طيب هذا الي انا احاول اقوله ان بيرسونا 3 هي الي فجرت شعبية السلسلة مع اني اميل لبيرسونا 4 برضه بتفجير الشعبية .. و يس نفس الشي ينطبق على FF7 بتفجير شعبية فاينل فانتسي لكن ما اوفقك ان FF6 لها فانز عرب قبل FF7 و إذا فعلا كان فيه فهم قلة .. لو قلت الغرب وقتها راح اوافقك لأن فيه فيه فانز مخلص لـ FF6 من ايام اصدارها ليومك بشكل ملحوظ ... اما العرب ؟ .. اممم مدري شخصيا ابدا ما لاحظت
عزيزي انا اعرف من الواقع و العالم رقمي ناس فعلا jrpg ايتر محد منهم كان داري عن بيرسونا 3 ايامها .. حتى بموضوع نقاش العاب الـ jrpg الشهير بـ montada.com كان فيه مهوسيين العاب jrpg ايامها كانو يتكلمو عن اودين سفير و العاب نيش اخرى و بيرسونا مالها طاري لول ! .. بشكل عام ما لاحظت احد يكتب انطباعات عن بيرسونا الا مع الجزء الرابع سواء montada.com او Axisia او مع الأقارب الخ .. انا مستغرب اصلا اننا جالسين نختلف ان جماهيرية بيرسونا ما كان لها وجود قبل كذا سنة مو فقط في تروجيمنج بكل مكان :/
طيب أيش رأيك اعمل موضوع تصويت و نكتشف معا فانز بيرسونا الحاليين في تروجيمنج متى عرفو بوجودها ؟
مع جيل التسعينات و PS1 ؟
ما بعد الألفية و قبل بيرسونا 3 ؟
مع اصدار بيرسونا 3 & 4 الأول على PS2 ؟
. . . او مع فترة المحمول مع P3P للـ PSP و P4G للـ PS Vita ؟
اعتقد انك راح توافقني انه راح يكون موضوع انتريستنج
خليني اوضح حاجة بما انك قلت " ناس قاعدين ببيوتهم يرمون عليك الاتهامات " .. انا مو قاعد ببيتي و انتظر اي حاجة تنعرض لي و اتقبلها لأنها فقط " لعبة جديدة ضخمة قادمة " ... " جزء رئيسي اخيرا قادم " .... انا حرفيا اقولها بكل ثقة اعتبر مهووس بـ Versus و اعتبرها مشروع حلم ما راح يتكرر .. ليومك جالس ابحث عن اخبار و تصاريح اقول ممكن فاتتني و صور لها الي جالسة يوم بعد يوم تختفي من النت .. صورة عادية لنوكتيس جلست فوق 3 اسابيع عشان الاقيها بوضوح ممتاز .. و تجيني فترات احس اني ويكيبيديا فيرسس لول اعرف محتوى التصاريح براسي و متى نزلت و العرض هذا متى نزل و فين و أيش كان تعليق نومورا عليه و السنة هذه أيش شفنا فيها ووو .. و ما ابالغ لو اقول ان فيرسس بالنسبة لي اهم من سلسلة فاينل فانتسي و سكوير و الصناعة ذي كلها على بعضها .. فلا تجي تقول عشانهم تعبو بتقديم عالم مفتوح و انيمشين و لعبة قابلة للعب و مدري أيش خلاص تقبلها و كثيرة عليك احمد ربك ما الغيناها اصلا .. أيش هذا الأسلوب ؟
ثم انت فاهم غلط .. أيش رأيك ترجع لموضوع TGS 2014 الي من خلاله تم الأعلان عن ابعاد نومورا و تعيين تاباتا بدلا منه .. ترا وقتها ردة فعلي كانت عادية و متقبل قلت مممكن نومورا اعطى افكاره لتاباتا خاصة ان تاباتا تتلمذ تحت ايدي نومورا فكنت اظن انه راح يحترم رؤيته و نومورا راح يركز على KH III الي في بداية تطويرها .. لكن لما تمر شهور بسيطة و تلاقي هذه الرسالة من نومورا :
If I had to pick, I am a person more on the dark side like Xehanort and co., I harness the burning anger in my heart into what I create
When I think about it, I had an explosive mindset when I made the first Kingdom Hearts as well
و تحس من كلامه انه غاضب من ابعاده عن مشروع احلامه .. شهور اخرى تمر و تحس ان تاباتا و نومورا ما صارو يكلمو بعض و ليومك ما يكلمو بعض .. و تمر فترة اكثر و تكتشف ان نومورا ما صار يعلق حتى على XV و ليومك برضو ما يعلق ولا كأنها موجودة .. و تمر فترة و نشوف تصاريح من تاباتا يبرر الغاء ستيلا و ريجس و الغاء ثيم الموت و حاجات مثيرة بعالم فيرسس السابق و الغاء مشاهد و احداث مهمة و منتظرة الخ و يقول لك الغينا عالم فيرسس ابيك لأننا نبغى تجربة واحدة مع لعبة واحدة لكن هوبا نكتشف انه ناوي على فيلم ؟ .. بالله مو تناقض !؟ .. و فيلم اشد كوابيسي ما راح اشوف زيه حرفيا مسح بكل شي احبه بفيرسس با الأرض :/
و الأدارة لو مو نادمة على قرار ابعاد نومورا و ما تثق فيه كان ما مسكته مهمة اخراج مشروع كبير زي FF7 ريميك .. و بما انك قلت أيش ذنب تاباتا .. ذنبه انه ازعج اهلنا بوجهه و تصريحاته الي ترفع الضغط الي ما ادري هي غباء او يتعمدها .. و كأن ما فيه احد في سكوير يعمل لعبة عالم مفتوح و جرافيكس غيره .. إذا كان هذا همك و تشوف تاباتا ابدع فيه تتوقع ان agni's philosophy مثلا لو كانت لعبة راح تكون اقل من XV ؟ .. سكوير شركة عندها كبرياء مصيرها تعمل لعبة ضخمة تنافس فيها الغرب سواء بـ XV او غيرها .. لكن انا أيش استفيد ؟ .. يعني غير التغييرات الواضحة و المعترف فيها امامي لعالم فيرسس فيه برضه خفايا ما نعلم عنها و فرص ضايعة راح اظل طول عمري اتسائل عنها .. تبغى تقول لي افرح ان بمشروع مهما تغير و انقلب مسخ غصب افرح و ارضى فيه و افضل من دفنه ؟ .. اقولك لا دفنه والله ارحم بمليون مرة من الوضع الحالي ! .. المشكلة انت و كم عضو هنا مصوريني ان شغلتي في TG اكرهكم في XV لأني ترول .. اول مرة بحياتي اشوف ترول يستدل بتصاريح منسية يطلعها من تحت الأرض و صور و مقارنات و يثبت كلامه و يوصل شعوره و يبرر .. أيش الترول الخرافي هذا
. . على الأقل فيه رسام في الكرة الأرضية فاهم شعوري تماما .. وفاهم ليه احب Versus و ليه اكره XV .. مع ان تمنيت لو اللون الازرق يكون لفيرسس بدلا من الأحمر لكن ما عليه .. بس شوف الأرت لعلك تحس شوية بفرق بينهم :