مساعدة في الهوم ستي بأمريكا

[سليل]

السلام عليكم و رحمة الله و بركاته
الحمدلله بعد توفيق منه حصلت لي فرصة للابتعاث و تكميل الدراسة هناك, بولاية وسكانسون
و ان شالله بسافر بـ 2012/01/13
فأطلب من أهل الخبرة يساعوني في مسألة الهوم ستي >.>"

شكرا لكم =)

 

[s3rorh]

بالتوفيق سليل T_T

 

[Capitano-18]

حاول تكلم المعهد او الجامعة. ما أقدر افيدك بالضبط عن هالولاية، لكن في الجامعة الي ادرس فيها، اغلب الهوم ستي مربوطين بإدارة معهد اللغة تكلمهم ويحصلون لك عائلة، لأن اغلب طلاب اللغة هم الي يسكنون مع عوائل. والهوم ستي بشكل عام تجربة حلوة وبتساعدك كثير في اللغة والتواصل ومعرفة عادات البلد خصوصاً اذا حصلت لك عائلة ممتازة. والله يوفقك

 

[سليل]

الله يوفق الجميع استاذ صعصع T_T

@Capitano-18
راسلناهم و عطونا لسته حق تأجير بيوت ب__ب"
حاولت احوس و ادور باللسته ما عرفت شي, شكلي بشوف اهل الخبرة من معارفي

 

[Tanton]

العضو Bakhloyd كان يدرس في ويسكونسن اذا ما كنت غلطان، يمكن يقدر يفيدك

 

["Shadow"]

http://miami.craigslist.org/ حط اعلان في الموقع هذا قي قسم مدينتك و حدد شنو تبي ووين لقيت الروميت اللي معاي من هنا 🙂
وحاول انك تلقى سكن قبل لا تروح (ولو مؤقت ) راح توفر كثير واريح والله يوفقك 🙂

 

[سليل]

@Tanton
تم مراسلته, يعطيك الله العافية

@"شادو"
شكله الموقع فيه معلومات كثيرة
جاري التعرف عليه حاليا xD
اشكرك =)

 

[Sora Diersly]

سليل انت متأخر جداً بالبحث عن هوم ستي اللحين.

عموماً جرب حظك مع هالموقع: http://www.homestayfinder.com

هذا انا شخصياً استعملته لما جيت لأمريكا قبل سنتين, وفادني كثير. ابحث عن دولتك في القائمة والولاية وبتلاقي جنبها المُدن اللي فيها, مثل ويسكونسن فيها Green Bay, Madison, Portage. لما تدخل على المدينة حقتك راح تلاحظ وجود قائمة فيها أسماء ناس. اضغط عليها وبتشوف رسالة من صاحب/ـة البيت تقولك فيها مميزات البيت والخدمات اللي راح تفرضها لك/عليك وموقع المنزل..ألخ. لما يعجبك كلام شخص وتشوف انهم فاضين, تراسلهم بالأيميل وتكتب لهم مين انت/صورة لك/وش تدرس/كم عمرك/كم بتقعد عندهم..ألخ. إذا عندهم مكان واعجبتهم, راح يراسلونك ويقولون لك خلاص تعال. ولا أنسى, ترى كل عائلة عن عائلة تفرق, بعضهم بيجون يشيلونك من المطار, وبعضهم يقول دبّر حالك, فـ تأكد من هالمسألة من خلال قرائتك للبوست حقهم :]

أتمنى اكون ساعدتك عزيزي. وإذا تأزم الوضع معاك ومالقيت شي والوقت تأخر أكثر, راح تحتاج أنك تتواصل مع المُلحقية أو تدخل موقعهم وتدور قائمة الإتصال بالنوادي السعودية. ابحث عن رئيس النادي في جامعتك وخذ رقمه واتصل فيه. غالباً الناس هذي لها فترة طويلة تدرس هناك, وهم ماصاروا رؤساء إلا لأنهم يبغون يساعدون أي طالب جديد يجي سواء مُبتعث أو لا. لذا لا تفرّط هالفُرصة, تراهم يعرفون عوائل كثير, أكثر بكثير من الموجود أونلاين. تقريبا تقدر تقول المسألة واسطات هناك برضوا P: وعلشان تسكن مع عائلة مرة كويسة, لازم يكون شخص ثاني مجرّبهم سابقاً ويمدحك عندهم. لأنهم نوعاً ما حذرين, لكن هالقاعدة ماتنطبق على كل شخص عموما, وانا مااذكر اني سويت هالحركة ابدا.

عموماً أتمنى أني اكون افدتك 😉 لا تضيع الوقت, تراك متأخر جداً! ابحث بسرعة/اتصل!

 

[squall leonhart]

شباب الي يدرسون في oregon uni في eugene,, في واحد اعرفه رح يجي يدرس هناك الشهر الجاي و محتاج مساعدة .. مين يقدر يساعد ؟؟

 

[سليل]

@سورا
تبا :confuse:
مشكلة اني نوووب! ما في احد من اهلي راح بعثة ولا عندي اي خبرة بهالموضوع :sadwalk:
بحثت ولا حصلت المدينة اللي بروحها 🙁
هل يعني انها راحت علي؟
اسم المدينة (menomonie wi)

بكره ان شالله راح ألتقي بواحد من معارف اخوي عنده خبرة بهالموضوع
اتمنى ما يفوتني شي


شكرا عمر!