مايكروسوفت في آخر محاولة لفعل شيء في اليابان...

[king zell]

الشابتر الأخير للمهزلة اليابانية للإكس بوكس قد يكون أوشك على الحدوث..


بنهاية السنة هذي بتكون مايكروسوفت قدمت أقصى شي تقدر عليه لمحاولة تحقيق شيء يذكر في اليابان..


و ريما التوقيت سيء لأنه يصادف صدور جهازين جدد أصحاب شعبية ضخمة في اليابان مع وجود جهاز كاسح حاليا (DS)




Blue Dragon + Bundle
يمكن أكبر حملة للإكس بوكس في اليابان بتكون لبلو دراجون ، اللعبة من فريق تطوير يرأسه الأب المعروف لسلسلة فاينل فانتسي و الآرت من تصميم "تورياما" المعروف بأنه اللي نفذ الآرت لأكثر أنمي شعبية في العالم (دراجون بول) ، و أكثر لعبة شعبية في اليابان (دراجون كوسيت). الآن مايكروسوفت تطلق اللعبة مصاحبة بمانجا خاصة و مسلسل أنمي. يذكر أن بندل اللعبة فقط يكلف مبلغا يقل عن الننتيندو وي بملغ 5000 ين !

نوفمبر
يعتبر الشهر جيد نسبيا ، ديد أور الايف لعبة مسخرة تناسب الشعب الياباني تماما.. أما سوبر روبوت وورز لا يتوقع لها نجاحا كبيرا فاللعبة لم تحقق ذلك حتى مع الجيم كيوب.. ربما الجاذب الأكبر هو البندل الرخيص جدا اذا ما قارناه بالمنافسين فهو أغلى من الويي ب5000 ين (أقل من سعر لعبة في اليابان) و يأتي معه لعبتين مجانا و جهاز من نوع (برو).. مشغل HD DVD لا يتوقع له أن يكون عاملا كبيرا و لكن ربما مساعدا..

ديسمبر
هذا الشهر يعتبر الأقوى للجهاز منذ صدوره لأي قارة كانت ، بلو دراجون مع البندل الخاص بها تتصدر قائمة الأهمية و الأمل بالنسبة للجهاز. لسوت بلانت ستكون جاهز للإطلاق لأول مرة و بجانبها سونك و فانتسي ستار يونيفيرس من سيجا..

لكن السؤال الأهم هو.. هل بيقدر الإكس بوكس يعدي و لو لأسبوع حاجز ال10 آلاف جهاز :gasp:

 

[BioMario]

انا اتوقع من لوست بلانت + بلو دراجون + لوست اوديسي ممكن بسوون شيء جيد جداً ..
و اتمنى لو اشوف 10 وما فوق في الأسبوع ^^ ..

 

[Nintendo]

بموسم الاعياد ومع صدور بلو دراجون اكيد الجهاز بيرتفع فوق ال10-20 الف جهاز ..

المشكلة مايكروسوفت نزلت الجهاز قبل الجميع بسنه بدون اي فايده واتذكروا انهم يصدروا الالعاب مع صدور البلايستيشن3 والوي ..

حتى لو الجهاز مثلا ارتفعت مبيعاته خلال موسم الاعياد .. وش الفايده .. بعد موسم الاعياد الجهاز خلاص ماراح يكون له اي مكان بالسوق .. الياباني اللي راح يجمع فلوس بيجمعها للوي والبلايستيشن3 ومستحيل يدفع ين واحد على الاكس بوكس360 .. اعتقد مايكروسوفت ضيعت الفرصه من زمان ..

 

[Tomb raider]

واو عرض ما يتفوت الصراحه !!!

بس احتمال يكون في ارتفاع بالمبيعات 10 الى 15 الف جهاز
ولكن ايضا اقول ان مايكرو تبيع الجهاز بخساره !

 

[Van]

أنا ودي أعرف ليش مايكروسوفت مضيعة تعبها على اليابانيين... ما خذوها تجربة من Xbox الأول

نشوف شنو راح يصير مع Blue Dragon مع اني ما أتوقع الكثير

 

[Khalid-S]

اليابانين ما يبون يشترون جهاز عشان 4 العاب او خمسه .. يبون الشركه الي تقدم لهم الجهاز تحسسهم ان العابنا يابانيه وبنستمر في تقديم الالعاب اليابانيه.

