مساعدة في اختيار جوال جديد

[MALDINI]

السلام عليكم ورحمة الله وبركاته:

ماتهمني الميزانيه بقدر مايهمني اداء الجوال على المدى البعيد يعني الجوال يصبر معي.

حاط في بالي كم جوال معين iphone او HTC او Samsung galaxy
تركت اخبار التقنيه من زمان فما ادري ايش اللي بالسوق الحين, اللي عنده معلومات بسيطه عن الموديلات لعام 2011 لا يبخل علي تكفون, أميل اكثر للاندرويد لكن الايفون ايضا ممتاز ومن زمان افكر اخذه.

معليش اذا الموضوع متكرر اكثر من مره لكن افضل مكان اسئل سؤالي فيه عارف انه بيكون بالمنتدى لتجربة الكثير من الاعضاء من كثير من الجوالات.

شكرا.

 

[AS-HI]

انا كنت باخذ الايفون لا محالة لكن شفت الاندرويد و بالذات الجالاكسي اس وهذا بعد ستين مقارنة باليوتيوب و اخذته ونا مرتاح عليه
لكن بتواجهك مشاكل بالجالاكسي اس وهو أنه يعلق بشكل كبير و اذا حليت المشكلة تقل فترت الساعات اللي تتحملها البطارية مثلا من 10 الى 8 بشكل بسيط يعني
في النهاية الامر راجع لك بس انا اقولك انتظر لانه جاية جوالات جديدة مثل النكسس اس و غيرها , انصحك تتابع الكتروني عشان تعرف كلشي اول بأول .

 

[MALDINI]

توني قاري عن الجالكسي اس 2 بيعرضونه في معرض بالسنه هذي 2011؟
مشكلة الجالكسي البطاريه قالي واحد هذا الكلام فما ادري اذا صحيح او لا.

 

[Jonas]

مشكلة الجالكسي البطاريه قالي واحد هذا الكلام فما ادري اذا صحيح او لا.

ماشوف في مشكله انك تحط الجوال بالشاحن قبل لا تنام و تقوم الصبح تلقاه full
HTC Desire HD معاي و بطاريته عمرها اقصر من الايفون لكن ما عندي مشاكل مع الشي ذا

 

[AS-HI]

بالنسبة للبطارية مالها مشكلة
1- تقدر تخليه طول مانت بالبيت بالشاحن
2- تقدر تشبكه باللاب توب او البلايستيشن ونت تلعب فهذا شي طبيعي
3- لو عندك مخرج فلاش او MP3 بالسيارة اشبك الجوال عليه وخله يشحن

أماكن الشحن متوفرة بكل مكان فلا تقلق من هالمشكلة البسيطة بعدين تراها 8 ساعات وقت ممتاز وطووويل مرة .

 

[Zero]

بدر هذا أسوء وقت من السنة تفكر تشتري فيه جوال، ترى MWC 2011 الشهر القادم وتوه مخلص CES واللي جاء وغباره عطانا لمحات بسيطة.

ما لك إلا تنتظر وتدعي أن الجوال اللي حاط عينك عليه ما يتأخر عن ينزل قبل مايو وما يتأخر عنه.

 

[MALDINI]

مشكورين شباب!!

بدر هذا أسوء وقت من السنة تفكر تشتري فيه جوال، ترى MWC 2011 الشهر القادم وتوه مخلص CES واللي جاء وغباره عطانا لمحات بسيطة.

ما لك إلا تنتظر وتدعي أن الجوال اللي حاط عينك عليه ما يتأخر عن ينزل قبل مايو وما يتأخر عنه.

كنت حاس بالشي ذا يعني الوقت اللي باخذ فيه جوال وقت غلط.
يمكن انتظر احسن لي, لكن حتى (شكل) الجالاكسي الجديد مايعجني ):

ياخي خيارات صعبه قدامي!!

 

[Zero]

إذا بتترجى شيء من ناحية التصميم من سامسونج فتروح تموت أحسن لك، لو بيصمموا شيء كويس صمموا من زمان :laugh::

 

[Dr MaD]

كلام جميل يا حسن ,يعني ترشح الإنتظار أجل
لأنه أنا قرفت من البلاكبيري اللي معاي ومن البردوكاستات اللي صارت مزعجتني وتلاحقني في كل مكان
الله يصبرنا كم شهر زياده 🙁

 

[JOKER MASK]

توني قاري عن الجالكسي اس 2 بيعرضونه في معرض بالسنه هذي 2011؟
مشكلة الجالكسي البطاريه قالي واحد هذا الكلام فما ادري اذا صحيح او لا.

حتى ايفون بالثري جي تقضى بسرعه البطاريه وخويك اظاهر ما عرف يوقف الثري جي بجالكسي لان الجالكسي من غير وضع الثري جي يتعدا 10 ساعات بالراحه ... اذا ما تقدر تنتظر LG يستحق ولكن بتخسر الشاشه و الحجم انتظر شهر فبراير وشف وسوى مقارنه منت خسران شي ... نصيحه انسو تصاميم الا اذا تبي ايفون هو الشكل الرئع وسوني اريكسون ( بس موصفات من جنبها ) بس لا htc ولا سامسونج طلعو تصميم حلو ( بس تصميم الجالكسي اس لشركات امريكيه حلوه ماعدا حق سبرينت !! ) و LG حقها عاديه تميل لقبح

 

[Youssef90]

حالياً اذا بتشتري جوال ومستعجل لا تفكر بغير الآي فون 4 والجالكسي اس

اذا منت مستعجل وفيك صبر ترا مؤتمر MWC 2011 ما بقى عليه شيء راح تنكشف جوالات كثيره وخلنا نقول من بين 10 منهم بيوصلنا 3 بعد المؤتمر بـ4 شهور

 

[JOKER MASK]

حالياً اذا بتشتري جوال ومستعجل لا تفكر بغير الآي فون 4 والجالكسي اس

يوسف حق LG صدر الشهر هذا بكوريا والشهر الجاي باورباء وممتاز العتاد حقه بس لو نحصل انطباعات عنه .... بنسبه لكلامك الباقي اتفق معك جمله وتفصيلاً