مبيعات الالعاب للpsp منخفضه؟ اذا عرف السبب بطل العجب

[Hero]

:normal: :normal: :normal: الموضوع مجرد نقاش حول مشكله واي نقاش حول تفاصيل التهكير ممنوعه

ياكثر ماكنت اقول والناس هم تقول ان الpsp جهاز متهكر على الاخر والناس تقول "هذا مو عذر" ان مايبيع سوفت وير المشكله بالالعاب والخ من الاعذار الوهميه

على العموم اليوم فقط تم معرفه طريقه لتهكير الpsp جديده وللعلم الطريقه هذي فقط تساعد الناس الي جهازه 3.40 +3.50 الاجهزه الي قبلها كلها متهكره 1.00 وصولا الى 3.30 مع ان الطريقه هذي تنفع لكل نسخ الpsp لكن الي يبيها هم مقتني الpsp الحديثين لان لايوجد لهم طريقه لتهكير الجهاز

اوكي بعد كل هذا تبي تعرف شنو صار يوم نزلت طريقه للتهكير فقط لاخر نسختين للpsp? تتوقع ان ماراح يكون لها تاثير مهم بسبب انها للنسخ الاخيره فقط؟ الي صار...

صار هجوم شامل على الانترنت ماراح اقول تفاصيل التهكير لانه ممنوعه بالمنتدى لكن بكل بساطه تحتاج الى لعبه luminues وتهكر جهازك في بيتك نفس ماصار قبل مع لعبت جراند ثفت اوتو -_- سوني والله مسكينه مو متهنيه مع هالجهاز وبعدين يقولون ليش ماتبيع العاب رسميا الحين اي جهاز psp يتهكر على الاخر بسهوله وانت في بيتك بس تحتاج الى اللعبه ويقارنون تهكير الDS بتهكير الpsp لول

اللعبه صارت soldout تقريبا في كل مكان محلات او مواقع انترنت
وهذي عينه من موقع امازون

ارتفاع بنسبه 7.000% في المئه تقريبا وصارت غير متوفره نسخه جديده سولد اوت وصعودا من المرتبه ال 630 الى المركز الاول مبيعا لليوم فقط والمركز ال9 بشكل كلي لل video games

http://www.amazon.com/gp/movers-and-shakers/videogames//104-8291443-0113563

هاردلك سوني وشكله هجوم شرس من مقتني الpsp باتجاه التهكير -____- المشكله الابديه هي psp متهكر = اقوى وافضل من جهاز مو متهكر باضعاف الاضعاف سوني لازم تطلع بحل ولا ماراح تنتهي من المشكله هذي

 

[Hero]

وهذي في بريطانيا......
صعود بنسبه اكثر من 20.000% في المئه...... ومن المرتبه ال 2600 الى المرتبه ال45......

فرنسا

اليابان

المانيا

امريكا

والخ من الدول الاخرى ولايزال الصعور مستمرا والطلب اكثر من المتوفر بكثير -_- وفي مواقع كثيره نفس الحاله soldout مو بس امازون كل العالم مهكره هالجهاز المسكين لول

 

[M 7 L]

يالله أرقام خياليّة . . .

كل هالمبيعات للألعاب والـ PSP من أول ما نزل مبيعاتة ضعيفة !!

غريب عجيب أمر الـ PSP لكن إن شاء الله مع التعديل الجديد للـ PSP راح يكون التهكير أكثر صعوبة عليها ولو يسوون تخفيضات على أسعار ألعاب الـ PSP أكون لهم شاكر جداً جداً , , ,

 

[Hero]

في ناس ماتدري وعبالهم انها لعبه جديده :yuck: اللعبه عمرها فوق السنتين نزلت شهر مايو 2005
هههه فعلا شي عجيب لعبه عمرها سنتين تقوم تبيع بالشكل هذا مره وحده سوني راح تنزل نسخه جديده من اللعبه مع باتش يمنع الglitch الي فيها يعني وايد ناس ماراح تحصلها حتى ebay البائعين سحبو اللعبه من كل مكان وحطوها مره ثانيه بسعر اعلى حاليا في قتال بebay عليها -_- ومع الاستغلال هذا هم ايضا انباعت كل ماتنح نسختين ثلاث شوي وينباعون

