مساعدة في اختيار مكتب

[SA-Shio]

السلام عليكم ورحمة الله وبركاته

أنا أريد آخذ مكتب قريب وهذي الأشياء الي أدورها فيه:

* الطول من 1.5 لـ 2 متر أو أطول بشوي
* لو يكون فيه حل للوايرات بيكون شي جميل
* شكله أنيق وبسيط. أحب الألوان الفاتحة أكثر
* بحط عليه أكثر من مونيتر (2 على الأغلب)
*ما أحتاج دروج وخرابيط ثانية.. درج ورفين أو رف شي كافي
*متوفر في أمريكا (أونلاين أنسب شي.. أيكيا شوي بعيد بس لو كان شي يستاهل بنسير)

متشكر لأي مساعدة مقدماً

 

[Sage]

؟

روح لأي محل اثاث و دورلك مكتب.. مو صعبة (&)

او اذا كلش مو قادر تلقى المكتب اللي تبيه، ما تقدر تقول لنجار يسويه؟

تعديل: ايضا، شوف موقع آيكيا، يعرضون اثاثهم.

 

[squall leonhart]

باقي موضوع ساعدوني بشراء جزمة و تكمل ..

انت في امريكا و تسائل عن شي زي الاثاث الي ما رح احد يقدر يساعدك فيه الا شحص من نفس الولاية او المدينه الي انت فيها .. نصيحتي روح محلات الاثاث بنفسك و شوف بعينك لان الاونلاين احيان يكون خادع بالمنظر

 

[SA-Shio]

أكيد شي سهل تدخل وتشوف أي شي يعجبك وتاخذه (هذا الي سويته قبل)
حبيت أغير مكتبي و قلت يمكن الشباب هني عندهم أشياء حلوة ومميزة، يعني نوع معين أو ستايل معين (مش براند أو مكتب بعينه). مافي مانع نوسع دائرة البحث. ماتوقع الموضوع يحتاج الهجوم الي شفته 🙂

 

[White Wolf.]

اخوي قصد الشباب ان صعب احد يساعدك بهالشي , لانه اختياراتك وذوقك واذا تحس انك تفتقر للافكار شوف مقاطع وصور الـ gaming setup بكل مكان ع الانترنت واستوحي منها الافكار .

 

[NES]

* الطول من 1.5 لـ 2 متر أو أطول بشوي
* بحط عليه أكثر من مونيتر (2 على الأغلب)
---

فيه طريقة حلوة البعض يسويها بدل ما يأخذ مكتبة طول وعرض ويحشر التلفزيون على الحد يأخذ مكتبين صغار بجنب بعض مثل كذا: http://www.walmart.com/ip/Sauder-Beginnings-Highland-Oak-TV-Stand-for-TVs-up-to-46/23626025

يعطيك مساحة تخزين أكثر وأوفر بالغالب من بعض المكاتب وتقدر تنقل المكتب بالراحة لأي مكان ثاني.

 

[NO1]

مش كأنه الطول 2 متر و 1.5 وايد مرتفع ؟؟ لأنه على حسب علمي المكاتب كلها أتي على ارتفاع 70~75 سانتيمتر

 

[Sage]

2 متر هذا راح يكون اطول مني.

(طولي 185-190 سانتي)

 

[The Doctor]

الأثاث ما تقدر تحكم عليه من النت، لازم تروح تشوفه بنفسك. روح لإيكيا أو لأقرب محل أثاث و شوف بنفسك. إذا شفت شي يعجبك تقدر تشيك على سعره في النت.

 

[Mikau]

فيه تطبيق لايكيا مو مفعل عندنا بس مفعل عندكم يجيبلك الاثاث واذا اخترت قطعة يشغل الكاميره ويعرضها لك بنفس حجمها الاصلي وانت تشوف تناسبك ولا لاا بيساعدك كثير

 

[SA-Shio]

* الطول من 1.5 لـ 2 متر أو أطول بشوي
* بحط عليه أكثر من مونيتر (2 على الأغلب)
---

فيه طريقة حلوة البعض يسويها بدل ما يأخذ مكتبة طول وعرض ويحشر التلفزيون على الحد يأخذ مكتبين صغار بجنب بعض مثل كذا: http://www.walmart.com/ip/Sauder-Beginnings-Highland-Oak-TV-Stand-for-TVs-up-to-46/23626025

يعطيك مساحة تخزين أكثر وأوفر بالغالب من بعض المكاتب وتقدر تنقل المكتب بالراحة لأي مكان ثاني.

الأثاث ما تقدر تحكم عليه من النت، لازم تروح تشوفه بنفسك. روح لإيكيا أو لأقرب محل أثاث و شوف بنفسك. إذا شفت شي يعجبك تقدر تشيك على سعره في النت.

فيه تطبيق لايكيا مو مفعل عندنا بس مفعل عندكم يجيبلك الاثاث واذا اخترت قطعة يشغل الكاميره ويعرضها لك بنفس حجمها الاصلي وانت تشوف تناسبك ولا لاا بيساعدك كثير

تسلمون، بشيك إن شاء الله الجمعة ولا السبت.

بالنسبة للي يسأل عن الطول.. الطول أقصد الطول الأفقي للطاولة، ما كنت أقصد الارتفاع.