ما لا تفعله سوني يفعله غيرها

[bits]

فيديو من قناة modern vintage gamer يوضح النضج الذي وصل له محاكي البلاي ستيشن 3 لدرجة أنه اصبح يعمل بسلاسة حتى على الأجهزة المحمولة.

المحاكي وصلت نسبة الالعاب القابلة للعب عليه (تشتغل من البداية للنهاية) حوالي 75% من الالعاب الي صدرت. وسوني الي جهازها الحالي ما زال أقوى بمراحل من الاجهزة المحمولة لا حس ولا خبر.

تجارب والعاب كثيرة مدفونة بسبب تعنت سوني وغيرها. الله يخلي لنا البي سي ويرخص اسعار قطعه قولوا امين.

 

[Bill Cober]

آمين البي سي هو مستقبل الجيمز شئنا أم أبينا

 

[Eye]

آمين البي سي هو مستقبل الجيمز شئنا أم أبينا

 

[Invader Zim]

خل سوني تصلح محاكات الps2 على الps5 اول

 

[abdullah-kh]

شكله قصة نجاح محاكاة البلاستيشن 2 راح تكرر هنا من حاجة صعبة المحاكاة إلى اكثر محاكي متطور موجود

 

[Hekari]

هالاسابيع شغال تحميل العاب محاكيات وجربت العاب واجد من محاكي البس٣

حرفيا كل يوم ابديت واحيانا اكثر من ابديت يجيك ماشاء الله

والي يطفشك بعد سالفة لازم مفاتيح حق تفك الالعاب المحملة وفي موقع كان اسطوري بس قفل قبل فترة



الي يطفشك سالفة ال Shaders تحملهم من اول مرة يطول

متل قير ٤ ضابطة بس مع كم تكستر محذوف وفي نسخة ثانية... تشتغل بس لما تجي تلفزيون ودعايات ال PMCs تصير شاشة سوداء ولا تكتمل.

وموترستورم الشاشة تصير صفرا بشكل فاقع وماتبين عدل السيارات

المحاكي تحسن بشكل كبير ويشغل حصريات سوني احسن من الجهاز الاصلي بستين فريم مثل طوكيو جنقل وباباتير و GTA 5 و ٦

بس في كم لعبة هنقت معي

مثل تويستد ميتل.. النسخة الامريكية اظن يجيك لودينق لانهائي .. والنسخة الاوروبية تشتغل ٢٠ فريم وتحت

و NBA Street homecourt ماتشتغل خير شر جربت النسختين

 

[lightq8]

عطوني اسم المحاكي ودي اجرب ريستنس وكيلزون

 

[Santi caz]

كان يمديهم مع إطلاق ps5 اعتقد cpu كافي لمعظم العاب ps3 شف اذا اعلان ps6 ماتضمن محاكي للps3 مااعتقد راح تشوف محاكي رسمي منهم .. بالبي سي باقيلنا محاكي ps4 ينضج والتفاته لمحاكيات xbox الاصلي و360 يتحسنون اكثر ويصير لو تسوي pc كامل فقط من اجل المحاكيات يستحق سعره بدون ماندخل مكتبة pc الضخمه

 

[Terminator]

الجهاز نفسه معقد ومن اصعب الاجهزة على فكرة فما بالك كونامي نفسها تعاني
تعمل بورت للعبتها MGS4 واخيرا بعد كل هالسنين راح تنزل هالبورت
اما المحاكي فشيئ طبيعي راح يعاني مع ان اكثر الالعاب خلاص قابلة للعب وجربت عليه
وايد العاب مثل Uncharted 2, 3 و Killzone 2, 3 وغيرهم شغالين من افضل مايكون واحلى
شي اذا تستخدم معاهم Lossles Scaling راح يكون اللعب سلس بشكل موطبيعي

لكن بعد, المحاكي مهما كان ممتاز فراح تحصل لك حركات وبركات وقليتشات بسبب طبيعة الجهاز
المعقد وهاذي يبين لك صعوبة محاكاة هالجهاز مع كل هالسنين,

على فكرة محاكي PS4 اللي توه نازل من فترة بسيطة بدا يشغل العاب كثيرة بسلاسة وبوقت
قصير راح نقدر نلعب كل شي من دون مشاكل

الزبدة ان انتظر محاكي PS4 افضل على الاقل اقدر اظمن العب عليه نسخ الريماستر ل Uncharted, GOW
وريميك شادو كولوسوس والخ

 

[التشاد الحقيقي]

آمين البي سي هو مستقبل الجيمز شئنا أم أبينا

على العكس أظن اننا دخلنا عصر مظلم للبي سي غيمينج بسبب غلاء اسعار القطع. حاليا ال ai هو مثل سباق السفر الى القمر وجميع الشركات تستثمر في الهاردوير.
الكونسولز أفضل اختيار حاليا بحكم ان الشركات تستطيع بيعه بخسارة وتربح من الالعاب.

 

[bits]

عطوني اسم المحاكي ودي اجرب ريستنس وكيلزون

إسم المحاكي موجود في عنوان الفيديو

RPCS3

رابط التنزيل

 

[Eye]

على العكس أظن اننا دخلنا عصر مظلم للبي سي غيمينج بسبب غلاء اسعار القطع. حاليا ال ai هو مثل سباق السفر الى القمر وجميع الشركات تستثمر في الهاردوير.
الكونسولز أفضل اختيار حاليا بحكم ان الشركات تستطيع بيعه بخسارة وتربح من الالعاب.

كلامك صح جزئيا لانه مقيد بالوقت الراهن

لكن السوق ديناميكي ، الان فيه شركات تبي تدخل سوق الهاردوير بهاردوير مخصص للإأي ، هذي بدورها بتوسع النطاق فبينخفض السعر

الصدق وهذي شي جانبي طرا ببالي وَ يمكن يبي له موضوع منفصل: وش البي سي؟ لابتوب ادرينو ديسكتوب سيرفر روق الي؟ الكلمة صارت تضييع اكثر مما تشرح

 

[التشاد الحقيقي]

كلامك صح جزئيا لانه مقيد بالوقت الراهن

لكن السوق ديناميكي ، الان فيه شركات تبي تدخل سوق الهاردوير بهاردوير مخصص للإأي ، هذي بدورها بتوسع النطاق فبينخفض السعر

الصدق وهذي شي جانبي طرا ببالي وَ يمكن يبي له موضوع منفصل: وش البي سي؟ لابتوب ادرينو ديسكتوب سيرفر روق الي؟ الكلمة صارت تضييع اكثر مما تشرح

" ai hardware "
يعني زر copilot سيء الذكر على الكيبورد هذا كل ما في الأمر.

أعتقد ان البيسي في هذا السياق يعني الدسكتوب.