مبروك الكويتيين1000 دينار لكل مواطن بمناسبة الذكرى الخمسون للاستقلال والعشرون للتحرير

[Emirates]

الف مبروووك لاخوننا في الكويت على المكرمه تستاهلون كل خير

وتصرفونها بالعافيه

 

[صامد]

اللي يتزوجون ويولودون مثل الأرانب هم سبب مشكالنا الحين .

وش دخللل؟!
تعداد السكان ماله دخل , معظم الدول المتقدمه دبل تعدادنا ومع ذلك ما تعللوا بهذا الشيء , مشكلتنا مو بالتعداد مشكلتنا باننا من اغنى دول العالم لكن مانعرف نصرف الي عندنا في الاوجه الصحيحه.

 

[hussien-11]

واضح انك من اللي داخلين كليات مرموقة وضامن له وظيفة براتب 8000 ريال .
عندك علم أن البطالة متفشية عندنا بشكل مرعب ؟!

ما في حاجة اسمها كلية مرموقة و كلية غير مرموقة ،كله علم و ماحد يعرف كيف بيكون رزقه و ماحد ضامن شي في هالحياة ، و الرزق على الله عز و جل .

مبروك على المكرمة لإخواننا في الكويت ، هذا يدل - ما شاء الله - على كرم أخلاق صاحب هذا القرار ، لأنه غيره مهما كانت الفلوس كثيرة ، يفضل انه يكنزها كلها و لا يطلع منها قرش

الله يزيد و يبارك ليكم و لجميع المسلمين ، ويفرج أحوال المكروبين

و يا شباب كويس الواحد يتمنى الخير و الأفضل لنفسه و اخوانه المسلمين ، لكن مش بهاي الطريقة .. هاي صارت مسألة تتكرر أكثر من مرة

أيضا القناعة حلوة عند الانسان ، اذا مكتوب لك قرش عند رب العالمين رح تاخذه ، حبة الرز الي تنبت في الصين و مكتوبة لك ، تتصنع و تتصدر و تمر عبر السفن و توصل للبقالات وانت تشتريها و الوالدة تطبخها و بالأخير تنزل في صحنك ، لأنها رزقتك

الله كريم ، و أمر المؤمن كله خير ، والحمد لله على نعمه .

 

[Madainee]

ماحد يقدر يسلفني جنسيه كويتي لمدة اسبوع :sarcastic: ؟

على البركه يالكويتيين 🙂

 

[omarhabra]

والله بعد ما تكلمت مع خالد (بين كيلر الكويتي هههه ترجمة حرفية) اكتشف ان نفسيات الكويتيين مهيئة لهيك مكافأة اما لحنا شعبنا اسمحولي بالكلمة ,عينه جوعانة ما يملاها الا التراب بقا اذا اخذوها لح تشوف انواع الرشوات الواسطات تشتغل بس لهل شغلة ( اللي بده يخذ اكل زيادة او حصص زيادة) مثل ما صار بنظام البونات بسوريا الواحد يحقله مثلا عشرة اخذ 20:sarcastic::sarcastic:

 

[Averroes]

ماشالله

مبروووك للكويتين

ما أبغى أخرج عن الموضوع لكن ما يقدروا بسبب كثرة عددنا ؟! .. 11 مليون برميل باليوم قيمة الواحد 100 دولار = الحسبة عليك و شوف إذا مايقدروا 😉

+ عشرات المليارات الي تجي من الحج والعمرة سنويا

وبخصوص الي يقول أنو دولتنا دوله كبيرة وماينفع طيب في بريطانيا الي عدد سكانها 60 مليون العاطلين ياخذوا رواتب (صححولي أذا كنت غلطان)

 

[just me]

لكل محتهد نصيب ..

ايش دخل البطالة بردي .. انا اتكلم عن ظاهرة الحسد و المقارنة ..