 

[Colorization]

ولا عمري أيّدت الكوبي لأنه يفقدك متعة اللعب. شعور أكثر من رائع لما توصلك اللعبة وهي مجيّسة مع البوكليت والسي.دي الأصلي، لول شعور لا يوصف
لكن اللي خلاني أهكّر البسب هو ألعابه الرديئة ومع إحترامي لمعجبينه هو أفشل محمول إقتنيته، لوكوروكو الوحيدة اللي عاجبتني عالجهاز، ستريت فايتر ألفا شريتها عشان إسمها بس، ومجموعة بسيييييييييطة من الألعاب الجيدة، بعد ما خلصت من لوكوروكو قطيت الجهاز بالكرتون ولا راح أفكر أشيله من مكانه إلا لما تنزل Castlevania شهر 9

DS? no; GBA > PSP

 

[Humam]

😵

......

 

[ryo hazuki]

طبعا التهكير كان من الاسباب الرئيسيه لضعف المبيعات بشكل رئيسي
لكن في الفتره الاخيره الجهاز صمد تقريبا 6 شهور بدون تهكير ...و تضيق الدائره اكثر مع الايام على الهكرز
و فالنهايه سوني تمكت مقاومة الهكرز بشكل جيد في الفتره الاخيره و اتمنى تنجح خصوصا للpsp المطور

انشالله شاري اللعبه قريب

بس موضوع لومينس LOL الحين بيسوون جزء جديد لان المبيعات كانت قويه

 

[Strife]

اصلا قالها جراي فوكس قبلي .. البي اس بي كانت مبيعات العابه ممتازة جدا..بس اول مانزل الداونجريدر ل 2.50 والمبيعات ضلت تنزل الى ان اختفت نهائيا.

وانا اعتقد انه ال attach rate كان اكثر من الدي اس..

كل اللي محتاجين USB CAble! مافي جهاز تهكر بصورة اسهل.. ولا تقولون لي m3 لان الوضع يختلف كثيييير بين الامرين..

واللي مايصدق يقدر يرجع بردود العضو Mario من منتدى Neogaf (هو مطور من شركة جريب شيفت) بتشوفون يقول باكثر من مناسبة بان البي اس بي اكثر جهاز متهكر.. والنسبة بينه وبين الاجهزة الباقية كبيرة جداً!

بالمناسبة هالايام 4 جيجابايت ميموري ستيك = 50$ ثمن لعبة وحدة وخلاص..

 

[squall leonhart]

ادخل التورنت و بتشوف العجب .. العاب تبيع اقل من الف نسخه تلقى الداونلود عليها يوصل عشرات الالاف

 

[Strife]

ادخل التورنت و بتشوف العجب .. العاب تبيع اقل من الف نسخه تلقى الداونلود عليها يوصل عشرات الالاف

\
بالضبط وهذه احد الامثلة الي ذكرها ماريو من منتدى جاف..

 

[squall leonhart]

Mario (هو مطور من شركة جريب شيفت)

مين هذا ؟؟

 

[Strife]

مين هذا ؟؟

هذا هو اضغط

وفي هذا الرد يقول انه يشتغل في شركة جريب شيفت


ttp://www.neogaf.com/forum/showpost.php?p=2220887&postcount=29


وفي هذا الرد يتكلم عن القرصنة واثرها على البي اس بي

We monitor piracy of our games pretty closely, and piracy has hit our last PSP title far worse than any other platform (we are also across PC, PS2, and Xbox). In what we have tracked alone there have been around 3-4 times as many downloads of our PSP title than we have had actual sales (doesn't help that the game is hard to find in stores of course).

http://www.neogaf.com/forum/showpost.php?p=4722980&postcount=188

 

[BioMario]

عجيب والله ..
ما احب حركات التهكير و الكوبي و ما شابه هذي الأشياء الغبية ..

