SEGA
تقدر تقول أنا متفائل خير من الكم خطوة اللي سمعت عنها مؤخرا بخصوص اعادة هيكلة الشركة والتوجه الجديد مع صالات الاركيد والتركيز على عالمية المحتوى اللي حيتقدم والبوتنشال الممكن من هذا كله بقي نشوف التطبيق على أرض الواقع وقد أيش هذا الشي ممكن ينعكس على اداء الشركة عند المستهلك الأخير.
أبغى أشوف "حلب" أقل خصوصا لسلسلة ياكوزا وفي المقابل تنوع أكبر بالاصدارات الجديد منها و القديم.
خير نموذج على ذلك حاليا هو فريق CS2 واللي غالبا بيكون تحت أسم Division 2 بالهيكلة الجديدة أشتغل على Valkyria Chronicles 4 وبعدها بسنة قدم Sakura Wars وخلال هذا نعرف من سنتين أنهم شغالين على سونك جديدة (أتمنى تكون AAA هذي المرة) و IP جديد (اتمنى يكون RPG من فالكيريا/سكايز ستاف). هذا شي أقدر أتضامن معاه بشدة وهذا اللي أبغاه من كل فريق بالشركة... خليط مجموعة من العناوين المعتادة + عناوين عائدة + عناوين جديدة.
وليست حالة الركاد اللي موجودة مع فريق ياكوزا من سنين طويلة. في شائعة قوية جدا أنهم شغاليين على Super Monkey Ball 3/Retro أتمنى انها تكون بداية الاهتمام بجودة هذا العنوان + المزيد من المشاريع المحترمة خارج بوتقة ياكوزا.
أهم شي عندي من هذا التغييرات الكبيرة اللي قاعدة تصير أني أشوف AM2 يرجع وبقوة مع عناوين عائدة مثل Virtua Fighter و Outrun ومن خلال اعادة تصور العاب الاركيد بتقديمها كخدمة منزلية أيضا مثلا نشوف Border Break جديدة تتسوق على الاركيد والهوم-كونسولز والأهم من هذا أني أشوفهم يرجعوا يشتغلوا على العاب تكون 100% مصممة للكونسول وهذا بوتنشال هائل ضايع من سنين طويلة منذ شينمو 2. (فيرتشوا كويست كانت من تطوير استديو Tose)
يعني انا والله مو عارف ليش فريق مثل AM2 وخبرته الهائلة والمتنوعة خصوصا في تقديم مستوى تقني وانميشن رفيع المستوى ونظام قتالي جبار ما يطور العاب أكشن مثلا؟؟؟
أيضا نبغى نشوف العديد من عناوين الاركيد الـquirky الصغيرة مثل كريزي تاكسي, سامبا دي اميجو, داينميات كوب أو ذا هاوس اوف ذا ديد من استديوهات الاركيد عموما.
فريق فانتسي ستار اونلاين محتاجين يركزوا شوية بالجزء الجديد ويستفيدوا من تجربة مونستر هنتر و FF14 بالسوق وانه هذي الالعاب قادرة تنجح بشكل قوي بدون ماتكون F2P ويأسسوا لذا الشي صح عالميا لم يجوا يصدروا الجزء القادم مش مهزلة اصدار فانتزي ستار اونلاين الحالية بعد مرور اصدارها اكثر من سبع سنين باليابان! هذا شي والشي ثاني ياخي وسعوا من الـuser base حق الفرنشايز من خلال الرجوع للسلسلة الكلاسيكية وتقديم لعبة RPG جديدة بالتوازي مع تسويق فانتزي ستار اونلاين القادمة. حرام يكون عندكم رجل مثل Shuntaro Tanaka وبالنهاية تهدروا مجهوده على لعبة موبايل! هذا الرجل المفروض تمسكوه مشروع Phantasy Star V كونه معاكم حاليا أو تحاولوا تخلوا ATLUS تشتغل عليها أشوفها مرة تناسب شغل ATLUS خصوصا لو توجهها كلاسيكي صرف.
