مراجعات و تقيمات Rune Factory: Guardians of Azuma

[SHAMSSON]

السلام عليكم

صدرت التقييمات للعبة
Rune Factory: Guardians of Azuma،
ويبدو أن الآراء إيجابية بشكل عام، هل هي رون فاكتوري الحلم ؟

• Metacritic – 82
• OpenCritic – 80

——————————————-

• RPG Fan – 94
• Nintendo Life – 9
• Nintendo World Report – 8.5
• Loot Level Chill – 8.5
• Checkpoint Gaming – 8
• Siliconera – 8
• Console Creatures – 8
• Worth Playing – 7.8
• DualShockers – 7.5
• RPGSite – 6

سؤال لمحبي السلسلة ما هو الجزء المفضل لديك ؟

 

[leader_e]

ما سبقت جربت اي جزء من السلسلة لانه ثيم الزراعة والشغلات هذه ما دخل رأسي لكن قاعد اسمع انه الجزء هذا مختلف بشكل كبير فاحتمال هذا يكون مدخلي على السلسلة

 

[Hugo]

ما سبقت جربت اي جزء من السلسلة لانه ثيم الزراعة والشغلات هذه ما دخل رأسي لكن قاعد اسمع انه الجزء هذا مختلف بشكل كبير فاحتمال هذا يكون مدخلي على السلسلة

كل اجزاء rune factory فيها عناصر زراعة لكن تركيزها الاكبر على الكومبات والاستكشاف وقصة كويسة الا حدا ما

 

[Hugo]

للامانه اتمنى يفكون حصرية السلسلة ويخلونها في كل المنصات السويتش ما عندي حاليا للاسف.

 

[Invader Zim]

@سيفروس سنيب
ترى لسى ما فتحت الجزء الي شريته على ال3ds للان &

 

[SHAMSSON]

للامانه اتمنى يفكون حصرية السلسلة ويخلونها في كل المنصات السويتش ما عندي حاليا للاسف.

اعتقد بفكون الحصريه في المستقبل

حاليا موجودة على الستيم ، سويتش ، سويتش 2

 

[سيفروس سنيب]

@سيفروس سنيب
ترى لسى ما فتحت الجزء الي شريته على ال3ds للان &

إلا خلصت أجزاء العدس. الجزء الخامس عالسويتش هو الي ماخلصته.

 

[Invader Zim]

إلا خلصت أجزاء العدس. الجزء الخامس عالسويتش هو الي ماخلصته.

اتكلم عن نفسي اللعبة شريتها اول ما قلت لي وللان ما فتحت العلبة

 

[سيفروس سنيب]

اتكلم عن نفسي اللعبة شريتها اول ما قلت لي وللان ما فتحت العلبة

أنا قلت لك اشتريها؟

يبدو عندي حالة متقدمة من الزهايمر

 

[XORO]

كيف أداء اللعبة على السويتش ؟

الجزء الخامس كان محبط وممل هذا غير الأداء السيء على السويتش

للامانه اتمنى يفكون حصرية السلسلة ويخلونها في كل المنصات السويتش ما عندي حاليا للاسف.

موجودة على ستيم اعتقد هذا أول جزء يصدر في اليوم الأول غير محصور لمنصات نينتيندو

إن شاء الله اخذ نسخة ستيم هالمرة

 

[XORO]

ما سبقت جربت اي جزء من السلسلة لانه ثيم الزراعة والشغلات هذه ما دخل رأسي لكن قاعد اسمع انه الجزء هذا مختلف بشكل كبير فاحتمال هذا يكون مدخلي على السلسلة

هي ما تركز على الزراعة كثيرا تقدر تقول ان هالشي جانبي نوعا ما بعكس سلسلة Story of Seasons

 

[سيفروس سنيب]

أنا عاشق للسلسلة لكن ماظن ألعبها قريبا

شكله مافيه شي بينزل هالسنة ويخليني ألعب بالساعات ورى بعض إلا لايتون

 

[SHAMSSON]

كيف أداء اللعبة على السويتش ؟

الجزء الخامس كان محبط وممل هذا غير الأداء السيء على السويتش



موجودة على ستيم اعتقد هذا أول جزء يصدر في اليوم الأول غير محصور لمنصات نينتيندو

إن شاء الله اخذ نسخة ستيم هالمرة

من مراجعة نينتيندو لايف :

As for performance, Guardians of Azuma ran quite well on the Nintendo Switch overall. Once or twice in higher-level combat, we experienced lag. Performance problems will likely be less common on the Switch 2—we’ll get back to you with our experience of Guardians of Azuma on Nintendo's next console soon.

