ماراثون سلسلة Kingdom Hearts | من يريد الخسارة أمام سيفروث 59 مرة أخرى ؟

[Sea.roOock]

اخخ بس، كل مره اقول بالصيف الجاي بسوي ماراثون للسلسلة بس خططي تفشل، يا اسافر او انشغل والحين اشتغل ><، متى بس يجي الوقت والعب كل الاجزاء ؟ ممكن قبل صدور الجزء الثالث ؟

 

[The Last Lombax]

^
على كذا بتسوي ماراثون في عام 2020 :laugh::

 

[Punished Noctis]

على كذا بتسوي ماراثون في عام 2020

انت متفائل ... بزيادة

 

[SCORPION-Q8]

توني خلصت من KH:re COM .. مادري شلون في ناس طوفوا هالجزء و انتقلوا لkh2 على طول !
قصة هالجزء مهمة حيل , مادري شلون راح تفهمون الباجي لو ما لعبتوه !
عن نفسي .. جربت نسخة الجيم بوي .. ما تحملتها .. رحت طالعت ووك ثرو :laugh:: .. لكن اكتشفت ان الباتل سيستم رهيب .. بس متى ؟ لما تفهمه صح .. و ترتب الكروت على شكل كومبوز .. و لما تعرف فايدة كل كرت يفتح باب .. من جد تحسفت .. خصوصا اني ما لقيت نسخة البلاي ستيشن 2 اوربية .. بس راح اطلبها امريكية على الرغم انها ما راح تشتغل .. لكن حاب اسويلها كولكشن :inlove:

بكره ان شاء الله ببتدي بkh2 الي سمعت انها رائعه من كل النواحي .. متحممممس

 

[Sea.roOock]

بكره ان شاء الله ببتدي بkh2 الي سمعت انها رائعه من كل النواحي .. متحممممس

إستمتع إستممممممممممممممممتع 🙁

 

[Sora Diersly]

إستمتع إستممممممممممممممممتع 🙁

+1 🙁 🙁

 

[Mute City]

اخخ بس، كل مره اقول بالصيف الجاي بسوي ماراثون للسلسلة بس خططي تفشل، يا اسافر او انشغل والحين اشتغل ><، متى بس يجي الوقت والعب كل الاجزاء ؟ ممكن قبل صدور الجزء الثالث ؟

مسألة إنك تسوي مارثون صعبه وتحسها بتاخذ وقت يعني انا كل مره أبغى أسوي مرثون ريزي أتكسل وأنشغل لكن سرت أتركها على التيسير إشتهيت ألعب الجزء الفلاني
قمت وشغلته وخلصته ولا أربط نفسي بأي جزء ثاني بتحس إنه ما وراك هم كبير

 

[Mortaza]

انا العب الثاني هالفترة مثل ماقلت سابقا , ما استحملت جيم بلاي ري كوم , و على القصة , وانا العب kh2 يعطيك ذكريات تفيدك في شنو صار سابقا , يعني ما يحتاج اكمل ري كوم

 

[Hironobu Sakaguchi]

^^
حطمتني
انا كنت مبسوط انها انتقلت من الجيم بوي الى بي اس2 لاني تعبت وانا العبها هناك
ما زلت راح العبها لكن مو هذا الرد الي كنت انتظره 🙁

 

[awadnin]

وش وضع Kingdom Hearts Re:coded بالسلسلة

بإختصار هل يستحق الشراء؟ وهل لازم أشتري أجزاء أخرى قبل لعب هذا الجزء؟

على فكرة ما قد لعبت Kingdom Hearts أبداً.

