لوووووول همام بس اعذرني بس نقاطك هي الي تضحك فعلاً , برد عليك وحدة وحدة ولازم تحط في البال السؤال الي سألته " تجربتك كعاشق لل ps2 وتجربتك لل ps3 "
1- صحيح وحتى بردي ذكرت هالنقطة , السعر الي دفعناه على البلاي 3 أكثر من الي دفعناه على ال ps2
2- الظاهر إنك ماكنت موجود في أول سنة من عمر ال ps2 ويمكن ماحضرت ال 360 في بدايته أو حتى ماتعرف وضع الوي الحين .... الزبدة أول سنة من عمر الجهاز دوم تكون جذي أعتقد هذي من الأشياء الي أي لاعب المفروض يكون عارفها
3- خدمة الأونلاين على ال ps3 موجودة وقاعدة تتحسن , ال live قعد فترة طويلة على مايوصل لهالمستوى ليش مانعطي ال psn نفس الفترة وبعدين نحكم عليه ؟ + إحنا مو قاعدين ندفع ولا فلس على هالخدمة أعتقد هذا تعويض كافي على النقص
4- قسم ال PR لسوني فاشل , نفس الشي لمايكرو , نفس الشي لننتندو , هذا حال المسؤلين في الشركات الثلاث كل واحد يحش في الثاني , عالعموم أنا مو شايف علاقة هالشي بتجربتك
كلاعب
5- امممم فقدان الحصريات , أوكي شنو المشكلة ؟ فقدان الحصريات لها تأثير عالمبيعات مالها تأثير بتجربة لعبك , لما DMC4 راحت لل 360 ياترى إنت ماراح تقدر تلعبها عال PS3 ؟ إذا شفت إن الألعاب قاعدة تنتقل بشكل كامل لجهاز ثاني من دون ماتنزل على ال PS3 هني إعتقد لك حق تزعل
6- صحيح هالمشكلة لكن أعتقد بعد مرور الوقت الإختلافات هذي راح تنتهي بشكل كبير , شفنا مثلاً إتفاقية سوني مع إبيك في E3 وشفنا كلام بيتر مور إن ألعاب الرياضة من EA راح تكون 60 إطار من الحين ورايح ... المطورين بدو يفهمون الجهاز بشكل أفضل
7- يفشل في إنه يبرر فرق السعر بينه وبين ال 360 ؟ لو تركنا البلوراي والستاندرد هارددرايف وال BC وإعتبرنا إنهم كلهم إكسسوارات ليش مانتكلم عن الجودة التصنيعية ؟ ومثل مايقولون تبي شي هاي كوالتي ادفع أكثر , أنا وأعتقد الكثير من الناس تفضل إننا نشتري شي بسعر أعلى بس يعمر معاك أطول أحسن من إني كل شوي اشتري جهاز جديد كل فترة وفترة ( والله يعين )
8- مالها علاقة بالموضوع
9- البلوراي صح , البلوراي هو السبب الي خلاني ادفع فلوس اكثر عالجهاز لكنه يساعدني وينفعني ويخلي تجربتي في اللعب أفضل , إذا إنت مو مصدق اقرى كلام كوجيما وراح تعرف شلون إن البلوراي فاده في MGS4
10- لول تقليد ننتندو ماشي نمشي عالكلام الحلو هذا , إنت شنو خسران ؟ أعتقد من صالحك إذا شفت الميزات تجيك حتى لو كانت سرقة أو تقليد , الرمبل كان شي خارج عن نطاق سوني بسبب قضية اميرشون لكن يظل ينحسب عيب ( اعتبره العيب الثاني فقط بعد السعر ) الحمدلله إن الوضع مؤقت , وكعادة سوني بتعوضك على هالشي
11- للمرة العشرة بعد المليون أنا مو عارف شنو علاقة هالشي فيك
كلاعب لا إنت مطور ولاصاحب شركة ألعاب بس خلني أرد وأقولك سوني هي السبب الي خلتهم يترزقون من الله في زمن ال PS1 و PS2 عي الي فتحت لهم مجالات أكثر إنهم يربحوا أكثر فلا يزعلون لو إنها مرت بأزمة شوية
12- نقطتك مو واضحة منو تقصد بالجميع ملاك الوي وال 360 ؟ شعليك فيهم أجهزتهم صارت غالية ولا رخيصة ؟
13- عن ال BC سوني من قبل لا تنزل الجهاز وهي مصرحة إنها راح تشيله في المستقبل فهي عطتك خبر ماتقدر تنتقدها على هالشي , تخبطها في ال SKUS الشركة هي الي راح تتحمل تبعاتها إنت ماراح يضرك شي
14 - إهمال الطرف الثالث غير صحيح , إهمال "حصريات" الطرف الثالث يمكن لكن إهمال إلعابها لا , مثل ماقلت الوضع ماتغير في زمن ال PS2 الإلعاب كانت تجيك وماتجي لغيرك والحين تجي لغيرك لكن الأهم إنها تجيك , إنت مو خسران شي وتشكيك للطرف الأول والثاني يضحك , إكتفي بكلام ننتندو لما شافت ليتل بيج بلانيت وميديا مالكول وقالت إنها ضيعت على نفسها هالفريق
في النهاية كل الي قاعدة أشوفه منك هو البكاء على إن سوني مو الماركت ليدر وإن هالشي يمكن يخلي الألعاب تقل , أنا في فترة من الفترات كنت زعلان من نفس الشي , بس مع مرور الوقت زال الخوف , الحمدلله كل الي حبيته في ال PS1 و PS2 مازال موجود في ال PS3
:
