hits counter

لما تتحمس للعبة تتابع كل العروض ولا تسحب عليها كلها ولا ويش؟

بوسيف39

بوسيف39

True Gamer
عن نفسي متحمس للعبة Metaphor: ReFantazio والسبب الثلاثي الي اشتغل على برسونا 3-5 اشتغل عليها، أي نفس المخرج ونفس مصمم الشخصيات ونفس المؤلف الموسيقي.

لاحظت نفسي كل مرة أتحمس للعبة يمكن أتابع أول عرض لها وبعدها أسحب وأطنش تقريبا كل شي دعائي لها عشان أدخل عليها عمياني، أو بأقل معلومات ممكنة وأشوف هذا يحسّن تجربتي مع الألعاب بحيث ما أدخل عليها وانتظر شي شفته بالدعايات ويطلع غير موجود، وأحب اللعبة تصدمني وأظن الدعايات ممكن تخرب الصدمة.

ماذا عنكم؟
 
بوسيف39 قال:
لاحظت نفسي كل مرة أتحمس للعبة يمكن أتابع أول عرض لها وبعدها أسحب وأطنش تقريبا كل شي دعائي لها عشان أدخل عليها عمياني، أو بأقل معلومات ممكنة وأشوف هذا يحسّن تجربتي مع الألعاب بحيث ما أدخل عليها وانتظر شي شفته بالدعايات ويطلع غير موجود، وأحب اللعبة تصدمني وأظن الدعايات ممكن تخرب الصدمة.

ماذا عنكم؟
أنقر للتوسيع...

نفسك

الاول اتابع كل شي
 
على حسب ....اذا كان العرض يركز على الجيمبلاي ومافيه حرق أتابعه
 
بوسيف39 قال:
لاحظت نفسي كل مرة أتحمس للعبة يمكن أتابع أول عرض لها وبعدها أسحب وأطنش تقريبا كل شي دعائي لها عشان أدخل عليها عمياني، أو بأقل معلومات ممكنة وأشوف هذا يحسّن تجربتي مع الألعاب بحيث ما أدخل عليها وانتظر شي شفته بالدعايات ويطلع غير موجود، وأحب اللعبة تصدمني وأظن الدعايات ممكن تخرب الصدمة.
أنقر للتوسيع...
MOSU قال:
نفسك

الاول اتابع كل شي
أنقر للتوسيع...
واحد ثالث هنا، وفقط مؤخرا صرت اسويها بعد قرصة كينجدوم هارتس ٣…

ممكن اشوف تريلر ثاني وثالث في حال لو لعبة ما جذبتني من اول تريلر.
 
العاب كوجيما العروض جزء من التجربة الكاملة فاحرص اشوفها كلها كاملة
 
أتابع أول عرض

تحمست ؟ > أنتظر المراجعات

ما تحمست ؟ > أتابع/ أنتظر عروض ثانية للعبة ، إذا ماشدتني خلاص

الفيز الثاني

المراجعات 80 ؟ > ممتاز ، أنتظر اللعبة

المراجعات تحت 80 ؟ > أتابع قيم بلاي اول نص ساعة وممكن أفتح لقطات عشوائية من مراجعة حتى أقتنع أو أمتنع
 
عنوانها, كم صورة لها, كلام السينبايز عنها. لو كل هذا ما كان كافي عشان يجذبني, ما رح اعطيها وجه. أما العروض مستحيل أشوفها وأنا أتحسس من الحرق. حتى آخر فترة صرت ما أشوف عروض ال CG الي ممكن تعطيني فكرة عن الشخصيات والمناطق @_@
 
اشياء فيها حرق احاول اتجنبها بس بعض الالعاب احب ادخلها بدون ما اشوف اي شي عنها بتاتا !
 
