مساعده : الـDSL كل شوي يفصل

[m7tram]

السلام عليكم , أشتراكي 4 ميجا من كواليتي زفت , صارلي تقريبا 10 اشهر مشترك فيه وكان كل شي تمام , لكن خلال أخر شهرين تقريبا صار يصير ديسكونيكت يبط الجبد كل فتره يفصل ولازم أشلع الوايرات وارد اركبها علشان يصير تمام .

وجبت الفني من كواليتي وقالي ان خط البيت يستحمل السرعه وكل شي واصل تمام لي الراوتر لو في مشكله من الراوتر نفسه .. فبغيت اسئل في احد صارت له نفس السالفه ؟ وهل أكيد السالفه من الراوتر ؟ يعني لو شريت راوتر ثاني راح يشتغل كل شي 100% ؟؟

اذا كانت الاجابه أي فياليت لو تنصحوني براوتر قوي للوايرليس وللجوده .

ويعطيكم العافيه مقدماً .

 

[Dr.Manhattan]

أنا كان يصيرلي نفس الشيء مع آفاق(انترنت السعودية)يقطع فجأة و يرجع بعد خمس دقايق و احيانا بعد ساعة(عاد انت و حظك 😛). جربت مودمهم و مودمات مختلفة بس ما فرق شيء..بعد فترة زان النت و صار يشتغل مع اي مودم بشكل ممتاز

 

[BigSur]

إذا مودمك لينكسيس فاحتمال المشكلة تصير منه
لأنه حساس جداً لأي تشويش بالإشارة..

أنا استخدم المودم هذا كمودم رسمي.. و عندي سبيدتتش ما استخدمه
بس لما يكون فيه تقطع كثير بالمودم.. اشبك السبيدتتش و يروح التقطيع تماماً!
لكن مو دائماً طبعاً!

 

[Hironobu Sakaguchi]

والله ما مري وثقت لا بكلام فني ولا بلكلام اتصالات لما يقولوا غير المودم بالاخص لو كان لينكسس وطلب تغييره :
يعني فوق ما لينكسس قوية ومن "سيسكو" ويقولون ذه الكلام+ اعرف الف واحد عتده لينكسس ولا قطع يوم عندهم الا من خلل من الاتصالات :sarcastic:

انت اصبر قبل ما تتهور وتشتري راوتر جديد.. واذا حسيت لا مفر ..اشتري جديد

على العموم اذا كانت من ناحيتي ارشح لك اي مودم من نت جير لانهم ممتازين ..واذا كنت تبي لنكسس فانصحك تاخد هذا الوحش العالمي :confident::

LINKSYS WRT54GL Wireless-G Broadband Router

 

[Nintendo]

فيصل كنت اعاني من نفس الحالة الين سويت تحديث للراوتر من موقعه الرسمي والحمدلله انحلت المشكلة..

 

[Magnificent]

بالنسبة لنت قير ، عندي واحد ما عرفت وش الحل معاه و البنق عالي جداً جداً معاه ، اذا غيرت المودم تصير اموري تمام !

جربت افتراضيات المصنع و جربت تحديث و جربت كيبل ووايرلس و كل ما يخطر ببالك و وصلت لخلاصة ان نت جير كويس لان اشارته توصل بعيد لكن مشكلته انه ما يتحمل عدد كبير من الاجهزة و انه ما هو بتاع جيمز

 

[Jonas]

انصحك انك ما تتسرع و تشتري مودم جديد
استعير اي مودم من واحد تعرفه و جرب عليه عشان تعرف الخلل وين

 

[RMADRID]

جرب تسوي أبجريد للرواتر
أو إنك تجرب أي جهاز من عند أصحابك إستعيره يوم
قبل فترة حصلت نفس المشكلة مع مودمات لنكسيس
للإتصالات السعودية :yuck::
و كان السبب إن المودمات ما كانت متوافقة مع كباين MSAN الإلكترونية
الجديدة لدى STC :yuck::
والشركة نزلت أبديت و إنحلت المشكلة

 

[m7tram]

يعطيكم العافيه وجربت راوتر ثاني وللحين نفس المشكله , دقيت عليهم مره ثانيه وان شاء الله خلال ساعه يجوني ويشوفون شنو العله , وبسوي أبديت للراوتر يمكن ينفع .