لمحة عن أسلوب لعب Battlefield الجديدة. "تحديث": تسريب لقطات من نسخة الآلفا

[Othmane]

يتم تطوير اللعبة من قبل 4 استوديوهات وبقيادة المخضرم Vince Zampella.

اللعبة راح تستضيف برنامج Battlefield Labs الي يخلي اللاعبين يجربون اللعبة ويعطون فيدباك للمطور قبل الاصدار، وتم فتح امكانية التسجيل.

العرض فوق كأنه ريميك باتلفيلد 3 xD وبصراحة عز الطلب!

 

[S30D1999]

وقف فيه وحدة جديدة ؟ وش صار على الجزء السابق

 

[Hazeel]

ما عندي اي ذرة ثقه بهم خصوصا مع آخر جزئين

مو معقوله انتظر سنه الى اثنين بعد الإصدار عشان تحس انك خرجت من البيتا وفي محتوى باللعبه

كله من بنجي و مؤتمر GDC لألعاب الgaas
الكل صار يقدم المحتوى بالقطارة خوفا من Overdelivery

 

[DIAMOND]

السلسلة خسرت امام كود بعد ماكانت منافس شرس لها، اسم باتل فيلد كان غائب تماما السنوات الماضية

احب باتل فيلد واتمنى هالجزء يطلع كويس

 

[Dark_N11]

نازله السنة هذه

نشوف اذا راح تطلع مقلب كالعادة او لا.

 

[Othmane]

وقف فيه وحدة جديدة ؟ وش صار على الجزء السابق

من زمان اعلنوا انو في باتلفيلد جديدة قيد التطوير.
الجزء السابق فلوب وللنسيان.

 

[Othmane]

@Cloud_no_sora
@Dr3awy

ابغى رايكم انتم خصوصا في اول 14 ثانية

 

[SuperC]

نازله السنة هذه

نشوف اذا راح تطلع مقلب كالعادة او لا.

دام خلفها زامبيلا ما يمكن تكون مقلب

 

[Othmane]

دام خلفها زامبيلا ما يمكن تكون مقلب

هذا اكثر شي يخليني متفائل بصراحة.
لانو الحماس بعد اخر جزئين في الحضيض للاسف.

 

[used2Bcat]

اخر مرة لعبت بف٢٠٤٢ و دلتا فورس مو عارف اسوي aim مضبوط ف اتوقع hard pass لاول مرة بحياتي لجزء باتلفيلد الا لو كان مجاني او ممتاز جدًا زي بف١

 

[Abdulrahman1]

متحمس لها الصدق منزلين رابط feedback للعبة الجاية

 

[S30D1999]

وجود فينس يخليني اتوقع مستوى ممتاز بس يعني ذي المره ابغى كامبين ممتاز …. اذكر الثالث والرابع كان متعوب عليهم.

 

[DIAMOND]

مين فينس هذا وليش المفروض اتحمس

لو يطلع مسوي جزء خايس ياويلكم

 

[S30D1999]

مين فينس هذا وليش المفروض اتحمس

لو يطلع مسوي جزء خايس ياويلكم

احد مؤسسين infinity ward ووقته طلعت افضل اجزاء السلسلة والجنرا بشكل عام الرابع و mw2 وبعدها راح اسس ريسبون وطلع تايتنفال ١،٢ ويعني غير انه كان lead designer على ميدل ارف هونر اسولت

 

[MH MD]

مين فينس هذا وليش المفروض اتحمس

لو يطلع مسوي جزء خايس ياويلكم

شايل EA على كتفه مع يوسف فارس، تايتان فول وايبيكس ليجيندز وستار وارز جيداي فولين

 

[sabah]

يحاولوا يرجعوا اجواء وهايب الجزء الثالث واللي كان ممتاز ومميز عن كود.

 

[Cloud_no_sora]

@Cloud_no_sora
@Dr3awy

ابغى رايكم انتم خصوصا في اول 14 ثانية

هو من شفته البارحة لحد اللحضة ومن الي شفته جزء مني

والجزء الاخر

بس نشوف

 

[Othmane]

هو من شفته البارحة لحد اللحضة ومن الي شفته جزء مني

والجزء الاخر

بس نشوف

هههههههههههههه افضل وصف

 

[VMB]

آخر جزء باتلفيلد جيدة بس اللي خربها البوتات مو معقولة ادخل قيم نص اللي موجودين بوتات كأنها لعبة جوال ، لعبتها كم ساعة وحذفتها اما باتلفيد 5 بالنسبة لي ممتازة وممتعة وقضيت فيها ساعات كثيرة وبعد مالعبتها عدل شفت الجيم بلاي أخف وأمتع من باتلفيد ١ اللي قضيت فيها مئات الساعات وتضل باتلفيد ١ من أساطير العاب الشوتر ، أتمنى الجزء الجديد يرجعني لأيام باتلفيد ١ والجودة والمتعة

 

[Dr3awy]

@Cloud_no_sora
@Dr3awy

ابغى رايكم انتم خصوصا في اول 14 ثانية

اوه مين يتوقع لقطات انفنتري بس 😛

كلامكم عن فينس هذا مثير للريبة ، أجل تايتن فول وايبكس ؟ مدري ايش الاضافة الجاية بعد الجرابل هوك لكن للاسف خلاص مات الحماس للساند بوكس تبعهم ، تايتن فول مع طور رانكد محترم ممكن اتحمس مع هبة الهيرو شوتر

 

[Terminator]

آخر افضل جزئ لهم وللحين العبه هو BF3
من العرض القصير ذكرني ب BF3, اتمنى يكون قد المستوى

 

[Othmane]

اوه مين يتوقع لقطات انفنتري بس 😛

كلامكم عن فينس هذا مثير للريبة ، أجل تايتن فول وايبكس ؟ مدري ايش الاضافة الجاية بعد الجرابل هوك لكن للاسف خلاص مات الحماس للساند بوكس تبعهم ، تايتن فول مع طور رانكد محترم ممكن اتحمس مع هبة الهيرو شوتر

الانفنتري راس مال السلسلة

كلامنا عن فينس بسبب انو كل الالعاب الي مسكها ناجحة، ايضا من حديثه عن باتلفيلد تعرف انه انسان فاهم وش يبي اللاعب بالضبط... وفكرة Battlefield Labs بتساعدهم كثيرا.

بالنسبة لي، بكون راضي لو ما في اي اضافات على الساندبوكس، لانو الي صار 2042 من غرابل هوك واجنحة للاعبين عدم روح اللعبة، ما تحسها باتلفيلد اصلا. كل الي تحتاجه احيانا تسوي اضافات صغيرة بس عشان ما يخرب كور حق اللعبة.

اتمنى يرجعوا للخرائط الصغيرة، مع 32 ضد 32 لاعب فقط. لانو الخرائط الكبيرة عدمت المتعة للاسف، تحصل نفسك تمشي خمس دقائق بدون ما تقابل عدو اصلا.

 

[abdullah-kh]

 

[Dark_N11]

تقدر تقتل امريكان و اجانب في انشارتد حتى الإشباع

 

[R E D]

أحس بدخلونا بسالفة مالها أول ولا آخر

لا تخربون الموضوع حذرت نركز على محتوى اللعب.

 

[DINO CRISIS]

خسارة باتلفيليد 2042

مع إني من محبي سلسلة باتلفيليد لكني ما اقتنعت اشتريها
فكرة انك لازم تكون متصل بالإنترنت طوال الوقت أمر سيء جداً
طيب النت ممكن يقطع عندي في أي وقت...
أتوقع ماكان فيها طور للقصة
وهذا أسوء شيء يحصل لأي لعبة

عرض اللعبة الجديدة حلو

لكن يبدو لي في بلد عربي...

هوه مافيه تغيير الا تكون ألعاب المنظور الأول في الحرب العالمية أو بلد عربي...
طفشنا من هذا القالب

 

[bits]

تواجدت من أول يوم في العاب بالفيلد السابقة. وكل جزء من بعد الرابع يحبطني أكثر من الي قبله. حماسي قل كثير لها وثقتي في الفريق تكاد تكون معدومة.

 

[Terminator]

تواجدت من أول يوم في العاب بالفيلد السابقة. وكل جزء من بعد الرابع يحبطني أكثر من الي قبله. حماسي قل كثير لها وثقتي في الفريق تكاد تكون معدومة.

اتفق, عن نفسي حتى الرابع لما رجعت له قبل فترة ماقدرت ابلعها مع انها آخر الاجزاء الحلوة
ولكن BF3 اللي دايما مميز واتمنى الجزء الجديد يعطونا شي شبيه ل 3

 

[Ria]

اما باقي أحد يتحمس للسلسلة؟؟؟ الشركة هذي من كثر تخبطاتها تحسها out of date حرفياً شركة عايشه بسنة 2014 ماهي قادره تواكب أي شيء اليوم حتى تيزر باتل فيلد الجديدة كأنه لعبة من سنة 2011 لول (ضحبن)


ما أدري ليه للحين ما طردوا الCEO حقهم طول بزيادة بكرسيه ما راضي يقوم عنه.

 

[Othmane]

تسربت لقطات من اسلوب اللعب "نسخة الالفا"
كأنها باتلفيلد 4 لكن طريق الجري ما عجبتني وتحسها ثقيلة