الصراحة حرام الـ PSP يكون وضعة بالوضع الحالي والله جهاز رهيب و خارق جداً -__- ..
وجهازي موجود ما لعبت به من سنه تقريباً وهو موجود بالخزانه ..

 

[The Shark]

التهكير لما يكون بحد معقول يخدم الجهاز نوعا ما (الجهاز و ليس الألعاب) خصوصا في دول العالم الفقيرة (الثالث) ...
لكن لما يزيد بهالشكل الي انشوفه على البي اس بي راح يجيب اجل الجهاز و بجعل المطوريين يتجنبوه ...

 

[Gon freeces]

Q? needs more MONEY !

شي ممتاز ان اللعبة تبيع بشكل جنوني 😛

بالمناسبة هالايام 4 جيجابايت ميموري ستيك = 50$ ثمن لعبة وحدة وخلاص

من جد ؟! حتى بالدول الخليج ؟؟

 

[Strife]

Q? needs more MONEY !

شي ممتاز ان اللعبة تبيع بشكل جنوني 😛


من جد ؟! حتى بالدول الخليج ؟؟

انا طلبتها قبل اسبوعين من Buy.com بهذا السعر.. اما دول الخليج.. فماعندي اي فكرة.

 

[Mario2]

:yuck: .. ميزوتشي يا رهيب من جد نقعها هالمره ..

بس تدري شو المشكله لو كان البي اس بي ما يستحق تاخذه وتنزيل مجاني عيني عينك هنا المشكله صراحه ..:roll:

 

[Strife]

بس موضوع لومينس LOL الحين بيسوون جزء جديد لان المبيعات كانت قوي

ه
نزلوا لها جزء جديد من زمان :yuck:

:yuck: .. ميزوتشي يا رهيب من جد نقعها هالمره ..

بس تدري شو المشكله لو كان البي اس بي ما يستحق تاخذه وتنزيل مجاني عيني عينك هنا المشكله صراحه ..:roll:

البسب ماتستحق تاخذه؟ لوليز.. هذا ذوقك وانت حر فيه.. انا من ناحيتي مرتااااح مع البي اس بي واعتبره احسن محمول نزل على الاطلاق.. من ناحية الالعاب، انا اشتريت 25 لعبة للبي اس بي مقابل 5 للدي اس.. (العاب الدي اس: نيو سوبر ماريو برذرز.. برين ايج.. برين اكاديمي.. اليت بيت اجنتس، وبوكيمون.. وافكر في كوكنج ماما وزيلدا)

 

[mario0o]

مصائب قوم عند قوم فوائد .. مستانسين على مبيعات لومينز :yuck:

البسب ماتستحق تاخذه؟ لوليز.. هذا ذوقك وانت حر فيه.. انا من ناحيتي مرتااااح مع البي اس بي واعتبره احسن محمول نزل على الاطلاق.. من ناحية الالعاب، انا اشتريت 25 لعبة للبي اس بي مقابل 5 للدي اس.. (العاب الدي اس: نيو سوبر ماريو برذرز.. برين ايج.. برين اكاديمي.. اليت بيت اجنتس، وبوكيمون.. وافكر في كوكنج ماما وزيلدا)

نفس الكلام ينطبق عليك . هاذا ذوقك وانت حر فيه
انا مثلا اللي لعبته وعجبني عالـPSP لوكوروكو وكتماري ولو انها موجوده ع جهاز ثاني
اما اما العابي عالـDS ما اقدر اعدهن الصراحة من كثرهن

 

[Strife]

نفس الكلام ينطبق عليك . هاذا ذوقك وانت حر فيه
انا مثلا اللي لعبته وعجبني عالـPSP لوكوروكو وكتماري ولو انها موجوده ع جهاز ثاني
اما اما العابي عالـDS ما اقدر اعدهن الصراحة من كثرهن

الفرق اني مارحت لموضوع دي اس واقول انه مايسوى.

