hits counter

لمن يفاجئك الجو ... بجو اخس

Khalid-S

Khalid-S

Executive Member
من اربع ايام جيت من Miami (قابلت عبدالله اكيد وطلعنا لكن للاسف يوم واحد لانه كان مسافر ايضاَ)

الجو هناك كان فله .. 24 تقريباَ .. يذكرني في جو الرياض في هذي الايام ..

رجعت ل (دار الشين) على قولة اخواننا الاماراتين .. لكن دارهم (زين) ..

وصلت المطار وكانت درجة الحراره تقريباَ 3 او 5 ... يعني "لطيف" بالنسبه لل"بوستونيانز": اي هم سكان بوسطن.

اليوم .. اول ويكند .. الويكند الي ابي اتمشى فيه قبل الاختبارات النهائية .. يرفه عن نفسه الواحد .. يتفاجئ بالجو العليل الجميل .. قبل ما يدخل البرد (نهاية هذا الشهر-بداية الشهر القادم) مع دخول السنة طبعا.

يطلع لك هذا الجو المخيس الي يخليك تقعد في بيتك وانت تتنافض.

picture2f16c1.png


الساعة الحين 5 المغرب والجو -6 .. الظهر كان 1 و في الليل بيصير -8 ... يعني الجو يقولك "لا يكثر وانثبر في بيتك وادفع فلوس" .... الفلوس هي فلوس الدفاية .. (هيتر) .. غالي لدرجه رهيبة. مستغلينها الكلاب.





لكن .. يخسأون .. طالع من البيت طالع ... وخلي الهيتر مطفي .. وما ياخذون ولا دولار النصابين.


:cryy: يازين الرياض.
 
التعديل الأخير:
عاد جو الرياض بهذي الايام تمام التمام الحمدلله افتكينا من صقعة الشمس اللي تعور الراس وتميع كل شي بالسياره اشرطه .. سيديهات طبلون السياره وحتى اني شاري رموت جديد للرسيفر حقي ونسيته بالسياره جيتك اخذه الظهر لقيته مايع !!

مشكله الرياض بردها بالليل جاف موب رطب ويجيب لك المشق .. لول
تصير يدك خشنه واذا حكيتها يطلع دم خفيف -_- فلازم يكون بجيبك
nivea.preview.jpg


لكن على الاقل نفتك من الفواتير حقة الكهرب المكيفات والبنزين حق السياره
الجو ذا الايام يبيله طلعه للبر والله لول
ترجع بالسلامه

***

 
التعديل الأخير:
الله يعينك..

كيف نظام التدفئة عندكم؟ يعني تدفع عليه اشتراك مثل الكهرباء\الماء..الخ؟ اذا كان كذا ليش ما تاخذ لك دفاية كهربائية..
 
الحر ولا البرد, الحر تقدر تتصرف معاه, البرد قاتل.

الجو حاليا عندنا رهيب, فأوائل العشرينات.
 
^ نفس الكلام


اللي يخليني أفضّل الصيف: مكيف!!!! ما اعرف انام بدون صوت المكيف \ السيارة تحتاج 25 ثانية علشان تسخن (من شوي رحت الحلاق، دقيقتين والعياذ بالله
snowing.gif
) \ لما تخلص من السباحة وتنشف نفسك ما ترتعش من البرد ـ_ـ

وأسباب كثيرة. الشتا أسوأ فصل من فصول السنة، والله يعينك خالد 😀
 
نايف. ايه تدفعه مع الكهرباء. ممم سمعت انها مو كويسه .. يعني مضره.

عبدالله... عظكم .. يالله كم اسبوع ونكون عندكم.
 
والله الجو عندنا متقلب كان بارد يوم الأربعاء والخميس بعد أعتقد وصلت c°12°c

حسب ماهو طالع عندي بفاير فوكس درجة الحرارة الآن 18 لول .... هذا وحنا الساعة 3 وربع الفجر ...


بس ياخي يعجبني هالوقت من السنة .. تحس كذا نفحة هواء بارد مع وجود شمس خفيفة.

 
^

لول واضح من السياق إنس أقصد في هالوقت عندنا 😛
 
Colorization قال:
اللي يخليني أفضّل الصيف: مكيف!!!! ما اعرف انام بدون صوت المكيف :
أنقر للتوسيع...

انا العكس مستحيل انام بغرفه و المكيف فيها شغال هههه ما اعرف ليش بس احب انام و ما فيه صوت في الغرفه حتى صوت المكيف ( مع انه ما يظهر صوت من الاساس ) حتى لما اسافر مع حد اقوله يى تنام بدون مكيف يا تشوف لك غرفه ثانيه 😛
 
في أحد غيري - مكة - مايعترف بفصول السنة الأربعة ؟
الله يعينك ياخالد ...
 
الشتى بالنسبه لي وناسه وجمعات ومخيمات وتقدر تطلع للاماكن المفتوحه مو بس مجمعات لوول..لكن الصيف فيه مميزات اكثر,اقدر البس إلي يعجبني وفيه تونع كبير باللبس..اما الشتى اهم شى تدفي نفسك وخلاص..

