كيف شفت عنصر الاستكشاف ي اخ حسين ، وهل في تكرار للكواكب والمهمات مثل ما شفنا في مراجعة احد اليوتيوبر بما انها مو مصممة يدويا؟ حسيت بأي تكرار من هالناحية..؟
وبالنسبة للمراجعة حقتك والله ماقصرت فيها يعطيك العافية.
اللعبة فيها اختلاف في هذا الجانب مقارنة بألعاب بيثسدا السابقة، ما هي خريطة واحدة مزدحمة ومليئة بنقاط الاهتمام كما كان الحال في سكايرم مثلًا
اللعبة "تشتغل" بالطريقة الي تصممت فيها
عملية الاستكشاف انت كلاعب تتحكم فيها بالكامل، تختار أي كوكب تبغى تروح عليه، ومتى، وايش تبغى تسوي فيه، وكم بتجلس فيه
بعض الكواكب ممكن فقط تعجبك المناظر الطبيعية فيها
البعض الآخر ممكن يعطيك مهمات جانبية أو لحظات استكشافية جميلة
ممكن تروح فقط تجمع موارد
باختصار انت تتحكم بالpacing بالكامل وتتحكم بإيش تبغى تسوي
ولو انت مو من الأشخاص الي يهتموا بتجميع الموارد وما هم مهتمين باستكشاف مكان مولد تلقائيًا ومش مهتم بالكواكب بكبرها
بكل بساطة تقدر تسحب على هذا الجانب بالكامل وتلعب مهمات القصة ومهمات الفصائل وغيرها من المهام الجانبية وبرضو بتطلع بتجربة متكاملة
أنا من الأشخاص الي يحبوا الاستكشاف
أحب أنزل على كوكب، وأسوي scan للمخلوقات الي فيه، وأروح أدور على أي مبنى مهجور وأجيب الloots ولو فيه notes أقراها
وكنت أقدر أسوي هالشي بالوقت الي أبغاه، لذلك ما كان فيه ملل بالنسبة لي.
انت جبت سيرة فاينل فانتسي ١٦ بما انه فيها مشاكل لا تغتفر من قبل موقع تروجيننج وانها لا تستحق تقاييمها
بينما في الواقع اللعبة فيها اجماع من المواقع على جودتها والعيوب اللتي ذكرت فيها لم يتم التغافل عنها وفي الاخير حصلت على تقييم ٨٨ من اصل ١٧٠ مراجعه تزيد او تنقص لا يهم
ايش الي خلى هذا الشيء واقع؟ في النهاية تبقى الحقيقة أن الأعضاء ما اتفقوا مع معدل التقاييم و لا يشوفوا انه منصف للعبة
الواقع في نظر القراء مختلف عن الواقع الي شافوه المحررين
مش يمكن تقييماتها تعطي تصور مختلف للبيئة الحالية من المراجعين الأجانب أصلا؟
ربما بعضهم مدقق بزيادة حبتين على ألعاب العالم المفتوح وقاعد يعطي pass للألعاب الخطية والألعاب الي فيها تركيز قصصي بزيادة؟
صعب توصل لإجابة حاسمة
لكن جرب اللعبة بنفسك قبل ما توزع اتهامات
وشوف مع من تتفق؟ هل تتفق مع من خسفها أم مع من يراها لعبة ممتازة
ولاحظ أن، أبدًا ما رفعنا اللعبة أو طبلنا لها أو ما شابه بالعكس
الملاحظات السلبية الي عندي ذكرتها، وما أعطيت اللعبة نصف درجة أكثر مما أرى أنها تستحق
لكن الي تسويه ستارفيلد ما تسويه الألعاب كل يوم، و مو كل لعبة مثل ستارفيلد. لازم الرقم يعبر عن هذي الحقيقة.
