مراجعات Mass Effect: Andromeda |بايووير خربتها

[NCC-1701]

10 ساعات ومستمتع باللعبة بالرغم من اشياء كثيرة ما اعجبتني.
الشيء الوحيد اللي انفرني وخلاني اوقف لعب هو ان فيه جلتش يخرب اللعبة. وانت تكلم شخصية وبتختار من احد الخيارات المتاحة لك يختارها تلقائي بدون ما اضغط! بس اذا وجهت الماوس يختار من نفسه. صارت مرتين وخرب علي مهمة جانبية.
اللعبة حاليا غير قابلة للعب اذا استمر الحال كذا. ماس ايفكت بالنسبة لي هي على الخيارات والحوارات. لازم ينزلون باتش يحل المشاكل.

 

[Invader Zim]

 

[Veeto]

فكرت افتح موضوع جديد او ارفع موضوعها الرسمي طلع من سوؤها ما فيه ليها موضوع رسمي

حصلت محل يبيعها ب ١.٢ دينار وبعد مفاوضات .. وافق البائع ينزلها ل 0.8 دينار خخخخخ قال ليي لو يصير عطيتك اياها مجان طايحة في جبده ويقول انا اول واحد يساله عنها خخخ

عموما من باب الفضول ابغي اعرف شنو صار وانهار مستوى بايوواير

بامانة انهيت اول ساعتين او ثلاث من اللعبه تقريبا اول مهمة … وبصراحة عجبني اللي شفته ! ومن الحين بديت اعرف وين الاخفاق بالضبط !

كقصة .. البداية انت مستكشف و (( تبحث )) عن النجاة .. تقريبا افضل سيتينج او اطار قصصي لامور الفضاء .. لا انت (( المختار )) ولا سياسي .. مجرد مستكشف تستكشف هذه المجرة الجديدة وتحاول النجاة فيها .. مع تويست مني ومناك جيدين للامانة .. التقديم القصصي لحد اللحظة مشوق فيه قيمة انتاجية جيدة لعالية وشكلهم صححوا (( الحول )) وكل الاخطاء التقنية المتعلقة بالوجوه لاني ما واجهت اي شي منها !

سمعت مديح للكومبات .. بس لما تجربه بتنبهر فيه
سموث وانسيابي .. بعدي ما تعودت عليه لكن لحد الحين انطباعي ايجابي جدا عنه .. بشكل عام تجربة البداية جدا جيدة عدا .. وعدا كبيرة



المشكلة الكبيرة .. لحد الآن .. الشخصيات .. تبا .. اسوء انواع التروبز على قولتهم فيها .. ووقتها تدرك ان اللي يدفع بأي قصة للامام هي شخصياتها .. يعني الوحيد الكاريزماتي .. الوالد .. راحوا قتلوه .. كورا .. شخصية انثوية معضلة بكل سوء ممكن لمثل هالنوعية من الشخصيات المفروضة .. لحد الحين تحس ان كل شخصية مو مكتوبة كانها شخصية او بتعيش في قصة .. كل شخصية تحسها مرت على checklist وبعدين انحشرت حشار بالقصة .. ولا شخصية تمر عليك تحسها شخصية عادية طبيعيه .. وهالشي كارثي انه يكون انطباع الشخص من اول ساعتين او ثلاث !

 

[Veeto]

احساس غريب .. انها لعبة جيدة جدا !
ما مر عليي للحين ولا جليتش يخرب اللعبه او جوها
قصة الحول والوجوه تقريبا حلوها .. فيه مشاكل ثانية .. فنية مو تقنية

ببدء بالسلبيات لان عندي ايجابيات كثيرة !
واي واحد عجبته الثلاثية الاصلية انصحه يعطيها فرصة .. عاد اذا حصلها رخيصة

اول وثاني سلبية وهم بيت القصيد على قولتهم .. الشخصيات
تصميما .. وقصصيا .. من الناحية الاولى كمية قبح لا تصدق
يعني اشكال الشخصيات ما تتطالع .. ما نبي موديلات بس بالمقابل اعتنوا شوي بتصميم شخصياتكم .. قصصيا .. ويش اقول كلهم على بعضهم عاديين مملين ما عندهم كاريزما .. هذولا حتى NPC يعطونك مهام ما يسوون .. تروبز ونمطيات تسويق فاشلة .. وهذا برايي اهم سبب لفشل اللعبه حتى بعد تصليحها .. الشخصيات في اي قصة هم عمودها الفقري يرفعونها فوووق او ينزلون بها للهاوية

الجانب الثالث السلبي .. ملحوق بالاول .. الحوارات .. خصوصا اي شي متعلق ببطل القصة .. بالمختصر كوارث .. وتصير الكوارث اكبر لما تكون بقية العوامل ممتازة !