الحين تقريباَ لعبتين او ثلاث هي القادمه لليابانين وتهمهم تقريباَ (لوست بلانيت. بلو دراجون ولوست اوديسي) .. كيف يضمن الياباني ان مايكروسوفت بتقدم شي غير هذول بالمستقبل ؟؟ بدل ما يدفع فلوس الجهاز والالعاب ياخذ له جهاز ياباني اصلي الشركه الي صنعته تهمه هذا السوق والمستهلك الي بيشتري الالعاب.

قرات ان اليابانين مو متقبلين فكره شركة غير يابانيه تقدم لهم جهاز العاب .. مايكروسوفت = لاجهزه الكومبيوتر .. غيرها مو متقبلين.

 

[Gon freeces]

لا ننسى Eternal Sonata (ترستي بيل) و لعبة Tri-Ace الجديدة , في امل بصيييييييييييييييييص .

EDIT : الجهاز الياباني الاخص من الوي ؟!؟!؟!؟!؟؟!؟!؟! لل360 فريي لودر للألعلب المو موافق عليها ؟؟؟

 

[ASWD]

يالله ليش ما يسوو هالباندل في اوروبا ولا امريكا والله اكون اول واحد يشتريه..اهب بس -ــ-

هو من ناحية يعدي 10 الاف راح يعديها لكن كم بيصمد على هذ المعدل؟

بالنهاية السوق الياباني صعب يتقبل ضيف غربي خصوصا في مجال طالما كان اسم مرادف للشركات اليابانية

الافضل مايكرو تركز على السوق الاوروبي والامريكي عشان تعوض الفراغ الناتج من السوق الياباني..

 

[mario0o]

الجهاز بيبيع بشكل جيد في موسم الاعياد لكن بعد ذلك خلاص ما في أمل ,حتى لو كان برخص التراب :/

 

[ryo hazuki]

دفعه بسيطه للامام لكن هل فيه شي بعدها اكيد فيه العاب بس ما اضن بقوة يلي بيصدر اللحين و بصراحه اتمنى تنجح الالعاب هذي و تبيع جيد في و خارج اليابان عشان نشوف اشياء اقوى مستقبلا

 

[Tomb raider]

زيل ..اتمنى انك تشيل الصوره اللي انت حاطنها حق ديد اور الايف لأن البنات اللي بالصوره مالهن داعي ...

 

[CyberMaster]

ام البندل ذا دلع

For just ¥29,800 (approximately $252 at the time of this writing), Japanese gamers will walk off with a basic Xbox 360, the Blue Dragon game itself, a limited-edition faceplate (aren't they all?), and five Blue Dragon figurines

 

[الــخــــارق]

للأسف مايكروسوفت حالتها في اليابان مزرية ..
سبحان الله الشعب الياباني كذا ما يرضى بالمنتج الأجنبي أيا كان ..
وصعب تغيير هذا المفهوم والعادة عندهم ..

بس صراحة شيء يقهر تشوف كل هذي العروض والبندلات بدون نتيجة تذكر ..
الا وش اللعبتين اللي تجي مع البندل ؟

 

[Humam]

شباب مجرد التفكير ترى ماله داعي.. السوق الياباني خلاص ما في أمل يتقبل ال 360.

 

[Gon freeces]

للأسف مايكروسوفت حالتها في اليابان مزرية ..
سبحان الله الشعب الياباني كذا ما يرضى بالمنتج الأجنبي أيا كان ..
وصعب تغيير هذا المفهوم والعادة عندهم ..

مو على سالفة منتج اجنبي ولا وطني , اصلا (بالعقل) ليش انت تشتري جهاز العابك المفضلة (او نوع العابك) مو موجودة على الجهاز ابد ؟؟

 

[الــخــــارق]

جون أنا أتكلم بشكل عام في غير اجهزة الالعاب ..
حتى المنتجات الأجنبية تواجه مشاكل في اليابان ..

