لوحات السيارات الجديدة في السعودية ( صورة )

[Humam]

مسخرة حقيقية.. ايش هذا جدا ضخمة.. كيف ممكن تتركب هذي.. راح تشوه المنظر .. فوق انه ماصار لي سنة مركب لوحة طويلة ب 200 ريال الآن يبوني أغير..

يقولوا الي رقم سيارته مميز ( مثلا: ق م ر 6 6 6 ) راح يضيفوا رقم 6 تلقائيا للوحته الجديدة علشان لا تنخرب.. عاد الحروف الانجليزية على حسب التسلسل مع العربي..

 

[m7tram]

:normal: ليش جذي ضخمه زياده عن اللزوم ؟ + سالفه الأحرف حدها مو عاجبتني لول مرات تطلع اسماء تضحك .

 

[Mada Mada Dane]

شباب حجمها نفس السابق, العرض تشوفونه عريض لانه الف لوحه مرصوصه ولا بعد ..
ركزوا شوي ..

+ بل عكس من زمان مفروض هالخطوة متخذه, الاجانب وش ذنبهم لا توهقوا لوحاتنا بس بالعربي .. شئ طيب انها صارت عربي وانجليزي .. وعدد السيارات زاد فكان لابد الظاهر من اضافه رقم ..

لكن هل التوافق بين العربي والانجليزي باللوحات مو مسبب لخطبه؟:slant:
لانها حروف وارقام مو بس حروف ><

يعني الحين والي لوحه " ت ا ا " .. كيف بتكون بالانجليزي؟
" T A A " ماخوذه من قبل صاحب ط ا ا .. لول احس لخبطه بتصير ><

 

[RIZE]

ياللهول ... تصلح لوحه لتعليم الاحرف والارقام للابتدائيه والروضه

 

[Evolution]

ما ادري لكن للحين ما اعتقد هذي بتصير ، مو مستوعب أبدًا

 

[The Last Fantasy]

ما تجي طويلة ذي .. ما لك الا ذا الحجم الظاهر ..
الخمبقة اللي في اللوحة ما عجبتني ..حتى فكرة الحروف الإنجليزية تلخبط ..

 

[NSider]

تخلف ما بعده تخلف*. ما مرت 10 سنوات على تغيير لوحات الأرقام إلى أرقام وحروف ويبون يغيرونها من جديد. فعلاً نظرة ضيقة للمستقبل! ما أعرف ليه أصلا أصروا أن الحروف تكون عربية بدون حروف انجليزية تقابلها وأن الأرقام تكون 3 أرقام هندية وبدون أرقام عربية**.

المفروض من البداية حطوا 4 أرقام عربية بس، والحروف انجليزية وعربية.


*مع الاعتذار لعمر (Nintendo)
**هذي سالفة مختلفة تماماً. ما أعرف ليه احنا مصرين نكتب بالأرقام الهندية في حين أن معظم العالم يستخدم أرقامنا العربية.

 

[Hardcore Gamer]

يعني الحين والي لوحه " ت ا ا " .. كيف بتكون بالانجليزي؟
" T A A " ماخوذه من قبل صاحب ط ا ا .. لول احس لخبطه بتصير ><

اصلا مافيه حرف التاء .. باللوح

 

[Van]

اللوحات شكلها غبي و بايخ,,, مو عاجبتني مرة,,, المفروض الحروف يحطون بس انجليزي لان الكل بيفهمها

ما أعرف ليه احنا مصرين نكتب بالأرقام الهندية في حين أن معظم العالم يستخدم أرقامنا العربية.

نقطة في الصميم , من زمان و انا أفكر فيها بس مو محصل لها حل

 

[squall leonhart]

ياخي غباء.. المفروض تون اللوحات مميزه لكل منطقة مثل امريكا لكل ولاية شكل و ارقام .. يعني المفروض تكون زي كذا ( جده -8867) او ( الرياض- 4444) بهذي الطريقه الارقام ما رح تخلص ابدا و ما رح نضطر نغير اللوح كل اربع سنوات مثل الي حاصل ذحين و لا رح نشوف الاسماء الغريبه الي على اللوح

مسخره لما الي يمسكوا الامور في البلد ناس جهله

 

[Evolution]

يعني المفروض تكون زي كذا ( جده -8867) او ( الرياض- 4444) بهذي الطريقه الارقام ما رح تخلص ابدا و ما رح نضطر نغير اللوح كل اربع سنوات مثل الي حاصل ذحين و لا رح نشوف الاسماء الغريبه الي على اللوح

مع احترامي الشديد لك هذا اقتراح غير عملي بتاتًا

يعني الرياض بتكون فيها 10000 سيارة فقط
وانا اللي اعرفه فيه اكثر من مليون واحد في الرياض
فكيف هالعدد بيكفي سكان الرياض ؟؟؟

سلام

 

[Kratos]

الأقتراح الي قاله سكوال مهو غلط 100% لكن فيه نقص ..
زي ما قال كل مدينة أو محافظة أو إمارة تصير تطلع لوحها زي ماهي موجودة الآن سواء بالـ 3 أرقام و 3 حروف أو يخلونها 6 أرقام أو أي ترتيب ثاني
مو بس 4 أرقام ..
بكذا راح يكون عندك عدد كبير و راح يكفي لمية سنة لقدام ..
ممكن تكون عندك كذا سيارة م م م 111 وحده بالرياض و وحده بمكة و الخ ..
الحركة هذي عمليا ضاعفت الحجم الإستيعابي لنظام تسجيل السيارات 13 مره ..
لكن .. مشي حالك أغلب الي يمسكون المناصب عندنا الله يستر عليهم بس ..

