مراجعات لعبة Metal Gear Solid V: The Phantom Pain ستصدر في 23 أغسطس

[Punished Noctis]

اشتريتها اللي يبيني ارفع به الصوره يقول كيف لاني اتصفح الجوال انطباعاتي قريبا

فين ساكن ومن فين شريتها؟

 

[xAbdulla]

هذه الصورة من تويتر

 

[Punished Noctis]

هذه الصورة من تويتر

لوهلة حسبت اللعبة تسربت في الدوحة 🙁

 

[AAH3:16]

اخذتها من سيهات

بمبلغ قص الظهر 300

 

[xAbdulla]

لوهلة حسبت اللعبة تسربت في الدوحة 🙁

لول احنا آخر ناس تتسرب الالعاب عندنا

 

[W.W.W]

اللعبه حصلتها في محل في سيهات اسمه كابتن رابح , وسعر اللعبه 370 ريال :/

مستحيل ادفع قرش على هالمبلغ

 

[Punished Noctis]

لول احنا آخر ناس تتسرب الالعاب عندنا

من كلامي مع Persian والرعاية التقنية، هم يستوردوا العابهم من محلات الإمارات. فبس اللعبة تتسرب في الإمارات، مفروض توصلنا بغضون يوم - يومين بعدها، لكن مستحيل توصلنا قبلهم. 🙁

 

[The Praiseworthy]

أنا نطرت اللعبة كل هالسنوات.... أبدا مش مستعجل عليها و آخذها بسعر مبالغ فيه.

راح آخذها وقت ما من االأسبوع المقبل لما تكون متوفرة بكثرة و سعرها معقول.

 

[AAH3:16]

المفاجاه اللعبه مافيها انستولنج
عالجهاز
لمن مهتم ببداية القصه

محتوى مخفي

اول شي لمن يفيق من الغيبوبه الدكتور بيعطيكم شرح بالاكس راي عن الاصابات وش جاه وكم استخرجو رصاصه

 

[Daud]

مافيها انستالينج؟ غريب

 

[AAH3:16]

ايوا مافيه تثبيت

محتوى مخفي

العجيب مقطع الغيبوبه تم تقسيمه لعده اجزاء

محتوى مخفي

البدايه يقتلون الممرضه ويخلونك تختار افاتر وطبعا سنيك يتخيل الافاتر صورته

في البدايه ايضا

محتوى مخفي

كوايت تبي تقتل سنيك بس اسماعيل يفزع ويحرقها وهي اللي بالتريلر تحترق بسبب اسماعيل وترمي روحها بالنافذه

 

[FANTASTIC DREAM]

هو عدم وجود الانستيليشن عادي جداً.
بس...مصيبتي أنا لما دايماً يكون في داي ون باتش حجمه كبير, أتمنى مجس5 ما فيها.

 

[ABUALI]

المصيبه الأعظم ان مافي بريلود على ستيم 😡

 

[Daud]

هو عدم وجود الانستيليشن عادي جداً.
بس...مصيبتي أنا لما دايماً يكون في داي ون باتش حجمه كبير, أتمنى مجس5 ما فيها.

صدقت.. هالجيل قرفت من كثر الباتشز.. وكل واحد اكبر من الثاني.. ان شاءالله ما يكون فيها او يكون صغير ما يتجاوز النصف جيجا

 

[Wild Fox]

موضوع المراجعات للمراجعات، سووا موضوع فيه اوبن سبويلرز و خذوا راحتكم

 

[AliAlwazzan]

اخيرا لعبة السنة

 

[Sir Guts]

شغال تتعذر علينا من الحين يا مشاري وعالم مفتوح وضريبة مدري وش خلاص عارفين مايحتاج تتعب نفسك حبيبي
منتهي الموضوع من زمان && ..

