احم احم
😀
مدري وش تبغون تعرفون.. بس لسى مجرب (ومازلت العب) دانس سنترال.
الـ voice recognition رهيب!
😀 لازم كل ماتبغى تعطي امر.. تقول اول شي "xbox" بعدين تعطي امر. الحلو ان الأوامر تطلع قدامك.. يعني تقدر تقراهم ويوريك وش تقدر تقول. الصوت قوي.. يتعرف علي على بُعد مسافة بعيدة بشكل كافي.
الـ ID recognition خورافي بعد. في البداية لازم تسوي تيست طويل وجدا .. تقريبا 10 دقايق تسوي حاجات يقولكياها علشان يتعرف على الأبعاد في المكان اللي حولك وحجمك الشخصي. السيء انك لازم تكون على مسافة معينة.. يعني لو قربت اكثر من المسافة اللي هو محددها لك يبدأ الـ visual recognition يخرف.. خاصة لما تصير قريب مرة. يعني كل ماابعدت اكثر كل ماصار افضل التعرّف على حركتك. الحلو بالموضوع ان الكاميرا تتحرك (فوق تحت يمين يسار) حتى لو تحركت انت.. يعني مسألة ان ابعادك تتغير لما تقرب او تبعد او تلوي جسمك لحركة معينة (في الرقص مثلا) يتفاعل معاها ولا يعتبرها حركة مجهولة. تقدر تستخدم الكنترولر اثناء استخدامك لجسمك. بس كل واحد منهم يلغي الثاني.. يعني لو ضغطت زر .. يوقف الـ recognition والعكس صحيح.
انطباعاتي عن لعبة دانس سنترال. اللعبة خورافية.. بس تحتاج مسافة .. يبيلك توفر لها مساحة جيدة .. اقل شي غرفة 4×4 إذا تبي تتحرك بحريّة. ولا تلبس نعال P: لأن فيه حركات تمسح رجلك بالأرض with slow flow ويبغالها ياشرابات ياحافي هههه. الأغاني المتوفرة 4 .. بس تنفتح لك اغاني زيادة كل ماخلصت الحاليات بـ 4 نجمات او اعلى. اللعبة خورافية... اي احد يقدر يرقص.. لأن فيه طور تعليمي قبل ماتبدأ اي اغنية .. Break it down.. يقسم لك الأغنية لأقسام كثيرة حسب صعوبتها .. ويخلي الحركات على قروبات متناسبة علشان تتعلمها بشكل اسرع. وكل حركة تقدر تسوي فيها slow motion وتناظر بالضبط كيف يسويها وتسوي معاه بسلو موشن بعد .. لين ماتتعود على الحركة وبعدين تقدر ترجعها لسرعتها الأصلية متى مابغيت. انا اللحين اقدر اسوي حركات Poker Face - Lady GaGa على طور الـ Hard بشكل افضل مما كنت اتوقع اني اسويه! حسيت اني رهيب لوهلة
😀 لا انسى ان فيه ليدربورد تقدر تشوف فيها شغل الناس الثانية.. فيه نظام تشالنج .. لو فيه شخص ثاني معاك تقدر ترقصون سوا.. ماجربتها لأني اللحين انتظر شلة اخوياي بيجون بعد نص ساعة وجايز مايجون ابدا لأن الساعة 12 اللحين
😛 لذا ماادري كيف مقدار الإستجابة لشخصين بنفس الوقت..
ادري اني ماغطيت كل الجوانب في انطباعاتي بس من جد ماتحسفت على اي شي ... يكفي ان الجهاز + لعبة كينكت ادفنتشر = 150$ .. يعني تقريبا الجهاز بـ 100$ بس! اسطورة .. هذا كل اللي اقدر اقوله عن شغل مايكرو
🙂
* ملاحظة: لعبة دانس سنترال غطت على جست دانس بمرااااحل على نظام التعليمي حقهم الرهيب! دقيق جدا!! *
اللي يبي يسأل عن حاجات معينة انا ماتكلمت عنها يسأل..
😉
:
