مساعدة بالانجليزي

[M00]

السلام عليكم

انا دايم احاول اطور لغتي بين اوقات الفراغ و اليوم قررت اني اتعلم قاعدة ماكنت عارفها سابقاً وهي to + v + ing

بكل بساطة رحت للسيخ جوجل و بحثت و قلت بحصل الحل، لكن اللي حصلته كان شي يجيب الصداع ولا قدرت استوعب رغم اني حاولت اعيد القراءة و فهم الشرح اللي قدامي و بحثت بمواضيع ثانية و نفس المشكلة.

طبعاً البحث كان بالانجليزي و ماحبيت اتعلم شي من موافع عربية لان معظمها يعتمد ع النسخ و اللصق الخ

فقررت ارجع اكتب هالموضوع بالمنتدى لان فيه ناس كثير ملمين بالانجليزي و مبتعثين الخ يعرفون اكثر مني.


السؤال :

متى استخدم to + ing
و to + الفعل بالشكل الاصلي

عارف سؤال سخيف بس صدعت ونا احاول اتعلمها =/

 

[SAUD~F-16]

مافهمت عليك ؟ عطني مثال من عندك على اللي عندك مشكله فيه
تبي to بعدها على طول فعل+ing?

تعديل: ما اعتقد ممكن اللي تقوله انت، هي ممكن تجي كذا:
I would like to have,do,or any verb without adding 'ing
او في استخدام اخر مثلاً:
He went from asking (To) demanding after being angered by them.
@_@

 

[Anaxiroshe’lir]

بسيطة. إذا بعد to مصدر تضيف ing مثل مثال سعود:

He went from asking (To) demanding after being angered by them

هو انتقل من السؤال إلى الطلب بعد أن اغضب بسببهم

وإذا كان فعل مجرد راح يكون بدون إضافة ing

 

[Arashi]

متى استخدم to + ing
و to + الفعل بالشكل الاصلي

مافي قاعده تسمح انك تحط to بعدها ing
الا اذا كانت الـing ضمن اسم وليس فعل وشرط يجي فعل أصلي (او يسمونه المصدر) بعد الـto مثل:

I wan to go shopping

الفعل الأصلي (المصدر) يجي بعد الـto وهو (go)...أما الـing فهي ضمن اسم (shopping) وليس فعل ^^

يعني القاعده هنا:

فعل + to + المصدر + اسم (بعض الاسماء تنتهي بـing وبعضها لا)

 

[SAUD~F-16]

ايضاً تذكرت حالة يتم الاستخدام فيها to+verb with ing
اذا كان الفعل نفسه هو الnoun. مثلاً:
I look forward )to(playing, driving,killing,moonwalking
في هالحاله الفعل الي معه اي ان جي يعمل كناون. اذا ماخانتني الذاكرة. اتذكر لها اسم هالحالة بس نسيته

يب اسمها Gerund. وهي وجود صيغة الفعل او ا. Verbal noun.
ابحث عنها وراح تلقى شروحات الى الليل🙂

 

[M00]

شكرا للشروحات يا اخوان ما اقصرتوا.
هو فعلا اللي كنت ابي اعرف عنه كان to + verb + ing بس نسبت اكتبها فوق.

حصلت اجابتي =)

 

[Gamer-89]

في يوتيوب في مقاطع تعلم الإنجليزي ، مدري بس ممكن يفيدونك .

 

[Eye]

من الخطأ وضع (ing) بعد Verb قبله to ، إذا كان مقصود به فعل

الصحيح : بعد to يأتي الفعل في صورته الأصلية

أمثلة: to eat, to play, to fly

 

[ygc192]

هذه الامر البسيط.. مثلا:
to+verb:
want to do
plan to do

to+verbing:
be used to doing
be opposed to doing
object to doing
be reduced to doing
look forward to doing

OK؟؟؟ فاهمت ؟

 

[B*&%#rd]

المعذرة لكن طريقة تعلمك غلط , أو ممكن معقدة بزيادة ,تعرف نحو عربي؟ ترى نفس الموضوع ,فعل فاعل,مفعول به ,ضمائر ,حروف علة,أفعال مساعدة
لازم تنظم طريقة دراستك بحيث تكتب أمثلة على الفيربز ,على الأوبجكت على السبجكت برناونز,والفاول ليترز ,وبعدها تبدأ بالجرامرز والing ,ed ,es واتسترا.
وحاول لما تتفرج أفلام أو تلعب ,ركز على الليسيننق ,هي أسهل طريقة لتكوين جمل صحيحة بمخك .