عذرا على التدخل ! لكن حبيت اوضح
هو يبرر لك ليه حنا متلهفين على كم قرش [ فلس ] لأن الشعب غارق بالبطالة
عموما ماااااااااااااااااااااااشاااااااااااااء الله كبر السماء مرتين لاتظنون اننا حاسينكم :sarcastic:

 

[Double T]

الف مبروك لاخوننا الكويتيين و الله يكفيكم شر الحاسدين

تدرون وش مشكلتنا ؟ مشكلتنا أنه يموت 2 ويولد بدالهم 10-15 . ذي الناس اللي بس تمشي وتذر بهالأرض هي اللي دمرتنا ز

فيه حاجة اسمها http://en.wikipedia.org/wiki/Overpopulation

لو العباقرة اللي تدير الدولة قبل خمسين أو سبعين سنة عملوا حركة الصين ( مولود واحد أو اثنين بالكثير لكل عائلة) كان اليوم الكل متوظف وكل فترة الدولة تعطينا 10000 ريال مثل جيراننا (الكويتين وغيرهم) .

اللي يتزوجون ويولودون مثل الأرانب هم سبب مشكالنا الحين .









واضح انك من اللي داخلين كليات مرموقة وضامن له وظيفة براتب 8000 ريال .
عندك علم أن البطالة متفشية عندنا بشكل مرعب ؟!

اخ محمد زي ما قالوا الاخوان التحديد محرم شرعا .. و الرسول صلى الله عليه و سلم قال في ما معناه " تَزَوَّجُوا الْوَدُودَ الْوَلُودَ فَإِنِّي مُكَاثِرٌ بِكُمُ الأُمَمَ يَوْمَ الْقِيَامَةِ "

ثانيا لعلمك ان الدول الي حددت النسل و اكبرهم الصين الان يعانوا من مشكلة كبيرة و هي قلة الشباب في البلد و صار عندهم الوضع بالمقلوب ( البلد مليانه شياب و قليل الشباب و الاطفال ) .. حتى اليابان تعاني من قلة الشباب

فلا تحط اللوم في شي غير صحيح و محرم اصلا

 

[omarhabra]

^^^
ليش ببريطانيا ما تروح بعيد الدولة اللي جايبة اجل العالم (اميركا) تاخذ ضرايب من الناس بالصغر عشان ياخذوا 400 دولار بالشهر بالكبر لاي فرد شو ماكان بقا ليش لحنا لا

يزيدوا الرواتب=يزيدوا الاسعار يعني كلشي معدل بعضه

 

[Akilla]

ماشاء الله . الله يبارك لكم فيها .

 

[AHMAD PLUS]

ما شاء الله تبارك الله , اهل الكويت يستاهلون والله .

بس ياخوفي يصير زي ما صار عندنا , زيادة 15% في الراتب و بالمقابل زيادة مهولة في اسعار السلع ! صارت ها الزيادة زي النقمة علينا و الله :

 

[s3rorh]

صراحة أمس وأنا نايم تميت أفكر بهالشي... وكل ألي طلعت فيه هو صداع و حيرة.. ومستغرب من سخريه القدر
ولا شلون دولة كريمه مثل جذي وخيرها يوصل الجميع...وبنفس الوقت بداخل البلد في ناس مو لااقيه *وبهالكلمة أقصد بأنه مافي مصدر للدخل ممكن يستقبله ويخليه يعيش بشرف وما أقصد فيها أصحاب النوم والرداه!!* دخل تصرف فيه على نفسها...و في ناس وصلوا عمرهم فوق ال30 وللحين مو عارف شلون يلم المهر. ..و شلون بيصرف على حاله بالاول...بعدييين يصرف على عايلته! !!

صرحه عجزت ألقى تفسير لهالشي... وما أقول إلا الله كريم ويفرجها على كل مهموم أو أي واحد يعاني 🙂

 

[Xeon-Q8]

(يهود الرحاب) ... راح يدبلون اسعار الألعاب من 17 دينار لـ 27 ... شي متوقع منهم

 

[Noise Soul]

تصرفونهم بالعافيه 😎:

-----
للسعوديين الي ينتقدون :

موب عاجبتك السعوديه رجاءًا اطلع منها بكرامتك ،
مصخت الي متاثر بالانيمي ويقول اليابان احسن بلد بالعالم ومافيه مثلها و احسن من السعوديه و السعوديه غبيه ومدري ايش ،، خير يبو !!! تراك عايش بالسعوديه ولا تنكر فضلها عليك !
و الي حاسدين الناس على كم فلس ، ياخي خلهم يستانسون وش عليك ؟!!
صراحة مدري وش اقول عليكم غير فشلتونا ،
ليتكم تاخذون حب الكويت لبلدهم ، حبو السعوديه ولو نص حبهم للكويت !


