لو تبي تشتري Suit وبنفس الوقت ما ودك .... وش تسوي؟!

[Isaac]

السلام عليكم شباب ...


الاسبوع الجاي عندي اجتماع مهم ومحتاج بدلة رسمية.. :yuck::

بنفس الوقت مستخسر اشتري شي (ممتاز) ما راح البسه غير مرة وحدة وبعدها بينسفط بالدولاب عالأقل لسنتين قدام، فيه اشياء كثير على قائمة الأولويات. :w00t:


ما فيه بدائل ؟!! :/

محتوى مخفي

 

[Jonas]

دور لك محل تأجير suits 😀 ولا اشتر الشكوى لله 🙁

 

[Aoks]

حازم شوف Pierre Cardin الي على شارع العليا العام قدام الفيصلية , عندهم تخفيضات 70% من سنة جدي وللحين ما شالوها
​

 

[Gon freeces]

اشتري بدلة , أو اشتري الأشياء اللي ناقصتك عشان تلبس بدلة (يعني أغلب الظن الجاكيت و البنطلون بس) , مو لازم تلبس tie (بس أفل تلبسها لول)

يعني زي كذا قصدي :

😛

 

[Double T]

زي في الصيف كنت اتدرب في مستشفى قوى الأمن .. قالي المدير تعال لابس بدلة رسمية .. الحمد لله اني ما شريت شي غالي .. لأني يومين مدري ثلاث ايام و بعدها رجعت البس سكربز .. قال بدلة قال 😀

 

[Khalid-S]

حازم مو لازم تلبس بدله بدله عشان تروح لشي رسمي.. في ملابس تنفع انها تكون للمناسبات الرسميه.. ابتعد عن الجينز الخ الخ. في ملابس ارخص من البدلات الرسميه كثير.. اشياء تشتريها تنفعك كمان للايام الجايه اكثر من بدله رسميه.

ممم في محل بالرياض اسمه Gentleman (جنتل مان) اتذكر انه بين الملك فهد لجهة التخصصي. ما اتذكر موقعه بالضبط.

 

[king zell]

حازم تقدر تقول لي نوع المناسبة؟

لأن فعلا مثل ما قال خالد في ملابس أخرى بديلة تنفع و كشخة


أما اذا المناسبة في السعودية.. ما لك داعي تلبس بدلة

 

[Nintendo]

حازم ماتعرف احد عنده بدله ؟؟ شوف عيال عمك ولا خالك ولا شئ قديم حق الوالد من ايام الشارلستون ولا شئ يمكن واحد منهم اشترى بدله والبسها بالمناسبة وريح راسك ..

ترى محمد كان لابس بدله بتي جي وود اشوف انها مناسبة

 

[king zell]

أنا فعلا أقدر أدبر له بدلة الجود فاثر

 

[Isaac]

حازم مو لازم تلبس بدله بدله عشان تروح لشي رسمي.. في ملابس تنفع انها تكون للمناسبات الرسميه..

يبغون suit كحلي !! :yuck::

حازم تقدر تقول لي نوع المناسبة؟

لأن فعلا مثل ما قال خالد في ملابس أخرى بديلة تنفع و كشخة


أما اذا المناسبة في السعودية.. ما لك داعي تلبس بدلة

وفد من الجامعة مكون من ٢٠ طالب وبعض الأكاديميين.

بنروح فرنسا (باريس) لمدة ٨ أيام ابتداء من يوم ٢٧ نوفمبر .. بنزور فيها عدد من الجامعات والشركات والمتاحف ، إلخ .. 🙄

وبيكون فيه طلعات فلاوية.


يعني البدلة بتنلبس مرتين بالكثير! :sarcastic:

 

[Lone Wolf]

وعليكم السلام و رحمة الله و بركاته

لو انت فالبحرين .. كان وديتك محل ربيع ابوي

يعطيك سعر يحبه قلبك !

انت و كشتك و بدلة ماينفع :laugh::

 

[Golden_Sun]

اخذ بدله ليش لأ، حلوه البدله =)
راح تطلع لها فايدة في المستقبل.

انا ودي في بدلة ابي اتعود عليها، لأنها الزي اللي راح البسه طول فترة شغلي مستقبلاً.

 

[Mista Koo]

اكشخ :wow:.. الله يوفقكم :happy:

 

[Khalid-S]

حازم ما عليك الا انك تشتري بدله اجل. صدقني بتحتاجنا بعدين في يوم من الايام يعني مو على الفاضي.

لوول اما افضل البدلات وبسعر جيد.. ما اعرف للاسف لول.. الله يعينك.