احسن شعور لمن تقعد بالبر بالخيمه وجدامك الفحم والدوه وتدفى عليها وعندك الشباب وسوالفهم الحلوه..تنسى هموم الدنيا كلها لوول

خالد بوستن فيها مخيمات :yuck: ؟
 
طبعا فيها مخيمات ... مخيم اسمه شقه تلاقي فيها دوافير عباقره يدرسون ..

توني جاي من بره ... ما ازود على كلام weather.com

picture1c5ee4.png



وانت واقف في الشارع .. في ثواني تحصل اذنك مورمه ولونها احمر على ازرق .. شي مقرف. بكرة عاصفة .. مطر مع البرد هذا .. يا عيني 🙂 ..
 
الله يعينك خالد -__-
من جد الحر ولا البرد.. كنت أتوقع إن هذا منطقي بس
وصوت المكيف = 3> (مريض ويفتح المكيف P: )

والقهر إنه دائما هالأيام الخريف/بداية الشتا (أحلى جو في الخليج) أكون مريض بسبب الجو >.>
 
وانت واقف في الشارع .. في ثواني تحصل اذنك مورمه ولونها احمر على ازرق .. شي مقرف. بكرة عاصفة .. مطر مع البرد هذا .. يا عيني 🙂 ..
أنقر للتوسيع...
خالد متى ينزل الثلج عندكم؟
اذا نزل بالايام القادمه ياريت تتحفنا بصور حلوه
 
دستة بطانية تغني عن الهيتر واهله .
 
لا الحمدلله اول يوم ينزل بكون عندكم .. لكن اول ما ارجع يستقبلني 🙁..

عموما هذي صور .. تم اخذها في اواخر هذا الشهر من العام الماضي او الي قبله.

picture117db3.png


424016159_86376be18a.jpg


picture2a3e5a.png


النهر كله متجمد

picture336880.png


387776450_d29b147e53_b.jpg


لمن ذوب على نهاية الشتاء (احلى جو بالنسبة لي)

370316148_013fa60f76_b.jpg


451050195_0f895806b0.jpg


381183338_b31eae7d26.jpg
 
التعديل الأخير:
الجو عندنا حلو ، يعني في العشرينات وهو الافضل بالنسبه لي ، بس البارحه بالليل كنا قاعدين ويا ربعنا "موَرين" النار وقاعدين كلنا ، وناسه وفجأه متنا من البرد ، عظامي عورتني :/
 
احب الشتاء واكره الصيف لان البرد برأيي انظف من الحر والعرق :angry: وفرصة واحد يتشيك بلبسه (يلبس جاكيت .. اخخ بس جايب لي كذا جاكيت من كندا ما لبستهم هنا مرة او مرتين ..).
 
البرد > الحر. أيام الصيف تحس بكسل و مالك نفس تطلع أو تسوي شي، لكن في أيام الشتاء تحس برد و حماس <tgman>
 
البرد حلو لكن موب لدرجة انه تحت الصفر XD
الله يعينك خالد .. سوي رياضة داخل الشقة علشان تسخن XD

عندنا حالياً الجو رهيب الحمد لله لكن وقت الحر آخ آخ والله عذاب
 
البرد > الحر
أنقر للتوسيع...
QFT
عاد اليوم في الجامعه (عمّان) حسيت إني بسايلنت هيل <tgman>
درجة الحرارة أعتقد 8ْ أو شي زي كذا
 
اقول يا زين ابها بس ما فيها حر و لا نعرف المكيفات و الشتاء برد بس مش قوى و يمديك تصرف حالك بدون دفاية
 
انا ايام الحر اقول البرد احسن
وايام البرد اقول الحر احسن

لكن الحين صرت أفضل البرد..

الواحد ينام مطمئن البال + ما يعرق ويكره حياته

ودي يوم من الأيام يطيح عندنا ثلج..

وصلت المطار وكانت درجة الحراره تقريباَ 3 او 5 ... يعني "لطيف" بالنسبه لل"بوستونيانز": اي هم سكان بوسطن.
أنقر للتوسيع...

انا قبل ثلاث سنوات زرتها بالعطلة الصيفية.. الجو كان معتدل.. شي خطير
كنت الساعة 6 اطلع اتمشى, ياعيني على الظباب والروعة, احلى جو شفته بحياتي
 
لا برد ولاحر مافي احسن من الجو الربيعي الي يكون في نهاية الصيف ولا نهاية الشتاء
مع ان اني افضل الحر اكثر تقدر تتعامل معاه في المجعات مكيف السيارة مكيف البيت
عكس البرد الي يغث لم تطيح امطار والدنيا كلها تغرق ويصير الواحد كله في بيته

ليونار لما تطيح الامطار وخاصة في الحي الي انتو ساكنين قول حلو البرد لوول
اغلب السيارات تغرق والارض معدومة والمياه كلها تتجمع داخل لووول
 
جربت تمشي على النهر المجمد ؟

الشتوية للفوز !! وبسهولة , يازين كشتة البر والمخيمات والفحم والشوي ألي بعد الساعة 12 بليل و حلات الجمعة يكون في واحد ضحية *لزوم الضغط و الفرفشة على قفاه لول*
 
يجب تسجيل الدخول أو التسجيل كي تتمكن من الرد هنا.
عودة
أعلى