ترا قاعدين نمزح شباب لاحد يتهور

نلتقي بإذن الله آخر السنة يالخوي

 

[Sultan/X]

مش حئدر ع العازب بروح أشوف نزلت أو لا هنا

 

[Daud]

اخيرا لعبة السنة

مبارك

 

[Man Raider]

اخيرا لعبة السنة

تتهنى فيها ان شاءالله

 

[شيطون]

اخيرا لعبة السنة

 

[ABUALI]

شباب اللي لعبوها وقابلو كوايت... سؤال: هل اللباس البديل ل كوايت متوفر من البدايه؟ واذا نعم هل هو محتشم واللا رحنا فيها؟

 

[AAH3:16]

شباب اللي لعبوها وقابلو كوايت... سؤال: هل اللباس البديل ل كوايت متوفر من البدايه؟ واذا نعم هل هو محتشم واللا رحنا فيها؟

الغريب اول ماقابلتها

محتوى مخفي

بالمستشفى كان لبسها محتشم ونفس لبس العساكر اللي هجموا عالمستشفى
المفاجاة الكبيرة عن المشاهد الغريبة زي الهوليكبتر اللي دخلت المستشفى والحوت الناري اللي بلع المروحية انها طلعت من تدبير سايكو مانتس
سايكو مانتس بالبداية بيساعد ايهاب او سنيك بشكل كبير

الرجال اللي راكب حصان ناري وهو يحترق طبعا هو نفسه man on fire اللي هو Volgin

 

[Ahmad-001]

بالنسبة للي يستغرب من التسريب، ترا منطقة القطيف عموما من سيهات وغيرها دايما تتسرب عندهم الالعاب اول بأول وعلى راس المحلات هذي كابتن رابح، يعني ابدا مو شي جديد

 

[AliAlwazzan]

مبارك

الله يبارك فيك

تتهنى فيها ان شاءالله

تسلم

 

[ABUALI]

الغريب اول ماقابلتها

محتوى مخفي

بالمستشفى كان لبسها محتشم ونفس لبس العساكر اللي هجموا عالمستشفى
المفاجاة الكبيرة عن المشاهد الغريبة زي الهوليكبتر اللي دخلت المستشفى والحوت الناري اللي بلع المروحية انها طلعت من تدبير سايكو مانتس
سايكو مانتس بالبداية بيساعد ايهاب او سنيك بشكل كبير

الرجال اللي راكب حصان ناري وهو يحترق طبعا هو نفسه man on fire اللي هو Volgin

من بعد إذنك ، لباسها موجود أو لا بدون سبويلر

 

[AAH3:16]

اها فهمت قصدك سوري اعذرني
بس للحين مابعد اوصل لها لسا انا توني باول mission

 

[Hekari]

شباب سؤال ، الحين قريب نشوف مصير كوجيما الرسمي ب 1 سبتمبر لكن شمصير الفلم هل راح بسجب على اشرافه؟ نسيت وش كان دوره بالفلم بس مهتم جدا لوش صار للفلم على الاقل الى ماينكشف عن قصة الفلم

 

[HeNNeSSy]

^

اللعبة إلى الآن ما تسربت من الموزعين ومافي احد في الموقع هنا يمتلكها إلا اذا نسخة محررين لكتاب الموقع.


بما ان ولا موزع باع اللعبة إلى الآن واللي طلع في تويتر يجذب الانتباه ان عنده اللعبة كذاب من ساسه لراسه. الكلام اللي في الانطباعات كله ظاهر عن اللعبة عموماً.

ما أدري كيف امتلكت اللعبة انت أمانةً لكن اتمنى توريني الديسك، إذا ما عندك مانع يعني.

تفضل هذي الصور

صورة لخارطة اللعبة....

اللي عنده اي استفسار عن اللعبة يكلمني 😀

 

[Saudi Fighter]

تفضل هذي الصور

صورة لخارطة اللعبة....

اللي عنده اي استفسار عن اللعبة يكلمني 😀

هل الجرفيكس تبع اللعبة نفس جراوند زوريوس او افضل؟ الشي هل فيه فرق بل الجيم بلاي على جراوند زيروس