والله الله على الريماسترات نبغى نشوف بقية العناوين المهمة تتوفر على كل الأجهزة وعلى رأسها Skies of Arcadia و Panzer Dragoon Orta و Panzer Dragoon Saga و Jet Set Radio Future و Outrun 2 و Shining Force III (متضمنة السيناريوهات الثلاثة)
Yu Suzuki مع فريقه
طبعا كأي عاشق مجنون بالسلسلة أبغى أسمع عن الContinuation حق شينمو 4 بأقرب وقت ممكن وأتمنى انها تتعلم من مرحلة الـKnow how اللي مرت فيها شينمو 3 وتتلافى أخطائها ونواقصها من خلال البناء على الاساسات الموجودة والخبرة المكتسبة.
لكن بالفترة هذي أنا أشوف الأهم من سماع شي يخص شينمو من يو سوزوكي هو سماع دعم أحد أفكاره ومشاريعه من أحد الثلاثة الكبار بالصناعة.
أحد أهم أسباب عشقي للرجل انه كان مش متوقع و دائما يقدم الجديد ويدفع بالصناعة باتجاه ما... أبغى أشوفه يسويها مرة ثانية بمشروع جديد بعد كل هالانقطاع.
هذا الشي مش بس يكسبنا منتج جديد مثير للاهتمام لكن هذا يفيد أيضا بشكل غير مباشر شينمو 4 من خلال تجربة الفريق مع شي جديد بدعم قوي وقد يكسب الفريق من خلالها المزيد من المواهب والخبرة... هذي كانت آلية عمل استديوهات سيجا في عزها.
Nintendo
بالرغم من أنه Breath of the Wild كاملة والكمال لله لكن لا يمنع نشوف وين ممكن تتطور الفورملا. أبغى الدنجنز الكبيرة والمعقدة ترجع على حساب تصغير العالم لكن مش بشكل كبير.
يعني العالم سيظل ضخم جدا لو كان أصغر 30% مثلا. هذي الـ30% يعوضونا فيها من خلال زيادة التفاصيل بالعالم وتضخيم الدنجنز الرئيسية باللعبة.
وبالنسبة لماريو أبغى اللعبة القادمة تكون سيكويل لسوبر ماريو أوديسي لانه اللعبة ولو انها مو بعظمة جالكسي الا انها ما زالت لعبة مبهرة للغاية بتصميمها وكثيم و ستايل أدفنشري استكشافي تناسبني وتخاطبني أكثر لكن فقط محتاجة أنها تحمل معها مراحل باعجازية تصميم جالكسي عشان اقول عنها انها تعتلي عرش هذي الجنرا.
وأبغى F-ZERO ترجع وتكون بمستوى GX وأعلى.
Capcom
كابكوم ماشية على الطريق الصحيح mostly لكن من بين كل المطالبات اللي الناس تطالب بها مافي شي يهمني كثير منهم غير باور-ستون.
باور-ستون هي لعبة البارتي القتالية المفضلة عندي وبشوط كبير جدا عن أي لعبة أخرى. كابكوم تحتاج ترجعها وكل اللي تحتاج تسويه أنها تخليها أضخم (مراحل وشخصيات وأطوار)... بس.
Power Stone 2 كانت ولا زالت لعبة ممتعة بشكل لايصدق.
بس جدا مستبعد ذا الشي يحصل مع الاسف.
Microsoft
فقط أبغى هالو ترجع لعزها وعندي أحساس قوي تجاه infinite أتمنى أنه ما يخيب.
Fumito Ueda
أتمنى هذا الرجل يحصل الاهتمام اللي يستحقه وما يعاني مع تمويل مشروعه القادم.
Sony
أبغى فريق نوتي دوج مايركز على التعاطي بجدية قاتمة في العابه... أنشارتد هي السلسلة المفضلة عندي منهم.
أبغى Gravity Rush جديدة رغم تأكدي من استحالة ذلك.
SQUARE-ENIX
أبغى المزيد من الاهتمام تجاه سلسلة نير اللي بدأت تأثر عليا فنيا.
أبغى أشوف لعبة يوجي ناكا واللي أتمنى انها تاخذنا للطيران مرة أخرى مثل نايتس و روديا.
Fromsoftware
متحمس لأيلدن رينج وكيف ممكن تطلع مع تعاون كبير مثل هذا.
