اذا نيوه قصة خيالية فأساسنز كريد قصص خيالية من اول جزء، هي تاخذ سياق تاريخي معين ومليانة تفاصيل فعلا حصلت بها وتنقل الحضارات وقتها بشكل أدق من غيرعا، لكن تحكي قصصها الخاصة بها بالنهاية ومش سرد تاريخي دقيق ولا وثائقي تاريخي، دايما تحشر فيها سوالف الاساسنز والتمبلرز وانهم موجودين على مدار التاريخ، ضخمت من الحشاشين وجعلتهم جزء من مؤامرة امتدت لقرون قبلهم وبعدهم، مش بس كذا لكن تخلي الشخصيات التاريخية تلعب دور، فيعني صراحة لو بنسلك انه ليوناردو دافينشي كان منخرط مع الاساسنز ومش بس كذا لكن اخترع لهم الطيارة وكانت قابلة للاستخدام بها كمان، ما يجي بعد عشرين جزء ونقول لحظة لا ما ينفع تزوروا التاريخ!!!
و ياسوكي حقيقة يعطي مجال ممتاز ليكون من الاساسنز لأنه مش مسجل عنه بالتاريخ غير صفحتين ثلاث، اليابانيين نفسهم هم اللي ضخموه ودخلوه بالميديا حقتهم من زمان وعملوا منه قصص وانه ساموراي اسود وهم أول من اعطوه هذا الدور اساسا ومنها تشوفه في Nioh وغيره من الاعمال الترفيهية اليابانية،فلذلك سهل جدا تاخذ شخصية مبهمة غامضة بالتاريخ وتخليه جزء من جماعة الاساسنز الخفية الغامضة، الاختيار بحد ذاته لا بأس فيه وتقدر تحكي منه قصة، ومع ذلك برضو ما خلوه قصته الخاصة، ضمنوا معاه شخصية بنت شينوبي اللي مسكينة محد معطيها وجه ولا كأنها البطلة الثانية، هي على اساس انها بنت شخصية تاريخية أخرى أيضا.
