لمشتريات أعضاء TG

[Sora Diersly]

إن شاء الله نبارك لك بإقتناء الزحمة اللي بتوقيعك (عندي أحساس بتلعن ثيرد بيرثداي لأنها صارت أكشن مثل قصة فرونت ميشن)

عاد تصدق فرونت مشن بادية تدخل مزاجي على خفيف مؤخرا ؟؟ من ركبت لشخصيتي Rifle وانا مستمتع بنظام ضربة وحدة تفجر اكبر شي قدامي 😛 اللعبة فيها gaps بشكل لا نهائي .. يعني لا رسوم تخلي الواحد يتحمس.. ولا قصة فيها اي عنصر مشوّق (تيبيكال بشكل فضيع) ومافيها سايد كويست او اي شي يخليك تقول بطول في اللعبة .. انا already تقريبا باقيلي تشابترين او ثلاثة باللعبة واخلصها.. يعني مافيها شيء يحمس غير ان تروفياتها بسيطة وتجيبهم وانت تمشي باللعبة زي السلام عليكم 😛 هذا اللي مصبرني اني اخلص اللعبة حاليا هههه بعدها بروح ابدلها مباشرة بـ batman arkham asylum بما اني مالعبتها.. بصبر على اينسليفد لين ماينزل سعرها شوي

 

[Super Shadow]

^
سؤال خفيف , وش معنى تكرار التصنيف العمري مرتين على غلاف إنسلايفد ؟

لووول علمي علمك ، للعلم هذي نسخة اللمتد

 

[Tiger]

^
سؤال خفيف , وش معنى تكرار التصنيف العمري مرتين على غلاف إنسلايفد ؟

.

التقيم الي باللون الازرق هذا خاص للالمان والي شكل مربع هذا خاص لجميع اوربا والشرق الاوسط والدائري للبريطانين
اذا شفت اللعبه به جميع التصنيف العمري فعلم ان الاضافات تقدر تنزله من اي استور اروبي او خليجي

 

[mario0o]

^
لووول شو هالخبصة !

 

[Light]

Uploaded with ImageShack.us

ما اعرف اصغر الصور ... المهم اني شريتها ]

 

[Rare Games]

نزلت سونيييييييييييك !!!!!!!!!!!!

 

["a7mad"]

انطباعاتكم شباب على سونيك .. و مبروك للجميع

 

[سليل]

Uploaded with ImageShack.us

ما اعرف اصغر الصور ... المهم اني شريتها ]

بالبركة ان شالله

اي نسخة اشتريت !!؟

 

[Light]

بالبركة ان شالله

اي نسخة اشتريت !!؟

شريت نسخة الايفون .... نسخة الايفون فيها اشياء زيادة
اصلا ما بعد تنزل للاكس بوكس و البلايستيشن 3

 

[iCon]

Sonic 4 على الايفون 4، خلصت اول عالم في اللعبه و هي عموما تصبيره لين ما تنزل نسخة الـ PSN الاسبوع الياي

Left4Dead 1 & 2 اخيرا نزلوا على الماك و بسعر 10.19$ سعر ما يتطوف ابدا و الـ DLC حسب علمي كلها مجانا على ستيم مع البندل.

 

[Dr.Manhattan]

^
الdlc مجاني لأي أحد من أول ما نزل.

شباب كيف سونيك؟ لين ألحين محد قال رأيه،هي أفضل من الأجزاء القديمة أو متوسطة أو فلوب؟

 

[iCon]

^^ اها ما كنت ادري بس يمكن لاني شفتهم بفلوس على اللايف فتوقعت نفس الشي على ستيم.

 

[Super Shadow]

Uploaded with ImageShack.us

ما اعرف اصغر الصور ... المهم اني شريتها ]

ما توقعتها تنزل بسرعة لووول

المهم عجل لنا في انطباعاتك

 

[SCREAMING_RAGE]

من زماان جداً عن موضوع المشتريات 🙂

على العموم, الاسبوع هذا كان اسبوع حافل جداً, لأني عملت ابجريد بسيط نوعاً ما في الgaming setup في الغرفه حقتي...
فمن شاشة الـ 24 Dell انش اللي كنت العب فيها

الى

32 انش سامسونج full hd .............. كان في استطاعاتي اجيب شاشة اكبر, لكن الغرفه حقتي صغيره جداً جداً جداً !!

و ايضاً اليوم استلمت افضل ثلاث العاب لشهر اكتوبر :-

همممم, غلاف كاسل فينيا حمسني, اتوقع اني بأبدأ فيها قبل انسليف ..... و الانطباعات الكامل عن pes2011 قريباً بأحطها في موضوع الديمو...