مثلا القصة الاساسية فاجئتني لحد الحين .. ممتعه شيقة تثير الفضول فعليا ابغي اعرف شنو صار وشنو بيصير .. والقصة مدعومة بمهام جانبية جيدة جدا .. فعلا محسستني احساس المستكشف .. لعبت في كوكبين احاول انهي واستكشف كل شي .. الاستكشاف ممتع مثري و rewarding .. مع كم معقول متنوع من المهام الجانبية .. وهالامور ما كانت بتكون جميلة لولا التصميم الجميل الفريد للكواكب … احساس الانبهار الفضائي موجود .. وفرق مهول فنيا بين تصميم المناطق وجماليتها .. مقارنة بالاذى الفني لتصميم الشخصيات

الكومبات سيستم ممتاز .. مرجعين احساس ماس ايفيكت 1 صاير كانه تيرن بييسد بس سريع وجميل وانسيابي

صراحة ما توقعت اقولها لكنها فاقت توقعاتي

 

[Netero]

احساس غريب .. انها لعبة جيدة جدا !
ما مر عليي للحين ولا جليتش يخرب اللعبه او جوها
قصة الحول والوجوه تقريبا حلوها .. فيه مشاكل ثانية .. فنية مو تقنية

ببدء بالسلبيات لان عندي ايجابيات كثيرة !
واي واحد عجبته الثلاثية الاصلية انصحه يعطيها فرصة .. عاد اذا حصلها رخيصة

اول وثاني سلبية وهم بيت القصيد على قولتهم .. الشخصيات
تصميما .. وقصصيا .. من الناحية الاولى كمية قبح لا تصدق
يعني اشكال الشخصيات ما تتطالع .. ما نبي موديلات بس بالمقابل اعتنوا شوي بتصميم شخصياتكم .. قصصيا .. ويش اقول كلهم على بعضهم عاديين مملين ما عندهم كاريزما .. هذولا حتى NPC يعطونك مهام ما يسوون .. تروبز ونمطيات تسويق فاشلة .. وهذا برايي اهم سبب لفشل اللعبه حتى بعد تصليحها .. الشخصيات في اي قصة هم عمودها الفقري يرفعونها فوووق او ينزلون بها للهاوية

الجانب الثالث السلبي .. ملحوق بالاول .. الحوارات .. خصوصا اي شي متعلق ببطل القصة .. بالمختصر كوارث .. وتصير الكوارث اكبر لما تكون بقية العوامل ممتازة !

مثلا القصة الاساسية فاجئتني لحد الحين .. ممتعه شيقة تثير الفضول فعليا ابغي اعرف شنو صار وشنو بيصير .. والقصة مدعومة بمهام جانبية جيدة جدا .. فعلا محسستني احساس المستكشف .. لعبت في كوكبين احاول انهي واستكشف كل شي .. الاستكشاف ممتع مثري و rewarding .. مع كم معقول متنوع من المهام الجانبية .. وهالامور ما كانت بتكون جميلة لولا التصميم الجميل الفريد للكواكب … احساس الانبهار الفضائي موجود .. وفرق مهول فنيا بين تصميم المناطق وجماليتها .. مقارنة بالاذى الفني لتصميم الشخصيات

الكومبات سيستم ممتاز .. مرجعين احساس ماس ايفيكت 1 صاير كانه تيرن بييسد بس سريع وجميل وانسيابي

صراحة ما توقعت اقولها لكنها فاقت توقعاتي

ردك دليل ان الأغلب يهتم بالقصة ويطنشون الجيمبلاي حتى لو قالو العكس &

 

[MH MD]

ردك دليل ان الأغلب يهتم بالقصة ويطنشون الجيمبلاي حتى لو قالو العكس &

بس الفكرة انه ماس ايفكت بالذات كان نقطة قوتها القصة والشخصيات يعني، وليش انحبت من الاساس، ولا الجيمبلاي لك عليه من اول جزء، وكيف انه ٣ كان احسنهم بس برضو انكره عشان النهاية -شي قصصي بحت-

 

[S30D1999]

ردك دليل ان الأغلب يهتم بالقصة ويطنشون الجيمبلاي حتى لو قالو العكس &

هذا الكلام هو اكثر شيء يصف ماس ايفيكت قصة وكتابة اسطورية مع جيمبلاي ميه وحتى لو اظن يكون اللعب بمستوى مثلا فانتوم بين محد راح يهتم اذا اغلب الشخصيات تقول my face is tired

 

[DINO CRISIS]

ردك دليل ان الأغلب يهتم بالقصة ويطنشون الجيمبلاي حتى لو قالو العكس &

مع إني ما لعبت ولا جزء من هالسلسلة ولا اللعبة الجديدة

لكن فعلاً كلام فيتو صحيح ومهم جداً

القصة والشخصيات وبنائها مهم مثل ما الجيم بلاي مهم بالنسبة لكم

 

[Veeto]

ردك دليل ان الأغلب يهتم بالقصة ويطنشون الجيمبلاي حتى لو قالو العكس &

بالحقيقة لا .. حتى لو الجيم بلاي كلووب جيدة
ما الوم الناس وقت الاصدار .. الجليتشات كانت كارثية
والقبح لحد الحين .. اللعبه تذكرني بميتال 2 لما تلعب برايدن
شكثر كنت اكرهه وامقت اللعب به .. لدرجة انه كرهني باللعبه بكبرها