مبيعات الألعاب و الأجهزة لأمريكا لشهر فبراير 2007 (يحيى قادة العالم)

[Xeno]

زينو ما تعرف متى تنزل الدفعات الجديده ؟؟
ناوي آخذ لي واحد ...

قصدك بالسعر المخفض!؟ أنصحك تنتظر لاجازة الصيف, 100% بيكون الجهاز نزل سعره ذاك الوقت.

 

[Tomb raider]

قصدك بالسعر المخفض!؟ أنصحك تنتظر لاجازة الصيف, 100% بيكون الجهاز نزل سعره ذاك الوقت.

لالا مب السعر ...اقصد ممممم اصدارات جديده يعني بدون المشاكل ...لأن اخويه صارت له مشاكل بالجهاز فباعه .... وانا ناوي آخذلي واحد عشان ما تتكرر سالفة اخويه
اتذكر كان في خبر ان دفعات جديده من الجاهز بتنزل في فبراير بس ما شفنا شي !
اتمنى انك تكون فهمتني !

 

[Xeno]

لالا مب السعر ...اقصد ممممم اصدارات جديده يعني بدون المشاكل ...لأن اخويه صارت له مشاكل بالجهاز فباعه .... وانا ناوي آخذلي واحد عشان ما تتكرر سالفة اخويه
اتذكر كان في خبر ان دفعات جديده من الجاهز بتنزل في فبراير بس ما شفنا شي !
اتمنى انك تكون فهمتني !

والله مادري على كل حال ماعتقد يصير إعلان إذا نزلت دفعة جديدة, عموما حاليا وقت مناسب للشراء ماعتقد الجهاز فيه مشاكل, أنا الحمدلله (ألف مرة) ماصادفت أي مشكلة مع الجهاز, شاريه من أمريكا الصيف الماضي.

 

[Tomb raider]

والله مادري على كل حال ماعتقد يصير إعلان إذا نزلت دفعة جديدة, عموما حاليا وقت مناسب للشراء ماعتقد الجهاز فيه مشاكل, أنا الحمدلله (ألف مرة) ماصادفت أي مشكلة مع الجهاز, شاريه من أمريكا الصيف الماضي.

ماقصرت ...ان شاء الله بشوف الوقت المناسب علشان اشتري الجهاز ..بس ما ينفع بدون HDُTVطبعا

 

[Aoks]

سؤال شباب

360 CRACKDOWN 427K

تسوى ؟

 

[Super Shadow]

الالعاب الحقيقيه بعدها + اصبر عليه...

الألعاب الي تستاهل تاخذها على الجهاز هي ديفل ماي كراي 4 ، متيل جير 4 ، فاينال فانتسي 11

و أعتقد في غير هذيل بس مش بنفس مستواهم

عموما

لازم ننتظر ألين ما توصل الألعاب العدلة و ما نتعجل :cooool:

سؤال شباب


Quote:
360 CRACKDOWN 427K

تسوى ؟

اذا أنت تحب الألعاب الي نفس نوعية جراند ثيفت أوتو

خذها

 

[The Last Fantasy]

شي مزعج فعلا ... يعني آخرتها مركز البلاي 3 في المبيعات بين الأدفانس والكيوب .. جهاز جينيريشن جديد ما يبيع ولو بنص المأمول .. عار !

مدري إلى متى سوني بتنتظر الفرج ينزل من السما .. لازم تتحرك .. فعلا أزمة.

 

[Emirates]

اداء ناينتندو فعلا غير هالجيل

+

كراك داون صدرت 20 فبراير شلو صدرت في بدايته ؟

اداء ممتاز لناينتندو في الهارد وير وممتاز للاكس 360 في السوفت وير

اما البلاي 3 على قولتهم طلع من المولد بلا حمص .. في هالشهر

وشكل امريكا بتنقلب على شعار lol Wii60

 

[Ash Storm]

نينتندو رجعت لسابق عهدها اخيراً :cooool: ..
اتمنى بس انها تستمر على هذا الحال ..

بالنسبة للبلاي ستيشن 3 فهي مسألة وقت حتى يبتدي يبيع, لما تنزل العابه المنتظرو و ينزل سعره .. !

 

[Suzuki Yu]

على فكرة مبيعات سونك وفيرتشوا فايتر 5 مبيعات عشر ايام فقط مش شهر
أنا أشوف ان مبيعاتهم حلوة خصوصا ان السوق الامريكية ماتهمد بسرعة زي السوق اليابانية

 

[Gon freeces]

NDS HOTEL DUSK: ROOM 215 $505,638 16,035

🙁
مبيعات فف6 سيئة , بالذات مع ان ننتندو حطت اعلانات بالمجلات...........

 

[Humam]

لكن إلي انا مستغرب منه PS3 .. !!!
والله ما عاد يأكل عيش معقولة مع ان في العاب قوية نزلت ..!!

وت ؟ لول ايش الألعاب القوية الي نزلت في فبراير.. مافي الا فيرتشوا فايتر 5 .. و مبيعاتها حقة 10أيام.. يعني ممكن توصل فوق ال 200 ألف بعد سنة.. مع اتساع اليوزر بيس وتخفيض سعر اللعبة.. رقم يمشي الحال.

أنا ما زلت أعتقد إن بداية الPS3 الحقيقية ما جات.. الجهاز سعره مرتفع.. ما عليه ألعاب ( كثيرة ) في الفترة الحالية تحفز اللاعب العادي إنه يدفع فرق 200 دولار و أكثر عليه..

سوني مرت بشهر تعبان مثل ما غيرها مروا بشهور تعبانة, مو نهاية العالم.

