ليش؟

[Bounty]

بسم الله الرحمن الرحيم ..



صراحه ما اعرف اشلون ابدي الموضوع .. بس احب اختصر عليكم الكلام ..


ليش صورة المطوع تشوهت ؟


وين ايام لما كنت صغير .. كنت اشوف المطوع مثل القدوه .. احس نظيف .. طيب .. حنون .. ما كنت اقدر اتخيل شكله معصب أو متنرفز من شي .. احس وجهه ابيض نظيف من الايمان ..


الحين في ناس لما تشوف مطوع بالسوق تخاف لا يفجر .. يحسون انه ارهابي .. ما يأمنون له .. حتى المسلسلات ما سلمو من شرهم .. حتى في الدول المحافظه (مثال : السعوديه + الكويت) مسلسلاتها صارت تحط المطوع بصورة ارهابي حقير يبي يفجر و بس ..


حتى صارو تدريجيا يخوفوننا من اننا نتكلم معاه .. (يغسل مخ الشباب بالارهاب) ..


ما ابرر للناس انهم يخافون من المطوع .. بالعكس كل اللوم على روسهم لأنهم يصدقون هالتفاهات .. صحيح ان في بعض الارهابيين يتسترون تحت غطاء الدين ..على قولة المثل "عيال الحرام ما خلو لعيال الحلال شي" بس ما يبرر بالمره نظرتهم ..



سلاح الاعلام انقلب ضدنا ... الاعلام من اكبر اسلحه غسيل مخ .. يمكن ما يأثر فينا .. بس شوف حولك و انت اتشوف المسلسل !! تلقى اخوانك الصغار يشوفون معاك و يستجيبون مع احداث المسلسل ..


مابي اتكلم عن المسلسلات بس .. حتى الارهابيين اشكالهم مطاوعه و يتكلمون بالدين بكل طلاقه بس هم عكس منظرهم الخارجي (اغلبهم مدعوم من دول .. أو لهم مصالح خاصه ) ..




ما اقول الا لاحول ولا قوة الا بالله ..

 

[Mr.3B]

...

بكل اختصار .. مطوعين زمان =/= مطوعين اليوم

 

[king zell]

هو فعلا كلامك صحيح

و أكبر مصيبة هي الأعلام اللي معروف ان مجموعة معينة تتحكم فيه



لكن هذا كله مذكور بالأحاديث.. إن في نهاية الزمان بيصير اللي يفهم و اللي ما يفهم يحدث في الناس..و إن الأمم يتجتمع على المسلمين..

اللي يعرف الأحاديث يا ليت يجيبها لأني ما أذكرها تمام

 

[king zell]

لحظة شباب في شي ثاني..

كلمة مطوع كلمة لا تدل على شي أبدا.. لازم الواحد يفرق.. أنا ممكن أقسمهم الى اثنين:


1. شخص ملتزم : هذا مثل أي انسان عادي ، لكن الناس تميزه بأنه يربي اللحية و هي طاعة لله.. لكن مثله مثل أي انسان آخر فيه الزين و الشين

2. العالم : و هو اللي يدرس و يبحث عن العلم و قد يفتي للناس.. هذا انسان يجب احترامه ، و أيضا مثل أي عالم آخر ممكن يجتهد و يصيب و ممكن يجتهد و يخطيء

 

[Monster]

الفكره اللي تتكلم عنها يا باونتي ما طلعت الا بعد طائفه قامت بالتفجير وهم اناس ملتحين, فظهرت فكره ان كل ملتزم ارهابي والاعلام ما قصر تبنى هذي الفكره وقام بتغذيتها عبر المسلسلات اللي ما تنتهي.

 

[Jizasu]

بخصوص المطوع يوسف..

انا ما اشوف الاعلام قعد يشوه صورة المطوع...لأنه لله الحمد انت كل جمعه قعد توقف وراء الامام تصلي صلاة الجمعه...و اذا عندك مسأله دينيه ترجع بحلها للمطوع فالمطوع صورته ما توصخت...للحينه نقي طاهر يخدم الدين الاسلامي..و انت لازم تكون مقتنع بهل شي طبعا !

