Futrus
True Gamer
السلام عليكم
هل صادف إن تعرضت لموقف سيء أو مزعج من شخص مهما كان هالموقف كبير أو صغير وبعدين هالشخص نال جزاءه بدون أي تدخل منك؟
بذكر موقفين حصلوا لي:
1- آخر سنه في الثنوية تعرضت لأذى وصل للضرب من أحد الزملاء بسبب سوء فهم، هو كان يهرب من المدرسة ومفكرني إني أنا اللي بلغت عليه مع إني مالي دخل في الموضوع. المهم أنا طبيعتي أتجاهل المزعجين لكنه ظل يتمادى فإضطريت ارفع شكوى عليه وحصل له تحذير. المضحك إن في اليوم اللي حصل فيه على تحذير كان جداً مغتاظ وجا لمكان جلوسي في الصف مباشره وقام يهدد ويهز طاولتي ويضربها بقوه. الصدفة الجميله إن المشرف دخل الصف وصاحبنا بعده يرعد ويزبد وظل على هالحالة والطلبة مره وحده ساكتين وهدوء والمشرف اقترب منه وصاحبنا لازال بعده يلقي تهديداتها مو حاس إن في أحد واقف وراه.
أنا ظليت ساكت وكاتم الضحكه وصاحبنا كلما له يتنرفز أكثر وأكثر، لليوم ما اقدر انسى ملامح وجهه وردة فعله لمن استوعب ان المشرف واقف وراه
... اللي حصل بعدها إنه تلقى صفعات متتالية من المشرف وتهزيء كأنه طالب إبتدائي مو شاب عمره 17 سنة، والحمدلله ما تعرض لي من يومها.
2- في قروب واتساب لأقرب أصدقائي، كان عندنا صديق غثيث يحب يشارك نكت ومشاهد من الافلام اللي تكون +18 بحجة إن الجروب كله شباب. أنا كنت اكثر شخص يعترض وأقول له يوقف وردوده إنه كان يتمادى في هالأمور ويقول لي "انت متى بتكبر؟". المهم بعدها بفترة جانا القروب يندب حظه إنه بالغلط بدال لا يرسل لقروبنا فيديو +18 من جيم اوف ثرونز أرسله بالخطأ إلى قروب عائلتهم. عندهم قروب ضخم فيه كل أفراد العائلة رجال ونساء من كل الاعمار مخصص لأخبار العائلة إلخ. هذا حصل قبل لا يتم إضافة خيار حدف الرسائل في الواتساب
. شباب قروبنا قاموا يواسونه، أنا قلت له "إن شاء الله الكل ينسى وما تصير لك مشاكل لكن ما أكذب عليك لو قلت إني مو شمتان شوي 
"، هالتعليق قلب المحادثة بعدها من مواساة إلى ضحك حتى صديقنا المهموم نفسه قام يضحك على الموضوع xD
هل صادف إن تعرضت لموقف سيء أو مزعج من شخص مهما كان هالموقف كبير أو صغير وبعدين هالشخص نال جزاءه بدون أي تدخل منك؟
بذكر موقفين حصلوا لي:
1- آخر سنه في الثنوية تعرضت لأذى وصل للضرب من أحد الزملاء بسبب سوء فهم، هو كان يهرب من المدرسة ومفكرني إني أنا اللي بلغت عليه مع إني مالي دخل في الموضوع. المهم أنا طبيعتي أتجاهل المزعجين لكنه ظل يتمادى فإضطريت ارفع شكوى عليه وحصل له تحذير. المضحك إن في اليوم اللي حصل فيه على تحذير كان جداً مغتاظ وجا لمكان جلوسي في الصف مباشره وقام يهدد ويهز طاولتي ويضربها بقوه. الصدفة الجميله إن المشرف دخل الصف وصاحبنا بعده يرعد ويزبد وظل على هالحالة والطلبة مره وحده ساكتين وهدوء والمشرف اقترب منه وصاحبنا لازال بعده يلقي تهديداتها مو حاس إن في أحد واقف وراه.
أنا ظليت ساكت وكاتم الضحكه وصاحبنا كلما له يتنرفز أكثر وأكثر، لليوم ما اقدر انسى ملامح وجهه وردة فعله لمن استوعب ان المشرف واقف وراه
... اللي حصل بعدها إنه تلقى صفعات متتالية من المشرف وتهزيء كأنه طالب إبتدائي مو شاب عمره 17 سنة، والحمدلله ما تعرض لي من يومها.2- في قروب واتساب لأقرب أصدقائي، كان عندنا صديق غثيث يحب يشارك نكت ومشاهد من الافلام اللي تكون +18 بحجة إن الجروب كله شباب. أنا كنت اكثر شخص يعترض وأقول له يوقف وردوده إنه كان يتمادى في هالأمور ويقول لي "انت متى بتكبر؟". المهم بعدها بفترة جانا القروب يندب حظه إنه بالغلط بدال لا يرسل لقروبنا فيديو +18 من جيم اوف ثرونز أرسله بالخطأ إلى قروب عائلتهم. عندهم قروب ضخم فيه كل أفراد العائلة رجال ونساء من كل الاعمار مخصص لأخبار العائلة إلخ. هذا حصل قبل لا يتم إضافة خيار حدف الرسائل في الواتساب
. شباب قروبنا قاموا يواسونه، أنا قلت له "إن شاء الله الكل ينسى وما تصير لك مشاكل لكن ما أكذب عليك لو قلت إني مو شمتان شوي "، هالتعليق قلب المحادثة بعدها من مواساة إلى ضحك حتى صديقنا المهموم نفسه قام يضحك على الموضوع xD
وما علق بس كان يبين على وجهه ان حده منزعج.