سلام ،،

 

[Painkiller Q8]

^
^
عاد انت مو تصير "صيده" لهم وتشتري ... انا مقاطع الريحاب في الاعياد والمناسبات الطبه مثل الزيادات او الهدايا ..

الله يخلي أمزوووون بس .. اسعار ثابته ورائعه .. وسحقا للريحاب وبضاعتهم

 

[mohamed]

لكل محتهد نصيب ..

ايش دخل البطالة بردي .. انا اتكلم عن ظاهرة الحسد و المقارنة ..

Just me وضح لك .

ما في حاجة اسمها كلية مرموقة و كلية غير مرموقة ،كله علم و ماحد يعرف كيف بيكون رزقه و ماحد ضامن شي في هالحياة ، و الرزق على الله عز و جل .

ممكن تفسر لي ليش فيه تخصصات ياخذون رواتب فلكية وتخصصات لا ؟
كلية مرموقة لا يعني أن نوع العلم اللي تقدمه "أفضل" من نوع العلم اللي تقدمه كلية غير مرموقة .

اخ محمد زي ما قالوا الاخوان التحديد محرم شرعا .. و الرسول صلى الله عليه و سلم قال في ما معناه " تَزَوَّجُوا الْوَدُودَ الْوَلُودَ فَإِنِّي مُكَاثِرٌ بِكُمُ الأُمَمَ يَوْمَ الْقِيَامَةِ "

طيب وبالوقت نفسه حنا أمة وسط , التكاثر بكثرة ما يعني انك تتكاثر لحد انك ما تقدر تؤكل عيالك وتضر البلد .





حاجة مهمة حبيت أقولها :

فيه ضعف استيعاب للمقروء عند بعض الأعضاء ؟
لما نقول دولتنا ليش ما تعمل مثل الكويت وهي قادرة أو أي شيء من هالكلام ما فيه أي حاجة تدل عن وجود ذرة حسد للكويت .

الحسد هو تمني زوال النعمة عن الغير , وأعتقد واضح جداً من الردود أن الحاصل هو غبطة ( تشوف خير عند الغير وتتمناه لك من غير زوال الخير عن الآخر ) .

 

[mohamed]

وش دخللل؟!
تعداد السكان ماله دخل , معظم الدول المتقدمه دبل تعدادنا ومع ذلك ما تعللوا بهذا الشيء , مشكلتنا مو بالتعداد مشكلتنا باننا من اغنى دول العالم لكن مانعرف نصرف الي عندنا في الاوجه الصحيحه.

فتحت الرابط اللي في ردي ؟

 

[JIN KAZAMA]

مبروك لاخواننا الكويتيين , وماشاء الله وتبارك الله ولا اله الا الله (تريدوا ازيد ولا يكفي :moneymouth🙂

 

[Colorization]

(يهود الرحاب) ... راح يدبلون اسعار الألعاب من 17 دينار لـ 27 ... شي متوقع منهم

اشتر من أمازون. شخباري الرحاب.

تذكرون آخر منحة؟ كانت ٢٠٠، شريت فيها آيبود فيديو أول ما نزل. أيام.

١٠٠٠ ماهي قليلة، الواحد لازم يصلي صلاة شكر على النعمة اللي هو فيها قبل لا يفكر يشتّي بلندن وإلا جنيف.

رد حسين يسحق كل ردود الموضوع، ونعم الأخلاق. صلوا عالنبي يا جماعة. لهفتوا الكويتيين قبل لا ينزل فلس بحسابهم.

 

[mohamed]

اشتر من أمازون. شخباري الرحاب.

تذكرون آخر منحة؟ كانت 200، شريت فيها آيبود فيديو أول ما نزل. أيام.

1000 ماهي قليلة، الواحد لازم يصلي صلاة شكر على النعمة اللي هو فيها قبل لا يفكر يشتّي بلندن وإلا جنيف.

رد حسين يسحق كل ردود الموضوع، ونعم الأخلاق. صلوا عالنبي يا جماعة. لهفتوا الكويتيين قبل لا ينزل فلس بحسابهم.