بخصوص الاعلام...هو قعد يبين صوره للناس الي تاخذ الدين ستار تستر فيه علشان اعمالها الارهابيه...و ابسط مثال على انه الاعلام ما قعد يشوه الصوره تابع مسلسل " حور العين " الي بين بالضبط دور المطاوعه...الزينين من الشينين...بمعنى اصح فرق بالحق مو بالباطل..

الاعلام قعد ينشر امثله...و الي يقول انا اخواني الصغار و خواتي يقولون المطوع يخرع وجذي...طبعا هذا لأنه بالخليج مافي ضوابط تضبط الاعلام...

المسلسلات الاجنبيه و الغرب يحطون ضوابط عمريه لأي فيلم او مسلسله انت حاب تتابعه...و الاهل يقولولك تشوف هذا او ما تشوف هذا...

اما بالخليج...حتى المسلسلات الكوميديه الي تقدم في رمضان لرسم الابتسامه على وجوه المشاهدين...للأسف برامج داود حسين نفسه فيها شغلات غزل مرات على طريقه كوميديه ما تنفع انه الاطفال يشاهدونها مع ذلك تشوف الاطفال قعد يشوفونها...هذا غير المسلسلات الخليجيه الدراما منها و الحب و الخ الخ..تلاقي الاطفال هم الجمهور الاول لها..

أنا عن نفسي ما اشوف الاعلام شوه صورة المطاوعه...بالعكس قعد يعطيك صوره نفاذه لمن يستتر تحت ستار الدين...و من يعمل بالدين..

ولو كان لومك على السعوديه و الكويت بالتشويه...ترى مصر دوله عربيه و اسلاميه بآن واحد...و هي كانت تعرض مسلسلات و افلام تخص الفئه الي تستر تحت ستار الدين و الي نناديهم بصريح العباره (( الأرهـــــــــــــابين )) وغيرها من الدول العربيه الاخرى..

 

[Bounty]

بخصوص المطوع يوسف..

انا ما اشوف الاعلام قعد يشوه صورة المطوع...لأنه لله الحمد انت كل جمعه قعد توقف وراء الامام تصلي صلاة الجمعه...و اذا عندك مسأله دينيه ترجع بحلها للمطوع فالمطوع صورته ما توصخت...للحينه نقي طاهر يخدم الدين الاسلامي..و انت لازم تكون مقتنع بهل شي طبعا !

بخصوص الاعلام...هو قعد يبين صوره للناس الي تاخذ الدين ستار تستر فيه علشان اعمالها الارهابيه...و ابسط مثال على انه الاعلام ما قعد يشوه الصوره تابع مسلسل " حور العين " الي بين بالضبط دور المطاوعه...الزينين من الشينين...بمعنى اصح فرق بالحق مو بالباطل..

الاعلام قعد ينشر امثله...و الي يقول انا اخواني الصغار و خواتي يقولون المطوع يخرع وجذي...طبعا هذا لأنه بالخليج مافي ضوابط تضبط الاعلام...

المسلسلات الاجنبيه و الغرب يحطون ضوابط عمريه لأي فيلم او مسلسله انت حاب تتابعه...و الاهل يقولولك تشوف هذا او ما تشوف هذا...

اما بالخليج...حتى المسلسلات الكوميديه الي تقدم في رمضان لرسم الابتسامه على وجوه المشاهدين...للأسف برامج داود حسين نفسه فيها شغلات غزل مرات على طريقه كوميديه ما تنفع انه الاطفال يشاهدونها مع ذلك تشوف الاطفال قعد يشوفونها...هذا غير المسلسلات الخليجيه الدراما منها و الحب و الخ الخ..تلاقي الاطفال هم الجمهور الاول لها..

أنا عن نفسي ما اشوف الاعلام شوه صورة المطاوعه...بالعكس قعد يعطيك صوره نفاذه لمن يستتر تحت ستار الدين...و من يعمل بالدين..

ولو كان لومك على السعوديه و الكويت بالتشويه...ترى مصر دوله عربيه و اسلاميه بآن واحد...و هي كانت تعرض مسلسلات و افلام تخص الفئه الي تستر تحت ستار الدين و الي نناديهم بصريح العباره (( الأرهـــــــــــــابين )) وغيرها من الدول العربيه الاخرى..