 

[Nintendo]

ولكن فيه اشياء غربيه كثير ناجحه باليابان اخ الخارق ( مثل مطاعم ماكدونالدز وغيرها ) ..

السالفه مش سالفة عنصريه بقدر ماهي سالفة عدم توفر العاب .. يعني مثلا الكيوب وفر مجموعة العاب قوية لليابان ولكن على فترات وفشل الجهاز هناك . ال360 وش قدم لليابان عشان ينجح ! ولا شئ الجهاز نزل من سنه وعدد العابه الى الان اقل من 40 لعبه الظاهر نصها بورتات من الالعاب الامريكية وماعتقد 5-10 العاب بتكون كفيله انه المستهلك الياباني يحط 400 دولار على الجهاز وخصوصا مع صدور المنافسين ..

 

[Kratos]

مالهم أمل بالسوق الياباني .. يعني لو فشل الـ PS3 هناك ( طبعا تقريبا مستحيل) الـ Wii راح يكوش على السوق .. فالمعركة خاسرة من الأساس ..
المفروض يركزون على المناطق الثانية الي لهم فيها أمل .. أمريكا و أوروبا و يشترون كم إستيديو ياباني عشان الألعاب اليابانية إذا يبغونها

 

[الــخــــارق]

ما اختلفنا فيه منتجات غربية نجحة ..
وهذا شيء أكيد لكن يبقى ان النقطة هذي لازم يحطونها في بالهم أي شركة تبغى تدخل السوق الياباني ..

بالنسبة لمايكروسوفت الخمس او ست ألعاب ما تكفي حتى تحرك سوقهم ..
يحتاج الأمر الى مجهود مضاعف ..

هم صحيح ما قصروا من ناحية الهاردوير نفسه وتوفيره باسعار مغرية مع باندلات جيدة ..
لكن المفترض يركزون بشكل قوي على توفير ألعاب كثيرة ومتنوعة وتكون بالذوق الياباني ..

 

[Ginko]

بخصوص العنصريه، KFC انجح فاست فوود في اليابان، هذا يوضح لك وضع العنصريه هناك.


وهذا مو اخر محاوله ابدا، ان شاء الله تنجح واتوقع انها تنجح بنسبه معقوله وملحوظه، لكن اخر محاوله لما تشوف بوكيمون لايف على الاكس360 😉 ذاك الوقت نقول اخر محاوله.

 

[الــخــــارق]

شباب ما ادري ليش مركزين على كلمة عنصرية ..
مهيب سالفة عنصرية بقدر ما هو انه الشعب الياباني عنده اللي يكفيه وزيادة من منتجاته الوطنية ..
فوجود منتج غربي موجود أصلا منه من صنع البلد بيواجه مشكلة ولو بسيطة في هذا الشيء ..

كبرتوها ووصلتوها للعنصرية 😛

 

[Khalid-S]

فعلاَ انا اشوف اليابانين يفضلون المنتج المصنع في البلد على المصنع في الخارج .. من اهم هذي الاسباب كمان اللغة .. اليابانين "مهفهفين على قولة همام" بالانجليزي .. صحيح ان المنتجات الي تجيهم برى بالياباني لكن ما نقدر تقول 100% ياباني. اعتقد هم اهم شي عندهم انهم "يضمنون" ان الشي الي بياخذونه بيقدم لهم كل احتياجاتهم.

عندنا بالفصل واحد ياباني .. هممم والله فكره اسئله.

 

[Ginko]

شباب ما ادري ليش مركزين على كلمة عنصرية ..
مهيب سالفة عنصرية بقدر ما هو انه الشعب الياباني عنده اللي يكفيه وزيادة من منتجاته الوطنية ..
فوجود منتج غربي موجود أصلا منه من صنع البلد بيواجه مشكلة ولو بسيطة في هذا الشيء ..

كبرتوها ووصلتوها للعنصرية 😛

لووول هذي انا جبتها من عندي تعرف للتوضيح.

لكن يبقى KFC امريكي ومن انجح المطاعم فاست فوود في اليابان.

 

[Final Fantasy]

للأسف مايكرو خلاص مالها نصيب كبير بالسوق الياباني .. هالشي كان مكتوب عليها من الـ XBOX .