شي واثق من مستواه وعارف اني بلعبه ما اتعب نفسي اتابع كل عرض له، اول عرض اثنين ويمكن اي عرض ثاني القطه لما يكون جزء من الدايركتات والمؤتمرات، شي زي ميتافور يكفي اول تريلر وذاك الاستعراض المطول اللي وضح جوانب اللعبة، بعدها سحبة تامة على الرغم من انهم مغرقين الدنيا بالعروض والجيمبلاي كل يومين ثلاث

بس نفترض سلسلة اعرفها لكن حصل لها ريبوت، تغيير شامل بالجيمبلاي والمظهر على سبيل المثال، هنا راح اتعمق اكثر بالعروض والجيمبلاي عشان اعرف بالضبط شعوري وايش التغييرات والميكانكس الجديدة والاشياء الجديدة عليها ولأي درجة تثير اهتمامي

الاستثناء من ذا كله عروض العاب الفايتنج، مافي احلى من تشوف تريلر كل شخصية باللعبة سواء في تغيير جيمبلاي ضخم او مجرد iteration للاجزاء السابقة، هذي من امتع مافيها
 
اذا ناوي اخذها ١٠٠٪؜ ما اشوف العروض. شي تعلمته بعد mgsv tp. كوجيما حرق اللعبه كامله وتقريبا كل مشهد باللعبه تشوف جزء منه بالتريلر.
الأفضل دائما الابتعاد عن التريلرات دام انك ناوي اللعبه.
 
venom_snake قال:
اذا ناوي اخذها ١٠٠٪؜ ما اشوف العروض. شي تعلمته بعد mgsv tp. كوجيما حرق اللعبه كامله وتقريبا كل مشهد باللعبه تشوف جزء منه بالتريلر.
الأفضل دائما الابتعاد عن التريلرات دام انك ناوي اللعبه.
أنقر للتوسيع...
المثال اللي دايم يجي ببالي، صح أنك تشوف كل شيء دون سياق لكن يصير كل شيء عندك مألوف وهذا ممكن يقلل الإنبهار من اللعبة ويسهل توقع الأحداث.
 
أحللهم تحليل بس الفترة الأخير صرت أسحب يمكن مليت
 
اذا كنت متحمس للعبه اتابع كل شيء لها حتى انطباعات عشاق اللعبه . ومايهمني حرق او لا.
واحيانا من الحماس الزايد اتابع ستريمر يبثها (لاني مستحيل اشتري لعبه بالسعر الكامل ) وبعدين اشتريها .
واذا ماتحمست طبعا ماراح اتابع شيء لكن اشيك على المراجعات .
 
اذا كانت اللعبه عنوان يديد وعجبتني من اول عرض (بشرط في لقطات قصه وجيمبلاي) فخلاص ما اتابع شي لين أشتريها، اذا شوي متردده فأجوف لها عرض ثاني ومن هني اقرر، واوقف متابعه من بعدها سواءا اقتنعت فيها او لا.
اذا عرض لسلسله أعرفها فأشاهده مقطّع ان اسوي skips عشان لا تحترق علي القصه (بالنسبه لي كل شي حرق P: )، عرض واحد لا أكثر والمهم اجوف شي من الجيمبلاي.
اذا عرض لأحد ألعاب نومورا او يوشيدا هذا عاد بس أول 5 ثواني من القصه، و10 ثواني من الجيمبلاي + اخر ثانيه لو في موعد الاصدار، هالبشر مب ثقه ويحبون الحرق وتقريبا ضامنه شغلهم (عدا فف16 جفت لها كم عرض مب مقنع وسحبت عليها)

بالنسبه للتقاييم والانطباعات فما أقرا الا شي بسيط، بس اتأكد من خلو اللعبه من قلة الادب.
 
بشوف اول العروض عشان اخذ فكرة عن اللعبة بشكل عام واذا عجبتني بسحب عليها عشان ما احرق ع حالي شي وفي يوم المراجعات بحب اشوف مراجعات تحديدا السلبيات والايجابيات فقط
 
يجب تسجيل الدخول أو التسجيل كي تتمكن من الرد هنا.
عودة
أعلى