عيسى ..


انا من ناحيتي اكيد ما تأثرت بنظرتي للمطوع (والدليل ضيقة خلقي بطريقة كتابتي للموضوع ) ..


اما من ناحية المسلسلات ما تشوه ؟ .. زين جيب لي ارهابي بأي مسلسل مو ملتحي ولا يكون دوره دور (ارهابي مطوع) ..


من ناحية الفئه العمريه .. صراحه اشوف انه كلام فاضي دام انه يتطرق لمواضيع غلطxغلط و يشوه الصوره الاساسيه للمطوع ..

اما من ناحية اني الوم السعوديه + الكويت .. انا كتبتهم كمثال .. (محد ينسى فلم عادل امام عن الارهابيين ايام التسعينات ) ..

 

[The Doctor]

عرّف المطوع....
انا اللي ملاحظه ان هالايام إذا واحد مربي لحيته و ثوبه قصير صار مطوع...
حتى لو تتكلم عن مطوع يجي في بال السامع واحد بهالمواصفات... كأنه ما يصير واحد ملتزم و مب مربي لحية و مقصر ثوبه >.<

 

[Bounty]

عرف المطوع....
انا اللي ملاحظه ان هالايام إذا واحد مربي لحيته و ثوبه قصير صار مطوع...
حتى لو تتكلم عن مطوع يجي في بال السامع واحد بهالمواصفات... كأنه ما يصير واحد ملتزم و مب مربي لحية و مقصر ثوبه >.<

الحين احنا قاعد نتكلم عن موضوع اكبر من (مسمى) .. لا تحصرون الموضوع على غلط بالتسميه .. احنا انسميهم (اخواننا رجال الدين) مطاوعه ..


وشكرا على الرد + اتمنى اشوف وجهة نظرك بالموضوع .. 🙂

 

[Futrus]

.. زين جيب لي ارهابي بأي مسلسل مو ملتحي ولا يكون دوره دور (ارهابي مطوع)

خلنا نكون صريحين المسلمين اللي يسووون أعمال إرهابيه وقتل وتدمير شنو أهدافهم
إرجاع الخلافه الإسلاميه ، عندهم المسلمين الحاليين كفار وإسلامهم غلط يجب تصفيتهم ، الكفار اللي في الدول الثانيه مثل الغرب لازم نصفيهم حتى لو أطفال ومدنيين أبرياء

هالفأه هذه اللي تكفر الناس تشوفهم كانوا عاديين مثلنا بحثوا في الدين على يد أشخاص أو بنفسهم وصار عندهم حاله شديده من التشدد وبعدين صارت تطرف

 

[Jizasu]

عيسى ..


انا من ناحيتي اكيد ما تأثرت بنظرتي للمطوع (والدليل ضيقة خلقي بطريقة كتابتي للموضوع ) ..


اما من ناحية المسلسلات ما تشوه ؟ .. زين جيب لي ارهابي بأي مسلسل مو ملتحي ولا يكون دوره دور (ارهابي مطوع) ..


من ناحية الفئه العمريه .. صراحه اشوف انه كلام فاضي دام انه يتطرق لمواضيع غلطxغلط و يشوه الصوره الاساسيه للمطوع ..

اما من ناحية اني الوم السعوديه + الكويت .. انا كتبت مثال .. (محد ينسى فلم عادل امام عن الارهابيين ايام التسعينات ) ..

و انا ذكرتلك مسلسل ما يشوه صورة الملتحي...أصلا بتلاقي الفروق الصحيحه بين رجل الدين الي يشتغل على تعاليم الدين...وبين الارهابي...

