hits counter

ماهي أطول مدة جلست تلعب فيها بشكل متواصل بلعبة معينة ؟!

Final Fantasy

Final Fantasy

Banned
هيلوو جميعا

الموضوع واضح من عنوانه .. ماهي أطول مدة جلست فيها تلعب لعبة واحده بشكل متوااااااصل !

بالنسبة لي .. كانت 14 ساعة متواصلة مع فاينل فانتسي 7 بالعطلة الصيفية قبل ثلاث سنوات جلست من الساعه 9 الليل الى اليوم الثاني الساعه 1 الظهر و ما قمت طوال هذه الفترة الا بس مرة لصلاة الفجر و يمكن ثلاث مرات لشرب الماي و قضاء الحاجات 😀

بعدها ما عدتها من جديد نهائيا .. و لكن من بداية الشهر الماضي رجعت لي حالة ادمان الجيمز الغير طبيعي من جديد .. بالعاده كنت أقعد على اللعبة أسبوعين - شهر حتى أنهيها أما الحين فالأسبوع الواحد أنهي فيه 3 ألعاب .. و توني قايم من جلسة مدتها 9 ساعات متواصلة على Jak X 🙄



فيه ناس بايعه عمرها مثلي 😛 ؟
 
للأسف ما ألقى وقت...

بس أذكر أني أنهيت DKC في جلسة وحدة لأن اللعبة ما كان فيها save...

نفس الشي بالنسبة لـ DKC2...
 
أيام السيجا والسوبر ننتدو (أيام الفضاوة) 24 ساعة العب
بس ما اتذكر زمن محدد

لكن اللي أذكره في الزمن القريب
هي لعبة Jak 3 قعدت من الساعة 3 بالليل إلى الساعة 11.30 الظهر تقريبا
وكنت منيب قايم الا لما أخلصها
لكن مثل مايقولون وصلت (My physical Limite) 🙂
حتى اني صرت امشي بجاك وانا مدري اصدم في الجدار وتلقاني اروح يمين ويسار وانا مدري
صرت اهلوس وأنا العب -_- لأني كان المفترض انوم بعد الفجر
لكن قراري بإنهاء اللعبة خلاني استمر
مع اني ما انهيتها (انهيتها من بكرة) لكن كانت تجربة حلوه اللعب وانت دايخ 🙂
 
التعديل الأخير:
حاليا ما اقدر اسوي مثل هالشي للاسف بسبب الدوام ـ__ـ

بس سابقا ايام الفضاوة والدراسة اللي احضرها يوم واتغيب عنها اسبوع 😀 😀 صارت معاي كثير مع لعبة براسايت ايف2 ميتل جير1 و2 رزدنت ايفل2و3 ايس كومبات4 ..اوقات كثيرة صادتني وصرت فيها مجنون لعب بس اكثر لعبة جلست عليها اطول مدة ما اذكر بالظبط صراحا ـ__ـ
 
التعديل الأخير:
في هذا الجيل بالتحديد ، أكثر لعبة داومت عليها بلا منازع هي ديفل ماي كراي الأولى، حسيت كأن عيوني حتطلع من مكانها من كثر العب ، وكمان مع هيلو الأولى و فيوتفل جو الأولى على الكيوب و طبعاً رزدنت إيفل ريميك و زيرو و موخرأً رزدنت إيفل 4 .
يعني كنت أمسك اللعبة و ما أسيبها إلا بسبب النوم أو الدوام
الظاهر ما حتكون عندي هذه الحرية في الجيل الجاي للأسف .
 
فانتسي ستار اون لاين....يوم لعبت 27 ساعة XD(الله يخلي الكباتشينو)

ومدة لعبي بالشخصية 637 ساعة.....طبعاً غير الشخصيات الثانية ...-_-

الان العب romancing saga من 5-10 ساعات في اليوم
 
التعديل الأخير:
مرة وحدة والله لا يعيدها ............. -_-

على كيوس ليجن حوالي 12 ساعة أو 13 إذا ما خانتني ذاكرتي أم ريالين ... لكن من جد كانت تجربتي الوحيدة اللي أنهي فيها لعبة لوحدي من جلسة وحدة ... لكن لي تجارب جلسة وحدة واجد تعاونيا مثل ميتل سلق ... وكونترا
 
ما عمري فكرت احسبها ~_~ ...لكن لو خشيت جو بلعبه مافي امل اتركها الا اذا حسيت تفكيري صاير مضروب ومقدر اتقدم ولول 1% من اللعبه ...