 

[Khalid-S]

همام قديم انت .. احمد ربك انها طلعت كذا .. الجهه الي على اليمين الي مكتوب فيها KSA المفروض كانت تجي بلون قوس قزح (الوان كثيره مع بعض) عشان ما يزورونها.

ما اشوف في اختلاف كبير .. زياده رقم للارقام المميزه .. وكتابتة الحروف بالانجليزي .. المفروض رسومها تكون قليله لانها تغيرت من فتره مو طويله ( 8 سنين ؟ )

 

[Isaac]

يعني الحين والي لوحه " ت ا ا " .. كيف بتكون بالانجليزي؟
" T A A " ماخوذه من قبل صاحب ط ا ا .. لول احس لخبطه بتصير ><

مثل ماقل الأح هاردكو جيمر ... التاء مش موجود باللوحات ... وكذالك بعض الحروف المتشابهة مثل ( ح - خ - ج ) ...





بخصوص اللوحات الجديدة ... صراحة شكلها بايخ .. جدا + كنت أتمنى يحطون اسم المنطقة على اللوحة .. علشان نعرف مين أغشم ناس !!!! :yuck:

 

[ahmed_cube]

غريبة الاحرف بالعربي و بالانجليزي ...!!

* اجمل لوحات ارقام سيارات في المنطقه العربيه هي لوحات إمارة دبي

لكن مين سعيد الحظ الي راح تكون لوحته GTA 🙂

 

[Ginko]

كم عدد الاحرف المستخدمه؟

 

[The Sinner]

تصميم وعععععععععععععععع

 

[Matt Casamassina]

انواع التجارب كل سنة و الثانية.

الأرقام لوحدها وش فيها. مع انهم منعوا تجمع الحروف اللي تشكل كلمة لها مدلول سيء، الا انهم ما قدروا يمنعون كل الكلمات. حل غير عملي أصلا. الأرقام الكل يقدر يقراها. و بكيفهم يقدرون حطون أارقام عربيه و هنديه.

بالنسبة للي يتساءلون بخصوص الأرقام الهندية و العربية، العرب استخدموا الأرقام الهندية لأنها أجمل و تتناسب أكثر مع رسم الخط العربي و أسلوبه الجميل.

 

[Lunar Poet]

ا ا ط = T A A ..
المفروض ا ا ط = A A T :slant: ..

يعني لو بنحول من عربي الى انجليزي لازم نعكس الحروف :slant: ؟

 

[غريب]

الله العالم انا سمعت انهم بيحطون فيه تشب معرفة الموقع عبر الاقمار الصناعية

 

[Isaac]

انواع التجارب كل سنة و الثانية.

الأرقام لوحدها وش فيها. مع انهم منعوا تجمع الحروف اللي تشكل كلمة لها مدلول سيء، الا انهم ما قدروا يمنعون كل الكلمات. حل غير عملي أصلا. الأرقام الكل يقدر يقراها. و بكيفهم يقدرون حطون أارقام عربيه و هنديه.

بالنسبة للي يتساءلون بخصوص الأرقام الهندية و العربية، العرب استخدموا الأرقام الهندية لأنها أجمل و تتناسب أكثر مع رسم الخط العربي و أسلوبه الجميل.

فعلا الكل يقدر يقراها ... بس مو الكل يقدر يحفظها ..

الفكرة انه العقل البشري يقدر يحفظ حتى 7 أرقام دفعة واحدة .. George Miller اثبت في دراسة له ان العقل البشري يقدر يحفظ 7 زائد اثنين أو 7 ناقص اثنين (من 5 إلى 9) .... لكن الكثيرين وصفوه بأن دراسته optimistic إلى حد ما وأن 4 ارقم هي الأقرب للواقع ...




خلاصة القول ...


مواطن متضرر + 3 حروف و 4 ارقام (سهلة الحفظ) + chip في اللوحة = بلاغ سريع وبدون تشويش + إيجاد سيارة الجاني بفترة قياسية

 

[NSider]

بالنسبة للي يتساءلون بخصوص الأرقام الهندية و العربية، العرب استخدموا الأرقام الهندية لأنها أجمل و تتناسب أكثر مع رسم الخط العربي و أسلوبه الجميل.

ما أشوف فيها أي جمال صراحة. الأرقام العربية ممكن رسمها بطريقة حلوة وبحواف أنعم تتناسب مع الخط العربي.