات على ال laptop ... مثل كذا

هذا عبارة عن معالج السنترينو الجديد والمفروض انه ضعف السرعة

تقدر تقول انه البديل للبنتيم

حسب الوصف انه مصمم للملتيميديا

هذا خاص للبسنيس

اختياري راح يكون ثاني اختيار Core 2 Duo

مع احد الماركات الي ذكرتها سابقا

ممكن تاخذ سوني الجديد بال Blu-ray او توشيبا بال HD-DVD

اعتقد انك من الامارات ..لذا ممكن تنتظر معرض Gitex في 16 نوفمبر عشان تشوف
الاشكال و الانوع المختلفة في مكان واحد .
بس افضل انك تشتري من بر دبي لانه ارخص من المعرض .

 

[gray fox]

1- انتظر جيتكس ..عدالكم

2- حاليا فيه كومباك ب واحد جيجا ودو بوسيسور 15 انش ب 3400 درهم ...ممتاز جدا

3- نفس اللي فوق بس اتش بي, فيه فتحات ميموري وشكله احلى وفيه كرت انفيديا 7400 , سعره 4000 في ابن بطوطه..

4- هذي تعتبر البدائل الرخيصه جدا لافضل اداء ممكن تلقاه تقريبا

5- انا عندي لابتوب سوني مثل ذي المواصفات لكن شغلات دلع ثانيه (صغير - خفيف - بصمه ..الخ )
سعره على الأقل مثل اللي فوق لكن ×2.5 !!


6- انتظر جيتكس !

 

[NSider]

HP وكومباك بكل صراحة من أسوأ النوعيات في السوق حالياً. خرابات كثيرة. أقترح النوعيات اللي ذكرها kenshinx (بالذات توشيبا)، وأضيف لها IBM.

 

[Tomb raider]

لوووووووووول لالا بعيد عن كومابك واتش بي !!
مثل ماقال الاخ ان سايدر عنهم

أشكركم كلكم ..بنتظر جيتكس ..تقريبا افكر في حدود ال 5000 درهم او 6000 درهم ^^
مشكورين شبابا وماقصرتوا !

 

[the obscure]

تبي الصراحة
الله يخلي أبل
أنصحك بالماك بوك برو 15 أنش الصراحة الجهاز عندي وأكثر من رائع تصميم وأداء غير طبيعي
ما واجهتني إلا مشكلة وهي كرت الشاشة لكن بدلته بجهاز ثاني وما صارت فيه المشكلة
أو أنصحك بالماك بوك
وهذي نصيحتي وصدقني ما راح تندم أسأل مجرب

 

[gray fox]

لوووووووووول لالا بعيد عن كومابك واتش بي !!
مثل ماقال الاخ ان سايدر عنهم

أشكركم كلكم ..بنتظر جيتكس ..تقريبا افكر في حدود ال 5000 درهم او 6000 درهم ^^
مشكورين شبابا وماقصرتوا !

ههههه..انا صراحه اعرف ثنين عندهم hp بس ابدا ما اشتكوا منه !

وبامناسبة انا ما ذكرتهم إلا لأنهم :

- هذي تعتبر البدائل الرخيصه جدا لافضل اداء ممكن تلقاه تقريبا

 

[Sir Doyle]

تبي الصراحة
الله يخلي أبل
أنصحك بالماك بوك برو 15 أنش الصراحة الجهاز عندي وأكثر من رائع تصميم وأداء غير طبيعي
وهذي نصيحتي وصدقني ما راح تندم أسأل مجرب

نفس الكلام...... و تقدر تركب فيه الفيستا ::

.... و إذا تقدر تجي السعودية(الشرقية)، آنا مستعد آني أوريك الماك بوك برو و آنت احكم بنفسك

 

[itachi]

يكون عملي وبدون مشاكل

شوف لك أي جهاز بأي مواصفات تبيها ..غالي أو رخيص
بس هذا وجهي ....مدام ويندوز ..لازم المشاكل معاك

تبي بدون مشاكل مالك إلا الآبل
شوف لك الماكبوك أو الماكبوك برو
وإذا تبي تعرف المواصفات وويش الفرق ..أنت بس آمر ..ولا يهمك 🙂

 

[Tomb raider]

ما أظن آخذلي ماك ..اكسسواراته غاليه
والويندوز ما استخدمه وايد كل اللي ابغيه انترنت- فوتوشوب - اشوف انمي شوي - ماسنر وبس لول

.... و إذا تقدر تجي السعودية(الشرقية)، آنا مستعد آني أوريك الماك بوك برو و آنت احكم بنفسك

تسلم والله ^^ الحمد لله كل شي متوفر في دبي ^^

 

[Sir Doyle]

ما أظن آخذلي ماك ..اكسسواراته غاليه
والويندوز ما استخدمه وايد كل اللي ابغيه انترنت- فوتوشوب - اشوف انمي شوي - ماسنر وبس لول

تسلم والله ^^ الحمد لله كل شي متوفر في دبي ^^

أنا آقصد إني أوريك لابتوبي و البرامج اللي مركبنها و إمكانيات الجهاز....

ويش قصدك باكسسوارات؟؟!

 

[the obscure]

إذا الماك بوك برو عندك غالي خذ IBM هي تقريبا أفضل شركة بعد أبل

 

[Gon freeces]

H P
و بس .........

 

[Tomb raider]

looool بصدع !!
احترت اكثر !
بس لحد الحين اقول انتظر جيتكس !
ما قصرتوا شباب ^^

ويش قصدك باكسسوارات؟؟!

الماوس والكي بورد ..الخ

 

[Sir Doyle]

looool

الماوس والكي بورد ..الخ

هذه الاكسسوارات إلي تقول عنها هي نفسها حق الويندوز تركب على الماك... يعني إذا كانت إكسسوارات شركة الأبل غالي لا تاخذ من نفس الشركة... و ثاني شيء أنت بتاخذ لابتوب...وشو الأكسسوار إلي تفكر تشتريه أصلاً؟

 

[the obscure]

مثل ما قال أخوي Sir Doyle أنت بتشتري لاب توب يعني ما لك حاجه بها
نصيحتي توكل على الله وخذ ماك بوك برو للعلم هو أخذ أفصل لاب توب بـ 2006
بس أهم شي بالماك أن الرام يكون كبير1جيجا على الأقل ويفضل أكثر

 

[Sir Doyle]

مثل ما قال أخوي Sir Doyle أنت بتشتري لاب توب يعني ما لك حاجه بها
نصيحتي توكل على الله وخذ ماك بوك برو للعلم هو أخذ أفصل لاب توب بـ 2006
بس أهم شي بالماك أن الرام يكون كبير1جيجا على الأقل ويفضل أكثر

مولازم يكون الرام ١ جيجا... ٥١٢ ميغا تكفي... أنا عندي الماك ميني و الرامات إلي فيه ٥١٢ و يسوي بلاوي ....صحيح إني مركب في الماك بوك برو ١ جيجا بس إلى الآن ما احتجت هالكمية من الرامات