الارهابيين اهم اختارو هل ثوب ؟؟ وين مشكلة اذا الاعلام تطرق لهل فئه من الناس الي قعد يتسترون تحت الدين ؟ الموضوع خطئ ؟؟

شلون يكون خطئ وانت ماتدري شلون تكون طريقة استدراج الشباب الصالح و الضائع بنفس الوقت...؟؟ انت تعرف شلون يتم استدراج الشخص تحت الارهاب ؟ محد فينا يعرف ؟؟ منو الي يقدم هل خدمه غير الاعلام ؟؟ منو الي يوضح الشغلات الي تصير و احنا ماندري عنها غير الاعلام ؟؟ الي يقحم نفسه من اجل سبق صحفي او من أجل معلومات ممكن تفيدنا ؟؟

انا ما اقول الاعلام مرات ما يكذب و ما يحب يخدع الناس و يثير مواضيع بصوره او بأخرى...بس هم ما يمنع انه يناقش موضوع عانة منه المنطقه ولو لفتره معينه...الاحداث الي صارت بالاونه الاخيره بالسعوديه و الكويت ما كانت قليله علينا...وضرتنا نفسيا و اجتماعيا...

 

[king zell]

خلنا نكون صريحين المسلمين اللي يسووون أعمال إرهابيه وقتل وتدمير شنو أهدافهم
إرجاع الخلافه الإسلاميه ، عندهم المسلمين الحاليين كفار وإسلامهم غلط يجب تصفيتهم ، الكفار اللي في الدول الثانيه مثل الغرب لازم نصفيهم حتى لو أطفال ومدنيين أبرياء

هالفأه هذه اللي تكفر الناس تشوفهم كانوا عاديين مثلنا بحثوا في الدين على يد أشخاص أو بنفسهم وصار عندهم حاله شديده من التشدد وبعدين صارت تطرف

مش كلهم على فكرة.. في كثير ناس مسكوهم هنا و عرفوا اسبابهم و لاهم حلو خلافة و لاشي


و غير كذا.. أغلب اللي صار في الفترة الأخيرة من تشدد سببه القهر و إحساس الظلم.. هذا اللي خلا في جماعات تظهر وودها ترد هذا القهر و الظلم لكن طريقتهم كانت غلط و أضرت بالناس اللي حولها

 

[Bounty]

و انا ذكرتلك مسلسل ما يشوه صورة الملتحي...أصلا بتلاقي الفروق الصحيحه بين رجل الدين الي يشتغل على تعاليم الدين...وبين الارهابي...

الارهابيين اهم اختارو هل ثوب ؟؟ وين مشكلة اذا الاعلام تطرق لهل فئه من الناس الي قعد يتسترون تحت الدين ؟ الموضوع خطئ ؟؟

شلون يكون خطئ وانت ماتدري شلون تكون طريقة استدراج الشباب الصالح و الضائع بنفس الوقت...؟؟ انت تعرف شلون يتم استدراج الشخص تحت الارهاب ؟ محد فينا يعرف ؟؟ منو الي يقدم هل خدمه غير الاعلام ؟؟ منو الي يوضح الشغلات الي تصير و احنا ماندري عنها غير الاعلام ؟؟ الي يقحم نفسه من اجل سبق صحفي او من أجل معلومات ممكن تفيدنا ؟؟

انا ما اقول الاعلام مرات ما يكذب و ما يحب يخدع الناس و يثير مواضيع بصوره او بأخرى...بس هم ما يمنع انه يناقش موضوع عانة منه المنطقه ولو لفتره معينه...الاحداث الي صارت بالاونه الاخيره بالسعوديه و الكويت ما كانت قليله علينا...وضرتنا نفسيا و اجتماعيا...

عيسى .. يعني تبي تقنعني انهم ما شوهو صورة المطوع ؟

الحين و انت تمشي بالشارع و تشوف مطوع اتشوف على ظهره مكتوب ارهابي أو مطوع صج ؟
^طبعا هالكلام عن الناس .. انا من ناحيتي اشوفهم كلهم بنظرة اخو و اكثر من اخو ..

+ من ناحية طريقة الاستدراج .. شوف الناس برى او اقعد بديوانيه .. بتشوف بعضهم موافق مع الي قاعد يصير .. أوكي نقدر نقول انك تقدر تنبهه و تعلمه .. بس بتعلم كل الشباب الي بالقهاوى و الي بدواوين الكويت ؟ ما اعتقد صراحه ..