بس الtie ratio يكشف لنا أمور إيجابية بعض الشيء, نسبة مبيعات السوفت وير للأجهزة في فبراير أقل من الWii بشكل بسيط.. وهذا شي إيجابي.

حاليا ما أقدر أشوف سوني تخرج من هذه الدوامة, الشغلة مع الأسف معقدة, ويبغالها كثيييييييييير من الصبر.. للشركة نفسها وللاعبين.

edit: في شي غريب محد علق عليه.. مبيعات الPS2.. واو.. الظاهر فعلا الجهاز هذا راح يكمل 10 سنوات كلايف سايكل..

 

[The Heartless]

مااقدر غير اني اقول واو على الwii وال360 , الوي من زمان وانا عارف انه راح يكون جهاز ناجح خاصة انه رخيص وان طريقتهة جديدة فملاك ال360 او البلاي 3 اذا بياخذون جهاز ثاني اكيد الوي بيكون خيارهم ,
وبالنسبة للبعض الي كأنهم اعتبرا الحرب انتهت وان البلاي3 ماراح يكون في الصدارة اقولهم تو الناس .

للحين ماشفنا تأثير GDC على السوق والألعاب القوية جايه في الطريج , أنا ماعندي شك أن سوني بتخرج من هالجيل وهي الرابح الأكبر لكن العملية طويييييييلة ويبيلها وقت , قبل جم يوم قريت خبر ان البلو راي بدا ينتشر وانه بمبيعاته قاعد يتفوق على الHD DVD بثلاثة اضعاف وانه حتى يتفوق على صيغة الDVD العادي قياسا على الفترة الزمنية الي الاثنين نزلوا فيها , وواضح انها خطوة مهمة بتساعد البلاي3 بعدين .

لكن مثل ماقال معظم الأعضاء سوني فعلاً لازم تنزل بالسعر شوي .

شباب ممكن تحطون المبيعات الكلية لرسستنز وجود اوف واو 1

 

[ASWD]

اداء ممتاز جدا جدا لنينتندو على صعيد الكونسلز والمحمول..واداء رائع على صعيد السوفت وير..الـ360 مبيعات قوية للسوفت وير لكن الهارد وير ما يعكس ابدا هذي المبيعات..لبلاي3 للأسف رايح فيها من الجهتين..لبلاي2 هو الملك بلا منازع..مارس بيكون حافل لذا الجهاز وعندي احساس ان GOW2 هي اللي بتكون الاولى بالسوفت وير

سوني لازم تتحرك وتعمل اي حاجة قبل ما يكون الوضع اصعب من كذا مستقبلا

 

[Nintendo]

بس الtie ratio يكشف لنا أمور إيجابية بعض الشيء, نسبة مبيعات السوفت وير للأجهزة في فبراير أقل من الWii بشكل بسيط.. وهذا شي إيجابي.

من جدك همام !! الجهاز باع 130 الف تقريبا فاي رقم لمبيعات الالعاب بيعطيه نسبه جيده لمبيعات الالعاب ..

عن سالفة الGDC مادري صراحه كيف اعلان عن الهوم ولعبه نتورك راح ترفع مبيعات الجهاز عند الكاجولز مثلا !! هاذي مابيكون لها اي نتيجه وسوني بس تصرف للامانه حاليا ... ننتظر شهر مارس ونشوف لعل وعسى موتور ستورم تقدم شئ للجهاز لانه المشكلة مافي قائمة اصدارات قادمه للجهاز الى الان ..

 

[Humam]

عمر و لو, هي نسبة وتناسب, ممكن الجهاز يبيع 500 ألف بس اذا لعبة واحدة تنباع مع كل جهاز الشركات راح تنظر لهذا الأمر على إنه شي سلبي, هذا تقرير Wedbush Morgan:

We were pleasantly surprised by software attach rates and overall sales for the Wii and PS3 platforms. We estimated $70 million in software sales for the PS3 and Wii, based on our expectation of a tie ratio of 2.4 units for each hardware unit sold (350,000 Wii hardware units x $50 ASP x 2.4 plus 200,000 PS3 hardware units x $60 ASP x 2.4). Although overall hardware sales for the two platforms fell short of our forecast by 16%, overall software sales exceeded our forecast by 17%. This was due to this month’s tie ratios of 3.4 and 3.6 for the PS3 and Wii, respectively, compared to last month’s 2.2 tie ratio for the Wii and 2.7 tie ratio for the PS3. While some detractors may consider the next generation cycle off to a poor start, we think that improving tie ratios indicate strong demand for the relatively light software lineup on the next gen consoles, and we believe that once a greater variety of compelling software is released later this year, demand for the new hardware will increase.

طبعا أنا ما أقول ان مبيعات السوفت وير ممتازة, بس معدلها متناسق مع معدل بيع الجهاز.

 

[Nintendo]

همام المشكلة سالفة المعدل للامانه مالها قيمه باكثر الاوقات .. ناخذ الوي مثلا شف كم لعبه باعت بشكل جيد ( تقريبا 4 ) وباقي الالعاب كلها ارقام ضعيفه يعني النسبة جت فقط تقريبا من ال4 العاب القوية ( وطبعا وي بلي لها الافضل الاكبر لقوة رقمها ) ..

ولكن لمن يجي جهاز يبيع 130 الف مثلا وتصير النسبة محسوبة على الالعاب الي تبيع 30 الف !! يعني تعرف انه القصة ماصار لها داعي لانه الارقام كلها ضعيفة ولكن لانه مبيعات الجهاز ضعيفه فالنسبة تصير قوية ولاننسى قلة الالعاب للجهازيين اصلا بذي الفتره ( لول الشغله تدوخ ) ...

 

[Sinker]

NDS LUNAR KNIGHTS $659,484 22,109

للأسف لعبة رائعة و مبيعات قليلة