 

[mario0o]

ماريو2 لا تتهجم مره ثانية

 

[The Heartless]

الفرق اني مارحت لموضوع دي اس واقول انه مايسوى.

لوووووول في الصميم


بخصوص الPSP والتهكير , أنا صحيح زعلان ان بعض الشركات ألعابها ماتبيع لكن الصراحة التهكير على الPSP شي خيالي فيه أشياء ماتحلم تسويها على جهاز محمول

يمكن سوني تشوفلها حل مع الPSP المعدل فجذي يصير الPSP القديم للبرامج والهاكات , الجديد للألعاب

 

[Gon freeces]

. (العاب الدي اس: نيو سوبر ماريو برذرز.. برين ايج.. برين اكاديمي.. اليت بيت اجنتس، وبوكيمون.. وافكر في كوكنج ماما وزيلدا)

في ألعاب كثييييرة فاتتك (FF,Castlevania,Kirby:CC,Meteos,Hotel Dusk) و غيرهم....

 

[squall leonhart]

هذا هو اضغط

وفي هذا الرد يقول انه يشتغل في شركة جريب شيفت


ttp://www.neogaf.com/forum/showpost.php?p=2220887&postcount=29


وفي هذا الرد يتكلم عن القرصنة واثرها على البي اس بي

http://www.neogaf.com/forum/showpost.php?p=4722980&postcount=188

كنت احسبك تتكلم عن ماريو حقنا لوووووول

 

[Final Fantasy]

الفرق اني مارحت لموضوع دي اس واقول انه مايسوى.

لأنك لو سويتها جان أكلوك و أنت حي ههههههههههههههههههههههههههههه :yuck:


المهم بالنسبة للموضوع .. للأسف التهكير خرب جد أم أبو الـ PSP .. لولاه جان لقينا التطوير عليه و الألعاب عليه أكثر مما هي عليه الآن أصلا و تبيع بالهبل .. بس الجهاز ما خربه الا التهكير و لا كان شفنا منه شي ثااااااااني أكثر مما احنا شايفين منه الحين :slant:

 

[Hero]

مادري شيبي الDS بالموضوع ندري ان له العاب مايحتاج تثبتون لن
ا اهي مجرد مساله اختلاف اذواق :slant:

النسخه الامريكيه من 7000% الى 14.600% في اقل من 5 ساعات
ولانها صارت سoldout بدات تقل الحين الي يضحك انها صارت video games rank 2 الان والwii يعتبر المركز الاول يمكن تعدي الwii اذا جابو نسخ جديده :moneymouth:

 

[Naif]

^ لوووووووووول!! اللعبة الثانية في اكث الالعاب مبيعا في امازون الامريكي.. :0

 

[Strife]

اااه!!

خلاص لازم سكوير تخلي ثغرة في كرايسيس كور علشان تبيع الملايييين.

الحين في اي واحد يقدر يقول انه القرصنة مالها تاثير على البي اس بي ؟ لولز

 

[Final Fantasy]

الحين في اي واحد يقدر يقول انه القرصنة مالها تاثير على البي اس بي ؟ لولز

أعطيك مهلة شهر واحد لا أكثر .. و راح تلقى ناس تكرر نفس القافلة مرة ثانية و ثالثه و رابعه الخ :yuck:

 

[Hero]

أعطيك مهلة شهر واحد لا أكثر .. و راح تلقى ناس تكرر نفس القافلة مرة ثانية و ثالثه و رابعه الخ :yuck:

مو بس ان الجهاز متهكر انطر اقل من شهر اصلا وتسمع التهكير على الجهاز مو ذاك الاهميه كل الاجهزه تهكرت قبله +مافي عليه العاب
(لازم على يوم اسوي موضوع العاب الpsp لول)