 

[Sora Diersly]

^^
حطمتني
انا كنت مبسوط انها انتقلت من الجيم بوي الى بي اس2 لاني تعبت وانا العبها هناك
ما زلت راح العبها لكن مو هذا الرد الي كنت انتظره 🙁

تشاين اوف ميموريز رائع جدا إذا انت من النوع اللي يحب العاب البطاقات ويوغي والطقة هذي. اللعبة تعتمد على ترتيب بطاقاتك كلها قبل المعارك. احب هالجُزء بشكل كبير جداً ويجي بالنسبة لي مُباشرة بعد الثاني (المرتبة الأولى)

 

[SCORPION-Q8]

@نينتيندو فان
دام جذي .. ابتدي بKH:BBS .. بما انها تعتبر KH:0 و الباتل سيستم ممتع

 

[awadnin]

@ SCORPION-Q8

المشكلة ما عندي psp :[

لكن من محاسن الصدف أن فيه خبر جديد بالمنتدى عن جزء جديد للعبة على 3DS بمشيئة الله راح تكون تجربتي الأولى بالسلسلة مع هذا الجزء :]

 

[SCORPION-Q8]

^
هالجزء تمهيد لقصة KH3 اعتقد .. هم ما ينفع لو تبي تعيش القصة عدل لول

 

[Mortaza]

تشاين اوف ميموريز رائع جدا إذا انت من النوع اللي يحب العاب البطاقات ويوغي والطقة هذي. اللعبة تعتمد على ترتيب بطاقاتك كلها قبل المعارك. احب هالجُزء بشكل كبير جداً ويجي بالنسبة لي مُباشرة بعد الثاني (المرتبة الأولى)

انا احب العاب يوغي طيب /: , لكن بعد ما تلعب الجزء الخرافي KH2 و ترجع لـ تشاين اوف ميموريز تحس باحباط يخليك تترك اللعبة , وهذا اللي صار لي :sadwalk:

تعديل : تشاين الريميك جزء مهم من ناحية القصة ؟ او مع KH2 يعطيك شنو صار (ذكريات) ؟

 

[mohamed]

شريت بلاي2 قبل أسبوع وأخذت معه كوم , اللعبة تحفة ونظامه القتالي عبقري , أستغرب من الشكاوي اللي بهالموضوع لول . أنا لعبت كوم على الأدفانس على أيامها , والحين جالس ألعبها على البلاي2 ووالله أحس إني ألعب لعبة جديدة كلياً .

باقي لي أدبر كه2 فاينل مكس وتكتمل الحفلة !!



مستمتع لحد إني شلت من رأسي فكرة الجيمنج بي سي اللي كنت ناوي عليه .


يا ليت عندي بسب , أبغى ألعب بيرث باي سليب . رحت لجرير مرة ولقيت بندل بسب مع بيرث باي سليب , بغيت أتهور وأرمي ال700 بس ربي ستر .

 

[m7tram]

الجزء الثاني أفضل شي فيه اول 5 ساعات لما تلعب بروكسيس .. اما الباقي تمطيط وكلام فاضي لين النهايه ترجع اللعبه تصير حلوه .. أفضل جزء وبمراحل الجزء الاول ثم يليه بيرث اوف سليب.

 

[Hironobu Sakaguchi]

تشاين اوف ميموريز رائع جدا إذا انت من النوع اللي يحب العاب البطاقات ويوغي والطقة هذي. اللعبة تعتمد على ترتيب بطاقاتك كلها قبل المعارك. احب هالجُزء بشكل كبير جداً ويجي بالنسبة لي مُباشرة بعد الثاني (المرتبة الأولى)

لا مالي فيها
ولعبت نسخة الادفانسيد وتقدمت فيها بس تعبت
على العموم شريتها وخلاص لاعبها لاعبها ان شاء الله

 

[Gon freeces]

ليش الناس تكره CoM ؟ صراحة أفضلها على 2,أو ممكن عشان لمن لعبت 2 بدأ يصير عندي تشبع من كنجدوم هارتس و بديت تريديجيًا أفقد الإهتمام 😛

الجزء الجديد لازم فيه Command Board.

 

[Sora Diersly]

^
المنابولي رهيبة وتستاهل تكون ميني جيم بـ اونلاين في KH3 بالراحة!

