الموضوع الرسمي للمواضيع العشوائية (2) | الرجاء مراجعة الرد الاول
Hugo
عابر سبيل
وليش مظلم؟
بالنسبه لي اشوف عيوبها في استهلاكها الشديد للطاقة تضغط على الشبكات المحلية وكذلك تتطلب تبريد مستمر واستهلاك هائل للمياة وفي منطقة الخليج من الافقر في العالم في المياة العذبة لازم تستخدم مياة محلاة من البحر وتدور في حلقة مفرغة من الاستهلاك واستخدام النفط علشان تنتج الطاقة مع تلوثات بيئية الوضع غير مستدام.
هذا من غير سوالف الذكاء الاصطناعي وكيف يشكل خطر على البشرية بدون ضوابط وقوانين الواحد ما يدري وين يلقي وجهه من هالمستقبل الضبابي.
جُرَيْج
وارِقُ وَيلْز
من هذي الناحية فالمملكة حاليًا وسّعت منظومتها للطاقة بشكل خيالي!
- أنظمة طاقة متجددة مثل مزارع الرياح ومحطات الطاقة الشمسية، قرابة الـ30 مشروع وتم تشغيل أكثر من النصف.
- محطات الطاقة الـ CCGT الجديدة المضافة إلى المنظومة، فكرتها تستفيد من العوادم لإنتاج المزيد من الطاقة.
- محطات الطاقة التقليدية والمنظومة الأصلية الموجودة منذ القدم، التي تعتبر من الأكثر إنتاجًا في العالم.
حسب كلام طارق أمين "مدير هيوماين" في بودكاست ثمانية:
المملكة عندها المقدرة أنها تشغّل مراكز بيانات 220 ضعف الموجودة في إمريكا مع بنية الطاقة الموجودة عندها!
ماعندي خلفية عن هذي للامانة، لكن مش الاصل حنا في الخليج نعتمد على التحلية منذ القدم؟
عندنا في نجد مياه جوفية، لكن المنطقة الشرقية والرياض في السعودية كلها عبارة عن مياه محلاة من مياه البحر.
تكلمت عنها في الأعلى.
هنا ما اقدر أجادلك، لكن الفكرة الأساسية هي محاولة دخول السباق ولو متأخر، مانعرف وش يصير في المستقبل السياسي.
Hugo
عابر سبيل
اذا يعتمدون على مصادر متجددة وطاقات نظيفة نقطة كبيرة تحسب لهم لكن الاعتماد على الوقود الاحفوري والنفط راح يكون الاوسع نطاقا على الارجح وصراحة ما الومهم تشوف دول مثل الصين وامريكا تنادي بحماية البيئة وضاربه بقوانين تخفيف البصمة الكربونيه وتقليل الانبعاثات عرض الحائط ليش باقي العالم يهتم قمة النفاق.
Co Mu
Hardcore Gamer
خخخخخ محسسني أن الدماغ البشري يشتغل بشكل سحري أو بطريقة غيبية. حتى هو "معادلات" لكن بطريقة مختلفة شوي وفيها تعقيد وتداخل (كهرباء وكيمياء) من نوع مختلف. وحتى لو الدراسات حوله لسه ما اكتملت وفيه أشياء لازال في نوع من الغموض لكن نتحدث بالعموم. يعني بنفس منهجك أقول مثلا مافيه شيئ اسمه ذكاء بشري وأدخل في شرح الطريقة المجردة لعمل الدماغ على المستوى الأدنى (خلايا عصبية تتواصل بإشارات كهربائية وكيميائية وتتعلم بتقوية أو إضعاف الروابط بينها حسب التجربة) ثم أستنتج بما أن طريقة العمل على المستوى الأدنى مفهومة إذن ما فيه قدرات على مستوى أعلى تستحق الإعجاب (استنتاج، خيال...الخ)!!!!!!!!!. ترى هذه القدرات المتقدمة نحن كبشر اتفقنا نسميها ذكاء ووعي فهذه الكلمات مجرد مصطلاحات. لا وأعطيك مثال أيضا أن الإنسان لو لقنته طول حياته معلومات خاطئة فقط وماكان عنده فرصة للتجربة والتعلم والتصحيح راح يتعلم أشياء خاطئة مش بطريقة سحرية راح ينزل عليه وحي يصحح له!
أيضا: معالجة البيانات وحل المشكلات وتحقيق الأهداف حتى لو الظروف تغيرت والعقبات ظهرت -تكيف- والتعلم من الخبرات السابقة... كل هذا يعتبر ذكاء حسب التعريفي الاصطلاحي. ما ينفع تنكره.
Eye
Banned
كيف حالك انت؟ طيب؟
طبيعي يروج لهالكلام ليبيع شركته، بس خلنا نشوفه على ارض الواقع.
يعني امريكا حسب ما سمعت اخر شيء عندها +٥٠٠٠ مركز بيانات، بكلامه ذا يتوقع نشغل فوق المليون داتا سينتر في الكم سنة الجاية؟ كلام خيال علمي مع احترامي
نص الاعتماد مياه تحلية ومش اعتماد كلي، لسه مياه الامطار والمياه الجوفية مهمة وتمثل النصف الثاني من الاعتماد، ولذلك دائما أئمة المساجد يدعون بالغيث وتقام احيانا صلوات الاستسقاء
بجميع الاحوال الفكرة العامة: كونه نص الاحتياج لمياه تحلية فهذا للشرب وحياة السكان، انه تجيب مليون داتا سينتر يزاحم على مصادر المياه ذي، اللي نصها اساسا يحتاج لطاقة وتشغيل ولكنه مهم وضروري للبشر، فهذا عبث واهدار للموارد، في مجال اصلا وصل لدرجة "انفقاع الفقاعة" في كوريا والصين الريدي، ما اشوف اي شركة محلية هنا تصمد بالانفقاع ذا، مش حتى اقدر اشوف OpenAI بكبرها تنجو واشوف منافسينها هم اللي بيتبقون بالنهاية.
جُرَيْج
وارِقُ وَيلْز
هو يتكلم من ناحية الطاقة مو من ناحية المركز نفسه
الـ 5000 مركز بيانات هذا كم يستهلكوا GW سنويًا؟ المملكة تقدر تتحمل حتى 220 ضعف ذاك
وكلامك صحيح، غالبًا كلامه ترويج.
ما اختلف وذكرت سابقًا اني ماعندي خلفية.