 

[Jizasu]

أتفق معاك يا صديقي يوسف...لازم نبث رسائل توعيه عن طريق الاعلام...لتوعية الناس

اوصلة النقطه :cooool:

 

[Huda]

أخ باونتي الي يعمم الفكرة ان المطوع او الملتزم ارهابي للأسف تفكيرهم مثل تفكير الغرب
لكن والله الواحد صارت تختلط عليه الأمور
في ناس يحطوا اللحيه ديكور
ويتكلموا نفاق
وفي ناس صادقين
طيب احنا بشر كيف نفرق بينهم ؟
مافي غير
أن الأنسان العاقل الفاهم يقول كلهم ملتزمين والله العالم ايش بالقلوب
والأنسان ا لأهبل يقول كلهم منافقين وكذابين ويعمم الفكرة على اي شخص ملتزم او عنده لحيه


ومثل ماقلت الأعلام خرب منظرهم اطالع مسلسلة صاحبه الأمتياز مطلعينهم مهزله والله
ولا بطاش ماطاش مطلعينهم كروش وهبال

وانا احلف بالله ان هالأشكال عمرها ماشفت شخص ملتزم او مطوع من جد علشان كذا يمثلوا من راسهم

عندنا دكتور بجامعتنا داعيه معروف كانكم سامعين فيه (علي الشبيلي) ماشاء الله عليه
يحببك بالدين غصبن عنك
واسلوبه بالتعامل والشرح رهيب
وربي دمه خفيف بشكل مو طبيعي !
يحاول يوصل لفئة الشباب الدين بصورة حلوة وتنحب
واغلب الملتزمين كذا واذا ماكانوا كذا يكونوا محترميييين جداً
انا الي قاهرني انهم يطلعونهم مهابيل ودببه وهمهم على الأكل والحريم ....
مانقول غير الله يهدي الجميع !​

 

[King Wario]

انا اللي يقهرني يوم في المسلسلات اييبون مطوع وانه متشدد في كل شي ويمنع كل شي ... ودايما يطلع غلطان في النهاية في اشياء بسبب تمسكه بالدين

 

[Kratos]

المشكلة إنه فيه فئة معينة صارت تستخدم اللحية لأغراض دنيوية .

إلى الآن يوم تشوف واحد شكله ملتزم أو تتعرف عليه في مجلس أو من خلال شخص أنت تعرفه ( الناس الي تشوفهم بالشارع سيبهم على جنب) راح تتوقع فيه الخير و إنه يتقى الله ، لكن المشكلة إنه فيه ناس عارفين هالشي و يستخدمون اللحية حتى تسهل أمورهم مع باقي الناس

الإعلام مهو برئ من الحكاية ذي لكن الذنب مقسوم بين الإعلام و هذي الفئة

 

[persona]

دامكم صريحين بكون معاكم صريح

مطوع لحيته شطوله داقها..يتكلم عن الاسلام وهذا حرام وهذا حلال ، سوى فورمات حق لابتوب واحد اعرفه ..
بالريسنت فايل ابو الشباب طايحله افلام شسمونه وماسحهم لكن نسى انه بالريسنت تقدر تشوف كل شي صار بالدوكيمنتشن ..

موقف ثاني، تجمع طلابي أسلامي عندنا بالجامعه كل واحد لحيته شطوله ..وخر عنه هذا من بيتهم للجامعه والعكس ، بالجامعه.. شلونك برسونا(خالد) عساك بخير والله انك سنافي ومن هالحجي ، بالانترنت داش منتداهم باسم ثاني وهويه ثانيه واكتشفت انه طايحين فيني ذم وباشياء ماسويتها (شكيت بنفسي صراحه) بسبب اني انتمى لتجمع طلابي منافس لهم...؟!؟؟
ومشكله جامعتنا تقبل الموظف والطالب بنفس الوقت يعنى في ناس منهم بالثلاثينات واواخر الثلاثينات ولكن ليما تجي تشوف اسلوبه بالانتنرت شبه اسلوب ابو المقداد(مع الاحترام للاشخاص اللي ورى هالشخصيه لكن صراحه شكيت انهم ملاحقيني لهني)

مطاوعه اليوم 40% مطاوعه مظاهر والاعلام يبي اي سالفه يظهرها على السطح لكن كعاده اعلامنا المتخلف طبعاً هالشيء يرجع لنا بالسلب