لكن بالفترة الحاليه اقضي اوقات طويله .. 6 ساعات متواصله او اكثر يوميا .. على halo2 العبها اونلاين طبعا...
 
معظم تجاربي اللي نفس هذي تكون على العاب الـMMORPG .. خاصة وورلد اوف ووركرافت، كنت اقعد من اول ما اقوم (الساعة 12 تقريبا) لين الساعة 4 الفجر ..

بس في العاب الاوفلاين عادة انا امل بسرعة من جلسة وحدة .. عادة وقتي يكون ساعة وحدة و ارجعلها في اليوم الثاني او بعد كم ساعة في نفس اليوم ..
 
Silent Hill 2 نزل عندنا بالكويت يمكن يوم الاربعاء ، بديت باللعب الساعة 7 ونص وخلصته بعد صلاة الفجر احتمال الساعة 5 .. !! كانت اسرع لعبة اخلصها بدون Game Over واحد لوول !!
 
+_+ مااتذكر بالظبط شو الالعاب اللي يلست عليها لفتره طويله ..بس اللي اذكره كانت رزدنت ايفل 2 و3 وكود فيرونيكا وميتل جير سوليد ون خلصتهم بجلسه وحده تقريبا .. وكذا لعبة اربيجي مش متذكرها وعلى مااذكر ستار فوكس على الكيوب ..واكثر لعبه جلست عليها لفتره اكثر كانت زيلدا ويند ويكر خلصتها بيومين متواصلين مع فترات متقطعه للراحه ..

اممم .. حتى الحين ماصارت ترجع لي الحاله اللي كنت فيها اول ..العب اللعبه الين مااخلصها .. صرت العب ساعه وبعدها ساعه وباليوم الثاني ساعه ..يعني بالراحه ..

..
 
برن آوت3 تايكداون طور التيكداون 8 ساعات بعدها نمت نوم عميق
 
تسلم يا فاينل فانتسي 7 على الموضوع

أذكر اطول فتره لعبة فيها كانت زيلدا : ماجورا ماسك ..... كم ساعه ما اذكر بالضبط لكني قعدت العب فيها فتره طويله .

أما حاليا ما عندي وقت اقعد قعدات مطوله على لعبه يعني 2-3 ساعات بالكثير في اليوم .
 
لول .. اكثر مدة اتذكرها .. على Soul reaver 2 .. ستة ساعات >.> ..
الحين بعض الايام ألعب ساعة - ساعة ونص .. ما ازود _-_ ..
ثانكس فاينل ..
 
مرة وحدة فقط ختمت لعبــة على جلسة وحدة فقــط..وهــي لعبــة أعتقد إنها ما نزلت لها نسخة أمريكية ولا يابانية..أوروبية فقـط...وهي لعبــة World War Zero..على البلاي ستيشن 2..
 
ننجا جايدن بلاك 7 ساعات متواصلة خلصت فيها طور القصة بس علشان أجرب طور المهمات 😀
 
سوبر ماريو وورلد 2 على السوبر نيتندو
كان اليوم الوحيد يلي سهرت فيه حتى الفجر -_-
 
همممممممم قبل 4 سنوات.. في إجازة رمضان.. ميتل جير سوليد 2 سونز اوف ليبرتي.. خلصت اللعبة في يوم هههههههههه.. والله كنت مقهور بشكل.. بس من جد كانت لحطات لا تنسى مع هذه اللعبة الي لاتصدق 😉
 
لعبة الكابتن ماجد الجزء الثاني ( الرابع رسميا ) على السوبر ننتندو ...

