الحين من أولوباتي أتعلم الطبخ بشدة.
ٱخر من يهتم للأكل أنا. طالما شي يسكت البطن
ويعطي بنزين سريع أنا راضي.
لكن صار تحت عهدتي صغيرين وكلنا مانقبل مطاعم.
الله بجزاهم خير كيف بس يتقبلون تهبيباتي&
أطبخ لهم سمك ورز وأشياء بسيطة
لكن بتعلم أطبخ زين عشان يصير عندهم حمية صحية.
بدأت من فترة بالفرنسي وماشي بوتيرة جيدة.
لقيت كتاب منهجي بطل وكل يوم أترجم قطعة نصوص
صغيرة مع الاستماع للتسجيل الصوتي.
سبحان الله مخي أصلا يحب اللغات ولا شعوريا
صرت أفكر فيها حتى وأنا سارح ..
هدفي قراءة كتبهم لا أكثر ولا أقل
ماني راعي أسفار ..
شدوا الهمة معي يالي ذكرتم رغبتكم في تعلمها أيضا!
راح أحدث بالإنجازات عشان تتلحلحون معي.
حاجة اضطريت أأجلها لين أتقوى أكثر في الهندسة
هي الرسم الهندسي، ما أتكلم عن الورق هذا الحمدلله
من فترة أدرسه والأستاذ يقولي شغلك دقيق ونظيف
مو ذكاء بل تمرين تمرين التمرس يعطي خفة
لذلك أي شيء صعب عيده عيده التكرار يعلم
الشطار ... لاتقرأها غلط عمر الحمار مايتعلم&
المهم الهدف هو الرسم الهندسي بالبرمجة يعني
أكتب أوامر جافا سكريبت لإنتاج الرسوم.
بحدث الرد بصور بعدين ..
تعديل/ مثال
رسمتي المتواضعة:
من زخارف قصر الحمراء في الأندلس:
الأستاذ يقولي شارك في مسابقة
الـcreative coding لكن الفجوة كبيرة شفت
أشغال بعض الطلاب شياطين وسرعة في التنفيذ
حتى الكود أنيق جدا والزخارف الي ينتجونها ألوانها جميلة.
واحد رسم سماء الليل بشكل ساحر ...
هذا يعتبر مثال ممتاز لشي كنت أحاول أوضحه من فترة في النقاشات مع ربع الذكاء الصناعي. فناني الأكواد مبرمجين في الأصل ويستعملون الخوارزم لرسم لوحات فنية
بس هم فاهمين الكود جيد ويألفوه من خيالهم وكل شخص لوحته منسوجه بالكامل بشكل مقصود
حتى نفس اللوحة ممكن يعاد رسمها بشكل أكفأ
الشاهد إنه فن حقيقي وحديث نوعا ما لكن قليل من يحط من قيمته مقارنة بشغل الذكاء الصناعي الي نسخ لصق
ولا يسمى رسم وكثير ممن يستعملوه حتى مايعرفون يرسمون منظور صحيح على الورق
فحجة انتم تعادون فنون الذكاء الصناعي لأنه فن جديد ماتستقيم.
نعم هو قد ينتج فن بس انت غالبا مو فنان ولا عارف وين ربي حاطك.
فيه حاجات ثانية بس بخليها لاحقا الرد طال.
شباب تعلموا لو شوي شوي ...
مالايدرك كله لايترك جله.
وبالتوفيق.