 

[king zell]

برسونا انت قاعد تأدي مثل دور الإعلام

تاخذ موقف أو اثنين عالقين بذهنك و تقولهم كأنك تعمم بدون ما تحس



صدقني في ناس ملتزمين و حصل لنا مواقف معاهم قمة في الروعة لكن ما أحد يجي يتكلم عنها و يذكرها


ما نعرف الا المواقف السيئة و هي اللي نذكرها فقط

 

[persona]

برسونا انت قاعد تأدي مثل دور الإعلام

تاخذ موقف أو اثنين عالقين بذهنك و تقولهم كأنك تعمم بدون ما تحس



صدقني في ناس ملتزمين و حصل لنا مواقف معاهم قمة في الروعة لكن ما أحد يجي يتكلم عنها و يذكرها


ما نعرف الا المواقف السيئة و هي اللي نذكرها فقط

ماننكر المواقف الجيده وماشملتهم كلهم ...فيهم الزين وفيهم ربعي ، وفيهم مايفضل شغل الواسطه ويبي تعبه بأيده

ومنهم ينحطون على الجرح يبرى وبعضهم شوفتهم تشرح النفس..

لكن انا تكلمت لانه مقهور، لانه فئه المظاهر هم اللي يركزون عليها ليش؟..

قبل الملتزم صج ملتزم ، الحين بعضهم الالتزام صار عنده تطبع وتقمص شخصيه خارجيه ـ بالداخل بتشوفه ضعيف ومضيع

دربه بين شهواته وحبه انه يكون كغيره من الناس العاديين وبين الدين ..🙂

ماعممت يامحمد..لانه لو معمم كأنه اللي يطعن نفسه.. هذولي ربعي ومني وفيني..

 

[Mario2]

احس بيوم من الايام اشوف في التلفزيونات مطاوعه ويغازلون .. لا تستغربون ..
ولا هنا المطوع معصوم عن الخطا بنظر الناس .. تنقلب فيه الدنيا لو اخطا بشي ..ينتحر احسن له ..

 

[king zell]

ماننكر المواقف الجيده وماشملتهم كلهم فيهم الزين وينحط على الجرح يبرى
لكن انا تكلمت لانه مقهور ، قبل الملتزم صج ملتزم ، الحين بعضهم الالتزام صار عنده تطبع وتقمص شخصيه خارجيه🙂

من أول الواحد يلتزم بقناعة و بالتدريج و التزام كامل قد ما يقدر


هاليومين المشكلة تلاقي الواحد داشر و جايب العيد.. بعدين يصحى على نفسه فجأة و يفكر يعقل و يتوب.. و يقوم يربي لحية فورا كأنها أول و أهم خطوة للإلتزام.. للأسف أفكار خاطئة جدا

 

[Rockman]

فيه نقطة بسيطة حبيت اقولها واطلع

اغلب الناس بنظره الملتزم بشكل خاص المفروض يكون ملاك ما يسوي ولا خطأ

اذا شافوا ملتزم سوى خطأ سواء بسيط او كبير قلبوا الدنيا عليه
ويقولون شتفوا المطوع سوى شنو يا للهول !
وتلقاهم يجرحون هالانسان بكلام قاسي بدال مثلا لو فيهم خير ينصحونه

يعني تشوف الناس عندها حالتين اما ملتزم 100% ماكو ولا خطأ يسويه
او مخربها عدل

يعني هذة وايد تشوفها بالناس لكن الحمد لله التغيير قمت الاحظه وهالنوعية قامت تخف

 

[persona]

هاليومين المشكلة تلاقي الواحد داشر و جايب العيد.. بعدين يصحى على نفسه فجأة و يفكر يعقل و يتوب.. و يقوم يربي لحية فورا كأنها أول و أهم خطوة للإلتزام.. للأسف أفكار خاطئة جدا

تكمله:
وبعدين يتوهق مابين جلط لحيته وكلام الناس عليه ، :\.