 

[ayman]

روح اسواق الشعلة على طريق الملك عبدالعزيز راح تلاقي بدل رسمية بأسعار جدا معقولة
اشتريت بنطلون وشيرت وجاكيت مع حزام وتاي وكلها طلعت بمبلغ معقول ( تقريبا حوالي 500 ريال )
الخامه مو قمه لكن ممتازه والي شافوها ماتوقعوا ان هذا سعرها وفادتني ايام المقابلات الشخصية للوظيفة بالمستشفيات والهيئة

 

[Tomb raider]

حازم شوف Pierre Cardin الي على شارع العليا العام قدام الفيصلية , عندهم تخفيضات 70% من سنة جدي وللحين ما شالوها
​

ههههههههههههههههه يعني مب بس انا اللي ملاحظ الشي هذا ! عندنا في مول الامارات اظن من اول ما فتح خخخخخ

 

[The Doctor]

يعني بتروح باريس؟ اشتري بدلة لا تفشلنا p:

 

[Strider]

مستحيل البس بدلة و كرفته لو ايش ما صار مستحيل

 

[Black & White]

شوف.. البدلة من الاشياء اللي ممكن تشتريها مرة واحدة و تصير عندك كextra option اذا ما كان عندك مناسبات كثيرة. مثال: جرب يوم تروح لماكدونالدز ببدلة و شوف المعاملة كيف :wow: عموما, في نظري البدلة زي استثمار, go for it ;p

 

[SHABASH]

اشتري البدلة وصدقني بعد ما تركنها بالدولاب راح تتذكر كل شي قدامك اول ما تشوفها 😛

 

[G7Ga7]

احسن بدلة رسمية : الثوب والشماغ.

 

[Still Alive]

احسن بدلة رسمية : الثوب والشماغ.

لول.. Dont you even think about it

اول ما جيت بريطانيا, مرة لبست كندورة وغترة.. وهاتك بالنظرات من كل مكان, والله بعض الأحيان حسيتهم رح يتغالوني, وعاد كله ولا نظرات البريطانيين 🙁 تاكلك اكل

مع انه الأهل حذروني من هالشي بس انا أصريت اني البس الزي الوطني.. وبعد ما صار الى صار اقتنعت بنفسي لول

نصيحة إذا بتروح دولة اجنبية حط الزي الوطني أخر خيار باللستة, اسال مجرب ولا تسال طبيب

 

[Zero_IYAD]

اشتري الجاكيت بس ..
انت لسة شباب , البس الجاكيت على قميص و جنز مرتبين و تطلع تمام .
حركة حلوة و تبقى رسمية + cool 🙂

 

[kInGsIzE]

باريس 8 ايام؟ اشتري بدله وحتى لو كانت غاليه شوي عادي .. هناك بيعرفون اذا هي تمام مو داجين مثلنا :laugh::

اذكر صاحبي قد مرني مره في دوامي بالفندق ببدله .. وكانت حلوه و قالي سعر اذكر انه كان معقول بس ناسي كم :surprised: .. من زارا اللي على العليا العام ..

 

[G7Ga7]

اوه واو .. توني انتبه انها لباريس (مبروك 😀) ..

اذكر اسواق الشعلة عنده اشياء جيدة ورخيصة ..

او عندك محل انا شخصياً اقدره (ما فيه غيره ينفع لي :laugh:: ) اسمه Giant Stores بالعليا.

اذا رجعت للخبر .. الراشد مليان 😉

 

[Avenas]

ابد والله دام السالفة فيها باريس دق لك احلى جيورجيو ارماني تفديك بالمستقبل بعد :laugh::

 

[mohamed]

روح محلين , الاول اشتر منه بدله رخيصة , والثاني روح له وناظر البدلة الغالية ولا تشتريها , كذا انت اشتريت ولم تشتر بالوقت نفسه.

 

[Mista Koo]

احسن بدلة رسمية : الثوب والشماغ.

أتمنى يكون ردك ساركازم :sarcastic:

 

[Isaac]

اخذت فرة عالمحلات بعد ما طلعت من ايفنت سوني.

رحت لببير كاردي مدري كاردين ... الجيد عندهم تقريبا بـ٢٦٠٠ ريال بعد التخفيض.

فيه اشياء باسعار ارخص بس ما ودي اوصف لكم اشكالها أو الوانها :/


زارا حصلت فيها Deal معقول ... بس لازلت انتظر الاجتماع اللي قبل الرحلة علشان اقرر.

روح محلين , الاول اشتر منه بدله رخيصة , والثاني روح له وناظر البدلة الغالية ولا تشتريها , كذا انت اشتريت ولم تشتر بالوقت نفسه.

قه قه قه قه !! : )

 

[mohamed]

^^

طيب ليش ما تلبس ثوب وشماغ؟ يعتبر زي رسمي.