 

[النسر الأسود]

^
مبروك المشتريات وفي انتظار انطباعاتك عن برو 2011

 

[Raziel]

التقيم الي باللون الازرق هذا خاص للالمان والي شكل مربع هذا خاص لجميع اوربا والشرق الاوسط والدائري للبريطانين
اذا شفت اللعبه به جميع التصنيف العمري فعلم ان الاضافات تقدر تنزله من اي استور اروبي او خليجي

ثانكس على المعلومة , أعتقد هذا يفسر بعض نسخ الأوروبية يكتب بالخلف ليست للبيع في uk

 

[Mazinxci]

مبروك المشتريات شباب : )

 

[H2O]

SCREAMING_RAGE

بكم شريت شاشة Dell , وفيها HDMI ؟ 🙁

والله متعقد من سالفة الشاشات , أبغى وحده رخيصه ويكون فيها HDMI بس 🙁

 

[Jonas]

بسم الله 😎:

Samsung LED 19 inch

Nike back pack

الي يضحك ان فيه سلك HDMI رسمي مكتوب عليه ميكروسوفت و اكس بوكس الخ... و سعره 30 يورو ! رحت قلت خلني ادور اكيد بألقى ارخص , و لقيت ذا بـ15 يورو بس!! يعني 15 يورو زيادة على اللوقو بس ؟ -_-

برررررررب

 

[zlatanovic]

^
مبروكـ جدا ! ولكل الشباب =)
.
.
عندي سؤال للي اشتروا pes2011 من السعودية .. بكم اخذتوها ؟ لأني راجع الاسبوع الجاي ومسوي بري اوردر هنا .. لو كان الفرق شاسع راح انتظر البري اوردر واخليهم يرسلونها لي !

 

[H2O]

اوك , محد عبرني !

ابعيد السؤال مره ثانية ( للجميع !! )

إيش تنصحوني بشاشة LCD رخيصة لها مخرج HDMI ؟

مااشوف إني محتاج أسوي موضوع خاص عشان هذا السؤال فقط + ماشاء الله تبارك الله كل يومين واحد مشتري شاشة له ( اللهم زد وبارك ) , فـ قولت ممكن تفيدوني شوي !

ياليت محد يتجاهلني هذه المره , مجرد سؤال ياخوان ! , صحيح إني يمديني أدور في المواقع الغربية عن سعر تقريبي , لكن أفضل أشخاص عن تجربة.

منتظر الاجابة ...

 

[M.D.L]

لي اسبوع ما طفيت التلفزيون قاعد اللعب New Super Mario Bros.Wii و Super Mario Galaxy 2 :inlove:

 

[Akilla]

اوك , محد عبرني !

ابعيد السؤال مره ثانية ( للجميع !! )

إيش تنصحوني بشاشة LCD رخيصة لها مخرج HDMI ؟

مااشوف إني محتاج أسوي موضوع خاص عشان هذا السؤال فقط + ماشاء الله تبارك الله كل يومين واحد مشتري شاشة له ( اللهم زد وبارك ) , فـ قولت ممكن تفيدوني شوي !

ياليت محد يتجاهلني هذه المره , مجرد سؤال ياخوان ! , صحيح إني يمديني أدور في المواقع الغربية عن سعر تقريبي , لكن أفضل أشخاص عن تجربة.

منتظر الاجابة ...

همم.تبي شاشه بمتناول يدك وسعرها ممتاز بالنسبة لموصفاتها ؟ سامسونق P2370HD . فيها كل شي . بس منفد HDMI واحد . فيه منها 23 و 27 بوصة . عندي ال23 وبصراحه مرتاح معها . وما اطلب بالمزيد .

شريتها بـ1050 ريال . اذا ماتبي السامسونق عندك الLG . سعرها برضو ممتاز بالنسبة لموصفاتها . فيها منفدين HDMI . حاول تسئل الشباب عن اسمها >_>

-------

مبروك أنس ! ولو اني اصريت عليك تشتري شاشتي الرهيبة -.-

 

[H2O]

^
🙁 🙁 🙁

مواصفاتها رررررررررررهيبة !!

HDMI + AV IN 🙁 هذا اللى أبغاه !!!

مممم 1050 , مو سعرها غالي شوي ؟ <.<

 

[Zero]

لا، مو غالي أبدا بالنسبة للي تقدمه، بكم تبغاها مثلا؟ :laugh::

 

[H2O]

يعني 700 -600 :tongue:

 

[PS]

بسم الله الرحمن الرحيم

ماشاء الله مشتريات الشباب في هذي الصفحة متميزة مبروك للكل و أن شاء الله تتهموا في مشترياتكم.

الحين دوري , بعد أنقطاع عن القيم أسبوعين تقريبا لأعمال الصباغة و الديكور للغرفة أرويكم الشكل الجديد و أن شاء الله يعجبكم .
[url=http://www.**********/][img]http://im1.**********/2010-10/12864895711.jpg[/url][/IMG]

[url=http://www.**********/][img]http://im1.**********/2010-10/12864895712.jpg[/url][/IMG]

[url=http://www.**********/][img]http://im1.**********/2010-10/12864895723.jpg[/url][/IMG]

الاجهزة الاكترونية كلها قديمة بس الاثاث جديد بس حبيت أنكم تشوفون الغرفة بعد التعديل. باقي أضيف العاب 360 و الافلام.

وأخيراً

[url=http://www.**********/][img]http://im1.**********/2010-10/12864895724.jpg[/url][/IMG]

شفت الفلم و الرسوم و الحين وقت الرواية.

الحمد الله​

 

[Tanton]

ما شاء الله رهيبة، بس ناقصك تلفزيون +46 بوصة وتكمل

 

[Dark Master]

^
نفس الكلام اللي كنت بقوله
كل شيء ممتاز بس ناقصك شاشة أكبر

 

[G7Ga7]

الصفحة ذي مليانة شاشات ما شاء الله :laugh:: مبروك عليكم جميعاً.

@PS: مبروك, الغرفة شكلها رهيبة ما شاء الله. بس سؤال: وش نظام الصوت الي اخترته للغرفة؟ وكيف أداء الـ5.1 ؟