 

[MALDINI]

احب ازيد من عندي اشياء على الطاير
الهيئه هذي.. دايما تداهم حقين المخدرات هذولا بالجرك المشهزد .. اكثر ركز معي هنا اكثر من المختصين نفسهم !! هذا كلام الدكتور مفسه وهو مسوي بحث صغير فيه
طبعا يدخل معهم مصانع الخمر هذي الصغيره .. لكن للأسف فيه مشكله دايما اسمعها
والكل عارفها .. بعض الاحيان تصير مشكله صغيره منها والكبيره .. ماودي اكتبها منيب فاضي الحين .. لكن اخر وحده قبل امس راح ضحيتها رجل بالخمسين من عمره اعتقد اشتبهوا بأنه مختلي مع وحده

***

 

[ShinShadi]

مو كل من أطلق لحيته صار رجل دين و عالم للأمه ..
و زي ما قالوا الشباب في كثير يربون لحيتهم لأغراض دنيوية بحته .. و خصوصاً في مجتمعا السعودي " اللحية تمشي أمورك "
سلام سلام .. ليه أتشوهت صورهتهم ؟ أكيد ما رح يكون السبب إلي ذكرته الأخت " هدى " !! أنا أقول إنها أتشوهت بسبب تصرفات
المحسوبين على أهل الدين ( من إلي حاطين اللحية ديكور .. زي ما قال بعض الشباب ) .. المشكلة إن شعبنا طيب لدرجة
إن كل من أطلق لحيته صار رجل دين ( مطوع .. على قولتهم ) ..

و أكيد أعمال القاعدة و الجمعات في العراق و أفغانستان لها دور أيضاً ..

 

[ZiZ]

المسألة وما فيها...

الملتزمين طول عمرهم لهم أعداء من العلمانيين والفجار والديوثين وغيرهم...

بعد الأحداث لقوا لهم عذر وزادت جرأتهم...

وفي نفس الوقت العلماء بدأو يواجهون ضغوطات...

وفي نفس الوقت في أشكال ما تساعد على تحسين الصورة...

زي يوم تنزل الفتاوى حقت طاش ما طاش... (أنا طبعاً ساحب على طاش ما طاش من قبل ما يحرمونها بسنتين)...

الزبدة أن كان فيه أخوان الله يصلحهم ويهديهم كانوا يقولون للي يشوفهم "رح اغتسل وجدد اسلامك"...

مثل هذولي ضروا الدين أكثر مما نفعوه بكلمتهم هذي...

 

[Captain Jack Sparrow]

يا جماعة الخير ايش معناة كلمة مطوع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مطوع يعني من الطاعة واصلا غلط انه الواحد يقول هذا مطوع وهذا لا
لاننا كلنا مسلمين و يتوجب عليا اننا نطيع ربنا ====> معناته اننا كلنا مطاوعة :laugh:

لكن انتو تتكلمون على الملتزمين اللي حاطين لحى !!!
للاسف انه الناس تتوقع انه كل من حط لحية صار ملتزم
لان الالتزام يكون من الداخل و ليس من الخارج
عموما ما نقول الا الله يهدي كل الناس ان شالله

 

[Captain Jack Sparrow]

من أول الواحد يلتزم بقناعة و بالتدريج و التزام كامل قد ما يقدر


هاليومين المشكلة تلاقي الواحد داشر و جايب العيد.. بعدين يصحى على نفسه فجأة و يفكر يعقل و يتوب.. و يقوم يربي لحية فورا كأنها أول و أهم خطوة للإلتزام.. للأسف أفكار خاطئة جدا

كلامك سليم 100%

 

[Guns N Roses]

من أول الواحد يلتزم بقناعة و بالتدريج و التزام كامل قد ما يقدر


هاليومين المشكلة تلاقي الواحد داشر و جايب العيد.. بعدين يصحى على نفسه فجأة و يفكر يعقل و يتوب.. و يقوم يربي لحية فورا كأنها أول و أهم خطوة للإلتزام.. للأسف أفكار خاطئة جدا

صح... + يروح للهيئه كمتطوع..... ويستقعد لخلق الله واذا شاف اي شاب يحسبه كان مثله اول قبل مايتطوع... وتشوف كيف المعامله.. الي بتطلع منه بعدين ما تقدر ترد عليه ولا تمد يدك عليه لانه كلمته > كلمتك عشانه من الهيئه