مساعدة بشراء تلفزيون[شباب الكويت]

[pacino]

السلام عليكم ورحمة الله وبركاتة

ببساطة شباب ناوي اشتري اثاث للبيت و راح اشتري ان شاء الله 7 تلفزيونات.طبعا راح يكونوا LCD لان الLED غاسل ايدي منهم اسعارهم نار الى الآن

*ممكن تنصحوني بافضل شركة (في الكويت)تقدم عروض واسعار مناسبة للتلفزيونات(سوني \سامسونج\توشيبا) لان الفرق البيسط بالسعر يفرق معاي .

*السؤال الاهم..انا نوووب بالتلفزيونات فاي نصيحة بتلفزيون 42 انج والميزانية للتلفزيون الواحد ما تتعدى< 600 دينار (7500 ريال)


*موضوع التلفزيونات دخلته وحسيت بحوسه كبيره+الردود صارت قديمه*

 

[FARES_]

و راح اشتري ان شاء الله 7 تلفزيونات

يا رجل.. لما ال7 تلفزيونات xD !!
عموما ينصح بالSamsung ثم الsony بشكل عام .

 

[SAM]

ميزانيتك ممتازة جداً جداً جداً جداً

انا شاري قبل فترة تلفزيون SONY 40 بوصه LCD بـ 3500

يعني اسعار الـ sony

42 بوصه ممكن تجي بـ 5000 بالكثيير للتلفزيون الواحد

والله يوفقك

 

[alakafi]

ادفع بالتلفزيون الرئيسي 1000 دينار ( الي تلعب فيه ) والباقي على كيفك

 

[S n A k e]

طبعا الاغلى سوني كالعاده ,,

انا املك تلفزيون سامسونج 46 بوصه , انصح بالسامسونج كالافضل بالسعر والجوده ثم بعده باناسونيك

اجهزة البلازما طبعا تصدر للحين من شركة باناسونيك وسامسونج كأفضل شركات وجوده واسعار ,

اذا اجهزتك للقيمز فلازم جهاز LCD افضل بعرض صورة الالعاب
اذا اجهزتك للرسيفر والافلام ,, اجهزة البلازما اصفى واوضح

 

[Nintendo]

عليك بتلفزيونات سامسونج

للديوانيات وكذا خذلك بلازما (سعرها رخيص ومناسبه للريسيفر), لك شخصيا خذلك lcd او led يدعم البعد الثالث اذا تقدر

 

[Eario]

روح يوريكا, غالبا بتحصل اسعار جيده جدا ً, 600 دينار لتلفزيون 42 بوصه ؟ اتوقع تقدر تاخذ احسن تفلزيون بالعالم P:

نصيحه مر و اخذ لك فره وراح يساعدونك هناك .. قبل كم يوم خذيت لصاحبي من عندهم سامسونج ب 150 فيه بلت ان ميديا بلاير 32 بوصه .. اسعار ال lcd بشكل عام انخفض بعد الليد و الثري دي.

لك شخصيا خذلك lcd او led يدعم البعد الثالث اذا تقدر

صحيح, تقدر بهل مبلغ تاخذ ليد ممتاز اتوقع و يمكن تحصلك عرض معاه مسرح منزلي.

 

[pacino]

مشكورين شباب عالردود

عليك بتلفزيونات سامسونج

للديوانيات وكذا خذلك بلازما (سعرها رخيص ومناسبه للريسيفر), لك شخصيا خذلك lcd او led يدعم البعد الثالث اذا تقدر

والله خوش اقتراح..وانا عاجبتني اشكال تلفزيونات سامسونج.شكلي باستخدم التفرقه العنصرية واخذ تلفزيونات مختلفة حسب المكان 😛

روح يوريكا, غالبا بتحصل اسعار جيده جدا ً, 600 دينار لتلفزيون 42 بوصه ؟ اتوقع تقدر تاخذ احسن تفلزيون بالعالم P:

بروح بعد شوي بمر على يوريكا و الكتروزان.الغانم بخليه بنهايته اللسته لاني تعاملت معاهم كذا مره وما عجبوني

شرايكم بالتلفزيون هذا من فلبس
http://www.usa.philips.com/c/televi...s-full-hd-1080p-digital-tv-55pfl7705d_f7/prd/
الي عاجبني فيه انه يعطي اضائة على ايطار الشاشة تتغير بتغير الصورة.بس احس انه ما يسوى كل هالملبغ؟

 

[Arkan]

LED سامسونج 32 انش خذيتها قبل شهر من اكس سايت الغانم بـ257 دينار معاها نظام مسرحية هديه

 

[LiOn HeArT]

نصيحه
روح شركة الأندلس (بحولي) ، وكالة تلفزيونات سامسونغ بالكويت ، و اخذلك Series 5 بس اليديد مو القديم
أسعاره جداً جداً مناسبه ، لا و التلفزيون نفسه فيه Media Player !
على فكره التلفزيون lcd

 

[q8 spy]

أهــم شــي المزانيه

وانصــح بالـــسوني وبقــوه

 

[Painkiller Q8]

روح الكتروزان !