اللعبه ماكان فيها Save فاضطريت العبها من اولها لاخرها عشان اشوف النهاية واعتقد اخذت معي اكثر من 10 ساعات 🙂
 
التعديل الأخير:
همممممم ... 12 ساعة ، Gta : SA ...

وين توربيدو عن هذا الموضوع 😛 ...
 
معظم تجاربي اللي نفس هذي تكون على العاب الـMMORPG .. خاصة وورلد اوف ووركرافت
أنقر للتوسيع...

نفس الشيء .. كنت يوميا اقعد عليها اكثر من 16 سـاعــه .. ( ايــام الصيف الرائعـــة :cry: )
 
أتذكر فاينل فانتسي 10 - 2 (( يا زينها من لعبه 😛eeved: )) خلصتها في يوم و نص ما طفيت الجهاز بس كنت اقوم اسوي شيء و ارجع بس ما اتذكر كم الوقت بالضبط
 
والله أيام قبل كنت اقعد بالساعات وانا العب ..
واذكر مره خلصت المهمه الاولى لليون والمهمه الثانيه لكلير والمهمات الي اطلع فيها أيدا وويسكر وكريس وهانك كلهم في جلسه وحده ..طبعا برزدنت ايفل2
واذكر اونيموشا 2 كنت توني راد من البر على المغرب شغلتها وما طفيتها الا اليوم الثاني وانا مخلصها
وحتى لعبه XIII كنت ارجع من المدرسه وأمسكها ومأهدها الا بليل على الساعه 1 او 2 وانام واقوم باجر واروح المدرسه وارجع ونفس الحاله لي الساعه 10 وخلصتها ..

ولعبه فير افكت 1 و 2 .. والله كنت مأطلع من البيت خير شر .. كان اخوي يقولي يالله نبي نرح بيت عمي وبيت خالي ومن هالكلام وكنت اقول مأبي اروح .. وكنت اكله العب .. بذات العاب البلاي1 كنت اطول حييل عليها

وألعاب سايلنت هيل كل الأجزاء كنت ادمن عليها بشكل .. بذات الثاني والثالث كان أدماني شديد لها

وبرنس اوف بريشيا 1 .. والله العاب كثيره .. بس الحين -_- للأسف ما صرت اقعد هالقعده بالألعاب ..

بس ان شاء الله عن قريب راح اسويها بفايتل فريم 3 😉
 
التعديل الأخير:
btw ...

لو مأجل الموضوع شوي لين ما نتهنى بماريو كارت دي اس :razz:
 
أنا عن نفسي تجيني حالات أقعد فيها على اللعبة وما أفكها إلا لما أنهيها .. وتجيني حالات ألعب اللعبة ساعة أو ساعتين وأطفي الجهاز ..

أما أطول مدة قضيتها على لعبة .. فهي على ما أذكر كانت على لعبة GTA3 .. أتذكر كان الميموري حقي ضايع وقعدت عليها حوالي 17 ساعة أو أكثر .. مع فترات متقطعة للراحة والأكل وقضاء الحاجات ..

أما آخر ألعاب قضيت عليهم فترة طويلة في اللعب .. فهم ريزدنت ايفل4 أول ما نزلت على الكيوب .. قعدت عليها مرة حوالي 10 ساعات متواصلة .. وبعد كونكر على الاكس بوكس .. مسكتها مرة لمدة طويلة تتجاوز العشر ساعات ..
 
مشعل ذكرتني ..

رزدنت ايفل 4 الكيوب .. قعدت عليها من الساعه 10 بليل لي 8 الصبح
 
هممم

على حسب الذاكره فهي 14 ساعه على فف10..
 
اعتقد في سايلنت هيل 4 نهيتها بطور hard

وبعد دينس وارير 4 حوالي يوم 14 ساعة بس متقطع
 
أكثر لعبة قعدت عليها كانت بوكيمون كولوسيوم نهيتها ب 21 ساعة متواصلة 😀

هذي اللعبة اللي أتذكرها ألحين طبعا غير HALO 1 & HALO 2 لأنهم FPS وقصيرين نسبيا ^^
 
يجب تسجيل الدخول أو التسجيل كي تتمكن من الرد هنا.
عودة
أعلى