مبيعات ميديا كريت 25 نوفمبر - 2 ديسمبر

[hussien-11]

ليش من فترة ماحد ينزل المبيعات ؟

http://www.true-gaming.net/home/116166/

مبيعات الهاردوير مثل ما هي، الـ3DS اكتساح شامل و لا زال يبيع بمعدل 160 ألف جهاز في الأسبوع منذ إطلاق الـXL ! أتوقع حتى الناس الي اشتروا الجهاز كثير منهم قاعد يشتري الجهاز الجديد
الفيتا ارتفع شوية و طلع من دائرة الخطر، تأثير الألعاب الجديدة

01./00. [PS3] 2nd Super Robot Wars OG (Bandai Namco Games) – 217.710 / NEW
02./00. [3DS] Professor Layton Vs. Ace Attorney (Level 5) – 128.856 / NEW
03./00. [WII] Taiko no Tatsujin Wii: Super Deluxe Edition (Bandai Namco Games) – 115.955 / NEW
04./01. [3DS] Animal Crossing: New Leaf (Nintendo) – 105.553 / 1.212.312 (-51%)
05./03. [3DS] Pokemon Mystery Dungeon: Magnagate and the Infinite Dungeon (Pokemon Co.) – 48.039 / 169.519 (-60%)
06./04. [PS3] Hot Shots Golf: World Invitational (Sony Computer Entertainment) – 37.874 / 138.736 (-62%)
07./02. [PS3] Call of Duty: Black Ops II – Subtitled Edition (Square Enix) – 36.234 / 233.584 (-82%)
08./05. [3DS] New Super Mario Bros. 2 # (Nintendo) {2012.07.28} (¥4.800) – 32.973 / 1.453.157 (-6%)
09./00. [PSV] Fate/Stay Night -Realta Nua- (Kadokawa Shoten) – 30.583 / NEW
10./00. [PSV] Atelier Totori Plus: The Alchemist of Arland 2 (Gust) – 27.651 / NEW

​

مبيعات السوفتوير جدا متدنية هذا الأسبوع بشكل غريب ! ما السبب يا ترى ؟
افتتاحية كروس لايتون و ايس اتورني افتتاحية متوسطة، أتمنى توصل 300 ألف نسخة مع الوقت، إعلان لايتون6 و ايس اتورني5 أضر باللعبة شوية، فانز السلسلتين ينتظروا الإصدارات الرئيسية
مبيعات فيت ستاي نايت قياسية بالنسبة لفيجوال نوفل و بورت رقم مليون
أنمال كروسنج لا زالت تبيع بشكل محترم !

الأسبوع الجاي بيكون حماسي مع ألعاب الوي يو.

 

[awadnin]

فيه ناس تقول مبيعات جهاز 3DS الكلية في الأسبوع القادم راح تتجاوز مبيعات البلايستيشن 3 الكلية، شي يخليك تمسك راسك.. كيف ننتندو قدرت تحقق هذا الإنجاز الصعب!

 

[SHIN.M]

العدس اسرع جهاز مبيعا باليابان ولا انا غلطان ؟
ارقام قياسيه يحققها الجهاز الي مستغرب منه مافيه فف للجهاز ولا حتى ريميك

الجهاز قاعد يبيع ارقام خياليه كنت متوقع اشوف دعم خرافي للجهاز صحيح الدعم قوي لاكن ماشفنا فف او دراغون كويست جديده كلها ريميكات
ولا تيلز ولا TWEWY ولا بيرسونا كنت متوقع اكثر من كذا

 

[Rain]

سؤال نووب لابعد درجة ..
اللي افهمة من المبيعات انه اسبوعيا 100 الف شخص يشتري عدس جديد ؟!!
يعني ما تجي فترة يكون فيها كل شخص باليابان اشترى الجهاز ؟

 

[hussien-11]

يب أسرع جهاز مبيعا بتاريخ اليابان
بالنهاية الشركة الي ما بتدعم الجهاز مزبوط هي الخسرانة، سكوير مخطئة جدا بخصوص فف، أما دراجون كويست أنا أقول 11 جاية للجهاز 100٪، وشين ميجامي تنسي4 جاية للجهاز في النهاية، لكن غياب تيلز جديدة غريب جدا خصوصا انه ايبس باعت بشكل جيد!

 

[hussien-11]

سؤال نووب لابعد درجة ..اللي افهمة من المبيعات انه اسبوعيا 100 الف شخص يشتري عدس جديد ؟!!يعني ما تجي فترة يكون فيها كل شخص باليابان اشترى الجهاز ؟

160 الف في الواقع، شيء مرعب جدا

 

[Hero Zero]

غياب تيلز جديدة غريب جدا خصوصا انه ايبس باعت بشكل جيد!

فانز تيلز متمركزين في اجهزة سوني اكثر شيء وصعب انها تسوي جزء جديد لتيلز على العدس وهي ماعندها قاعده جماهيريه كافيه على اجهزة ننتندو , الافضل انهم ينزلون بورتات لاجزاء سابقه على الجهاز لين ماتبنى هالقاعده .

