game for new
True Gamer
ختمتها اليوم
7/10
يااخي والله شقد البوتنشل كان موجود انها تكون افضل مافيا في السلسلة فعلوا اشياء عديدة عظيمة في اللعبة هذي لكن خربوها في مليون شيء آخر ، بتكلم شوي عن بعض عناصر اللعبة .
الجيم بلاي: 9/10
كان ممتاز جدا الجيم بلاي لووب عظيم وشيء مقارب الى فانتوم بين او لاست اووف اس 2 و 007 الاخيرة لكن بسكيل اصغر شوي .. مزيج الكومبات واطلاق النار اتقنوه جدا تشوف تأثير كل طلقة على الاقدام و الاجساد والرؤووس واقعي الى ابعد احد .. هذا افضل جيم بلاي في السلسلة بدون منازع
القصة : 7.5/10
حلوة فيها لحظاتها الجميلة جدا شخصيات مكتوبة بعناية لكن خربوها بكثرة الشخصيات الي مالهم داعي في اللعبة ومجرد وجودهم حشو لتطويل قصة اللعبة الاساسية هذا الي خربها .
المهمات: 7/10
بما ان الجيم بلاي لووب بالنسبة لي كان ممتع فأستمتعت في المهمات رغم تكراراها وانا في كل مهمة اجرب اسلحة وطرق جديدة للقتل لكن تكرار المهمات بشكل مبالغ فيه شنيع هنا ، تكرار كثير بنفس الطريقة والاسلوب اقتل هذا ودمر هذا مافي تنوع ابدا .. التنوع يصير حلو عندما تصل الى آخر ثلاث او اربع مهمات قتل في اللعبة هنا تبدأ المهمات تصير منوعة ومختلفة اما قبل ذلك كلها تكرار
الاضافات القصصية : 10/10
صدقوني الي توه بيلعب اللعبة لا يطوف ال DLC تجارب قصصية مذهله ومركزة و في وحده منهم اسمها Little closure حرفيا قاعد العب سايلنت هيل من قوة القصة ورعب احداثها والدراما الي فيها.. بإختصار ال DLC افضل شيء في هذا الجزء.
الجانب التقني: 0/10
ياالهي احد يشرح لي وش صار في الاستيديو عشان يصدر اللعبة بهذي الكارثة التقنية؟ المصيبة ليس في اصدارهم اللعبة بهذا الشكل المخجل المصيبة ان الي يجي يلعبها الآن راح يشوف نفس الفضائح التقنية والمشاكل يعني ماكلفوا على نفسهم حتى يصلحونها طوال هذي العشر سنوات خلوها بنفس الكارية الي هي فيها ..كراشات بالهبل في اللعبة ، اختفاء مهمات ، اختفاء شخصيات لازم تسوي مليون مرة Load checkpoint عشان تصلح خطأ تقني اهبل يتكرر وياك طوال اللعبة .. اللعبة كارثة من هذي الناحية .
اعطيها 7/10 لأن استمعت جدا في الجيم بلاي احب ميكس الكومبات واطلاق النار اذا ضبطته الالعاب بهذي الطريقة لكن تستاهل 62/100 الي حصلتها في الميتاكريتك بسبب الفضيحة التقنية وتكرار المهام
.
شكلي اشتريتها بتخفيض وما لعبتها ومع نزول البلاي 5 قلت اعطيهم فرصة واريح من ويتشر شوي