 

[zlatanovic]

انا ما ادري لو سألت هالسؤال قبل .. لكن,
هل جزء الـDS الثاني ممتاز؟
هل له ارتباط بالقصة؟
هل فيه محادثات وعروض زي bbs والا مثل days ؟
هل الجيمبلاي فيه ممتاز؟

 

[MAX9009]

امس جربت جزء الدي اس re coded استغربت من بعض التقاييم ومن بعض المراجعات اللعبة رووعه حرفياً والباتل سيستم زي ماهو بالجزء الأول وممتع ونظام التطوير ما تعمقت فيه توني بالبدايات لكن اللعبة روعه والتحكم اللي كنت خايف منه طلع ممتاز

 

[Boo22]

انا ما ادري لو سألت هالسؤال قبل .. لكن,
هل جزء الـDS الثاني ممتاز؟
هل له ارتباط بالقصة؟
هل فيه محادثات وعروض زي bbs والا مثل days ؟
هل الجيمبلاي فيه ممتاز؟

بالنسبة لي re coded ما تختلف عن لعبة الدي اس الاولى من ناحية التحكم .. من ناحية الباتل سستم فهي تتفوق وبمراحل على سابقتها .. اللعبة فيها محادثات وعروض .. الارتباط بالقصة ضعيف لكن العرض اللي في النهاية تقدر تقول انه مهم انا باقي ما شفت العرض السري لكن ان شاء الله قريب اشوفه .. على العموم انصحك تجرب اللعبة صح انها فيها تكرار كثير زي الجزء اللي قبله لكن تبقى لعبة ممتازة

 

[SCORPION-Q8]

قاعد العب KH2 على الـPS3 .. بما ان جهازي دفعة الـ60 gig المضروبة بس هو لي الحين صاحي .. واوربي .. فأقدر العب عليها العاب PS2 اوربيه

الرزلوشن عليه رهيب .. الانترو لـKH2 كأنه HD :sarcastic:

 

[D_SHEHAB]

طقيت لي بسب ، لعبت سابقاً ومن زمان الأول والثاني لكني مشكلتي ما فهمت القصة بشكل جيد .. اليوم بلعب بيرث باي سليب + بعده ري كودد عالدي إس ..
الجزء الثاني ما ناحية القتال والإضافات اللي أضافوها عليه أفضل بكثير جداً من الجزء الأول خصوصاً لمن تبدل بين أطوار سورا .. شي خرافي حرفياً .. ونهاية اللعبة قاتلة ..
أتسائل كيف بيكون الجزء الثالث ؟ إذا مع قدرات الجيل الحالي وإبداع سكوير مع هاللعبة والقصة بتكون أعمق .. ما أعتقد إني أبالغ لو قلت الجوتي حق السنة اللي بتصدر فيها ..

 

[Sora Diersly]

^
اذكر قلت نفس الكلام. لكن طلعت الجوتي هذيك السنة توايلايت برينسس و جيرز اوف وار الأولى. بس اللعبة باعت 5.6 مليون وهذا ماينزل من مقدارها ابدا 🙂

 

[Gon freeces]

*كح كح* فف12 *كح كح*

 

[mohamed]

عجزت ألقى الجزء الثاني فاينل مكس , عجزت عجزت عجزت .

أحد هنا يقدر يفك أزمتي ؟

 

[Sora Diersly]

^
انا توقعت نفس الكلام لكن اغلب المواقع الضخمة والمجلات اختارو توايلايت أو جيرز اوف وار. الموقع الوحيد اللي رشحت فف12 للجوتي هي أيدج.

 

[Sora Diersly]

عجزت ألقى الجزء الثاني فاينل مكس , عجزت عجزت عجزت .

أحد هنا يقدر يفك أزمتي ؟

http://www.amazon.com/Kingdom-Ultim...1QSM/ref=sr_1_1?ie=UTF8&qid=1313221598&sr=8-1