 

[Anaz]

الحيره اخذها ستيم او سويتش 2

 

[SHAMSSON]

الحيره اخذها ستيم او سويتش 2

العبها على السويتش 2 حاليا و طالعه جدا لذيذه

 

[سيفروس سنيب]

لعبت فيها شوية
اللعبة هذه عمرها ماتخيب الظن!
نظام الزراعة اختلف علي قليل
الأجواء اليابانية وزهرة الساكورا والموسيقى ما أجملها
كتابة موضوع للسلسة شي لازم استحي على وجهي وأسويه خلاص ..
إن شاء الله في اليومين ذي ...

 

[retha]

الزراعة إجبارية؟ تجيب النوم.

 

[سيفروس سنيب]

الزراعة إجبارية؟ تجيب النوم.

توي بادي .. ومبسطينها مرة .. من الي قرأته هالجزء مايركز عليها.

 

[retha]

توي بادي .. ومبسطينها مرة .. من الي قرأته هالجزء مايركز عليها.

ممتاز أقدر أسحب عليها بالكامل.

 

[سيفروس سنيب]

ممتاز أقدر أسحب عليها بالكامل.

لا ، بتحتاجين الزراعة لكن مابتكون مكثفة.
تعديل/ أي نسخة بتلعبين؟

الحين ألعبها عالروق وجميلة جمال

 

[XORO]

لاعب فيها فوق 8 ساعات وجدا مستمتع فيها للأسف كنت ناوي أخذها للسويتش 2 لكن هبل الاسعار خلاني أتوجه لنسخة الـPC

الزراعة في السلسلة كانت دائما شي جانبي عكس ستوري اوف سيسينز هنا صارت اكثر جانبية بل حتى مهمشة

تقدر تشغل عمال يهتمون بمزرعتك والاعمال الأخرى من
التعدين وقطع الأخشاب وغيره

استخدام الأدوات صار سهل بضغطة زر تقدر تحرث او تقطع او تسقي موب محتاج تبدل بالأدوات كل مرة

اتمنى من الجزء السادس القادم ان يستلهم منه

الان توجد خاصية سهلت كثير إدارة المزرعة وذلك من خلال استخدام المنظور العلوي لتتحول اللعبة بشي
اشبه بالعاب sim city من ناحية البناء والتعديل

اذا عندك نسخة switch 2 يمديك تستغل الجوي كون كماوس لتحكم اكثر مرن وسهولة

بمجرد ما ترفع علاقتك مع شخصيات اللعبة تقدر تحطهم
في البارتي ليساعدوك في مغامراتك تقدر تجهزهم بالاسلحة والعتاد وترفع مستوياتهم

الزراعة إجبارية؟ تجيب النوم.

اول البداية بس عشان تجميع الفلوس بعدين موب لازم

 

[SHAMSSON]

ما شاء الله ، طلع الكثير يلعبونها انا نفس الحال من شغلتها ومو قادر اوقف اللعبه صايره سريعه و ما تخليك تحس بالملل ولا فيها روتين كل يوم زراعه ، الخريطة فيها أماكن كثير تكتشفها وحتى الضرب والقدرات الخاصة صارت سلسة أكثر، اسلحه متنوعه وكل سلاح له أسلوبه ، حاليا واجهت زعيم واحد فقط و كان قتاله ممتع و احم اولالاكا

 

[سيفروس سنيب]

شكلي الوحيد الي كانت عاجبته الزراعة ...
الحين بفهم الفرق ..
مفروض فيه نوعيات خضار وفواكه وأقدر أرقيها حسب جودة الأسمدة مثل الأجزاء السابقة ولا لا؟

بالنسبة للأكلات؟ هل تدخل فيها مكونات نادرة لازم أنا أزرعها ولا راحت هالخصائص.

أنتظر صدور الـperfect guide عشان أفهم كل شيء.

اتمنى من الجزء السادس القادم ان يستلهم منه

هم ذكروا إن هالجزء عن شرق العالم بينما الجزء السادس بيكون في غرب العالم وراسمين عالشعار مثل القصر