تتجاهل ردي ؟

ما فيه أحسد حاسدكم ولا حتى لمح لهالشيء .

 

[ROCKSY]

ألف ألف مبرووووك للشعب الكويتي 🙂
الله يهنّيكم فيها والله يزيدكم ويعطينا^^

 

[persona]

يقولك الشيخ سالم العلي بعد بيعطي منحة 500 دينار لكل مواطن ، هذي لحد الآن أشاعة ، ناس تقول هالكلام من مكتب الشيخ وناس تقول أشاعة

شخصياً ماني مستغرب من هالزيادات للمواطنين من شيوخنا ، كل عام وانتوا بخير 50 سنة على أستقلال الكويت ، 20 عام على تحرير الكويت و 5 سنين لتولي بو ناصر الحكم.

الحمدلله على النعمة وماوصيكم لو 10% تحولونها للزكاة والصدقات(خمسة والا عشرة دنانير كافي) عشان الخير يدوم.

 

[bXNmbQ==]

مانقدر نصير كويتيين :crying::crying::crying::crying::crying::crying:


ماشاء الله الله يبارك لكم ويزيدكم

 

[The Doctor]

أيضا القناعة حلوة عند الانسان

لا. القناعة تسبب النوم.. عمره ما احد اخترع و طور كان قنوع..

للسعوديين الي ينتقدون :

موب عاجبتك السعوديه رجاءًا اطلع منها بكرامتك ،
مصخت الي متاثر بالانيمي ويقول اليابان احسن بلد بالعالم ومافيه مثلها و احسن من السعوديه و السعوديه غبيه ومدري ايش ،، خير يبو !!! تراك عايش بالسعوديه ولا تنكر فضلها عليك !،

لا. مش عاجبتني الmediocrity اللي عليها السعودية في كل النواحي. و إذا انت مستانس و مالية عينك فمشكلة إن عندنا ناس تطلعاتهم منخفضة لهالدرجة

أيضاً، مين قاعد يحسد اخوانا الكويتيين؟ قاعد اقرا موضوع مختلف أنا؟ >.>

 

[Jonas]

ما شاء الله تبارك الله , والله اني فرحت لكم من قلبي..

هذي ردة فعل Painkiller q8 و ربعه في الديوانيه يوم سمعوا الخبر :

[video=youtube;Otko90VmHl8]http://www.youtube.com/watch?v=Otko90VmHl8[/video]

 

[صامد]

فتحت الرابط اللي في ردي ؟

مره ثانيه , وش دخل؟ زيادة عدد السكان مو السبب الرئيسي لمشاكلنا.

 

[NESTA]

على البركة للشعب الكويتي الشقيق .... تستاهلون والله كل خير

واللي يقول ان عددنا في المملكة كبير وووو

المملكة بثرواتها تقدر تعطي ضعف هالمبلغ هذه لكل انسان في العالم .... بس عندنا مشكلة في توزيع الثروات

 

[Painkiller Q8]

لووووووول جوناس شنو هل فيديو الاهبل :laugh:: ...

الاخ persona موضوع ال500 مجرد اشاعه .. انا اشتغل في مؤسسه الشيخ سالم العلي ومافيه اي خبر عنها ... كان بيعطينا 2000 دينار العام "بس لمنتسبي المؤسسه" لكن تم إلغائها .. والحين قالو يبي يعطي 500 لكنها مجرد اشاعه.

على فكره ... اشتغل مفعول الحسد .. اول خبر تعيس جاني اليوم "وفيه تغيير كبير علي وعلى اكثر من شخص في الكويت" 🙁

 

[omarhabra]

لاااااااااء يعني ما في امل العب ليتل بيج بلانيت السنة هاذي هههههههههههههههههههههههه

 

[Xeon-Q8]

^
^
عاد انت مو تصير "صيده" لهم وتشتري ... انا مقاطع الريحاب في الاعياد والمناسبات الطبه مثل الزيادات او الهدايا ..

الله يخلي أمزوووون بس .. اسعار ثابته ورائعه .. وسحقا للريحاب وبضاعتهم

اغلى لعبه شريتها منهم بـ 19

عارف لهم ..:smug:

الطلب من برا ياخذ وقت (اسبوعين ) + الشحن .. بتطلع عليك نفس السعر ويمكن اكثر