 

[Veeto]

awadnin

لا تنسى فرق جوهري بينهم .. السعر !
البلاي 3 أول ما نزل كان 600 دولار والعدس أقل من نص هالسعر وحاليا بعد التخفيض بعده العدس تقريبا أقل سعر من الأجهزة الجديدة
يعني أقل من البلاي 3 والفيتا معا

والبلاي 3 باليابان يعاني أساسا من مشكلة دعم الشركات .. العاب الأر بي جي اليابانية التقليدية قليلة جدا عليه

ومع هذا نينتندو نجحت نجاح عظيم جدا في اليابان من خلال سلسلة متواصلة من الإصدارات قل نظيرها ساهمت في هالطفرة الكبيرة بالمبيعات بسرعة قياسية نسبيا

الجهاز للأسف قاعد يتشكل للسوق الياباني فقط بسبب تغير مناخ سوق المحمول في العالم ككل أتخيل هالمبيعات نفسها بنفس النسق في امريكا اعتقد ان كنا بنشوف سلاسل لفاينل مو بس لعبة وحدة

------

حسين

الفيتا للحين في مرحلة الموت السريري 11 ألف رقم سيء جدا جدا .. حاجز العشرين أو 25 ألف أسبوعي يمكن وقتها نقول أنه انتعش بهالارقام الجهاز يحتضر

الشي الغريب ان الإصدارات عليه تبيع بشكل معقول ويبين ان جمهوره متعطش للألعاب
السنة الجاية مع فانتاسي ستار بنشوف احتمالية انتعاشة الفيتا

 

[SHIN.M]

فانز تيلز متمركزين في اجهزة سوني اكثر شيء وصعب انها تسوي جزء جديد لتيلز على العدس وهي ماعندها قاعده جماهيريه كافيه على اجهزة ننتندو , الافضل انهم ينزلون بورتات لاجزاء سابقه على الجهاز لين ماتبنى هالقاعده .

فيه جزئين على الوي
و3 اجزاء على الدي اس

مااشوف انو فيه شي يمنع من صدور جزء جديد للعدس
بالعكس اشوفه شي غريب انه مايصدر

 

[Zero]

سؤال نووب لابعد درجة ..
اللي افهمة من المبيعات انه اسبوعيا 100 الف شخص يشتري عدس جديد ؟!!
يعني ما تجي فترة يكون فيها كل شخص باليابان اشترى الجهاز ؟

لا تنسى أن الناس يشتروا الأجهزة لأسباب مختلفة، وأكيد مو كل شخص في البلد اشتراه في بلد سكانه يقاربوا 127 مليون بأعمار وتركيبة سكانية مختلفة عموما.

طبعا مو كل أحد في البلد اشترى الجهاز، في ناس تشتريه بتوقيت مختلف، مو لازم كل من يشتريه يكون هاردوير جيمر، يمكن الجهاز تم شراءه على شكل هدية، يمكن كانوا ينتظروا شيء معين لشراءه... إلخ.

لا تنسى أن الناس ليسوا سواء.

 

[SHIN.M]

الجهاز للأسف قاعد يتشكل للسوق الياباني فقط بسبب تغير مناخ سوق المحمول في العالم ككل أتخيل هالمبيعات نفسها بنفس النسق في امريكا اعتقد ان كنا بنشوف سلاسل لفاينل مو بس لعبة وحدة

صدقني الجهاز يبيع بامريكا واوروبا صحيح مو نفس اليابان بس شي طيب
مع الشح العجيب بالاصدارات الي على الجهاز مقارنه باليابان لاكن مبيعاته جيده مع ثورة الاجهزة الذكيه وطقتها
لو بعض الالعاب اليابانيه تنزل للجهاز بسرعه كان شفت الجهاز يفجر المبيعات لاكن فيه شح عجيب بالالعاب للغرب
من الان الى مابعد مارس 2013 شوف كم راح يبيع الجهاز اذ ماارتفعت المبيعات بشكل ملحوظ وقتها انا اقول معاك حق
مااظن فيه جهاز محمول يتشكل للغرب وينجح المطور الغربي شايل يده من المحمول والدليل الفيتا اكثر بيئه مناسب للغرب
ولا شفنا شي الا لعبه او لعبتين وكم بورت لو الفيتا عليه شعار ميكروسوفت كانت شفت الغرب كلهم يتغنون فيه وانه جهاز ماله مثيل

 

[Hero Zero]

فيه جزئين على الوي
و3 اجزاء على الدي اس

مااشوف انو فيه شي يمنع من صدور جزء جديد للعدس
بالعكس اشوفه شي غريب انه مايصدر

اكثر الاجزاء اللي نزلت كانت على اجهزة سوني حتى السبين اوف منها , حتى لو كانت فيه فانز للسلسله في اجهزة ننتندو ففانز سوني اكثر بفارق عشان كذا تشوف الشركه نزلت ريميكين للعبه على الفيتا وربح مبيعات طيبه .
ليشءالشركه ماتبي تنزل جزء جديد على العدس ؟ لان هاذي مخاطره تقوم بها الشركه لان اللي قاعدين نتكلم عنه جزء جديد مش ريميك ولابورت يجيب اللي يجيبه عادي .

 

[SHIN.M]

^

وين المخاطره يوم نزلت 3 اجزاء على الدي اس
2006 , 2007 , 2008
كلها اجزاء الدي اس لا بورت ولا ريميك اجزاء جديده
ليه ماتنزل على العدس هذا الي محيرني فقط
ادري ان السلسة اغلبها نزلت على اجهزة سوني بس فيه نقطتين
الاولى الريميك الي على الفيتا ماباع زين مقارنه بالاصليه على الدي اس مع ان الريميك كان فيه نقله خرافيه بالرسومات يعني ان اليوزر بيس جيده على اجهزة نينتندو
الثانيه العدس كقدرات تقنيه ممكن يعطيك لعبه ممتازه المظهر ومبيعات الجهاز جباره مافيه اي سبب مقنع الا انهم كانو يعلمون على تيلز بس3 وريميك للفيتا تليز اوف هارت
واكثر جزء مبيعا من السلسة كلها جزء الكيوب صدقني المشكله مو يوزر بيس ممكن انها قيد التطوير او انهم ناوين ينقلون الاسم كامل لاجهزة سوني وفيه جزء خاص للفيتا