تبي نصيحتى ... طال عمرك البرشومه للفوز ...!!
والله اكثر من مرة اطيح بمواقف مشابه لمواقفك ... فا اضطر انى ابرشم ... وهي بتوفر عليك جهد كثيير ووقت اكثر .. وتروح للإمتحان وانت واثق ... بعلمك على اساسيات التبرشم
1- كيفيه التغلب على الخوف وانت ماسك البرشومه في الامتحان :طبعا الواحد اذا كان امبرشم بيكون خايف ويقعد يفكر ( إذا انصدت ... شنو اسوي وشنو جزائي ... إلخ ) وطبعا بيتملكك الخوف الكامل وبتحس بأنه المراقب تارك الكل وقاعد يراقبك بس انتا .. فا علشان تتخطى هالشي خلك كوول وعادي ومو مرتبك يعنى تخيل بانك بالامتحان قاعد تقرا مراجعه وليس برشومه (( كا نوع من الخدع على النفس علشان تهدى P: )) وكمان حط ببالك بأنك اذا ما غشيت منها راح تحصل درجه مو زينه ويمكن تعيد الماده ومن هالحجي .. علشان تنسى شي اسمه خوف وتفكر بالدرجات ولا تردد (( من غشنا فليس منا )) .. لووول يعنى هالشي إنساها واعتبرها حاله إستثنائيه
2- نصائح اثناء الغش من البرشومه :
أياني وأياك تقعد تبصبص للمراقب كل شوي .... هذا كنت اسويها ببداياتي .... وأكثر من مره المراقب يشك فيني بس الحمد لله لم أنكشف ^^.. يعنى لا تعره أي أهميه وإن شاء الله ما راح تفكر تطالع له لانك بتكون مندمج بالبرشومه وما راح ترفع عينك عنها إلا إذا جاوبت على كل الأساله
3- أنواع البراشيم :
في طبعا وايد انواع للبراشيم ... وكل وحده لها مميزاتها ..!!
النوع الاول : الكتابه على الطاوله , وهذى ما أحبذها لأنها تترك أثار لما تقوم عنها ومن الممكن بأنه المراقب يمر على طاولتك في يشوف الكلام ألي أنت كاتبه فا تنكشف >_> ... ولتفادي هالمشكله أنصح بأنك تكتب بالقلم الرصاص ... علشان عقب ما تغش وتخلص وتمسح ألي كتبته بكل سلاسه ومن عيبوها بأنك اثناء وقت الاختبرا يمكن تسهى وتنسى .. فا بتحط ايدك على الكلام ألي انت برشمته ومن ثم تكتشف بأنه انمسح عن غير قصد >_>
النوع الثاني : الكتابه على ورقه , في وايد شباب يجدون معجزة أثناء عملهم هالبرشومه ... مع انى ما اعرف شنو السبب ... مع انك كل ألي تسويه هو قطعه ورق صغيره وتكتب عليها الكلام ألي تبي تبرشمه بخط صغير (( مع مراعاه بأن يكون القلم حبر جاف )) .. وأنا استخدم هالنوع لأنه لا يترك أثر وأخذ راحتى أكثر شي وأوضح شي ^^ ... وعلشان تستخدمها قبل لا يُوزع ورق الاختبار , تكون انت حاطها بمكان يسهل الوصول إليه (( مثلا في الجيب العلوي للدشداشه )) ولما تجيك ورقه الاختبار طلعها من جيبك وحطها بأيدك و صكر عليها .. بس لا تشد حيل لانه ايدك احتمال تعرق فا بتخرب عليك الشغل >_> ... كمان حبيت انصح بانك تاخذ قياس البرشومه على نص قياس كف اليد ... ولا تخليها اكبر .. علشان تقدر تخشها بكل سهوله .. وايضا إذا جيت تغش منها ... أول شي خلص من الوجه الأول للبرشومه .. وتاكد بأنك اخذت كافه االمعلومات منها ... وعقب ما تخلص إنتقل للوجه الثاني ... همممم اعتقد هذا كل شي ... وطريقه التخلص منها بسيطه .. أول ما تخلص منها .. اعفسها بايدك وارميها بمكان بعيد عنك
النوع الثالث : التبرشم على الكرسي , الصراحه هذى حلوه وممتازة بس لازم تكون بالقاعه قبل الامتحان بنص ساعه علشان تقدر تكتب ألي تبيه بوقت كافي ... وهى بأنك تختار الطاوله ألي ودك تقعد فيها (( خلنا نقول الطاوله رقم 2 )) وتروح لكرسي طاوله رقم (( 1 )) وتكتب عليها ألي تبيه واهنى ينصحك تكتب بقلم الرصاص لأنه ما ينكشف بسرعه ^^
النوع الرابع : التبرشم على القلم , وهذى صعبه حيل وما اعتقد تقدر عليها بس على كل حال بأكتبها ... وهي بأنك تاخذ قلم BIG (( أعتقد هذى أسم الماركه )) ألي سعره ما يتعدى ال100 فلس ويكون شفاف ... المهم كل الى عليك تسويه هو إحضار فرجار وتحاول قدر المستطاع بأنك تكتب على قلم BIG ولازم تكون دقيق ... ولما تكتب راح تلاحضر بانه الفرجار سوا حفر على القلم بالكلام الى انت كتبتها وراح تقدر تقراه عدل ^^ ... وهذى الطريقه نجحت وايد ناس بإمتحانات الثنويه العامه ... بس للأسف على أيامي كانت الحركه للحينها مو مخترعينها <_<
هذولى هم الاكثر الانواع إستخدامنا واضمنهم واشهرهم
4- نصائح عامه :
- حاول قدر المستطاع بأنك تخلي هالشي سر وما تعلم أحد لعده اسباب (( مالي خلق اسردهم >_< ))
- حاول بأنك تبرشم الاشياء ألي تحس بأنه مهمه أكثر من غيرها
- برشم الأشياء ألي حاسس بأنك ما تقدر تحفظهم وممكن تنساهم اثناء الاختبار
- برشم المسائل ألى فيها نقاط كثيره
وحبيت اقول بانك لا تكثر من البراشيم , بعدين تتعود عليهم وما تقدر تدخل الأمتحان إلا أذا كانت عندك برشومه >_< ... يعنى خل هالامتحان أهوا الأول والأخير بالتبرشم .. لأنه مو كل مرة تسلم الجره..!
وبالتوفيق ^^
