[مساعدة] iTunes Store.

[Lunar Poet]

السلام عليكم.

عندي مشكلة مع الـiTunes Store. أنا شريت منه و حمّلت اللي شريته أكثر من مرة و بدون مشاكل. الآن أنا شاري Pirates of the Caribbean: At World's End، لكن لمن جيت أحمله يعطيني Error -39.

في موقع Apple مكتوب الحل هو إني أطفي برامج الـWeb acceleration، و اللي أنا ما أستخدمها أصلاً. فأحد يعرف أي حل ثاني؟

أيضاً، عندي هالـ3 حلقات مسلسلات المزعجة اللي غصب تبي تتحمل =/ .. كل ما ألغيهم و أسكر الـiTunes و أفتحه من جديد يطلعون لي و يتنزلون بروحهم. فيه طريقة إني ألغيهم؟

 

[lilb792]

محتوى مخفي

 

[itachi]

ولا مرة جربت ..بس سالفة إنه ينزل لك ذيك المسلسلات يمكن أنت مشترك فيها بالضغط على subscribe

 

[KOTSHY]

نفس مشكلتي
انا مرة حملت حلقة لوست كانوا حاطينها مجانية حملت شوي
ووقفت رحت حذفت التحميل وصار كل ما افتح البرنامج ترجع لي
ولازم اغليها يدويا

 

[Justice]

الايتونز غبي حده ومالي خلقه ياشيخ تحس مشواار لماتركب اغراضك في الجهاز

 

[Link]

ما في حل الا انك تسوي مستخدم جديد اول ترضى بالامر الواقع و تنزلهم و بعديييين تمسحهم و في المررات الجايه نصيحه لا احد يجرب بطاقه اي تيونز الدعايه ...لانها من نوع الي لازم تنزل الي يكون فيه اسلم و احسن طريقه انك تشتريهم من ابل ستور الي عندك في المنطقه او تحط كردت كارد امريكيه ....

اي استفسار انا موجوووود

 

[Nemesis Zone]

حطمتم الرجال لول 😀

 

[Lunar Poet]

مشكورين شباب.

اي استفسار انا موجوووود

الإستفسار الأول في الموضوع؟

 

[Link]

مشكورين شباب.




الإستفسار الأول في الموضوع؟

اهلا من جديد اي اول شي لازم تسوي الي قلت لك عليه بعني لازم تحمل الشغلات هذي و لا راح تظل الين ما شاء الله ... و بعد كذا تلغي عمليه الداون لاود من جديد حقت Pirates و تروح لها من جديد على الستور و تشتريها و هو راح يقولك انك شريتها من قبل فانت بس راح تعمل داون لووود من دون ما تدفع ... اذا ما نفعت هالطريقه ...

تفتح الاكونت حق الايتونز ستور تبعك من خلال الكبس على اسم المستخدم و بعدين تشوف كبسه مكتوب عليها Show downloads بس اهم شي تكون نزلت الحلقات الي طالعين بالغلط و ان شاء الله تمشي

شكرا

 

[Lunar Poet]

أوكي .. سويت اللي قلته، لكن..

ما صار شي .. و حتى وحدة من الحلقات اللي جاية غلط صار لها نفس الإيرور (ألحين ما أقدر أمسحها ولا أكمل تحميلها)، و أيضاً شريت The Nightmare Before Christmas و اللي كان ماشي تمام في البداية، لكن جاه نفس الإيرور بعد ما صارت مشاكل في الإتصال..

 

[Khalid-S]

لونار بويت.. حسب ما اعرف واتذكر انك في امريكا صح؟ عندك خيارات افضل من انك تنزل افلام كامله من آي تونز بما انك هناك. عندك مثلا Netflix تطلب الفيلم وبكره يوصلك وتفرجه لين ما تطفش. او مثلا عندك Netflix Streaming و الـ Watch Instantly الي يقدمونه. سواء عن طريق موقعهم او عن طريق Xbox 360 او عن طريق برنامج مثل Boxee.

اذا مره تحب تتفرج افلام كامله من ايتونز.. انصحك تسوي Rent for just 2 dollars. وفي اجار HD على فكره. لان اي شي عليه DRM حاول قدر الامكان انك تبعد عنه لانه بيتعبك في المستقبل.

بالنسبة لمشكلتك. سويت بحث سريع والي فهمته ان الحلقه نزلت لكن صار في مشكلة بالانترنت حقك او من السيرفر وتوقف الملف وصار Corrupted. فلازم تمسح النسخه الي تحمل منها جزء بسيط "الملف الخربان" (لا تنسى تمسحه من التراش، او Shift + Delete بما انك في ويندوز). وحاول تنزله مره ثانيه من ايتونز. اذا ما انحلت المشكله معك عطيني توييت وان شاء الله نشوف حلول ثانيه.

صاحب الرد الثاني. اتمنى ما يكون تفكيرك مثل الي بالصوره. حط ردود مفيده وبلاش استهبال.

 

[Lunar Poet]

شكراً خالد .. إنحلّت المشكلة 🙂.

إن شاء الله بجرب Netflix قريب. كانت توصلني إعلاناته على البريد لكن كنت أهملها =/