الرجال حلف بالله كيف ما تصدقه.
يعني انت عايش علشان الفيديو جيمز ؟ علشان لعب ؟ يارجال ادعي ان ربنا ما راح يحاسبنا على الوقت الي نمضيه على هذي الأشياء, خلينا نكون واقعيين, لن تزولا قدما عبد يوم القيامة حتى يسأل عن أربع عن عمره فيما أفناه، وعن شبابه فيما أبلاه، وعن علمه ما عمل فيه، وعن ماله من أين اكتسبه وفيما أنفقه.
لمن تقول شيء أساسي معناته انت تحطه في مرتبة واحدة مثل العبادة و العلم و العمل وعمارة الأرض, الحياة لازم يكون فيها توازن, أما اننا نخلي الترفيه واللعب شيء أساسي هذا ما يقبله لا عقل و لا منطق.
و ياسيدي لا تعيش حياة بائسة, بس في شي اسمه أولويات,انت خلقت بالأساس علشان تعبد وتشكر, فقدم عملك الصالح الي ينفعك باذن الله يوم القيامة, ثم ابحث عن ذاتك في هذه الحياة و فتش عن سبل النجاح فيها, بكرة كل واحد راح يكون مرتبط بأشياء أهم و أكثر, الي يدور لقمة عيشه والي بيتزوج و يجيب عيال والي راح تكبر مسؤولياته لأي سبب كان, في النهاية كلنا بنشيب ويفوت قطار الحياة علينا, وقتها بنعرف صح اذا الفيديو جيمز تعتبر من الأساسيات والا لا..
على سالفة التورنت, أكيد أي شخص عنده DSL بيستخدم تورنت, أنا شخصيا أنزل أغاني ومسلسلات فقط, الأغاني الي انزلها 99 % منها Radio Shows متاحة مجانا للجميع و أعتقد أكثر من شخص هنا يعرف هذا الشي عني , يجي واحد يسجل البرنامج MP3 وينزله يعني مافيه سرقة, المسلسلات ما انزل الا بززن بريك و 24, انا مش عايش في أمريكا وما عندي قدرة اني اشترك في قنوات الكيبل حقتهم, فصاحب الحق ماراح يتضرر مني لو واحد سجل البرنامج واعطاني هو في اليوم الثاني من التورنت.. لو أفلام DVD rip مثلا هذي معاك حق فيها 100 %..
عموما سالفة الP2P و الsharing هذي سالفة معقدة ومقارنتها بالقرصنة الحقيقية صعبة, خصوصا في مسألة الأغاني, لأنه على برنامج مثل الbearshare هذي قانونية, و اعتقد تعرف ليش الiTunes وغيره يبيع الMP3s بأسعار رخيصة.
ثم هي المسألة مافيها يا أبيض يا أسود..مافي انسان كامل, واحنا مانطالب أحد انه يكون مثالي زيادة عن اللزوم, يعني مثلا الي يدعي انه انسان مستقيم 100 % و ما قد شاف مناظر مش ولا بد في فيلم أو مسلسل, هذا واحد كذاب كلنا قد شفنا, بس هذا ما يعطيك المجال انك تقول عادي وتجلس تدافع عن مشاهدتها وتخليها عادة دورية, الي جاك منه النصيب مشيه وارميه وراه ظهرك.. نفس الشي في القرصنة, الي جاك منه النصيب ارميه وراه ظهرك, لكن ابدا لا تجلس تدافع عنها وتبرر لها.
:
